ნორვეგია ოსლოს ავიაბილეთები

ოსლო

1000 წლის წინ დაარსებულმა ოსლომ დედაქალაქის სტატუსი მხოლოდ 1905 წელს ნორვეგიის სამეფოს აღდგენის შემდეგ მიიღო. მისი ტერიტორიის სამი მეოთხედი – ნამდვილი „ქალაქის შემოგარენია“: ტყეები, ტბები, კუნძულები – გეოგრაფიული ცენტრიც კი უზარმაზარი ტყის მასივში მდებარეობს. ოსლო ერთადერთი დედაქალაქია მსოფლიოში, სადაც ზამთარში შეგიძლიათ თხილამურებით ისრიალოთ, ზაფხულში კი ზღვაში იბანაოთ და პლაჟზე დაისვენოთ.

ამასთან, ოსლოში ათეულობით გალერეა, დაახლოებით 50 მუზეუმი და უჩვეულოდ მდიდარი კულტურული ცხოვრებაა. ყოველი სტუმარი აქ საკუთარ ოსლოს იპოვის. ვიღაც – სამეფოს დედაქალაქს, რომელსაც ყველასათვის საყვარელი მეფე და დედოფალი მართავს, ვიღაც კი – თანამედროვე ხელოვნების ქალაქს, სადაც ყველაზე გამბედავი არქიტექტურული პროექტები ხორციელდება, როგორიცაა ოპერის თეატრის ფუტურისტული შენობა, რომელიც ოსლო-ფიორდის სანაპიროზე დამჯდარ უცხოპლანეტელთა ხომალდს ჰგავს.

როგორ ჩავიდეთ ოსლოში

საქართველოდან ოსლოში მოსახვედრათ ყველაზე კარგი ვარიანტია ფრენა. პირდაპირი რეისები საქართველოს აეროპორტიდან არ ხორციელდება. თბილისიდან ტრანზიტული რეისები სრულდება სტამბულის, კიევის, მოსკოვის, ვარშავის ან რიგის გავლით. ძირითადად ოსლოში დაფრინავენ შემდეგი ავიაკომპანიები: თურქეთის ავიახაზები, უკრაინის ავიახაზები, აეროფლოტი, ლოტი, ეარბალტიკი. საშუალო ფრენის ხანგრძლივობა 6-9 საათს შეადგენს. ქუთაისის აეროპორტიდან ოსლოს მიმართულებით ტრანზიტული ფრენები არ ხორციელდება. შეგიძლიათ ცალკე ბილთი შეიძინოთ რომელიმე ევროპული დედაქალაქის მიმართულებით და შემდეგ იქიდან ცალკე ავიაბილეთით გაფრინდეთ ოსლოში. ბათუმის აეროპორტიდან რეისებს ოსლოში მხოლოდ თურქეთის ავიახაზები ასრულებს.

ავიაბილეთები ოსლოს მიმართულებით

ავიაბილეთები ოსლოს მიმართულებით

ფრენები ოსლოს მიმართულებით

ნორვეგიის მიმართულებით საქართველოდან მხოლოდ ტრანზიტული რეისები ხორციელდება, ამ ეტაპზე პირდაპირი რეისები არ სრულდება. ფრენები ქვეყნის სამივე აეროპორტიდან ხელმისაწვდომია და ძირითადად სტამბოლში გადაჯდომით.

