დოლომიტის ალპები

დოლომიტის ალპები: 5 საუკეთესო სამთო-სათხილამურო კურორტი

დოლომიტის ალპებს სამართლიანად უწოდებენ „ყველა მოთხილამურის ოცნებას“, იგი იტალიის ერთ-ერთი ყველაზე თვალწარმტაცი და მაღალმთიანი ადგილია, შეთავსებით კი – ყველაზე დიდი სამთო-სათხილამურო ზონა მსოფლიოში. Aviabiletebi.org გიამბობთ თუ სად უნდა გაჩერდეთ, რა უნდა დაათვალიეროთ და როგორ უნდა გაატაროთ არდადეგები ამ რეგიონში საინტერესოდ.

სამთო-სათხილამურო კომპლექსი Dolomiti Superski

Dolomiti Superski არის სამთო-სათხილამურო ალიანსი, რომელიც 12 მთიან რეგიონს ერთიან სათხილამურო ზონად აერთიანებს 40-ზე მეტი კურორტისთვის. ეს არის ერთი სათხილამურო საშვი 1200 კილომეტრიანი ტრასისთვისა და 460 საბაგიროსთვის, ეს არის შესაძლებლობა არა მხოლოდ იხილოთ იტალიის წარმოუდგენელი სიმაღლის ადგილები, არამედ მრავალ მაღალმთიან რაიონს თხილამურების გახდის გარეშე ეწვიოთ. ტერიტორიაზე ინფრასტრუქტურა კარგად არის განვითარებული: 30-ზე მეტი სნოუ პარკი, ნებისმიერი სირთულის ათეულობით ტრასა, ასზე მეტი კაფე და რესტორანი, უამრავი სკოლა ახალბედა მოთხილამურეებისთვის, გასართობი და სპორტული ცენტრები.

რეგიონი განთქმულია მსოფლიოში ცნობილი Sella Ronda-თი – სათხილამურო ტრასით, რომელიც 4 ხეობას (ვალ-გარდენა, ვალ-დი-ფასა, ალტა-ბადია და არაბე) და წრედ შეკრულ 6 მწვერვალს მოიცავს. მარშრუტის საერთო სიგრძე დაახლოებით 40 კილომეტრია, ხოლო ამ მარშრუტით სათხილამურო გასეირნება – დამსვენებლებისთვის დროის გატარების ერთ-ერთი ყველაზე საყვარელი საშუალება, რადგან არსებობს შესაძლებლობა, რომ მთაგრეხილი ყველა მხრიდან იხილოთ. ამ მარშრუტით გავლა ახალბედა მოთხილამურეებსაც კი შეუძლიათ, საშუალო დრო – 3.5-4.5 საათია.

როგორ ჩავიდეთ?

დოლომიტის ალპების რეგიონში ჩასვლა სხვადასხვა ქალაქიდან შეგიძლიათ, იმის მიხედვით თუ რომელ რეგიონში მიემგზავრებით. უახლოესი ქალაქები, სადაც ჩაფრენა შეგიძლიათ არის ინსბრუკი, ბოლცანო, ვენეცია. ქუთაისიდან ვენეციის მიმართულებით ფრენები 2020 წლის ივლისიდან დაიწყება და ავიაბილეთების ღირებულება 170 ლარიდან ეღირება(ერთი გზა). როგორც ქუთაისიდან ასევე თბილისიდან შესაძლებელია მილანში ჩაფრენა დაბალბიუჯეტიანი ავიაკომპანია რაინაირით ან ვიზეარით ავიაბილეთის ღირებულება 1 გზა 80 ლარიდან იწყება

ავიაბილეთები ამ თვეში Tbilisi-დან Milan-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

