მიმდინარე ვერსია 2.2
გთხოვთ, ყურადღებით გაეცნოთ წინამდებარე წესებსა და პირობებს Airticket.ge-ს სერვისებით სარგებლობამდე. ვებ-გვერდის გამოყენება, ბილეთის დაჯავშნა ან/და შეძენა (მათ შორის საბანკო გადმორიცხვით) ავტომატურად ნიშნავს, რომ მომხმარებელი სრულად და უპირობოდ ეთანხმება ქვემოთ მოცემულ პირობებს.
1. ზოგადი დებულებები
1.1. წინამდებარე წესები არეგულირებს ვებ-გვერდის Airticket.ge (შემდგომში "სააგენტო" ან "სერვისი") გამოყენების პირობებს. სააგენტოს ფიზიკური მისამართია: საქართველო, ქ. თბილისი, ი. გაგარინის ქ. N5. 1.2. Airticket.ge წარმოადგენს პლატფორმას და შუამავალ რგოლს მომხმარებელსა და მესამე პირებს (ავიაკომპანიები, სასტუმროები, ტურ-ოპერატორები, დაჯავშნის გლობალური სისტემები) შორის. 1.3. მომხმარებელი აცნობიერებს და ეთანხმება, რომ Airticket.ge-ს მეშვეობით ბილეთის შეძენისას, ძირითადი ხელშეკრულება (გადაზიდვის ხელშეკრულება) ფორმდება უშუალოდ მომხმარებელსა და ავიაკომპანიას (გადამზიდავს) შორის.
2. სააგენტოს სტატუსი და თანხმობა ავიაკომპანიის წესებზე
2.1. ბილეთის საფასურის გადახდით (ვებ-გვერდზე ან პირდაპირი საბანკო ტრანზაქციით), მომხმარებელი ადასტურებს, რომ გაეცნო და სრულად ეთანხმება როგორც სააგენტოს, ისე კონკრეტული ავიაკომპანიის ტარიფის წესებს, ბარგის პოლიტიკას და გადაზიდვის პირობებს (Conditions of Carriage). 2.2. ავიაკომპანიების წესები საჯაროა და ნებისმიერ მომხმარებელს შეუძლია მათი ხილვა შესაბამისი გადამზიდავის ოფიციალურ ვებ-გვერდზე. 2.3. სააგენტო არ არის პასუხისმგებელი ავიაკომპანიის მიერ საკუთარი წესების შეცვლაზე, ფრენის განრიგის ცვლილებაზე, დაგვიანებასა თუ რეისის გაუქმებაზე.
3. ბილეთის შეცვლა, გაუქმება და თანხის დაბრუნება (Refund)
3.1. შეძენილი ავიაბილეთის გაუქმება, თარიღის შეცვლა და თანხის დაბრუნება რეგულირდება მხოლოდ და ექსკლუზიურად ავიაკომპანიის მიერ დადგენილი წესებით. 3.2. დაბალბიუჯეტიანი (Low-cost) ავიაკომპანიების (მაგ: Air Arabia, Wizz Air, Pegasus და სხვ.) ბილეთები, როგორც წესი, არის არადაბრუნებადი (Non-refundable). 3.3. რეისის გაუქმების ან ბილეთის დაბრუნების შემთხვევაში, სააგენტო მომხმარებელს უბრუნებს მხოლოდ იმ თანხას, რომელსაც ფიზიკურად დააბრუნებს ავიაკომპანია სააგენტოს ანგარიშზე. ავიაკომპანიის მიერ თანხის დაკავების (ჯარიმა, კრედიტად გადაქცევა) შემთხვევაში, სააგენტო იხსნის ფინანსურ პასუხისმგებლობას. 3.4. სააგენტოს მომსახურების საკომისიო (ასეთის არსებობის შემთხვევაში) ბილეთის გაუქმებისას უკან არ ბრუნდება, რადგან დაჯავშნის მომსახურება უკვე გაწეულად ითვლება.
4. ფორსმაჟორი (Force Majeure)
4.1. სააგენტო თავისუფლდება ყოველგვარი პასუხისმგებლობისგან და ფინანსური ვალდებულებისგან, თუ მომსახურების გაწევა (ფრენის შესრულება) შეუძლებელი გახდა დაუძლეველი ძალის (ფორსმაჟორის) გარემოებების გამო. 4.2. ფორსმაჟორულ გარემოებებს განეკუთვნება (მაგრამ არ შემოიფარგლება): საომარი მოქმედებები, ტერორისტული აქტები, სამოქალაქო არეულობა, გაფიცვები, ეპიდემია/პანდემია, სახელმწიფო საზღვრებისა და საჰაერო სივრცის ჩაკეტვა, ბუნებრივი კატაკლიზმები და ნებისმიერი სხვა მოვლენა, რომელიც სცდება სააგენტოს კონტროლს. 4.3. ფორსმაჟორის დროს ავიაკომპანიების მიერ რეისების მასობრივი გაუქმებისას, ალტერნატიული ფრენების მოძიება და კომპენსაციის/თანხის დაბრუნების საკითხი წყდება უშუალოდ ავიაკომპანიის რეგულაციების და საერთაშორისო საავიაციო სამართლის მიხედვით.
5. მომხმარებლის პასუხისმგებლობა
5.1. მომხმარებელი თავად არის პასუხისმგებელი ჯავშანში მითითებული პერსონალური მონაცემების (სახელი, გვარი, დაბადების თარიღი, პასპორტის მონაცემები) სისწორეზე. 5.2. მომხმარებელი ვალდებულია ფლობდეს მგზავრობისთვის საჭირო ყველა მოქმედ დოკუმენტს (პასპორტი, ვიზა, სამედიცინო ცნობები). სააგენტო არ აგებს პასუხს საზღვრის კვეთისას წარმოქმნილ პრობლემებზე. 5.3. საიტის გამოყენებისას იკრძალება ნებისმიერი სახის ავტომატიზირებული სისტემის (ბოტები, სკრაპერები) გამოყენება, რამაც შეიძლება ხელი შეუშალოს საიტის გამართულ მუშაობას.
6. დავების გადაწყვეტა და იურისდიქცია
6.1. ნებისმიერი უთანხმოება, რომელიც შეიძლება წარმოიშვას წინამდებარე წესებიდან გამომდინარე, მხარეები შეეცდებიან მოაგვარონ მოლაპარაკების გზით. მომხმარებელმა პრეტენზია წერილობით უნდა გამოაგზავნოს სააგენტოს ოფიციალურ ელექტრონულ ფოსტაზე. 6.2. შეთანხმების მიუღწევლობის შემთხვევაში, დავა განიხილება საქართველოს მოქმედი კანონმდებლობის შესაბამისად, საქართველოს სასამართლოებში.
7. წესებში ცვლილებების შეტანა
7.1. სააგენტო იტოვებს უფლებას, ნებისმიერ დროს, ცალმხრივად შეიტანოს ცვლილებები წინამდებარე წესებში. 7.2. ცვლილებები ძალაში შედის Airticket.ge-ს ვებ-გვერდზე მათი გამოქვეყნებისთანავე. მომხმარებლის მიერ საიტის შემდგომი გამოყენება ნიშნავს განახლებულ წესებზე თანხმობას.