გამგზავრებადაბრუნებაგაჩერებაავიაკომპანიაფასი
27 მარ 202414 აპრ 20241 ᲒაჩერებაairBaltic920 -დან
31 მარ 20247 აპრ 20241 ᲒაჩერებაLOT Polish Airlines1 313 -დან
2 აპრ 202410 აპრ 20241 ᲒაჩერებაTurkish Airlines1 158 -დან
4 აპრ 20243 მაი 20241 ᲒაჩერებაairBaltic857 -დან
5 აპრ 202415 აპრ 20241 ᲒაჩერებაQatar Airways4 008 -დან
6 აპრ 20244 მაი 20241 ᲒაჩერებაPegasus Airlines961 -დან
8 აპრ 202430 აპრ 20241 ᲒაჩერებაLOT Polish Airlines1 728 -დან
10 აპრ 202415 აპრ 20241 ᲒაჩერებაPegasus Airlines735 -დან
12 აპრ 202416 აპრ 20241 ᲒაჩერებაTurkish Airlines1 158 -დან
20 აპრ 202427 აპრ 20241 ᲒაჩერებაLOT Polish Airlines961 -დან
28 აპრ 20241 მაი 20241 ᲒაჩერებაLufthansa1 239 -დან
2 მაი 202410 მაი 20241 ᲒაჩერებაairBaltic808 -დან
4 მაი 20244 მაი 20241 ᲒაჩერებაPegasus Airlines1 117 -დან
16 მაი 202421 მაი 20241 ᲒაჩერებაairBaltic832 -დან
20 მაი 202425 მაი 20241 ᲒაჩერებაairBaltic876 -დან
26 მაი 20242 ივნ 20241 ᲒაჩერებაPegasus Airlines1 285 -დან
3 ივნ 202417 ივნ 20241 ᲒაჩერებაQatar Airways3 320 -დან
13 ივნ 202425 ივნ 20241 ᲒაჩერებაTurkish Airlines1 644 -დან
15 ივნ 202413 ივლ 20241 ᲒაჩერებაLOT Polish Airlines1 947 -დან
17 ივნ 202425 ივნ 20241 ᲒაჩერებაTurkish Airlines1 644 -დან
24 ივნ 202415 ივლ 20241 ᲒაჩერებაLOT Polish Airlines1 310 -დან
1 ივლ 202425 ივლ 20241 ᲒაჩერებაPegasus Airlines1 022 -დან
2 ივლ 202410 ივლ 20241 ᲒაჩერებაPegasus Airlines1 083 -დან
6 ივლ 202413 ივლ 20241 ᲒაჩერებაQatar Airways2 775 -დან
10 ივლ 202424 ივლ 20241 ᲒაჩერებაTurkish Airlines1 181 -დან
14 ივლ 202420 ივლ 20241 ᲒაჩერებაTurkish Airlines1 110 -დან
21 ივლ 202428 ივლ 20241 ᲒაჩერებაTurkish Airlines1 117 -დან
22 ივლ 202428 ივლ 20241 ᲒაჩერებაairBaltic1 019 -დან
23 ივლ 202430 ივლ 20241 ᲒაჩერებაTurkish Airlines1 122 -დან
27 ივლ 20242 აგვ 20241 ᲒაჩერებაairBaltic1 130 -დან
30 ივლ 20248 აგვ 20241 ᲒაჩერებაLOT Polish Airlines1 507 -დან
1 აგვ 202429 აგვ 20241 ᲒაჩერებაairBaltic1 038 -დან
3 აგვ 20241 სექ 20241 ᲒაჩერებაAustrian Airlines2 600 -დან
4 აგვ 202431 აგვ 20241 ᲒაჩერებაTurkish Airlines1 164 -დან
5 აგვ 202420 აგვ 20241 ᲒაჩერებაairBaltic1 031 -დან
6 აგვ 202421 აგვ 20241 ᲒაჩერებაairBaltic982 -დან
8 აგვ 20247 სექ 20241 ᲒაჩერებაLOT Polish Airlines1 315 -დან
13 აგვ 202414 აგვ 20241 ᲒაჩერებაPegasus Airlines1 827 -დან
27 აგვ 20243 სექ 20241 ᲒაჩერებაPegasus Airlines1 606 -დან
2 სექ 202414 სექ 20241 ᲒაჩერებაairBaltic1 071 -დან
17 სექ 202425 სექ 20241 ᲒაჩერებაairBaltic980 -დან
21 სექ 202425 სექ 20241 ᲒაჩერებაPegasus Airlines1 085 -დან
7 ნოე 202411 ნოე 20241 ᲒაჩერებაLOT Polish Airlines869 -დან
8 ნოე 202412 ნოე 20241 ᲒაჩერებაLOT Polish Airlines943 -დან
21 დეკ 20241 იან 20251 ᲒაჩერებაairBaltic733 -დან
22 დეკ 20243 იან 20251 ᲒაჩერებაairBaltic770 -დან
12 იან 202522 იან 20251 ᲒაჩერებაLOT Polish Airlines824 -დან

ქუთაისი – ოსლო ავიაბილეთები

გამგზავრებადაბრუნებაგაჩერებაავიაკომპანიაფასი
26 მარ 20242 აპრ 20241 ᲒაჩერებაPegasus Airlines760 -დან
29 მარ 20249 აპრ 20241 ᲒაჩერებაWizz Air880 -დან
30 მარ 20242 აპრ 20241 ᲒაჩერებაWizz Air1 234 -დან
1 აპრ 20247 აპრ 20241 ᲒაჩერებაWizz Air1 069 -დან
20 მაი 202425 მაი 20241 ᲒაჩერებაWizz Air799 -დან
27 მაი 202430 მაი 20241 ᲒაჩერებაWizz Air655 -დან
30 ივნ 202428 ივლ 20241 ᲒაჩერებაPegasus Airlines975 -დან
1 აგვ 202430 აგვ 20241 ᲒაჩერებაPegasus Airlines1 146 -დან

ფრენები ბათუმიდან ოსლოს მიმართულებით

გამგზავრებადაბრუნებაგაჩერებაავიაკომპანიაფასი
30 მარ 20246 აპრ 20242 ᲒაჩერებაTurkish Airlines1 647 -დან
2 აპრ 20249 აპრ 20241 ᲒაჩერებაTurkish Airlines1 591 -დან

