მთავარი » ბლოგი » კრებულები » 20 ადგილი, რომელთა მონახულება ღირს ამსტერდამში
ამსტერდამის კანალი

20 ადგილი, რომელთა მონახულება ღირს ამსტერდამში

ამსტერდამი – ოცნების ქალაქი, ქალაქი-კალეიდოსკოპი და თავისუფლების განსახიერებაა. იგი მუდამ განსხვავებულია, მაგრამ ამავდროულად აქ ყველა იპოვის რაღაც განსაკუთრებულს. ამსტერდამი ყველასთვის თავისებურია – უნიკალური და განუმეორებელი. Aviabiletebi.org-მა თქვენთვის იმ 20 ადგილის სია შეადგინა, რომლებიც ნიდერლანდების დედაქალაქს ყველა მხრიდან თვალწინ გადაგიშლით. 

სტატიის შემადგენლობა

1. რეიკსმუზეუმი

ნიდერლანდების ნამდვილი საგანძური და ქვეყნის ისტორიის გაცნობის საუკეთესო ადგილია. თუ ფიქრობთ რა უნდა მოინახულოთ ამსტერდამში პირველ რიგში, შეგიძლიათ თამამად დაიწყოთ რეიკსმუზეუმით – ყოველ შემთხვევაში, ეს არის ქალაქის ერთ-ერთი ყველაზე ცნობადი შენობა. აქ არა მხოლოდ ოქროს ხანის ჰოლანდიელი ოსტატების ტილოებს იხილავთ, არამედ ხელობისა და ხელოვნებისადმი მიძღვნილ გამოფენებს ეწვევით. ხოლო პატარა სტუმრები აღფრთოვანებული დარჩებიან  XVII საუკუნის თოჯინების სახლების ექსპოზიციით, რომელიც სრულად ასახავს ოქროს ხანის არქიტექტურასა და ყოფას.

მუზეუმი ღიაა 09:00 საათიდან 17:00 საათამდე.

მუზეუმში შესვლა ფასიანია: მოზრდილთათვის ბილეთის საფასურია €17,50, 18 წლამდე ასაკის ბავშვებისთვის შესვლა უფასოა.

2. ტროპიკების მუზეუმი (Tropenmuseum)

სიტყვა „ტროპიკებმა“ არ დაგაბნიოთ. დასახელების მიუხედავად, აქ არ არის არც ნიანგები თუთიყუშებით, არც აკვარიუმი ეგზოტიკური თევზებით. სამაგიეროდ ეს ანთროპოლოგიური მუზეუმი ევროპაში ერთ-ერთი უდიდესია. თქვენს განკარგულებაშია რვა მუდმივი გამოფენა, ასევე თანამედროვე და ტრადიციული ხელოვნებისა და ფოტოგრაფიის მრავალი დროებითი გამოფენა. ასე რომ, თუ გსურთ უფრო ახლოს შეისწავლოთ ერებისა და კულტურების მსოფლიო პალიტრა, მაშინ აქ უნდა მობრძანდეთ!

მუზეუმის სამუშაო საათებია: სამშაბათიდან კვირის ჩათვლით 10:00-17:00. ორშაბათობით მუზეუმი დაკეტილია, მაგრამ თუ დასვენების დღეებს ან არდადეგებს ემთხვევა ღიაა 10:00 საათიდან 17:00 საათამდე.

24 დეკემბრიდან 31 დეკემბრამდე მუზეუმი ღიაა 15:00 საათამდე. 25 დეკემბერი, 1 იანვრი და 27 აპრილი – დასვენების დღეებია.

ბილეთის საფასურია: €12,50.

3. ამსტერდამის არხები

რა მოგზაურობაა ამსტერდამში თუ მის ცნობილ არხებს არ დაათვალიერებთ? არ იზარმაცოთ და აუცილებლად ეწვიეთ ყველაზე ლამაზ არხებს – სინგელსა და გრახტენგორდელს. გაისეირნეთ არხების გასწვრივ, დატკბით ძველი სახლებით, რომლებიც საბავშვო ზღაპრების ილუსტრაციებს მოგაგონებთ ან ერთ-ერთი ხიდიდან გადაშლილი ჰოლანდიური ვენეციის საღამოს შესანიშნავი ხედით ისიამოვნეთ. მიიღეთ უდიდესი სიამოვნება და თანაც აბსოლუტურად უფასოდ! მათთვის, ვისაც  ამსტერდამის ხედების ხილვა წყლიდან სურს, ხელმისაწვდომია არა მხოლოდ სხვადასხვაგვარი გასეირნება გემით, არამედ  უფრო საინტერესო რამ: ინდივიდუალური ექსკურსია გიდის თანხლებით კაპიტნის ნავზე.

