ევროპარლამენტის ტრანსპორტისა და ტურიზმის კომიტეტმა ერთხმად დაუჭირა მხარი ბარგის წესების სტანდარტიზაციის ინიციატივას. ეს ნიშნავს, რომ 2026 წლიდან ავიაკომპანიებს აღარ შეეძლებათ ევროკავშირის ფარგლებში ფრენებზე ხელბარგზე დამატებითი გადასახადის დაწესება.

დაბალბიუჯეტიანი ავიაკომპანიები პოპულარობას იძენენ და მხოლოდ ხელბარგით მგზავრობა მილიონობით ევროპელისთვის ნორმად იქცა. თუმცა, ბოლო წლებში ბევრმა გადამზიდავმა შემოიღო გადასახადები პატარა ზურგჩანთებისა და ჩანთებისთვისაც კი. ეს პრაქტიკა 2026 წლიდან აიკრძალება.

რას წაღებთ უფასოდ?

პატარა ჩემოდანი, რომლის წონა 7 კგ-მდეა (არაუმეტეს 55x40x20 სმ).
ერთი პირადი ჩანთა – ქალის ჩანთა, ზურგჩანთა ან ლეპტოპის ჩანთა.

„ეს არის ნაბიჯი უფრო სამართლიანი და გამჭვირვალე ავიაციის ბაზრისკენ. „ხელბარგი ძირითადი მინიმუმია და არა ფუფუნება“, – განაცხადა ტრანსპორტის კომიტეტის თავმჯდომარის მოადგილემ, მატეო რიჩიმ.

რა არის გადაწყვეტილების საფუძველი?
2014 წელს ევროკავშირის სასამართლომ დაადგინა მგზავრების უფლება, უფასოდ ატარონ გონივრული ზომის ხელბარგი. ახლა ეს წესი სავალდებულო გახდება ევროკავშირის მასშტაბით.

კიდევ რა შეიცვლება მგზავრებისთვის?
12 წლამდე ასაკის ბავშვები უნდა დასხდნენ თანმხლები პირის გვერდით.
შეზღუდული შესაძლებლობის მქონე მგზავრების უფლება, იმგზავრონ თანმხლებ პირთან ერთად დამატებითი გადასახადის გარეშე.
რეისის დაგვიანების ან გაუქმების შემთხვევაში საჩივრების შეტანის გამარტივებული პროცედურა.

რას ამბობენ ავიაკომპანიები?
გადამზიდავებმა უკვე გამოთქვეს უკმაყოფილება. ისინი აფრთხილებენ, რომ ფასიანი ხელბარგის გაუქმებამ შეიძლება გამოიწვიოს საბაზისო ტარიფების ზრდა.