იაფი ავიაბილეთების კალენდარი თბილისი ოსლო

ტრანსპორტი

მეტროს, ავტობუსის, ტრამვაის და საბორნე მარშრუტები მთელ ქალაქს ფარავს და საშუალებას მოგცემთ მის ნებისმიერ წერტილში სწრაფად მოხვდეთ. ყველგან ერთიანი ბილეთი მოქმედებს, რომელიც შეგიძლიათ შეიძინოთ ბილეთების ავტომატებში, 7/11 ქსელურ მაღაზიებში, სპეციალიზებულ და გაზეთების კიოსკებში. ერთსაათიანი ბილეთი 35 NOK ღირს (მძღოლთან შეძენის შემთხვევაში 55 NOK), 24-საათიანი – 105 NOK, ერთკვირიანი – 249 NOK. ბავშვებისა (4-15 წლის ასაკის) და პენსიონერებისთვის (67 წელზე მეტი ასაკის) ბილეთის საფასური 2-ჯერ დაბალია. ფასები ვებ-გვერდზე მითითებულია 2018 წლის ოქტომბრის მდგომარეობით.

უბილეთო მგზავრობის შემთხვევაში ჯარიმა 750-900 NOK შეადგენს.

ორსართულიანი საექსკურსიო ავტობუსი City Sightseeing Oslo (ოფიციალური ვებ-გვერდი ინგლისურ ენაზე) აპრილიდან სექტემბრის ჩათვლით 9:30 საათიდან 17:00 საათამდე წრიული მარშრუტით მოძრაობს და ნორვეგიის დედაქალაქის ყველაზე საინტერესო ადგილებში 18 გაჩერებას აკეთებს. მოძრაობის ინტერვალი 30 წუთია, მოზრდილთათვის/ბავშვებისთვის ბილეთების ღირებულებაა 300/150 NOK და 24 საათის განმავლობაში მოქმედებს.

ავტობუსის ტურის ანალოგია ზაფხულის მინი-კრუიზი City Cruise პატარა გემით (ოფიციალური ვებ-გვერდი ინგლისურ ენაზე), Hop-on-Hop-off სისტემითა და 5 გაჩერებით. გამგზავრებას ოპერასთან მდებარე სანაპიროდან შეძლებთ, დღეში 5 რეისი სრულდება 9:45 საათიდან 15:45 საათამდე, 24 საათის განმავლობაში მოქმედი ბილეთების საფასურია მოზრდილთათვის/ბავშვებისათვის – 225/120 NOK.

ტაქსი სპეციალურ სადგომზე შეგიძლიათ იპოვოთ, ქუჩაში გააჩეროთ ან ტელეფონით გამოიძახოთ. ჩასხდომის საფასურია – 45 NOK, შემდეგ 14,50 NOK ყოველ 1 კმ-ზე, მინიმალური მგზავრობა 119 NOK დაგიჯდებათ. საღამოს (5 საათის შემდეგ) და ღამის საათებში (10 სთ-ის შემდეგ), შაბათ-კვირას და დღესასწაულებზე ტარიფები იზრდება 20, 40 და 60%-ითაც კი.

ოსლოს და მის შემოგარენის ტურები ადგილობრივი გიდებისგან თქვენს მოგზაურობას უფრო ამაღელვებელს და თავგადასავლებით სავსეს გახდის, შეამოწმეთ ჩვენი შემოთავაზებები და დაჯავშნეთ საუკეთესო ფასად

ველოსიპედის ქირაობა

Oslo Bysykkel ველოსიპედების გაქირავების ქსელის ოფიციალური პუნქტები (ოფიციალური ვებ-გვერდი ინგლისურ ენაზე) ღიაა 6 საათიდან 00:00 საათამდე მარტიდან ნოემბრის ჩათვლით. ქსელის გამოყენების ტურისტული ბარათის ღირებულებაა 100 NOK, მოქმედების ვადაა – 24 საათი, გირაოს ოდენობა – 3400 NOK (იბლოკება საბანკო ბარათზე); მისი შეძენა ქალაქის რატუშასთან მდებარე საინფორმაციო ოფისში შეგიძლიათ. მოძრაობა დაშვებულია მხოლოდ ქალაქის ფარგლებში.

Oslo Bysykkel

Viking Biking კომპანია (ოფიციალური ვებ-გვერდი ინგლისურ ენაზე) მგზავრობის გეოგრაფიას არ ზღუდავს. ქალაქის ველოსიპედებს იგი უზრუნველყოფს 200/400 NOK-ის საფასურად 24/48 საათის განმავლობაში და 125 NOK-ის საფასურად ყოველ მომდევნო დღეს. სპორტული ველოსიპედის ქირაობა შესაბამისად ღირს 275/550 NOK და 175 NOK.