21.02.2020

24.02.2020

1 stop

ფასი 624

22.02.2020

25.02.2020

1 stop

ფასი 710

23.02.2020

01.03.2020

1 stop

ფასი 621

24.02.2020

26.02.2020

2 stops

ფასი 537

25.02.2020

03.03.2020

1 stop

ფასი 613

26.02.2020

04.03.2020

Direct

ფასი 552

27.02.2020

03.03.2020

2 stops

ფასი 641

28.02.2020

02.03.2020

1 stop

ფასი 669

29.02.2020

05.03.2020

2 stops

ფასი 617

ავიაბილეთები ამ თვეში Kutaisi-დან Milan-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

20.02.2020

27.02.2020

1 stop

ფასი 298

21.02.2020

28.02.2020

Direct

ფასი 210

22.02.2020

26.02.2020

1 stop

ფასი 345

23.02.2020

26.02.2020

1 stop

ფასი 226

24.02.2020

02.03.2020

Direct

ფასი 166

25.02.2020

29.02.2020

2 stops

ფასი 451

26.02.2020

04.03.2020

Direct

ფასი 136

27.02.2020

04.03.2020

1 stop

ფასი 202

28.02.2020

04.03.2020

Direct

ფასი 140

29.02.2020

04.03.2020

1 stop

ფასი 370

სათხილამურო საშვის ღირებულება

Dolomiti Superski-ს მთელი ზონისთვის სათხილამურო საშვის ღირებულებაა:

დაბალი სეზონი (7.01. – 1.02.2020; 22.03 – 14.04.2020): 1 დღე – 56 ევრო, 1 კვირა – 299 ევრო;

მაღალი სეზონი (22.12.2019 – 6.01.2020; 2.02. – 21.03.2020): 1 დღე – 62 ევრო, 1 კვირა – 332 ევრო.

დოლომიტის ალპების პოპულარული კურორტები

ვალგარდენა

ეს არის დოლომიტის ალპების ერთ-ერთი ყველაზე პოპულარული კურორტი, რომელიც თვალწარმტაც ხეობაში მდებარეობს, სადაც დასვენებას ამჯობინებენ ოჯახები და მეგობართა პატარა კომპანიები. ხეობაში 3 პატარა ქალაქი მდებარეობს: ორტიზეი, სანტა-კრისტინა და სელვა. ვალ-გარდენა განთქმულია თავისი მასშტაბით (175 კმ ტრასა, 83 საბაგირო) და შესანიშნავ ადგილად ითვლება დამწყებთათვის გრძელი დამრეცი ფერდობებით. ამავდროულად აქ ბევრი შავი ტრასაა. სნოუბორდისტებისთვის 2 თემატური პარკია: Funpark Val Gardena და Snowpark Val Gardena.

ვალ-გარდენა შესაფერისია ბავშვებთან ერთად დასვენებისთვის. პირველ რიგში, ეს არის ერთ-ერთი ყველაზე მშვიდი რეგიონი და ხმაურიან ღამის წვეულებებს აქ იშვიათად თუ მართავენ. მეორეც, ბავშვებისთვის აქ არის უამრავი სკოლა ინსტრუქტორებით, „საბავშვო მოედნები“ სპეციალური მოკლე ტრასებითა და გასართობი ცენტრები.

თხილამურებით სრიალის გარდა, ვალ-გარდენა თავის დამსვენებლებს უამრავ გასართობს სთავაზობს: სპა-ცენტრები, სპორტული დარბაზები, საცურაო აუზები, პანორამული რესტორნები ფერდობებზე, მაღაზიები, საციგურაო მოედნები და საინტერესო ექსკურსიები. ვალ-გარდენაში ასევე მასშტაბურად აღნიშნავენ შობასა და ახალ წელს.

განთავსების ობიექტების ფასები: 3* – 125 ევროდან, 5* – 360 ევროდან.

ვალდიფასა

კურორტმა, რომელიც ათეულობით პატარა დასახლებას აერთიანებს, იტალიაში ერთ-ერთი საუკეთესოს დიდება მოიპოვა მომსახურების ხარისხისა და თანამედროვე აღჭურვილობის წყალობით, მაგრამ ამავდროულად აქ უფრო ხელმისაწვდომი ფასებია, ვიდრე დოლომიტის ალპების სხვა კურორტებზე.

