5 მიზეზი, რის გამოც წელს ევროპის სამთო-სათხილამურო კურორტებს უნდა ეწვიოთ

სინამდვილეში ჩვენ ვფიქრობთ, რომ მხოლოდ ერთი მიზეზი შეიძლება არსებობდეს – თქვენი სურვილი მსოფლიოს საუკეთესო სამთო-სათხილამურო კურორტებზე სრიალით გული იჯეროთ . მაგრამ თუ თქვენ დამატებითი მოტივაცია გჭირდებათ – გთავაზობთ ამ სეზონის ხუთ სიახლეს, რომელიც სტიმულს მოგცემთ ბილეთები უფრო სწრაფად დაჯავშნოთ!

• 

• 

• 

ვალ-ტორანსი – საფრანგეთის ალპური კურორტი, რომელიც განთქმულია თავისი მიუწვდომლობით: იგი მაღლა მთებში მდებარეობს, რის გამოც ერთდროულად ორი უპირატესობა აქვს – გარანტირებული თოვლი და ტურისტების შედარებით მცირე რაოდენობა.

ამ სეზონზე აქ ახალი სასტუმრო Pashmina გაიხსნა . ხუთვარსკვლავიანი სასტუმრო, რასაკვირველია, ალპურად მყუდრო და წარმოუდგენლად კომფორტულია, მაგრამ მისი მთავარი განმასხვავებელი ნიშანი – ნომერი-იგლუა . ამასთან, იგლუ – არა ტრადიციული, არამედ ახალმოდურია, პანორამული სახურავით . ახლა წარმოიდგინეთ, რომ ზღვის დონიდან 2350 მეტრის სიმაღლეზე, მთებში, თბილ საწოლში წევხართ – და ვარსკვლავებს ათვალიერებთ . რა სილამაზეა ! ამასთან ერთად – სასტუმრო საბაგიროდან ფაქტობრივად 100 მეტრში მდებარეობს.

ავიაბილეთები თბილისი-ჟენევა (ტრანსფერს ჟენევიდან ვალ ტორანსში 2,5 საათი სჭირდება, მაგრამ საცობების გამო შეიძლება 4-6 საათამდე გაჭიანურდეს)

საფრანგეთის კიდევ ერთი ალპური კურორტი, ლეზ-არკი – მომლოცველების ადგილია ყველა ევროპელი სნოუბორდისტისთვის . მისგან ზუსტად ერთი საათის სავალზე კი ბელ-პლანი იმალება – პატარა სოფელი, რომელიც ლა-პლანის კურორტის შემადგენელი ნაწილია, სავსებით დემოკრატიული და საკმაოდ მისაღები ფასებით.

სწორედ აქ გაიხსნა წელს მთელი იგლუ სოფელი – Village Igloo de Blacksheep . და თუ ვალ-ტორანსში თანამედროვე იგლუში შეგიძლიათ განთავსდეთ, ბელ-პლანში – სწორედ რომ ყველაზე ტრადიციულში: თოვლისგან აშენებულია არა მხოლოდ აპარტამენტები, არამედ კაფე და პატარა ეკლესიაც კი . საღამოობით კოცონთან მსხდომ სტუმრებს შეუძლიათ დატკბნენ აპერიტივით და აღფრთოვანდნენ მონბლანის პანორამული ხედით, ხოლო იგლუ-რესტორანში ტრადიციული სავოიის ფონდიუ და ღვინო მიირთვან.

ავიაბილეთები თბილისი-ჟენევა (ტრანსფერს ჟენევიდან ლეზ-არკში 2,5 საათი სჭირდება).

ესპანური ბაკეირა-ბერეტი – პირენეების ერთ-ერთი ყველაზე ცნობილი კურორტია .

აქ სამეფო ოჯახის წევრებიც კი ჩამოდიან დასასვენებლად, ასე რომ ალბათ წარმოგიდგინიათ მომსახურების დონე და ფასები . წელს კურორტი 50 წლის იუბილეს აღნიშნავს . ასეთი დღესასწაულის პატივსაცემად ტრასების მთლიანი სიგრძე 120 კილომეტრიდან 146 კილომეტრამდე გაზარდეს.

ასევე საბაგიროდან 50 მეტრში გაიხსნა მდიდრული ხუთვარსკვლავიანი სასტუმრო Val de Neu . სიმყუდროვესა და კომფორტზე საუბარი საჭირო არც არის – ყველაფერი უმაღლეს დონეზეა . ასევე მოსახერხებელია საბავშვო ოთახები, სადაც შეგიძლიათ დატოვოთ თქვენი პატარა სანამ თხილამურებით ისრიალებთ . სხვათა შორის, ჩვენ უკვე დავწერეთ სტატია იმ სამთო-სათხილამურო კურორტების შესახებ, სადაც ბავშვებთან ერთად მოგზაურობა არის მოსახერხებელი . ახლა ბაკეირა-ბერეტი ერთ-ერთი მათგანია.

ავიაბილეთები თბილისი–ბარსელონა (ბარსელონას აეროპორტიდან ბაიკერა-ბერეტამდე ავტომობილით ჩასვლას 4 საათი სჭირდება).

ცოტა ხნის წინ ტიროლის კურორტ ობერგურგლში ახალი გონდოლიანი საბაგირო გაიხსნა . ეს ნაგებობა ულტრათანამედროვედ გამოიყურება . შენობაში განთავსებულია მოტოციკლების მუზეუმი და რესტორანი . ასევე ამ სეზონზე კურორტზე გაიხსნა ხუთი ახალი სხვადასხვა კლასისა და ფასის შალე.

ობერგურგლი არის კურორტი, რომელიც მოეწონება მათ, ვინც ვერ იტანს რიგებს საბაგიროსთან და ხალხის ჭედვას ფერდობებზე . ჩვეულებრივ, აქ არსებითად ნაკლები ტურისტია, ვიდრე პოპულარულ ალპურ კურორტებზე, ასევე აქ ხელმისაწვდომია 35 სხვადასხვა სირთულის ტრასა, ამიტომ ობერგურგლზე საინტერესო იქნება როგორც ახალბედა, ისე საკმაოდ გამოცდილი მოთხილამურეებისა და სნოუბორდისტებისთვის.

ავიაბილეთები თბილისი-ინსბრუკი 590 ლარიდან იწყება (ინსბრუკის აეროპორტიდან ობერგურგლამდე დაახლოებით 100 კილომეტრია).

სამოენი – პატარა კურორტია საფრანგეთის ალპებში, რომელიც დაცულია როგორც ისტორიული ძეგლი . აქ შემორჩენილია ავთენტური ალპური სახლები და ჯერ კიდევ ძველი ევროპის სული ტრიალებს.

2022 წლის იანვარში სოფელი ევროპელი ტურისტებით გაივსება . 13-დან 18 იანვრის ჩათვლით აქ ღვინის ტრადიციული ფესტივალი გაიმართება: ქვეყნის სხვადასხვა კუთხიდან ჩამოსული 20 საუკეთესო ფრანგი მეღვინე საკუთარ ღვინოს წარადგენს . დეგუსტაციებს შორის შესვენების დროს თქვენ გექნებათ შესაძლებლობა ტრასებზე ისრიალოთ – სამოენში არის როგორც მარტივი, დამრეცი ფერდობები ახალბედებისა და ბავშვებისთვის, ისე ძალიან რთული სამთო-სათხილაურო სპორტის ოსტატებისთვის.

ავიაბილეთები თბილისი-ჟენევა (ჟენევიდან სამოენამდე 88 კილომეტრია)