კავშირი და Wi-Fi

იმისათვის, რომ არ გაკოტრდეთ კავშირის მომსახურების მიღებისას, გირჩევთ სიმ-ბარათი შეიძინოთ ერთ-ერთი ნორვეგიული მობილური ქსელის ოპერატორთან – Telenor, NetCom ან Lebara Mobile. სიმ-ბარათები იყიდება ოფისებში, გაზეთების კიოსკებში, 7/11 ქსელის მინი-მარკეტებში და ბენზინგასამართ სადგურებში.

კარგი ვარიანტია Lebara Mobile-ის MyCall სიმ-ბარათი 49 NOK-ის საფასურად, რომლის ნახევარი ბარათზე დაგერიცხებათ. ნორვეგიაში აბონენტთან საუბრის ერთი წუთი 0,49 NOK დაგიჯდებათ, ხოლო ზარი საქართველოში სტაციონარულ/მობილურ ტელეფონზე – 0,69/1,99 NOK. თითოეული ზარისთვის კავშირის დამყარების ღირებულებაა 0,99 NOK. მათ, ვისაც ინტერნეტ ტრაფიკის დიდი მოცულობა ესაჭიროება, მობილური ინტერნეტის პაკეტს შეუძლიათ შეუერთდნენ 1/3/6/10 GB – 79/149/219/299 NOK-ის საფასურად. ბალანსის შესავსებად სპეციალურ ბარათებს იყენებენ, რომლებიც იქვე იყიდება.

ერთი MyCall სიმ-ბარათიდან მეორეზე (MyCall) დარეკვისას მხოლოდ კავშირის დამყარების საფასური ჩამოგეჭრებათ.

ნორვეგიის დედაქალაქში უფასო Wi-Fi-სთან დაკავშირების პრობლემები არ შეგექმნებათ. იგი ხელმისაწვდომია აეროპორტში და რკინიგზის სადგურში, ქალაქის ყველა სასტუმროში, კვების დაწესებულებებში, მუზეუმებსა და საზოგადოებრივ ადგილებში.

Oslo Pass ტურისტული ბარათი ნამდვილი საჩუქარია, რომელიც თქვენი მოგზაურობის ბიუჯეტის ოპტიმიზაციის საშუალებას მოგცემთ. მისი მფლობელი უფასოდ სარგებლობს საზოგადოებრივი ტრანსპორტით და უფასოდ ეწვევა ქალაქის 30 საუკეთესო მუზეუმსა და სამხატვრო გალერეას, მათ შორის იბსენის მუზეუმს, ოსლოს ეროვნულ გალერეას, ვიკინგების გემების მუზეუმს, ნორვეგიის საზღვაო მუზეუმს, ნორვეგიის ეთნოგრაფიულ მუზეუმს, მუნკის მუზეუმს. გარდა ამისა, ამ ბარათით შეგიძლიათ უფასოდ მიიღოთ მონაწილეობა ქალაქის საფეხმავლო ექსკურსიებში და ეწვიოთ Toyenbadet და Frognerbadet აუზთა კომპლექსებს.

24-საათიანი Oslo Pass 395 NOK ღირს, 48-საათიანი – 595 NOK, 72-საათიანი – 745 NOK. ბავშვებისათვის (4-15 წლის ასაკის) ცალკე ბარათებია – 210, 295 და 370 NOK, პენსიონერებისთვის (67 წელზე მეტი ასაკის) – 315, 475 და 595 NOK.

სასიამოვნო ბონუსი – რიგ რესტორნებსა და მაღაზიებში, ექსკურსიებსა და გასართობ დაწესებულებებში ფასდაკლება გეკუთვნით, მათ შორის 20%-იანი ფასდაკლება ოპერაში ექსკურსიაზე და გასართობ პარკში „ტუსენფრიდი“, 15% – მინი-კრუიზზე City Cruise (72-საათიანი Oslo Pass-ის მფლობელები 100%-იან ფასდაკლებას მიიღებენ).

Oslo Pass იყიდება აეროპორტში განთავსებულ საინფორმაციო ცენტრებში, ცენტრალური რკინიგზის სადგურში, აკერ ბრიუგეს სანაპიროზე და რატუშასთან მდებარე ნავმისადგომზე, ასევე ზოგიერთ სასტუმროსა და მუზეუმში და ონლაინ ოფიციალურ ვებ-გვერდზე (ინგლისურ ენაზე).