4. ხიდიპითონი

ამსტერდამის თვითმყოფადობისა და შემოქმედებითი თავისუფლების ნათელი მაგალითია ხიდი „პითონი“, რომელიც  სპორენბურგის ნახევარკუნძულსა და ბორნეოს კუნძულს აკავშირებს. ფუტურისტული დაკლაკნილი კონსტურქცია  განსაკუთრებით მომხიბლავია საღამოობით  განათების ფონზე – შესანიშნავი, არასტანდარტული ადგილი სამახსოვრო ფოტოს გადასაღებად.

პირდაპირი ფრენები Kutaisi-დან Eindhoven-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

14.09.2019

19.09.2019

ფასი 418

22.10.2019

29.10.2019

ფასი 267

05.11.2019

12.11.2019

ფასი 306

5. კეკენჰოფის პარკი

არხებისა და ყველის გარდა ნიდერლანდები არანაკლებ ცნობილია თავისი ტიტებით. საუკეთესო ადგილი მათი მრავალფეროვნების სანახავად კეკენჰოფის პარკია. თუ ფიქრობთ, სად წახვიდეთ ამსტერდამში გაზაფხულზე, მაშინ აუცილებლად ერთი დღე კეკენჰოფში მოგზაურობას დაუთმეთ – იგი ამსტერდამის ფარგლებს გარეთ მდებარეობს. აქ სხვადასხვა სახეობის 4.5 მილიონი ნაირფერი ტიტაა დარგული, ნამდვილად აღფრთოვანებული დარჩებით!

გარდა ამისა, კეკენჰოფი – შესანიშნავი ადგილია ფეხით გასეირნებისა და  ქალაქის ხმაურისგან დასასვენებლად. სამი ორანჟერეა (ორქიდეებით, ვარდებით, ნარგიზითა და იასამნით), არხები, ხეივნები, მდელობები და გუბურები – აქ ყველა შეძლებს იპოვოს მისთვის სასურველი ადგილი, ხოლო თუ დაიღლებით და მოგშივდებათ, თქვენს განკარგულებაშია კაფეები და რესტორნები.

ამსტერდამიდან კეკენჰოფის პარკში  სპეციალური ავტობუსით მოხვდებით „კეკენჰოფ ექსპრესი“ (რომელიც Damrak ქუჩიდან გადის). შესასვლელი ბილეთის ფასი ყოველ წელს იცვლება. მაგალითად, 2015 წელს მოზრდილთათვის ბილეთი  €16  ღირდა, 4-11 წლის ასაკის ბავშვებისთვის – €8. 3 წლამდე ასაკის ბავშვებისათვის შესვლა უფასოა. პარკის სამუშაო განრიგი 2020 წლისთვის: 21 მარტიდან 10 მაისის ჩათვლით.

6. ნაოსნობის მუზეუმი

რაც არ უნდა თქვან, ნიდერლანდები არ იქნებოდა ნიდერლანდები ზღვის გარეშე (პეტრე I-მა ხომ სწორედ აქ ისწავლა გემთმშენებლობა). და სად, თუ არა, თუ არა ნაოსნობის მუზეუმში გაეცნობით ამ ქვეყნის უმდიდრეს 500 წლის საზღვაო ისტორიას!

თუნდაც საზღვაო თემაზე თვალწარმტაცი ტილოებით არ იყოთ  დაინტერესებული, XVII საუკუნის რუკები, იარაღი, ძველებური გლობუსები და სანავიგაციო ინსტრუმენტები ნამდვილად არ დაგტოვებთ გულგრილს! არ გამოგრჩეთ მუზეუმის სიამაყე – იალქნიანი და ნიჩბიანი ნავების მაკეტების უმდიდრესი კოლექცია. ხოლო მუზეუმის დოკში შეგიძლიათ უმშვენიერესი ხომალდის „ამსტერდამის“ ბორტზე ახვიდეთ (აღმოსავლეთ ინდოეთის კომპანიის გემის ასლი) და თქვენი თვალით იხილოთ, თუ როგორ ცხოვრობდნენ  იმ დროს ლაშქრობებში ზღვით მეზღვაურები.

