AVIABILETEBI.ORG AT HOME: 5 იდეა, თუ როგორ უნდა აღმოჩნდეთ საზღვარგარეთ სახლიდან გაუსვლელად

არსებული მდგომარეობით თუ ვიმსჯელებთ, მომდევნო რამდენიმე კვირის განმავლობაში ქართველებს მოელით საინტერესო მოგზაურობა სამზარეულოდან მისაღებ ოთახში, შთამბეჭდავი ტურები დერეფანში და შემეცნებითი ექსკურსიები ოთახიდან ოთახში . COVID19-ის შესაჩერებლად საქართველოს მთავრობამ დაიწყო კამპანია „დარჩი სახლში“, მაგრამ ჩვენ დარწმუნებული ვართ, რომ ეს არ არის მიზეზი მოგზაურობის დავიწყებისთვის . ჯერ ერთი, ახლა მათ დასაგეგმად საკმაოდ ბევრი დრო გაქვთ, და მეორეც, „საზღვარგარეთ“ სახლის პირობებშიც შეგიძლიათ მოაწყოთ . არ გჯერათ ? გთავაზობთ 5 იდეას იმის შესახებ, თუ როგორ შეგიძლიათ აღმოჩნდეთ საზღვარგარეთ სახლიდან გაუსვლელად.

საფრანგეთი

რატომ არ უნდა გამოვიყენოთ ეს დრო იმისათვის, რომ ჩავწვდეთ ჭეშმარიტად ფრანგულ art de vivre-ს ? ეს მარტივზე მარტივია . თქვენ დაგჭირდებათ ერთი ბოთლი ფრანგული ღვინო და … პრინციპში, ეს საკმარისია 🙂 მაგრამ, თუ საკითხს უფრო საფუძვლიანად მივუდგებით, შეგიძლიათ დაამატოთ შემდეგი ელემენტები.

უყურეთ:

1. ამელი (2001 წ.)
2. 1+1 (2011 წ.)
3. ტაქსი 1-5 (1998-2018 წწ.)
4. ლეონი (1994 წ.)
5. პატარა ნიკოლიას არდადეგები (2014 წ.)

უსმინეთ: ZAZ – Zaz (2010)

მიირთვით: მინიმუმ – ბაგეტი, კამამბერი და ღვინო, ხოლო თუ გსურთ თქვენი კულინარიული უნარები გამოიყენოთ, მოამზადეთ ხახვის წვნიანი, რატატუი, გრატენი, კიში ან სალათა ნისუაზი . ეს მარტივი კერძებია, ამიტომ დიდ დროს არ წაგართმევთ, მაგრამ ოჯახის წევრებს ნამდვილად ასიამოვნებთ.

დალიეთ: ფრანგული ღვინო თქვენი გემოვნებით.

იტალია

ბოლო ორი კვირის განმავლობაში, მოგზაურებისთვის საყვარელი იტალია არა მხოლოდ რავიოლისთან, ფლორენციელი მხატვრების ტილოებთან და ვენეციის არხებთან ასოცირდება, არამედ ევროპაში კორონავირუსით ყველაზე მეტად დაზარალებულ ქვეყანასთან . დიახ, იტალიას მძიმე დრო დაუდგა, მაგრამ ამით იგი უფრო ნაკლებად როდი გვიყვარს . მოდით მხარი დავუჭიროთ იტალიას და სახლში dolce vita-ს კუთხე მოვაწყოთ.

უყურეთ:

1. ჭირვეულის მორჯულება (1980 წ.)
2. დიდებული სილამაზე (2013 წ.)
3. შენი სახელი დამიძახე (2017 წ.)
4. ტოსკანის მზის ქვეშ (2003 წ.)
5. ნიჭიერი მისტერ რიპლი (1999 წ.)
6. ანგელოზები და დემონები (2009 წ.)
7. მალენა (2000 წ.)

ყველას, ვისაც რომის სევდა იპყრობს, ვთავაზობთ შერჩეულ ფილმებს მარადიული ქალაქის შესახებ, ხოლო თუ ვენეციას აღმერთებთ, აქ დააწკაპუნეთ.

უსმინეთ: Adriano Celentano – Per Sempre

მიირთვით: მოამზადეთ კლასიკური პასტა კარბონარა, ბოლონიეზე ან ლაზანია, ბრუსკეტა მოცარელათი და პომიდვით, ხოლო დესერტად – ტირამისუ .