ოსლოს პლაჟები

ქალაქის ფარგლებში ყველაზე პოპულარული პლაჟია „ჰუკკოდენი“ ან უბრალოდ „ჰუკი“ ბიგდოის ნახევარკუნძულზე. აქ შეგიძლიათ იმგზავროთ #30 ავტობუსით ეროვნული თეატრიდან ან აკერ ბრიუგეს სანაპიროდან კატერით. კლდოვან სანაპიროს აქ მწვანე მდელობები და პატარა ქვიშიანი ადგილები ენაცვლება. პლაჟის ჩრდილოეთ ნაწილი ნუდისტებს ეკუთვნის. აქვეა უამრავი კაფე, წყლის ველოსიპედის გაქირავების პუნქტი, პლაჟის ფრენბურთის მოედანი. შეზლონგები და ქოლგები არ არის – მათ ფიჭვები და გლუვი კენჭები ანაცვლებენ.

ჩრდილოეთით, „ჰუკიდან“ 10 წუთის სავალ მანძილზე მდებარეობს ლამაზი და ნაკლებად ხალხმრავალი პლაჟი მრავლისმთქმელი სახელით „პარადისბუკტა („სამოთხის ყურე“).

ნორვეგიის ყველა სანაპიროზე შესვლა უფასოა.

ბევრი ნორვეგიელი კუნძულებზე მდებარე სანაპიროებს ამჯობინებს – ოსლოში დაახლოებით 40 ასეთი სანაპიროა. ზოგიერთს აქვს სპეციალური საბანაო სახლები კიბით, რომელიც პირდაპირ წყალში ჩადის. 100 წელზე მეტი ხნის წინ მათ ტანისამოსის გამოსაცვლელად, ხოლო კონტრაბანდისტები ალკოჰოლის უკანონო ვაჭრობისთვის იყენებდნენ. კუნძულებზე სწრაფად მგზავრობას შეძლებთ საბორნე მიმოსვლით აკერ ბრიუგესთან ახლომდებარე ვიპეტანგენის ტერმინალიდან. #3 ბორანი წრიული მარშრუტით მოძრაობს კუნძულებამდე ჰოვედოი, ლინდოი და ნაკჰოლმენი, #94 ბორანი – ლანგეიელენმდე გრძელი ქვიშიანი პლაჟით, რომელიც შესანიშნავია ბავშვებთან ერთად დასვენებისთვის. თბილი წყლის მოყვარულებს შეუძლიათ აირჩიონ პლაჟები სონგვანის ტბაზე, სადაც ძალიან დამრეცი ნაპირი და ყველა საჭირო ინფრასტრუქტურაა.

სამთო თხილამურები

ზამთრობით ნორვეგიაში ყველა – პატარიდან დიდამდე, თხილამურებზე დგება. ოსლოს ქალაქის ფარგლებში 2600 კმ-ის ტრასაა მოწყობილი სარბენი და სამთო თხიმალურებისთვის.

ოსლოს საზოგადოებრივ ტრანსპორტში გამოყოფილია სპეციალური ადგილი სათხილამურო აღჭურვილობისთვის.

დედაქალაქის ყველაზე დიდი სათხილამურო კურორტია – ზამთრის პარკი „ტრივანი“ (ოფიციალური ვებ-გვერდი ინგლისურ ენაზე), რომელიც ჰოლმენკოლენის რაიონის ზედა ნაწილში მდებარეობს. აქ ქალაქის ცენტრიდან 20 წუთში შეძლებთ ჩასვლას – ჯერ მეტროთი 1 ხაზის Frognersetern სადგურამდე, შემდეგ კი საკურორტო შატლით.

„ტრივანაში“ ნებისმიერი სირთულის 18 ტრამპლინია – შავიდან მწვანემდე 81 მ-მდე სიმაღლეთა მაქსიმალური სხვაობით. ყველაზე გრძელი – 1500 მეტრი სიგრძისაა. ტრამპლინებს 11 საბაგირო ემსახურებათ, მათ შორის ექსპრეს-ლიფტი 6-ადგილიანი სავარძლებით, აქვეა სნოუპარკი მაღალი კლასის ჰალფ ფაიფით და 5 სათხილამურო სკოლა. ღამით ყველა ტრასა განათებულია, სრიალი 22:00 საათამდე შეგიძლიათ. ერთი დღის სათხილამურო ბილეთის ღირებულებაა 430/340 NOK მოზრდილთათვის/ბავშვებისთვის.

სათხილამურო სეზონი ნოემბრის ბოლოდან აპრილის შუა რიცხვებამდე გრძელდება.

ჰოლმენკოლენის ტრამპლინის სათვალთვალო (იგივე სასტარტო) მოედანზე ასვლას თხილამურების გარეშეც შეძლებთ. ეს არის მსოფლიოში ერთ-ერთი პირველი დიზაინერული ტრამპლინი – ნორვეგიის ეროვნული სიამაყე. მის ძირში 450 კმ-ის ვაკე ტრასაა მოწყობილი, სადაც ბიატლონის მსოფლიო თასის ეტაპები იმართება.