მუზეუმი 15 წუთის სავალ მანძილზე მდებარეობს ცენტრალური სადგურიდან და ღიაა 09:00 საათიდან 17:00 საათამდე. ბილეთის ფასია €15.

7. ვან გოგის მუზეუმი

თუნდაც თქვენ არ იყოთ ზოგადად ფერწერის, კერძოდ კი ვან გოგის მოყვარული, გამონახეთ დრო ამ განთქმული მუზეუმის სანახავად. ცნობილი მხატვრის ტილოების ნათელი, მდიდარი ფერები გულგრილს არავის დატოვებს. დიდი მხატვრის შემოქმედებითი გზის შესახებ უფრო მეტი რომ გაიგოთ და სტერეოტიპები დაამსხვრიოთ, გირჩევთ უნიკალურ ექსკურსიაზე გაემართოთ „გავიგოთ ვან გოგი“, რომელიც გიდმა  ხელოვნებათმცოდნეებისა და ფსიქიატრების ნაშრომების საფუძველზე შეიმუშავა. ხოლო თუ გსურთ გაიგოთ, თუ რა იზიდავს ხელოვნების მოყვარულებს ვან გოგის ნახატებში, არ გამოტოვოთ ექსკურსია „მზესუმზირების საიდუმლო“.

მუზეუმის ბილეთის ფასია 17 ევრო მოზრდილთათვის, 18 წლამდე ასაკის ბავშვებისთვის შესვლა უფასოა (მაგრამ ასაკის დამადასტურებელი დოკუმენტი უნდა წარმოადგინოთ). სამუშაო საათებია: 09:00 საათიდან 17:00 საათამდე (პარასკევს 22:00 საათამდე). მუზეუმში ცენტრალური სადგურიდან №2 და №5 ტრამვაით შეძლებთ მგზავრობას.

8. არხების მუზეუმი

სწორედ არხების მუზეუმიდან უნდა დაიწყოთ ნიდერლანდების დედაქალაქის „წყლის ქუჩების“ გაცნობა. პირველ რიგში, იმიტომ, რომ თქვენ უამრავ საინტერესოს გაიგებთ ამსტერდამის არხების წრიულის ისტორიიდან, და მეორეც – მუზეუმის მონახულების შემდეგ უფრო ადვილად გაერკვევით მათ მრავალფეროვნებაში.

მუზეუმი ღიაა სამშაბათიდან კვირის ჩათვლით 11:00 საათიდან 17:00 საათამდე. მოზრდილთათვის ბილეთის ფასის €8, ბავშვებისათვის (6-18 წლის ასაკის) – €6.

9. ქალაქი ზაანსესხანსი

ქარის წისქვილი ტიტებთან ერთად  ქვეყნის ერთ-ერთ სიმბოლოს წარმოადგენს. ამ სიმბოლოს უფრო ახლოს კი ქალაქ ზაანსე-სხანსში გაიცნობთ, სადაც  ამსტერდამიდან ავტობუსით ან მატარებლით ადვილად ჩახვალთ ერთ საათზე ნაკლებ დროში.

ზაანსე-სხანსი – ფაქტობრივად ეს არის მუზეუმი ღია ცის ქვეშ, სადაც სხვადასხვა სახის წისქვილები შეგიძლიათ იხილოთ და მათი მუშაობის პრინციპსა და მექანიზმს  გაეცნოთ. ბევრი მათგანი ჯერ კიდევ მუშა მდგომარეობაშია – აქ კარაქს ამზადებენ ან მარცვლეულს ფქვავენ. თქვენ შეგიძლიათ არა მხოლოდ დაესწროთ სამუშაო პროცესს, არამედ კლასიკურ ჰოლანდიურ ფერმასაც ეწვიოთ, ნახოთ თუ როგორ აწარმოებენ ნამდვილ ჰოლანდიურ ყველს და ასევე სახელოსნოში შეიაროთ, სადაც ტრადიციულ ხის ფეხსაცმელს ამზადებენ სასაცილო სახელით „კლომპები“.