ვალ-დი-ფასას ტრასების სიგრძე 200 კმ-ა, რომელთაგან უმეტესი ნაწილი წითელია (105 კმ). ტერიტორიაზე 59 საბაგიროა, მაქსიმალური სიმაღლე – 2950 კმ-ია. ყველაზე პოპულარული სასრიალო ზონაა – Belvedere (2425 მ), ასევე მის ქვეშ მდებარე ტრასები. აქვეა 2 სნოუ პარკი: Buffaure Snowpark და Snowpark Dolomiti, ხოლო ბავშვებისთვის – Kinderpark და სათხილამურო სკოლა ყველაზე პატარებისთვის.

თხილამურებით სრიალისგან თავისუფალ დროს ვალ-დი-ფასას დამსვენებლები აქტიურად ატარებენ: სეირნობენ თოვლმავალით, მარხილში შებმული ძაღლებით, საციგურაო მოედნებზე, ისვენებენ სპა-ცენტრებში, ვარჯიშობენ სპორტულ დარბაზებში, ბანაობენ აუზებში, თამაშობენ ბოულინგს, ერთობიან ადგილობრივ ბარებსა და კლუბებში.

განთავსების ობიექტების ფასები: 3* – 79 ევროდან, 5* – 179 ევროდან.

ალტა-ბადია

კიდევ ერთი თვალწარმტაცი სამთო-სათხილამურო რეგიონი, რომელიც თავის მეზობლებს არ ჩამოუვარდება. აქ 4 მყუდრო ქალაქია: კორვარე, კოლფოსკო, ლა-ვილე და სან-კასიანო, რომლებიც ამავე სახელწოდების მწვერვალებზე მდებარეობს. ალტა-ბადიას მარშრუტების მთლიანი სიგრძე 130 კმ-ია, ძირითადად ლურჯი და წითელი. ტრასებსა და ქალაქებს შორის გადაადგილება საბაგიროთი შეგიძლიათ (რომელთა რაოდენობა აქ 50-ზე მეტია), ისევე როგორც სათხილამურო ავტობუსებით.

ალტა-ბადია უფრო შესაფერისია დამწყები მოთხილამურეებისთვის: მისი მწვერვალები არცთუ ისე მაღალია და აქ საკმაოდ მცირე რაოდენობის რთული, ციცაბო ფერდობებია. აქ სნოუბორდზე სრიალიც აქტიურად ისწავლება, გარდა ამისა არის სნოუ პარკი, ხოლო საფეხმავლო ტურიზმის მოყვარულთათვის აწყობენ თემატურ ლაშქრობებს თხილამურებით, მაგალითად, იმ ადგილებში, სადაც პირველი მსოფლიო ომის მნიშვნელოვანი მოვლენები განვითარდა. ასეთი ექსკურსიების ღირებულება 80 ევროდან იწყება.

რასაკვირველია, სხვა კურორტების მსგავსად, ალტა-ბადიას თავის არსენალში „apres-ski“-ს სტანდარტული ნაკრები აქვს: სპორტული კომპლექსები, საცურაო აუზები, სპა-ცენტრები, ბარები, რესტორნები, ბავშვთა გასართობი ოთახები და ა.შ. გარდა ამისა, რეგიონში უამრავი სანახაობაა: XIV-XV საუკუნეების ძველი ეკლესიები (სანტა-კროჩე და სან-ლეონარდო), ლადინების მუზეუმი, ციხესიმაგრე Ciastel de Tor, ასევე არტ გალერეა Renee.

განთავსების ობიექტების ფასები: 3* – 70 ევროდან, 5* – 199 ევროდან.

კორტინა დამპეცო

შედის უფრო პრესტიჟული, ელიტური კურორტების კატეგორიაში, ასევე შედის რეიტინგში Best of the Alps. ნათელია, რომ აქ ფასები ოდნავ განსხვავებულია, თუმცა დამსვენებლები სანაცვლოდ იღებენ ღირსეულ სერვისსა და მაღალი დონის მომსახურებას. ასევე ითვლება, რომ დოლომიტის ალპების საუკეთესო მთიანი პეიზაჟები სწორედ კორტინა დ’ამპეცოში მდებარეობს.