ხოლო თუ საჭმლის მომზადება არ გსურთ, არ იწვალოთ – შეუკვეთეთ პიცა – ეს ყოველთვის წაუგებელი ვარიანტია.

დალიეთ: ლიმონჩელო აპერეტივზე, ხოლო ვახშამზე შეგიძლიათ პროსეკო დააგემოვნოთ . სურვილისამებრ შეგიძლიათ თქვენში ბარმენი გააღვიძოთ და მოამზადოთ ნეგრონი, აპეროლი ან ბელინი . არ სვამთ ? მაშინ დალიეთ ლიმონათი და წარმოიდგინეთ, რომ ამალფის სანაპიროზე სიცხისგან თავის დაღწევას ცდილობთ.

ესპანეთი

ჩვენ გვესმის, რომ საკმაოდ პრობლემატურია ამ ნაცრისფერ შუა მარტში სახლში შექმნათ ყველაზე ცხელი ესპანური სიესტა . მაგრამ მოდით, ვცადოთ მაინც!

ნახეთ:

1. ვიკი, კრისტინა, ბარსელონა (2008 წ.)
2. ზაფხულის ღამე ბარსელონაში (2013 წ.)
3. შაშხი, შაშხი (1992 წ.)
4. ტკივილი და დიდება (2019 წ.)
5. მაპატიე სიყვარულისთვის (2014 წ.)

უსმინეთ: Luis Fonsi – VIDA

მიირთვით: დაიწყეთ პაელიით, შეაგროვეთ ტაპასის თეფში და თუ თავსატეხი გჭირდებათ, მოამზადეთ მადრიდული წვნიანი.

დალიეთ: სანგრია

გერმანია

ეჰ, ახლა ბერლინში რომ ვიყოთ: გავისეირნებდით უნტერ-დენ-ლინდენის ქუჩაზე, კროიცბერგის ბარებს ვეწვეოდით, მივირთმევდით ბრეტცელსა და ლუდს Klunkenkranich-ში . სამწუხაროა…

ნახეთ:

1. ბერლინო, მე შენ მიყვარხარ (2019 წ.)
2. სხვების ცხოვრება (2006 წ.)
3. კომისარი რექსი (1994-2004 წწ.)
4. ატომური ქერა (2017 წ.)
5. გაიქეცი, ლოლა, გაიქეცი (1998)
6. ცა ბერლინის თავზე (1987)

უსმინეთ: Rammstein – Ramstein (2019 წ.)

მიირთვით: რატომ არ უნდა სცადოთ სწორედ იმ ლეგენდარული Mustafa Kebab-ის მომზადება?

როგორც მინიმუმი, იმ უზარმაზარ რიგში დგომა არ მოგიწევთ, რომელიც ყოველთვის თან ახლავს ბერლინის ამ დელიკატესს . აქ ყველაზე დეტალური რეცეპტი შეგიძლიათ იხილოთ.

დალიეთ: Club-Mate ან რა თქმა უნდა, ლუდი.

ნიდერლანდები

რასაკვირველია, არაერთი ასეული მოგზაური გეგმავდა უახლოეს კვირებში ამსტერდამში თავგადასავლების საძიებლად გამგზავრებას, კეკენჰოფის ტიტების მინდვრებით თუ როტერდამის ფუტურისტული არქიტექტურით ტკბობას.

ნახეთ:

1. ტიტების ცხელება (2017 წ.)
2. გოგონა მარგალიტის საყურით (2003 წ.)
3. ევროტური (2004 წ.)
4. მამაკაცი გამოძახებით 2 (2005 წ.)
5. ქალაქი კატის თვალებით (2018 წ.)

უსმინეთ: Martin Garrix – In the Name Of Love

მიირთვით: ნიდერლანდები წარმოუდგენელია Haring-ის გარეშე . ეს არის ტრადიციული ჰოლანდიური ქაშაყი მარინადში . რა თქმა უნდა, ჩვენი ქაშაყი ცოტა განსხვავებულია, მაგრამ რას იზამთ, როგორღაც უნდა შეეგუოთ . ფრთხილად იყავით: როგორც გჩვევიათ, შესაძლოა ქაშაყთან პიურეს მომზადება მოისურვოთ, მაგრამ ჩვეულებრივ, ჰოლანდიელები ასე არ იქცევიან, ამიტომ გაუძელით ამ ცდუნებას.

დალიეთ: ნიდერლანდების მთავარი ნაციონალური სასმელი – ჟენევერი – ადგილობრივი ჯინი ღვიითა და სანელებლებით.