ჰოლმენკოლენის ტრამპლინი

ოსლოს სასტუმროები

ოსლოში ყველა კატეგორიის სასტუმროებია – პომპეზური „ხუთვარსკვლავიანებიდან“ დაწყებული მოკრძალებული აპარტ-სასტუმროებით დასრულებული. მათი უმეტესი ნაწილი მიეკუთვნება Radisson, Scandic, Thon, Clarion Collection სკანდინავიურ ქსელებს. ნორვეგიის დედაქალაქის მრავალ სასტუმროს არ აქვს მინიჭებული „ვარსკვლავების“ კლასიფიკაცია, მომსახურების დონით 3-4* შეესაბამება.

მთავარი, რაც ოსლოს ყველა სასტუმროს აერთიანებს – ეს არის განთავსების უზომოდ მაღალი ფასები.

5* სასტუმროები საცურაო აუზებით, სპა-ცენტრებითა და ცხოვრების სხვა სიამოვნებებით მოთხოვნადია წარმატებულ ბიზნესმენებსა და მაღალი თანამდებობის პირებს ორის. პრესტიჟისა და კომფორტის ფასია – 1600-4000 NOK ორადგილიანი ნომრისთვის. 4* ვარსკვლავიანი სასტუმროების ნომრის ღირებულებაა – 1000-1700 NOK, ყველაზე მოთხოვნად 3* სასტუმროებში კი – 800-1400 NOK.

სასტუმროები ოსლო: Expensive

სასტუმროვარსკვლავებიფასდაკლებაფასი ფასდაკლებამდეშეარჩიეთ თარიღები
The Thief★★★★★-33%1 099 733 იხილეთ სასტუმრო
Amerikalinjen★★★★-30%936 655 იხილეთ სასტუმრო
Grand Hotel★★★★★-16%774 647 იხილეთ სასტუმრო
Hotel Christiania Teater★★★★-16%698 586 იხილეთ სასტუმრო
Sommerro★★★★★-19%798 644 იხილეთ სასტუმრო
Karl Johan Hotel★★★★-29%617 435 იხილეთ სასტუმრო
Hotel Bristol★★★★★-28%714 516 იხილეთ სასტუმრო
Clarion Hotel Oslo★★★★-19%544 443 იხილეთ სასტუმრო
Clarion Hotel The Hub★★★★-10%582 522 იხილეთ სასტუმრო
Clarion Collection Hotel Bastion★★★★-17%514 427 იხილეთ სასტუმრო
Thon Hotel Opera★★★★-36%609 390 იხილეთ სასტუმრო
Thon Hotel Cecil★★★★-39%603 367 იხილეთ სასტუმრო
Clarion Collection Hotel Savoy★★★★-10%501 449 იხილეთ სასტუმრო
Radisson Blu Plaza Hotel, Oslo★★★★-9%593 542 იხილეთ სასტუმრო
Scandic St. Olavs Plass★★★★-23%495 383 იხილეთ სასტუმრო
Scandic Victoria★★★★-16%471 396 იხილეთ სასტუმრო
Quality Hotel Hasle Linie★★★★-20%430 344 იხილეთ სასტუმრო
Thon Hotel Linne★★★★-31%460 318 იხილეთ სასტუმრო
Scandic Sjølyst★★★★-32%568 389 იხილეთ სასტუმრო
Scandic Oslo City★★★★-17%514 427 იხილეთ სასტუმრო

ჰოსტელები მათი არჩევანია, ვინც ფულის თვლას არის შეჩვეული. ორადგილიანი ნომერი სველი წერტილით 660-720 NOK ღირს. დიდი კომპანიით შეგიძლიათ 8 ადგილიან ნომერში განთავსდეთ – 1840-2080 NOK ყველასათვის, ან მხოლოდ საწოლი ოთახში – 230-260 NOK. ჰოსტელში თეთრეულისა და პირსახოცების საფასური ცალკე უნდა გადაიხადოთ – 45-70 NOK ადამიანზე. კიდევ ერთი ბიუჯეტური ვარიანტია – ბინა მინი სამზარეულოთი მათთვის, ვისაც თავად სურს საკვების მომზადება. ფასი 650 NOK-დან.