ეს პატარა საკურორტო ქალაქი ყველა მხრიდან გარშემორტყმულია მთის მასივებითა და ციცაბო კლდეებით. აქ ხელმისაწვდომია 140 კილომეტრიანი ტრასები და 45 საბაგირო, სათხილამურო სკოლები და 2 დიდი სნოუ პარკი, მრავალი საექსკურსიო პროგრამა და საინტერესო მარშრუტი. ტრასების უმეტესობა ორიენტიებულია ახალბედა მოთხილამურეებზე.

გულახდილად რომ ვთქვათ, კორტინა დ’ამპეცო უფრო წარმოადგენს ზონას ლამაზი დასვენებისთვის და აქ გასართობი საშუალებები პოპულარობით არ ჩამოუვარდება თხილამურებით სრიალს. კერლინგი, თოვლის კარტინგი, ძაღლებითა და თოვლმავალით სრიალი, ველოგასეირნება, ციგურაობა, ტრეკინგი და, რა თქმა უნდა, სხვადასხვა წყლისა და სპა-პროცედურები. თქვენ ასევე შეგიძლიათ გაისეირნოთ Natural Park of the Ampezzo-ში, რომელიც გაგაოცებთ თავისი ბუნებით.

რა თქმა უნდა, პრესტიჟულ კურორტზე განთავსებულია მრავალი მაღაზია, ბუტიკი საუკეთესო ბრენდებით კარგი შოპინგისთვის, ასევე ღამის კლუბები, ბარები და რესტორნები, სადაც სასიამოვნო საღამოებს გაატარებთ.

განთავსების ობიექტების ფასები: 3* – 99 ევროდან, 5* – 225 ევროდან.

ჩივეტა

მხოლოდ კარგი გაგებით – „ტიპური კურორტია“, სადაც თავად იტალიელები ამჯობინებენ დასვენებას, თუმცა ზომით სხვა კურორტებს ოდნავ ჩამოუვარდება. სათხილამურო ტერიტორია დაახლოებით 80 კილომეტრია, ტრასების უმეტესი ნაწილი წითელია, ტერიოტრიაზე 25 საბაგიროა, არის სათხილამურო სკოლები, სნოუ პარკი, ისევე როგორც საბავშვო ზონა Piani di Pezz-ში. რამდენიმე ტრასაზე გათვალისწინებულია ღამით სრიალი.

ჩივეტაში აქტიურად ეწყობა საფეხმავლო ტურები, რომელთა დროსაც შეგიძლიათ გაიგოთ არა მხოლოდ პირველი მსოფლიო ომის მოვლენების შესახებ, არამედ მოინახულოთ ყინულის კანიონი და ცხენების მარხილით ისეირნოთ. და, რა თქმა უნდა, ყველაზე აქტიურად დამსვენებლები ცნობილ Sella Ronda-ზე მიემართებიან. ჩივეტას მახლობლად მდებარეობს ტბა მაჯორე, რომელიც თოვლით დაფარულ მწვერვალებთან ერთად წარმოუდგენელ პეიზაჟს ქმნის.

ჩივეტას ქალაქებში უამრავი კლასიკური სასტუმროა, ასევე არის სასტუმრო სახლები უფრო ოჯახური გარემოთი, სადაც მეპატრონეები არა მხოლოდ ქმნიან ოჯახურ ატმოსფეროსა და სიმყუდროვეს, არამედ გიმასპინძლდებიან სახლში მომზადებული ნამდვილი იტალიური კერძებით.

განთავსების ობიექტების ფასები: 3* – 70 ევროდან, 5* – 170 ევროდან.

Posted in ბლოგი, იდეები მოგზაურობისთვის and tagged , , , .