ზაანსე-სხანსის წისქვილები ღიაა 10:00 საათიდან 17:00 საათამდე. ამსტერდამიდან შეგიძლიათ #391 ავტობუსით იმგზავროთ, რომელიც ცენტრალური სადგურიდან ყოველ საათში გადის (მგზავრობის ხანგრძლივობა 40 წუთი). მატარებლით უფრო სწრაფად ჩახვალთ – 17 წუთში, მაგრამ Koog-Zaandijk სადგურში უნდა ჩამოხვიდეთ და კიდევ 15 წუთი ფეხით სიარული მოგიწევთ.

თუ ამსტერდამის დათვალიერება უკვე მოასწარით და კიდევ რამდენიმე თავისუფალი დღე გაქვთ და სადმე გსურთ გამგზავრება, ყურადღება მიაქციეთ ქალაქგარეთ ექსკურსიებს: ჰარლემი ნიდერლანდების ერთ-ერთ ულამაზეს ქალაქად მიიჩნევა; დელფტში ვერმეერის შემოქმედებას გაეცნობით;  ექსკურსია ედამში საინტერესო იქნება გურმანებისთვის, რადგან სწორედ ეს ქალაქი ითვლება ჰოლანდიის ყველის სამშობლოდ.

10. ქუჩის ბაზრობა Albert Cuypmarkt

ერთ-ერთი საუკეთესო ადგილი, სადაც ამსტერდამის სულისკვეთებას შეიგრძნოთ – ეს არის უდიდესი ქუჩის ბაზრობა Albert Cuymarkt. აქ ყველაფერს ნახავთ: ძვირადღირებული ყველიდან დაწყებული, დასრულებული ველოსიპედის საკეტებითა და ტრადიციული ჰოლანდიური ფეხსაცმლით – კლომპებით. მაგრამ თუნდაც არაფრის შეძენას არ გეგმავდეთ, უბრალოდ გაისეირნეთ ფერად რიგებში და ჰოლანდიური იუმორისა და უდარდელობის უნიკალური ატმოსფერო შეიგრძენით.

ბაზრობამდე ცენტრალური სადგურიდან შეგიძლიათ იმგზავროთ № 4, 16, 24 ან 25 ტრამვაით. ბაზრობა ღიაა ორშაბათიდან შაბათის ჩათვლით 09:00 საათიდან 17:00 საათამდე.

11. ამსტერდამის ზოოპარკი

ფიქრობთ სად წახვიდეთ ამსტერდამში ბავშვებთან ერთად? მაშინ აუცილებლად ეწვიეთ ადგილობრივ ზოოპარკს! გვერწმუნეთ, ამსტერდამის ზოოპარკი ნამდვილად არ არის მხოლოდ მოსაწყენი ვოლიერები და ნაღვლიანი ცხოველები. ზოოპარკის ტერიტორიაზე 6 ათასი ჯიშის ცხოველია მსოფლიოს სხვადასხვა კუთხიდან, აქვეა პლანეტარიუმი, აკვარიუმი, ბოტანიკური ბაღი და გეოლოგიური მუზეუმიც კი!

ზოოპარკს შეგიძლიათ ეწვიოთ 1 ნოემბრიდან 31 მარტის ჩათვლით  ყოველდღე 09:00 საათიდან 17:00 საათამდე. 1 აპრილიდან 31 ოქტომბრის ჩათვლით 09:00 საათიდან 18:00 საათამდე. ბილეთის ფასია €19.50, 3-9 წლის ასაკის ბავშვებისთვის – €15.95.

აქ #9, 10, 14 ტრამვაით, #56 ავტობუსით ან სპეციალური „არტის ექსპრესით“ შეგიძლიათ იმგზავროთ გაჩერებამდე Plantage Kerklaan.

12. საკონცერტო დარბაზი კონსერტგებაუ

ნიდერლანდების მაცხოვრებლები არა მხოლოდ კეთილგანწყობილი და ღია ადამიანები, არამედ  ცნობილი მელომანები არიან. ამის დასტურია – უამრავი კონცერტი და გამოსვლა, რომლებსაც ადგილობრივი მოსახლეობა პარკებსა და ღია მოედნებზე აწყობს.  ასეთი ღონისძიებების  კიდევ ერთი უპირატესობა ისაა, რომ ისინი ხშირად უფასოდ იმართება.

ხოლო უფრო სერიოზული ღონისძიებების მოყვარულთათვის სექტემბრიდან ივნისის ჩათვლით კლასიკური მუსიკის კონცერტები ეწყობა Concertgebouw-ში (ოთხშაბათობით 12:30). ასევე გირჩევთ ოპერისა და ბალეტის ეროვნულ თეატრში შეიაროთ – სამშაბათობით არტისტები იქ უფასო კონცერტებს მართავენ.

13. უბანი იორდანი

ამსტერდამი, გარდა იმისა, რომ ძალიან სტუმართმოყვარე, ასევე წარმოუდგენლად რომანტიკული ქალაქია. იმისათვის, რომ მისი ხიბლი სრულად შეიგრძნოთ, ეწვიეთ ქალაქის დასავლეთ ნაწილში მდებარე იორდანის უბანს.

ვიწრო შუასაუკუნეების ქუჩები, არხები საცხოვრებელი ბარჟებითა და საიდუმლო ეზოები, მყუდრო ყავახანები სანაპიროებზე – ყველაფერი თითქოს უცნაური წარმოსახვის თამაშითაა შექმნილი. ხოლო თუ ამ სილამაზეს საღამოს მოციმციმე შუქზე იხილავთ, ამსტერდამი ნამდვილად სამუდამოდ შეგიყვარდებათ!

14. სამეფო სასახლე

გაინტერესებთ თუ როგორ ცხოვრობდნენ მეფეები ნიდერლანდებში არცთუ ისე დიდი ხნის წინ? მაშინ აუცილებლად ეწვიეთ ამსტერდამის სამეფო სასახლეს. დღეს სამეფო ოჯახის წევრები მას მხოლოდ ოფიციალური ღონისძიებებისა და დღესასწაულების მოსაწყობად იყენებენ, ამიტომ სამეფო რეზიდენცია ჩვეულებრივი ტურისტებისთვის ღიაა, მით უმეტეს, რომ აქ უამრავი რამაა სანახავი. არ გაუშვათ შესაძლებლობა დაათვალიეროთ სასახლის  საზეიმო დარბაზები და ღირსეულად დააფასოთ XVII-XVIII საუკუნის დიდებული სკულპტურები, ავეჯი და ნახატები.

სასახლე ღიაა სამშაბათიდან კვირის ჩათვლით 12:00 საათიდან 17:00 საათამდე. შესასვლელი ბილეთის ფასია €10, ბავშვებისთვის შესვლა უფასოა.

15. ვონდელის პარკი

ამსტერდამი უსასრულოდ შეგიძლიათ შეისწავლოთ, მაგრამ თუ ხალხმრავალი დედაქალისგან მაინც დაიღლებით, ვონდელის პარკი შესანიშნავი ადგილია იმისათვის, რომ დაისვენოთ და ძალა მოიკრიბოთ! ჩრდილიანი ხეივნები, გრილი გუბურები, მზიანი მდელოები, ასევე კინომუზეუმი და თეატრი ღია ცის ქვეშ. ამ მწვანე ოაზისიდან მალე წასვლას ნამდვილად არ მოისურვებთ!

პარკი მდებარეობს ქალაქის სამხრეთ-დასავლეთ ნაწილში. ცენტრალური სადგურიდან შეგიძლიათ #170 ან 172 ავტობუსით იმგზავროთ (Leidseplein გაჩერებამდე) და კიდევ 15 წუთი ფეხით იაროთ.