სასტუმროები ოსლო: Cheap

სასტუმროვარსკვლავებიფასდაკლებაფასი ფასდაკლებამდეშეარჩიეთ თარიღები
HI Oslo Haraldsheim-12%257 226 იხილეთ სასტუმრო
Central City Hostel-30%219 153 იხილეთ სასტუმრო
Anker Hostel-29%235 167 იხილეთ სასტუმრო
Hotel Verdandi Oslo-32%230 157 იხილეთ სასტუმრო
Anker Apartment – Grünerløkka-20%241 193 იხილეთ სასტუმრო
Comfort Hotel Xpress Youngstorget★★★-32%292 200 იხილეთ სასტუმრო
P-Hotels Oslo★★★-33%246 166 იხილეთ სასტუმრო
DFDS Ferry - Oslo to Copenhagen-19%281 228 იხილეთ სასტუმრო
Smarthotel Oslo★★★-45%308 169 იხილეთ სასტუმრო
The Verdandi Hotel★★★-38%333 205 იხილეთ სასტუმრო
Comfort Hotel Børsparken★★★-26%376 277 იხილეთ სასტუმრო
Citybox Oslo★★★-33%284 191 იხილეთ სასტუმრო
Best Western Plus City Hotel★★★★-31%455 315 იხილეთ სასტუმრო
Cochs Pensjonat★★-27%300 219 იხილეთ სასტუმრო
BJØRVIKA APARTMENTS, Teaterplassen, Oslo city center-12%387 339 იხილეთ სასტუმრო
BJØRVIKA APARTMENTS, Opera Area, Oslo city center-9%398 361 იხილეთ სასტუმრო
Scandic Holberg★★★★-26%411 305 იხილეთ სასტუმრო
Comfort Hotel Xpress Central Station★★★-21%349 277 იხილეთ სასტუმრო
Forenom Aparthotel Oslo★★-24%395 300 იხილეთ სასტუმრო
Forenom Serviced Apartments Oslo Royal Park-14%317 273 იხილეთ სასტუმრო

შოპინგი

მსოფლიოს წამყვანი მაღაზიები წარმოდგენილია კარლ-იოჰან-გატეს საფეხმავლო ქუჩაზე, მათ შორის H&M, Benetton და Zara. აქვეა რამდენიმე დიდი სავაჭრო ცენტრი და უნივერმაღი: Oslo City, Byporten, Glasmagasinet, Steen & Strom, Paleet და Aker Brygge, ხოლო აკერსგატის ქუჩაზე მდებარეობს ნორვეგიაში პოპულარული სადიზაინო სახლი Moods of Norway და House of Oslo ინტერიერის დიზაინსა და ლაიფ-სტილზე სპეციალიზებული ორი ათეული ფირმით.

მდინარე აკერსელვას აღმოსავლეთ სანაპიროზე მდებარეობს ნორვეგიის ახალგაზრდა დიზაინერების საყვარელი ადგილი – გრუნერლოკა. ფროგნერი და ბუგდოი ალე ცნობილია ინტერიერის დიზაინის სალონებითა და ანტიკვარული ნივთების მაღაზიებით. აქ ბევრი ექსკლუზიური ბუტიკია, სადაც ყველაფერი იყიდება, დაწყებული თეთრეულიდან სამზარეულოს მოწყობილობით დასრულებული. გრენლანდში ბევრი მაღაზია იმიგრანტებს ეკუთვნის, რომლებიც ხილით, ბოსტნეულითა და სანელებლებით ვაჭრობენ. აქ კარგი ფასდაკლება შეგიძლიათ მიიღოთ ეგზოტიკურ ქსოვილებზე და ოქროს ნაკეთობებზე. სხვა ცნობილი შოპინგ-ადგილებია: რაიონი მაიორსტუენი, ბოგსტავეინისა და ჰეგდეჰოგსვეიენის ქუჩები.

ოსლოდან ყველაზე მიმზიდველი სუვენირია – ტროლის ფიგურები, ყველაზე პრაქტიკული კი – ნორვეგიული სვიტერები, თბილი და ძვირი. კარგ სვიტერს ქურთუკიც კი შეუძლია შეცვალოს და 1800-2700 NOK ღირს. ძალიან პოპულარულია ვერცხლის სამკაულები რუნიკული სიმბოლიკით და ვიკინგების ყოფილი დიდების ამსახველი სუვენირები: მაგნიტები, მაისურები, ლუდის კათხები. სპეციალიზებულ მაღაზიებში მაგარი ალკოჰოლური სასმელი – სკანდინავიური „აკვავიტი“ იყიდება, რომელიც კარტოფილიდან გამოჰყავთ და კვლიავზე ან ქინძზე აყენებენ. ყველაზე ავთენტური სუვენირია – „როსემალინგი“ – ტრადიციული ყვავილოვანი ფერწერა ხეზე. მე-18 საუკუნეში ნორვეგიელები ავეჯს, კედლებსა და მთელ სახლსაც კი ნათელი ორნამენტებით ამკობდნენ. ახლა ისინი ძირითადად მცირე ფორმებით შემოიფარგლებიან ხის ჭურჭლის, პანოსა და ზარდახშის მოხატვით.

ოსლოს სამზარეულო და რესტორნები

ნორვეგიის სამზარეულო მარტივი და ლაზათიანია. მისი მთავარი ჰიტია „ლუტეფისკი“ – ძალიან სპეციფიკური გემოსი და შესახედაობის მქონე ტუტე ხსნარში ჩაწყობილი გამხმარი ვირთევზა. მაგრამ ზოგიერთი მიიჩნევს, რომ კერძი საკმაოდ გემრიელია. მომდევნო პოპულარული კერძია ქაშაყი და ორაგული – შემწვარი, მარინადში ჩაწყობილი ან შებოლილი. ადგილობრივი სპეციალიტეტია „ოსლოს ქაშაყი“ – მოხარშული ქაშაყის რულეტები თეთრი ნაღების სოუსში. ნებისმიერ კარგ დაწესებულებაში არის კერძები ირმის, ცხენირმის, კაკაბის ხორციდან. ტრადიციულ დელიკატესებს მიეკუთვნება ვეშაპის ხორცის სტეიკი. საუკეთესო თევზის რესტორნები საფირმო კერძებით აკერ ბრიუგეს სანაპიროზე უნდა ეძებოთ. საშუალო ფასის კატეგორიის ბევრი კვების ობიექტი, კაფე და საკონდიტრო მაღაზია რკინიგზის სადგურის ჩრდილოეთით და საკათედრო ტაძრიდან სამეფო სასახლისკენ მიმავალ გზაზე მდებარეობს.

რესტორნებში არ არის მიღებული თანხის „ჩაიზე“ დატოვება, რადგან უკვე ჩათვლილია ანგარიშში.

ოსლოში კვება არ არის იაფი. ქუჩის სწრაფი კვების ღირებულებაა 50-90 NOK, მაკდონალდსის სტანდარტული ნაკრები – 100 NOK, პიცა – 110 NOK, იაფ რესტორანში სადილი – 160 NOK და კარგი ვახშამი 400 NOK ერთ პერსონაზე. სასმელების ფასებიც მაღალია: კაპუჩინო – 36 NOK, სახლის ღვინის ბოკალი – 70 NOK, ლუდი – 60 NOK, კოქტეილი – 110 NOK. აზიური სამზარეულოს რესტორნები უფრო ჰუმანურია: როლები – 70 NOK, ქათამი ბრინჯითა და ბოსტნეულით – 90 NOK, ოსპის წვნიანი – 50 NOK.

შეზღუდული ბიუჯეტის შემთხვევაში – გეზი პირდაპირ სასურსათო ბაზრებისკენ ან ქსელური სუპერმარკეტებისკენ უნდა აიღოთ: Rimi, KIWI, Lidl, შემდეგ კი – პიკნიკზე ოსლოს ერთ-ერთ პარკში.

ოსლო ბავშვებისთვის

ოსლო იმით არის კარგი, რომ ყველა ზღაპრით შეუძლია დაასაჩუქროს. მთავარია არ იხმაუროთ ღია ცის ქვეშ მდებარე ნორვეგიის ეთნოგრაფიულ მუზეუმში, როდესაც ფუღუროიანი ხის გვერდით ჩაივლით, – მაშინ აქედან პატარა ტროლების სიმღერის მოსმენას შეძლებთ, რომლებსაც მუსიკას მოხუცი ბეწვიანი ტროლი ასწავლის. აქ მდგომი ბუსნოთი გადახურული გლეხების ძელური სახლები, ხიმინჯებზე აგებული ბეღლები, პატარა ფანჯრებიანი ქოხები – მსოფლიოს სხვადასხვა რეგიონიდანაა შეკრებილი.

სოფლის შენობების გვერდით აღდგენილია ქალაქის მთელი კვარტალი ხითა და აგურით აშენებული სახლებით, საბაყლო მაღაზიით, აფთიაქით, ბანკით, წყალსატუმბით და ოსლოს ცენტრიდან ჩამოტანილი ხის ციხითაც კი. აქ შეგიძლიათ ცხენების ძველებური ოთხთვალით გაისეირნოთ, ტრადიციული უმარილო კვერები დააგემოვნოთ, რომლებსაც ეროვნულ ტანისამოსში გამოწყობილი გლეხის ქალი აცხობს, ხოლო კვირაობით ფოლკლორული წარმოდგენა იხილოთ მე-8 საუკუნის ხის ეკლესიის წინ.

მაგრამ ნამდვილი ზღაპარი აქ შობის დღეებში დგება, როდესაც ნორვეგიელი თოვლის ბაბუა – იულენისენი მეუღლესთან ნისემურთან ერთად და საჩუქრების უზარმაზარი ტომრით დატვირთული, მუზეუმის ქალაქის ქუჩებში აუჩქარებლად სეირნობს.

თეგები: , , , , , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა