20 ადგილი, რომელთა მონახულება ღირს ნიუ-იორკში

დიდი ვაშლი, აკრძალული ხილის მსგავსად, ყოველწლიურად მილიონობით მოგზაურს იზიდავს. რა თქმა უნდა, ნიუ-იორკის უამრავი გზამკვლევი არსებობს, რომლებიც ქალაქის შესახებ შთაბეჭდილებას ქმნიან, მაგრამ ჩვენ იმ ადგილების საკუთარ რეიტინგს გთავაზობთ, რომელთა მონახულების გარეშე, ჩათვალეთ, რომ ნიუ-იორკი არ გინახავთ.


1. თავისუფლების ქანდაკება

რა თქმა უნდა, ეს არა მხოლოდ ნიუ-იორკის, არამედ მთელი ამერიკის მთავარი სიმბოლოა. აქ მოხვედრა ბორანის მეშვეობითაა შესაძლებელი, რომელიც ბეტერის პარკიდან ყოველ 15-20 წუთში გადის. ისინი ყოველდღიურად 9:00-დან 15:30 საათამდე მოძრაობენ. თავისუფლების ქანდაკებაზე შესასვლელი ბილეთის საფასურია 18 აშშ დოლარი მოზრდილთათვის და 9 აშშ დოლარი ბავშვებისთვის. თუ თქვენ არ გსურთ ფული დახარჯოთ გემით მოგზაურობაში და შესასვლელ ბილეთში, გთავაზობთ უფასო ბორანით მოგზაურობას სტატენ-აილენდიდან, რომლის დროსაც ქანდაკებას უბრალოდ გვერდით ჩაუვლით.

2. Empire State Building

ამერიკულ ფილმებში ეს ცათამბრჯენი ნამდვილად ნანახი უნდა გქონდეთ. მისი მშენებლობა 1929 წელს დაიწყო, რის შემდეგაც ეს შენობა ნიუ-იორკის ერთ-ერთ ყველაზე ცნობად ღირსშესანიშნაობად და ქალაქის „გულად“ არის მიჩნეული. ვიზიტისთვის ორი სამიმოხილვო მოედანია მოწყობილი, სადაც თქვენს წინაშე მთელი ნიუ-იორკი ხელის გულზე გადაიშლება. ემპაირ სტეიტ ბილდინგის 86-ე სართულზე განლაგებულ მოედანზე შესვლის საფასურია 32 აშშ დოლარი მოზრდილთათვის და 26 აშშ დოლარი ბავშვებისთვის. ორივე სამიმოხილვო მოედნის ვიზიტის ღირებულება (მეორე 102-ე სართულზე მდებარეობს), შესაბამისად, 52 აშშ დოლარი და 46 დოლარია.

3. როკფელერის ცენტრი

ამ ცათამბრჯენის სამიმოხილვო მოედანზე უმჯობესია მზის ჩასვლის დროს მობრძანდეთ, სწორედ ამ დროს ზემოხსენებული ემპაირ სტეიტ ბილდინგის და მთელი ნიუ-იორკის მზის სხივებში ჩაფლული სანახაობა იშლება. მოედანი კომფორტული ბინოკლებითაა აღჭურვილი. როკფელერის ცენტრში შესვლის საფასურია 30 აშშ დოლარი მოზრდილთათვის და 24 აშშ დოლარი ბავშვებისთვის.

4. ჰაი-ლაინი

ეს უჩვეულო ურბანული პარკი არც თუ ისე დიდი ხნის წინ გაიხსნა – 2009 წელს. იგი ყოფილი რკინიგზის ხაზის ადგილზე მიწის ზედაპირიდან 10 მეტრ სიმაღლეზე აშენდა. 160 ჰექტარის ფართობზე უამრავი მყუდრო ადგილია სკამებით, შეზლონგებითა და მაგიდებით, სადაც შეგიძლიათ სასიამოვნოდ დაისვენოთ და წაიხემსოთ.

5. მეტროპოლიტენის მუზეუმი

მსოფლიოს ერთ-ერთი უდიდესი ხელოვნების მუზეუმი მდებარეობს მანჰეტენის ცენტრში. სრული ექსპოზიციის სანახავად, სავარაუდოდ ერთი თვეც არ იქნება საკმარისი, მაგრამ თუნდაც რამდენიმე საათიანი ვიზიტიც კი ნამდვილად ღირს.
სალაროს თავზე განთავსებულია შესვლის საფასური – 25 აშშ დოლარი და უამრავი ტურისტი მორჩილად იხდის მას. სინამდვილეში კი, თავად მუზეუმში შესვლა უფასოა, ხოლო 25 აშშ დოლარი მისი განვითარებისთვის რეკომენდებული შენატანია. მეტროპოლიტენი მუშაობს კვირა-ხუთშაბათს – 10: 00-დან 17:30 საათამდე, პარასკევს და შაბათს კი 10:00-დან 21:00 საათამდე.

6. World Trade Center

ამ ცათამბრჯენის მშენებლობა მხოლოდ 2014 წელს დასრულდა. შენობა თავისუფლების ახალი სიმბოლო გახდა და 11 სექტემბრის ტრაგედიის ადგილთან ახლოს აიგო. როგორც „ახალი ღირსშესანიშნაობების მიმოხილვაში“ განვიხილეთ, 381 მეტრ სიმაღლეზე მდებარე შენობაში, განლაგებულია ობსერვატორია One World, რომელიც ვიზიტისთვის ახლახან გაიხსნა. One World Trade Centre-ში შესვლის საფასურია 32 აშშ დოლარი მოზრდილთათვის და 26 აშშ დოლარი ბავშვებისთვის.

7. The Museum of Modern Art

მეტროპოლიტენთან ახლოს მდებარეობს ნიუ-იორკის კიდევ ერთი საინტერესო მუზეუმი. აქ ფერწერის, ქანდაკებისა და დიზაინის თანამედროვე შედევრებია თავმოყრილი. შესვლის საფასურია 25 აშშ დოლარი მოზრდილთათვის და 14 აშშ დოლარი სტუდენტებისთვის. მაგრამ ნიუ იორკის თანამედროვე ხელოვნების მუზეუმს (The Museum of Modern Art) უფასოდაც შეგიძლიათ ეწვიოთ: ყოველ პარასკევს 16:00-დან 20:00 საათამდე შესვლა უფასოა.

8. Central Park

ნიუ-იორკის ბეტონის ჯუნგლებში ნამდვილი ოაზისია მიმალული – 3.41 კმ2 ფართობის უზარმაზარი პარკი. ფილმებში გექნებათ ნანახი თუ როგორ დარბის დილით ადგილობრივი მოსახლეობა ან აუჩქარებლად სეირნობს საღამოს. ეს მართლაც „უცვლელი შეხვედრის ადგილია“.
თუ ნიუ იორკში წელიწადის თბილ დროში იმყოფებით, აუცილებლად იქირავეთ ნავი და ჟაკლინ კენედის სახელობის ტბაზე გაისეირნეთ. თქვენ ასევე შეგიძლიათ ველოსიპედით გაისეირნოთ და ზოოპარკში შეიაროთ. ზამთარში პარკში საციგურაო მოედანი იხსნება. მთელი წლის განმავლობაში აქ სხვადასხვა ღონისძიება იმართება, რომელთა გრაფიკი აქ შეგიძლიათ იხილოთ.

9. ტაიმს-სკვერი

ნიუ-იორკის ერთ-ერთ ყველაზე ცნობილ მოედანს გაზეთი „ნიუ-იორკ ტაიმსის“ საპატიოდ „ტაიმს-სკვერი“ ეწოდა, რომლის რედაქცია აქ 1904 წლიდან მდებარეობს. ცათამბჯენები, ნეონის სარეკლამო აბრები და ადამიანები, რომლებიც როგორც ჭიანჭველების ბუდეში სერიოზული სახეებით სწრაფად ირევიან – ყველაფერ ამას თავისი განსაკუთრებული მაგნეტიზმი აქვს. როდესაც თქვენ ტაიმს-სკვერის შუაგულში იმყოფებით, გეჩვენებათ, რომ თითქოს აქ ყველა ამქვეყნიური ამაოებაა მოქცეული.

10. ბრუკლინის ხიდი

ულამაზესი, უძველესი, ღირსშესანიშნავი – უამრავი ეპითეტის შერჩევაა შესაძლებელი ბრუკლინის ხიდის შესახებ, მაგრამ უმჯობესია უბრალოდ გავისეირნოთ აქ. ეს უნიკალური დაკიდული ხიდი 1883 წელს აშენდა და მანჰეტენს ბრუკლინთან აკავშირებს.
თუ ხიდზე საღამოს გასეირნებთ, აუცილებლად შეჩერდით ბრუკლინის მხრიდან მის საყრდენთან, რათა მანჰეტენის ფანტასტიკური პანორამით დატკბეთ. სწორედ ეს ხედია ხშირად განთავსებული ნიუ-იორკის სურათებიან ბარათებზე.

11. კლოისტერსის მუზეუმი

ტურისტები ამ ადგილს იშვიათად სტუმრობენ, თუმცა ამაოდ – ეს ადგილი ნიუ-იორკის სხვა მნიშვნელოვან ღირსშესანიშნაობებს შორის მკვეთრად გამოირჩევა. ზემო ვესტ-საიდში, შუა საუკუნეების სააბატოს სტილის ლამაზ შენობაში მდებარეობს მეტროპოლიტენის მუზეუმის ფილიალი. კლუატრებში (დახურული გალერეები) განთავსებულია უნიკალური შუა საუკუნეების ქრისტიანული ხელოვნების კოლექცია, ხოლო შიდა ეზოში შეგიძლიათ კაფეში ჩამოჯდეთ (კაპუჩინო – 5 აშშ დოლარი, ღვინის ერთი ბოკალი – 12 აშშ დოლარი) და კოხტა შადრევნის შხეფებს ადევნოთ თვალყური.
თუ ამ ადგილს მოინახულებთ, სასიამოვნოდ გაოცებული დარჩებით: უეცრად, ერთ წამში ხმაურიანი და მუდამ აჩქარებული მეგაპოლისიდან შუა საუკუნეების წყნარ ნავსადგურში მოხვდებით. ისევე როგორც მეტროპოლიტენის შემთხვევაში, შესვლის საფასურის გადახდა აქ მხოლოდ რეკომენდებულია, სურვილისამებრ, სრულიად უფასოდ შეგიძლიათ შეხვიდეთ.

12. 9/11 მემორიალური მუზეუმი

თუ გსურთ 11 სექტემბერს დაღუპულთა ხსოვნას პატივი მიაგოთ, ეწვიეთ მუზეუმს, რომელიც ტყუპი ცათამბრჯენების ადგილზე მდებარეობს. უფრო ზუსტად რომ ვთქვათ, განადგურებული შენობების ადგილზე ორი უჩვეულო აუზი და პატარა პარკია განთავსებული, ხოლო თავად მუზეუმი მათ ქვეშ მდებარეობს. შესვლის საფასურია 24 აშშ დოლარი მოზრდილთათვის და 15 აშშ დოლარი ბავშვებისთვის. თქვენ ონლაინ შეგიძლიათ წინასწარ შეიძინოთ ბილეთები და დაჯავშნოთ ექსკურსია.

13. ბროდვეის თეატრი

ნიუ-იორკში გატარებული ერთ-ერთი საღამო აუცილებლად დაუთმეთ ბროდვეის-შოუს ნახვას. შეგიძლიათ არც კი შეწუხდეთ რეპერტუარის შესწავლით. ჩვეულებრივ სასტუმროს პორტიე გირჩევთ ღირს თუ არა თეატრში წასვლა დღეს და ბილეთებსაც დაგიჯავშნით. თუკი შიშობთ, რომ წარმოდგენიდან ცოტა რამ თუ იქნება თქვენთვის გასაგები – არ იდარდოთ, ბროდვეის მიუზიკლები თითოეულისთვის და ყველასთვის არის გასაგები.

14. გუგენჰაიმის მუზეუმი

თავად მუზეუმის შენობაც კი ხელოვნების ნიმუშს ჰგავს და რა შეიძლება ითქვას მასში განთავსებულ კოლექციაზე? თუ გსურთ თანამედროვე ხელოვნების არაჩვეულებრივი შედევრებით დატკბეთ – აქ უნდა მობრძანდეთ. ყურადღებით იყავით, ექსპოზიცია საკმაოდ ხშირად ახლდება და ახალი გამოფენის მომზადების დროს მუზეუმი დახურულია ვიზიტისთვის. ამ ინფორმაციის მოძიება ოფიციალურ ვებგვერდზეა შესაძლებელი. შესასვლელი ბილეთის საფასურიც აქვე დააზუსტეთ.

15. ბოტანიკური ბაღი ბრუკლინში

თუ ნიუ იორკში გაზაფხულზე ან ზაფხულში იმყოფებით, აუცილებლად ეწვიეთ ბრუკლინის ბოტანიკურ ბაღს. ულამაზეს ბაღებს ორშაბათის გარდა ნებისმიერ დღეს შეგიძლიათ ესტუმროთ. მიუხედავად იმისა, რომ შესვლა ჩვეულებრივ ფასიანია, სამშაბათს ის უფასოა. ასევე შეგიძლიათ უფასოდ შეხვიდეთ შაბათს 22:00-დან 00:00 საათამდე, თუ რომანტიკული ღამის გასეირნების მოწყობა გსურთ.