ყველაზე იაფი ავიაბილეთები Tbilisi-დან Amsterdam-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

30.08.2019

06.09.2019

1 stop

ფასი 1 457

27.09.2019

15.10.2019

1 stop

ფასი 720

03.10.2019

04.10.2019

1 stop

ფასი 616

15.11.2019

12.02.2020

1 stop

ფასი 586

12.12.2019

07.01.2020

1 stop

ფასი 622

11.01.2020

16.01.2020

1 stop

ფასი 610

05.02.2020

10.02.2020

1 stop

ფასი 722

16.03.2020

23.03.2020

1 stop

ფასი 559

21.04.2020

28.04.2020

1 stop

ფასი 883

16.05.2020

23.05.2020

1 stop

ფასი 865

04.06.2020

11.06.2020

1 stop

ფასი 793

16. წმინდა ნიკოლოზის ეკლესია

უბრალოდ, ისე მოხდა, რომ ნიდერლანდების დედაქალაქი მრავალი ადამიანისთვის მყარად ასოცირდება „ტურისტის სტანდარტულ კომპლექტთან: წისქვილები-არხები –  ყავის მაღაზიები და წითელი ფარნების უბანი. და რატომღაც, სულ რამდენიმე ადამიანს თუ ახსოვს ამსტერდამის ტაძრების შესახებ, და ამაოდ.

ერთ-ერთი უდიდესი წმინდა ნიკოლოზის ეკლესიაა. ეს დიდებული გიგანტი ქალაქის ცენტრში მდებარეობს, სადგურის მოედნის მახლობლად. გვერწმუნეთ, რომ ნამდვილად ღის მისი როგორც გარედან, ისე შიგნიდან დათვალიერება. ბაროკოს სტილის მდიდრული ინტერიერი შთამბეჭდავია: ნაძერწი და ოქროს ვარაყი, მოზაიკა, მოჩუქურთმებული ჭერი და ვიტრაჟები. გარდა ამისა ეკლესიაში მეცხრამეტე საუკუნის ორგანი მოქმედებს.

ტაძარი ღიაა ორშაბათს 12:00 საათიდან 15:00 საათამდე, სამშაბათიდან პარასკევის ჩათვლით 11:00საათიდან 16:00 საათამდე და შაბათს 12:00 საათიდან 15:00 საათამდე.

17. ამსტერდამის ყვავილების ბაზარი

რა შეიძლება იყოს განსაკუთრებული ყვავილების ბაზარზე? – იკითხავთ თქვენ, ჩვენ კი გიპასუხებთ: ამსტერდამის ყვავილების ბაზარი, პირველ რიგში, ერთ-ერთი უძველესია ქვეყანაში, რომელიც 300-ზე მეტი წლისაა. და მეორეც, ეს არის ერთადერთი მცურავი ყვავილების ბაზარი მსოფლიოში. უკვე დაინტერესდით? რასაკვირველია!

მთავარია, არ დაგვავიწყდეთ, რომ ყვავილების რიგებში ფეხით სეირნობის შემდეგ ნამდვილი ჰოლანდიური ტიტების რამდენიმე ბოლქვი იყიდოთ. დარწმუნებული იყავით, ეს საუკეთესო სუვენირია! ბაზარი განთავსებულია სინგელის არხზე, დამის მოედნის მახლობლად.

თუ გნებავთ ამსტერდამი ისე გაიცნოთ, როგორც მას ადგილობრივები ხედავენ, გირჩევთ გაემგზავროთ ექსკურსიაზე კეთილი იყოს თქვენი მობრძანება ჩემს ამსტერდამში, სადაც ადგილობრივი ყოფა-ცხოვრების სხვა განუყოფელ მხარეებსაც გაეცნობით.

18. ჩანთების მუზეუმი

ერთი შეხედვით შეიძლება მოგეჩვენოთ, რომ ამ მუზეუმით ყველა ასაკის მხოლოდ ქარაფშუტა მოდის მიმდევარი ქალბატონები დაინტერესდებიან, მაგრამ ეს ასე არ არის. ექსპოზიციაში წარმოადგენილია ამ პოპულარული აქსესუარის არა მხოლოდ თანამედროვე ვარიანტები, არამედ გვიანი შუა საუკუნეების ხანის ჩანთები! ასე რომ, ბევრ თქვენგანს დააინტერესებს თუ როგორ გამოიყურებოდნენ თქვენი კლაჩის „წინაპრები“.

ცენტრალურ მოედნიდან ჩანთების მუზეუმამდე #9 ან 4 ტრამვაით (გაჩერება Rembrandtplein) ან #16, 24 და 25 ტრამვაით (გაჩერება Keizersgracht) შეგიძლიათ იმგზავროთ.

