ავტომობილი, სასიამოვნო კომპანია, ფანჯრებს მიღმა არიზონას ან კალიფორნიის პეიზაჟები – ჰოლივუდის ფილმის ნაცნობ სიუჟეტს მოგაგონებთ, არა ? სინამდვილეში, აშშ-ში ავტომობილით მოგზაურობა მარტივად შეგიძლიათ რეალობად აქციოთ . მნიშვნელოვანია მხოლოდ ნიუანსების ცოდნა . მოგზაურმა ანასტასია კალანდაძემ 10 შტატში იმოგზაურა და ამერიკაში თავისი ავტო მოგზაურობის გამოცდილება გაგვიზიარა.

ავტომობილის ქირაობა ამერიკაში საკმაოდ მარტივია: საკმარისია გქონდეთ პასპორტი ამერიკის ვიზით, მოქმედი საერთაშორისო მართვის მოწმობა (სახელის ტრანსლიტერაციული თარგმანით) და საკრედიტო ბარათი . დღე-ღამეში ავტომობილის ქირაობის საშუალო ღირებულება 50-60 აშშ დოლარია.

ამ სტატიაში საკუთარ მოსაზრებებს გიზიარებთ ამერიკულ კომპანია Hertz– ში ავტომობილის ქირაობის შესახებ და გიამბობთ ყველა იმ სიურპრიზის შესახებ, რომელსაც შეიძლება წააწყდეთ . სხვათა შორის, Hertz ერთ-ერთია იმ რამდენიმე კომპანიას შორის, რომელიც არ მოითხოვს მძღოლის განსაზღვრულ სტაჟს ავტომობილის დამქირავებლისგან . ამიტომ, თუნდაც ავტომობილის მართვის დიდი გამოცდილება არ გქონდეთ, ავტომობილი მაინც გადმოგეცემათ.

სტატიის სარჩევი

1 . სერვისის არჩევა ავტომობილის ქირაობისთვის.

აშშ-ში ათეულზე მეტი გასაქირავებელი სერვისია და ზოგჯერ საკმაოდ რთულია იმის გარკვევა, თუ რომელია უკეთესი . მოდით განვიხილოთ ამერიკაში ყველაზე ცნობილი ავტომობილების გაქირავების კომპანიები და მათი თავისებურებები . ისინი პირობითად, ფასიდან გამომდინარე სამ კატეგორიად დავყოთ:

პრემიუმი

Hertz (მსოფლიოში ავტომობილების გაქირავების ერთ-ერთი უდიდესი კომპანია – 10 000-ზე მეტი პუნქტი მთელ მსოფლიოში)
Avis (Hertz-ის შემდეგ სიდიდით მეორე კომპანია .

გადმოიწერე ჩვენი მობილური აპლიკაცია!
მოიძიე ავიაბილეთები და სასტუმროები ყველაზე იაფად!

APP გადმოწერა

ავტოპარკში კომპანიათა უმრავლესობა ამერიკული წარმოებისაა, იჯარის საშუალო ფასი – დღე-ღამეში 60 აშშ დოლარია)
Enterprise (აქვს სერვისი car sharing – ავტომობილი შეგიძლიათ იქირაოთ ღამით ან საათობრივად)
Sixt (ევროპული კომპანია, საშუალო ფასი ოდნავ დაბალია, ვიდრე ამავე კატეგორიის კონკურენტებისა)

საშუალო კლასი

Budget (ერთ-ერთი ბიუჯეტური ვარიანტი – დაახლოებით 35 აშშ დოლარი დღე-ღამეში)
Alamo (ამერიკული კომპანია, რომელსაც აქვს მოსახერხებელი ვარიანტი „Skip the Counter“, როდესაც ავტომობილი ურიგოდ შეგიძლიათ გაიყვანოთ, იჯარის დახლის გვერდის ავლით)

ბიუჯეტური

Dollar (ერთ-ერთი ყველაზე ბიუჯეტური კომპანია, მაგრამ არ აქვს ქალაქების დაფარვის ძალიან ფართო ქსელი)
Thrifty (თუ საჭესთან რამდენიმე მძღოლი იქნება, აქ ერთ-ერთი ყველაზე დაბალი დამატებითი გადასახადია მეორე პირისთვის – 10 დოლარი დღე-ღამეში).

ყველა კომპანიის ერთ საიტზე მოძიება შეგიძლიათ აქ

2 . ლოიალობის პროგრამები და ფასდაკლებები

ბევრ კომპანიას აქვს საკუთარი ლოიალობის პროგრამები და პარტნიორული ფასდაკლებები, რომლებიც დაგეხმარებათ დაზოგოთ რამდენიმე ათეული დოლარი . მაგალითად, თუ ავტომობილს Hertz-ში დაჯავშნით და Visa Gold ბარათის ან უფრო მაღალი კლასის ბარათის მფლობელი ხართ, თქვენს ჯავშანზე 10%-იან ფასდაკლებას მიიღებთ . დაჯავშნამდე შეამოწმეთ თუ რა ბონუსებს გაძლევთ თქვენი ბარათი.

3 . ავტომობილი წინასწარ იქირავეთ

თუ ავტომობილით მოგზაურობას გეგმავთ, დაჯავშნეთ ავტომობილი ჩამოსვლის თარიღამდე მინიმუმ 2-3 თვით ადრე . ამგვარად თქვენ შეძლებთ აშშ-ში კარგი ავტომობილით იმოგზაუროთ, ავტომობილის კლასი ვებ-გვერდზე შეკვეთის დროს შეგიძლიათ აირჩიოთ . წინააღმდეგ შემთხვევაში, ყველა კარგი მანქანა შეიძლება დაიტაცონ და დარჩება ან ძალიან ძვირი, ან უბრალოდ არ იქნება საჭირო კლასის მანქანა . გარდა ამისა, წინასწარი დაჯავშნისას, თანხას წინასწარ არ იხდით და ბარათიდან არ ჩამოგეჭრებათ.

4 . ავტომობილი გაიყვანეთ და დააბრუნეთ აეროპორტში მდებარე ოფისში

სანამ ავტომობილს დაჯავშნიდეთ, მიუთითეთ ის ადგილი, სადაც მისი გაყვანა და დაბრუნება გსურთ . აირჩიეთ აეროპორტში მდებარე pick-up location (გაყვანის პუნქტი) и return location (დაბრუნების პუნქტი) – ამგვარად ავტომობილის ქირაობა ნაკლები დაგიჯდებათ . თუ ავტომობილს სხვა ქალაქში აბრუნებთ, ეს ასევე აძვირებს იჯარის ღირებულებას.

5 . მეორე მძღოლი

ავტომობილი ერთ მძღოლზე რეგისტრირდება – ჩვეულებრივ, იმ პირზე, ვინც ჯავშანს აკეთებს . თუ მოგზაურობის დროს ავტომობილის მართვას მონაცვლეობით აპირებთ, ამისათვის დღეში დამატებით 13 დოლარის გადახდა მოგიწევთ . თუ მძღოლი 25 წელზე ნაკლები ასაკისაა, ასევე დამატებითი თანხის გადახდა მოგიწევთ – ერთ მძღოლზე დღეში 30 აშშ დოლარი, ზემოთ აღნიშნულ თანხაზე დამატებით . ერთი შეკვეთის ფარგლებში ერთ ავტომობილის მართვის უფლება მხოლოდ 4 ადამიანს აქვს.

6 . ყოველთვის აიღეთ Premium Roadside Assistance

ეს არის დამატებითი სერვისი დღეში 10 დოლარად . თუ გზაზე რამე შეგემთხვევათ (დაკარგავთ გასაღებს, დაიშვებს საბურავი და ა.შ.), თქვენ აუცილებლად დაგეხმარებიან.

7 . დეპოზიტი

იჯარის მოქმედების პერიოდში კომპანია თქვენს ბარათზე ყინავს სადეპოზიტო სადაზღვევო თანხას – ჩვეულებრივ, იგი 200 დოლარს არ აღემატება . გაითვალისწინეთ, რომ თანხის დაბრუნება ხორციელდება ავტომობილის დაბრუნებიდან 4-7 სამუშაო დღის განმავლობაში .

8 . ავტომობილის დაბრუნება

თუ ავტომობილს დააბრუნებთ მითითებულ დროზე არაუმეტეს საათნახევრის დაგვიანებით – თქვენ ჩამოგეჭრებათ ავტომობილის იჯარის საფსური დამატებითი დღი-ღამისთვის . თუ დაგვიანება 30 წუთის ფარგლებშია – დამატებითი საფასურის გადახდა არ მოგიწევთ.

9 . ბენზინის ღირებულება არ შედის ავტომობილის ქირაობის ღირებულებაში

ბენზინის ფასი სხვადასხვა შტატში განსხვავებულია . მაგალითად, კალიფორნიაში 1 გალონი ბენზინის ფასი (~3.78 ლიტრი) 4-4,5 დოლარი ღირს . არიზონაში, ნევადასა და იუტაში ღირებულება გაცილებით უფრო დაბალია – ერთი გალონი 2,95 დოლარიდან 3,30 დოლარამდე . გაითვალისწინეთ, რომ ზოგიერთ ბენზინგასამართ სადგურზე ბენზინი, რომლისთვისაც იხდით ნაღდი ფულით და არა ბარათით, უფრო იაფი დაგიჯდებათ . Gasbuddy აპლიკაციის გამოყენებით შეგიძლიათ იპოვოთ უახლოესი ბენზინგასამართი სადგურები და შეადაროთ ფასები, რათა საწვავი უფრო მომგებიან ფასად შეიძინოთ.

10 . მოძრაობის სპეციალური ზოლები

ამერიკაში არის მოძრაობის სპეციალური ზოლები – Carpool . აღნიშნულ ზოლებზე ნებადართულია მოძრაობა ელექტრომობილებისთვისა და იმ ავტომობილებისთვის, რომლებშიც ორი ან მეტი ადამიანი მგზავრობს . ჩვეულებრივ, ეს ზოლები ბევრად უფრო თავისუფალია და შეიძლება გაგიჩნდეთ ცდუნება ამ პრივილეგიის გამოყენებით საცობებს გვერდი აუაროთ . ყურადღებით იყავით: ასეთ ზოლზე არასანქცირებული შესვლისთვის ჯარიმა შესაძლოა მერყეობდეს 260-დან 360 დოლარამდე.