16. კონი-აილენდი

ნიუ-იორკის საქმიანი ცხოვრების ოკეანეში მდებარე გასართობი კუნძული. პირველი ფასტფუდი, პირველი ამერიკული მთები და პირველი საბავშვო ატრაქციონი – ყველაფერი ეს პირველად სწორედ კონი-ალიენდზე გაჩნდა. აუცილებლად გაისეირნეთ რიგელმანის სანაპიროსა და ცნობილ ბრაიტონ-ბიჩზე, ისიამოვნეთ პლაჟზე, გამოსცადეთ თავი ამერიკული მთების ატრაქციონზე და ადგილობრივი ჰოთ-დოგი დააგემოვნეთ.

17. უოლ სტრიტი

ნიუ-იორკის მარშრუტში მსოფლიოს ფინანსური ცენტრი – უოლ სტრიტიც ჩაამატეთ, აქ თქვენ შეძლებთ გაიგოთ თუ როგორ და რითი ცხოვრობს საქმიანი ამერიკა, ამავდროულად კი დიდი ვაშლის ერთ-ერთ ყველაზე უცნაურ სიმბოლოსაც გაეცნობით – „თავდამსხმელი ხარის“ ქანდაკებას, რომელიც არქიტექტორის ჩანაფიქრით, ამერიკელი ხალხის ძალას სიმბოლურად გამოხატავს.

18. ცენტრალური სადგური

არსად გამგზავრება არ გჭირდებათ, უბრალოდ მობრძანდით და ნიუ-იორკის ცენტრალური სადგურის სილამაზით დატკბით. ძირითადი დარბაზის ჭერი ზოდიაქოს ნიშნებით და 2500 ვარსკვლავით მოხატული საოცარი ფრესკით არის გაფორმებული, რომელთაგან 60 განათებულია. ასევე მხოლოდ სადგურში შეძლებთ ქალაქის ყველაზე გემრიელი ფუნთუშა-ბეიგელი დააგემოვნოთ.

19. სოჰო

ოდესღაც აქ ქარხნები და ფაბრიკები მდებარეობდა, 80-იანი წლების შუა პერიოდში ეს რაიონი ბოჰემამ შეარჩია და უამრავი გალერეა და ატმოსფერული დაწესებულება შექმნა. დღეს კი სოჰო საცხოვრებელ რაიონად იქცა, რომელსაც ტურისტები ადგილობრივი მაღაზიებისა და კაფეების ვიზიტის მიზნით სტუმრობენ.

20. ნიუ-იორკის საჯარო ბიბლიოთეკა

თუ დრო დაგრჩებათ, საჯარო ბიბლიოთეკას ეწვიეთ, რა თქმა უნდა, არა კითხვის მიზნით, არამედ იმისათვის, რომ ამ შენობის მონუმენტური არქიტექტურა შეაფასოთ, რომელსაც გადაჭარბების გარეშე მეცნიერების ტაძარი შეიძლება ეწოდოს.
ბიბლიოთეკის სამუშაო საათებია: სამშაბათი-ოთხშაბათი – 10:00-დან 20:00 საათამდე; ორშაბათი, ხუთშაბათი, პარასკევი, შაბათი – 10:00-დან 18:00 საათამდე; კვირა – 13:00-დან 17:00 საათამდე. შესვლა უფასოა.

 

ყველაზე იაფი ავიაბილეთები Tbilisi-დან New York-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

20.11.2018

05.12.2018

1 stop

ფასი 1 474

01.12.2018

08.12.2018

1 stop

ფასი 1 562

20.01.2019

27.01.2019

1 stop

ფასი 1 528

09.02.2019

17.02.2019

1 stop

ფასი 1 547

10.03.2019

20.03.2019

1 stop

ფასი 1 545

01.04.2019

14.04.2019

1 stop

ფასი 1 533

12.05.2019

25.05.2019

1 stop

ფასი 1 523

17.06.2019

31.07.2019

1 stop

ფასი 1 815

16.07.2019

10.09.2019

1 stop

ფასი 1 774

22.10.2019

30.10.2019

1 stop

ფასი 1 609

 

 

 

შესაძლოა მოგეწონოთ: დასვენება ზღაპრულ ბალიზე: 10 რამ, რაც მოგეწონებათ

sastumroebi
Posted in ბლოგი and tagged , , .

მალხაზ კევლიშვილი