სამუშაო საათებია: ყოველდღე 10:00 საათიდან 17:00 საათამდე. 1 იანვარს და 25 დეკემბერს მუზეუმი დაკეტილია. 5, 24 და 31 დეკემბერს მუზეუმი  16:00 საათზე იკეტება.

19. მეცნიერების მუზეუმი NEMO

თუ თქვენ ამსტერდამის ყველა „სერიოზული“ ღირსშესანიშნაობა უკვე მოინახულეთ, მაგრამ კიდევ უფრო მეტი გსურთ, ეწვიეთ  NEMO-ს. ეს ცენტრი ნამდვილი მონაპოვარია ყველა ასაკის ბავშვებისთვის.

უზარმაზარი ხუთსართულიანი ხომალდი, რომელიც სავსეა ყველა სახის უცნაურობებით – შესანიშნავი ადგილია, რომ ფანტაზიას თავისუფლება მისცეთ და კარგად გაერთოთ. აქ თქვენ იხილავთ  მრუდი სარკეების  ლაბირინთებსა და ნამდვილ რობოტებს (სხვათა შორის, შეგიძლიათ დროებით გამომგონებელად იქცეთ და საკუთარი რობოტი ააწყოთ!), თამაშები  ფიზიკისა  და ქიმიის ცოდნაზე და ბევრი სხვა საინტერესო რამ.

ცენტრი სტუმრებისთვის ღიაა სამშაბათიდან კვირის ჩათვლით 10 საათიდან 17:30 საათამდე. 28 მარტიდან 4 სექტემბრის ჩათვლით ასევე მუშაობს ორშაბათობით. ბილეთის ფასია €15. 4 წლამდე ასაკის ბავშვებისთვის და Stadspas/I Amsterdam/Museumkaart ბარათის მფლობელებისთვის შესვლა უფასოა.

ცენტრალური სადგურიდან NEMO-ს ცენტრამდე ადვილად შეგიძლიათ მიხვიდეთ ფეხით 15 წუთში. სადგურის ცენტრალური  შესასვლელიდან მარცხნივ ჩაუხვიეთ  და მიჰყევით მინიშნებებს Route Oosterdok. ასევე შეგიძლიათ #22 და 48 ავტობუსით იმგზავროთ (გაჩერება Kadijksplein).

20. ჰელფინკის საოჯახო მუზეუმი (Museum Geelvinck-Hinlopen)

ამსტერდამი, მიუხედავად თავისი ღიაობისა, რამდენიმე პატარა საიდუმლოს კვლავაც ინახავს. ეს არის ქალაქის ცნობილი ეზოები, სადაც არამცოდნე ადამიანი ადვილად ვერ მოხვდება. მაგრამ არსებობს გამოსავალი: უბრალოდ უნდა ეწვიოთ Keizergracht ქუჩაზე მდებარე ჰელფინკის საოჯახო მუზეუმს.

ეს მუზეუმი იმით არის უჩვეულო, რომ აქ შეგიძლიათ არა მხოლოდ დაათვალიეროთ ინტერიერი, არამედ დანიშნულების მიზნით გამოიყენოთ, მაგალითად, მისაღებ ოთახში მყუდრო ტყავის სავარძელზე დასხდეთ ან ბიბლიოთეკაში წიგნები დაათვალიეროთ. ასევე აუცილებლად გაისეირნეთ სახლის (თუმცა უფრო მართებულია ვთქვათ  – სახლების, რადგან მუზეუმი არა ერთ, არამედ რამდენიმე სახლშია განთავსებული) უკანა ეზოში მდებარე შესანიშნავ ბაღში. უხვი სიმწვანე, ყვავილები, ქანდაკებები და აუზი შადრევნით – ეს ნამდვილი ოაზისია დაღლილი ტურისტისთვის!

პირდაპირი ფრენები Tbilisi-დან Amsterdam-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

24.08.2019

28.08.2019

ფასი 2 994

11.09.2019

14.09.2019

ფასი 1 460

09.11.2019

16.11.2019

ფასი 833

ასევე იხილეთ:

Posted in ბლოგი, კრებულები and tagged , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა