კოლომბო (შრი-ლანკა) ავიაბილეთები

მრავალი წლის განმავლობაში კოლომბო შრი-ლანკის დედაქალაქი იყო და ბევრი მიიჩნევს, რომ იგი დღემდე რჩება . სინამდვილეში, ფორმალურად დედაქალაქი 1982 წლიდან შრი-ჯაიავარდენეპურა-კოტე გახდა, რომელიც სხვა რამდენიმე დასახლებულ პუნქტთან ერთად დიდი კოლომბოს შემადგენლობაში შედის.

ეს ძალიან დიდი მეგაპოლისია, რომელიც დაყოფილია რამდენიმე ერთმანეთისგან ძალიან განსხვავებულ რაიონად . ქალაქმა განიცადა ბერძნების, რომაელების, არაბების, სპარსელების, ჰოლანდიელების, ინგლისელებისა და პორტუგალიელების გავლენა . ამიტომ, დღეს ყველა ეს კულტურა არქიტექტურულ ტრადიციებსა და ძეგლებში არის ასახული . მაგრამ საფუძველი – რა თქმა უნდა, აზიის ნათელი, კოლორიტული და მჩქეფარე ცხოვრებაა.

მოგზაურთათვის, კოლომბო ხშირად ხდება სატრანზიტო პუნქტი კურორტებისკენ მიმავალ გზაზე, მაგრამ ისინი, ვინც მის სანახავად მინიმუმ ორ დღეს გამოყოფს, ჩვეულებრივ კმაყოფილი რჩებიან: აქ უამრავი არაჩვეულებრივი ღირსშესანიშნაობა, კარგად განვითარებული ტურისტული ინფრასტრუქტურა და კეთიგანწყობილი ადგილობრივი მოსახლეობაა . აქ პლაჟიც არის, ასე რომ შეგიძლიათ მოგზაურობა ოკეანეზე დასვენებასთან შეათავსოთ.

როგორ ჩავიდეთ კოლომბოში

აეროპორტიდან ქალაქში

ბანდარანაიკეს საერთაშორისო აეროპორტი ქალაქიდან 35 კილომეტრში მდებარეობს . ცენტრში მოსახვედრად შეგიძლიათ გამოიყენოთ ავტობუსი, მატარებელი ან ტაქსი.

#187 ავტობუსი აეროპორტსა და ცენტრალურ ავტოსადგურს აკავშირებს, ხოლო #240 მარშრუტი რკინიგზის სადგურამდე მიდის . მგზავრობას დაახლოებით ერთი საათი სჭირდება და გამგზავრებას 5:30 საათიდან 21:00 საათამდე შეძლებთ . აეროპორტიდან რკინიგზის სადგურამდე მატარებლებიც მოძრაობენ, თუმცა გამგზავრების სადგური აეროპორტიდან ერთ კილომეტრში მდებარეობს, ზოგიერთი მგზავრი აქ ტუქ-ტუკით მიემგზავრება, უმეტესობა კი ფეხით მიდის . მატარებლით 30-40 წუთი იმგზავრებთ.

ცენტრში მოხევდრის ყველაზე მოსახერხებელი გზა ტაქსით მგზავრობაა, რომლის ხანგრძლივობა დამოკიდებულია საცობებზე (30-60 წუთი) და ღირებულება 1800 შრი-ლანკის რუპია (LKR) .

დიდი კომპანიებისთვის მომგებიანია მინივენის დაქირავება: 8 ადამიანის მგზავრობისთვის 2200 რუპის გადაიხდით.

ტრანსპორტი

ქალაქში გადაადგილების საუკეთესო საშუალება ტუკ-ტუკია . მგზავრობის საფასური – ან მანძილის მიხედვით, ან ჩასხდომამდე შეთანხმებით . მოკლე მგზავრობა 150 რუპი ეღირება (2-3 კმ), უფრო გრძელი – 300 რუპი (დაახლოებით 8 კმ).

ქალაქში ასევე კურსირებს ოფიციალური ტუკ-ტუკი, მათი იდენტიფიცირება შესაძლებელია უნიკალური შეფერილობით (რომელსაც შრი-ლანკის ტურისტული ოფისი კურირებს) . მძღოლები კეთილგანწყობილი არიან ტურისტების მიმართ და მათ ადგილმდებარეობის ორიენტაციაში ეხმარებიან . ტუკ-ტუკი შესაძლებელია ქუჩაში გააჩეროთ ან ტელეფონით შეუკვეთოთ (24 საათის განმავლობაში): (0712) 500-800 ან (0772) 299-299.

ტაქსი ტურისტებს შორის მეორე ყველაზე პოპულარული ტრანსპორტია (უფრო უსაფრთხო და კომფორტული ვიდრე ტუკ-ტუკი) . როგორც წესი, ავტომობილები აღჭურვილია მრიცხველებით . ქალაქგარეთ გამგზავრება 300 რუპი დაგიჯდებათ, მაუნტ-ლავინიაზე – 700-850 რუპი.

2010 წლის იანვრიდან, შრი-ლანკის კომერციული დედაქალაქი შეგიძლიათ ორსართულიანი ავტობუსით შემოიაროთ . სპეციალური ტური ქალაქის ფარგლებში სასტუმრო „გოლ ფეისიდან“ (ყველაზე ძველი კოლომბოში) იწყება 8:30 საათზე . ზედა ღია სართული საშუალებას მოგცემთ არა მხოლოდ იხილოთ, არამედ შეიგრძნოთ ქალაქი მთელი თავისი დიდებით.

ველოსიპედი არცთუ ისე პოპულარული ტრანსპორტის სახეობაა კოლომბოში, მაგრამ სურვილის შემთხვევაში ქირაობა მრავალ სასტუმროში შეგიძლიათ . არსებობს რუსულენოვანი სერვისებიც კი, რაც ველოსიპედის ქირაობაში დაგეხმარებათ . ზოგიერთი ახალგაზრდული ჰოსტელი ორბორბლიანი ტრანსპორტის უფასო გამოყენებას სთავაზობს . მაგრამ ინფრასტრუქტურა არ არის კარგად განვითარებული, მეტწილად გზის სავალ ნაწილზე მოგიწევთ სეირნობა, საგზაო მოძრაობა კი აქ ძალიან დაძაბულია.

გარდა ამისა, ქალაქში არის დიდი ნავსადგური, სადაც არა მხოლოდ სატვირთო, არამედ სამგზავრო ბორანი კურსირებს, საიდანაც შეგიძლიათ გააგრძელოთ მოგზაურობა ინდოეთში ან მალდივებზე.

სასტუმროები კოლომბოში