14 აპრილს იწყება „სამეფო კარის თამაშები“-ს მერვე, საბოლოო სეზონი. შემქმნელებმა სიურპრიზი მოუმზადეს ყველას, ვინც არ არის მზად სერიალს დაემშვიდობოს და უფრო მეტი სურს გაიგოს მისი კულისების შესახებ, – წერს britishheritage.com

2020 წელს თაყვანისმცემლებს შესაძლებლობა ექნებათ ის სტუდია მოინახულონ, რომელშიც სერიალის მნიშვნელოვანი სცენებია გადაღებული – ჩრდილოეთ ირლანდიის ქალაქ ბანბრიჯში მდებარე Linen Mill Studios-ში. მათ, ვინც ჯონ სნოუს, დაინერისის, ბრიენასა და სხვა გმირების შეყვარება მოასწრო, შთამბეჭდავი ტურები ელოდებათ. ეს იქნება ექსკურსიები, რომლებზეც ერთი წამითაც კი ვერ მოიწყენთ.

სტუმრებს დიდებული დარბაზების, შთამბეჭდავი დეკორაციების, ორიგინალი რეკვიზიტების დათვალიერების საშუალება ექნებათ, მათ შორის ნამდვილი კოსტიუმებისა და იარაღის, რომლებითაც გმირები შვიდი სამეფოს ტახტისთვის იბრძოდნენ. ტურისტებს კულისებს მიღმა მომხდარ ისტორიებს გააცნობენ, და უამბობენ, თუ როგორ მუშაობდა გადამღები გუნდი. ყველას ექნება სუპერშესაძლებლობა იმ ადგილებში გაიაროს, სადაც ვნებათა ღელვა იყო, და სერიალის სულისკვეთება ნათლად შეიგრძნოს.

ტურის დაწყების ზუსტი თარიღისა და ექსკურსიის ღირებულების შესახებ ინფორმაცია მოგვიანებით გავრცელდება.

სერიალის „სამეფო კარის თამაშების“ წყალობით ქვეყანაში დიდი ხანია გაიზარდა ტურისტული ნაკადი. ირლანდიაში უკვე შექმნილია თემატური ავტობუსის ტურები, ასევე ფუნქციონირებს სპეციალური აპლიკაციები ტელეფონებისთვის.

ბანბრიჯი, სადაც Linen Mill Studios მდებარეობს, დუბლინიდან მხოლოდ 113 კმ-ში მდებარეობს.

ყველაზე იაფი ავიაბილეთები თბილისიდან დუბლინი, შემდეგი 1წლის განმავლობაში

გამგზავრება	დაბრუნება	გაჩერება	ფასი
20 სექ 2025	5 ოქტ 2025	1 Გაჩერება	1 017 -დან
9 ოქტ 2025	17 ოქტ 2025	2 Გაჩერება	898 -დან
8 დეკ 2025	15 დეკ 2025	1 Გაჩერება	908 -დან
1 ივლ 2026	14 ივლ 2026	1 Გაჩერება	1 370 -დან