20 საინტერესო ადგილი, რომელთა მონახულება ღირს ვენაში

ვენა პირველივე ნახვით მოგხიბლავთ. ამ ქალაქში ყველას შეუძლია გაერთოს – ხელოვნების, ბუნების თუ ხმაურიანი წვეულებების მოყვარულს. ავსტრიის დედაქალაქი საცხოვრებლად მსოფლიოს ერთ-ერთ ყველაზე კომფორტულ ქალაქად არის მიჩნეული, მაგრამ ამავდროულად ადგილობრივი მოსახლეობა  ცხოვრების დონესა და ხელისუფლებაზე ჩივილსაც ახერხებს. სტუმრებს კი  მხოლოდ ის დარჩენიათ, რომ აღფრთოვანდნენ ვენის სილამაზითა და ორიგინალურობით! ჩვენ შევადგინეთ ყველაზე საინტერესო ადგილების სია, რომელიც აუცილებლად უნდა მოინახულოთ.

ვისთვის არის ეს სტატია?

  • მათთვის, ვინც პირველადაა ვენაში;
  • მათთვის, ვისაც მოწონს ღირსშესანიშნაობებით დატვირთული პროგრამა;
  • მათთვის, ვინც განწყობილია, რომ ვენაში ყველაფერი იხილოს.

1. რატუშის მოედანი

როგორც ბევრ ევროპულ ქალაქში, ვენაში რატუშის გვერდით  მდებარე მოედანს მნიშვნელოვანი ადგილი უკავია მოქალაქეების ცხოვრებაში. თუმცა თუ ძველ დროში აქ მნიშვნელოვან საკანონმდებლო ცვლილებებს უცხადებნდნენ ხალხს, ახლა ბევრი ამ მოედანს მხოლოდ ტრადიციული საშობაო ბაზრობის  მოწყობის ადგილად აღიქვამს – ალბათ ყველაზე დიდი და საზეიმო მთელს დასავლეთ ევროპაში.

2. შვარცენბერგპლაცის მოედანი

ვენის ერთ-ერთი ყველაზე საინტერესო ადგილი და ყველაზე ცნობადი მოედანი, სადაც კარლსკირხეს ეკლესია (Karlskirche), ვენის მუზეუმი, სამხატვრო სახლი და ტექნიკური უნივერსიტეტი მდებარეობს. ზამთარში აქ საშობაო ბაზრობები ეწყობა.

3. შენბრუნი

ეს არის ვენის საზეიმო არქიტექტურული ტორტის ალუბლის მარცვალი, ავსტრიის იმპერატორთა სასახლე, რომელიც ბაროკოს სტილშია აგებული. თუნდაც თქვენ არ გხიბლავდეთ სასახლეებისა და პარკების კომპლექსების მონახულება, აქ ნამდვილად მოგეწონებათ.

როგორც ჩანს, სწორედ შენბრუნშია კონცენტრირებული ვენის მთელი დიდებულება.

შესვლის სტანდარტული საფასურია €21 მოზრდილთათვის და €13 ბავშვებისთვის, მაგრამ არსებობს უფრო დეტალური ტურები. მათი ხილვა და შეძენა აქ შეგიძლიათ. 

4. ვენის ზოოპარკი

აქვე, შენბრუნის სასახლისა და პარკის ანსამბლის ტერიტორიაზე ასევე მდებარეობს  ვენის ზოოპარკი, რომელიც ცალკე უნდა აღვნიშნოთ, რადგან  განსაკუთრებულ ყურადღებას იმსახურებს. პირველ რიგში, ეს არის უძველესი ზოოპარკი მთელს მსოფლიოში. მეორეც, ხანდაზმული ასაკის მიუხედავად, ის ერთ-ერთ ყველაზე საინტერესო და იშვიათი სახეობის ცხოველებით მდიდარ ზოოპარკად რჩება. თუ ბავშვებთან ერთად მოგზაურობთ, აუცილებლად  ეწვიეთ.

ბილეთები ცალ-ცალკე იყიდება: მოზრდილთათვის – €16.50, ბავშვებისთვის – € 8, 6 წლამდე ასაკის ბავშვებისთვის შესვლა უფასოა.

სამუშაო განრიგის ნახვა და შენბრუნის ზოოპარკის ბილეთების შეძენა აქ შეგიძლიათ.  

5. ხელოვნების ისტორიის მუზეუმი

რაფაელი, ტიციანი, რემბრანდტი, რუბენსი და ბოსხი – ვენის ხელოვნების ისტორიის მუზეუმში იმდენად ბევრი მსოფლიო შედევრი ინახება, რომ გირჩევთ ამ ადგილს არაერთი დღე დაუთმოთ.   მაგრამ თუ მუზეუმს მხოლოდ „გავლით“ ეწვევით, მაინც უამრავ შთაბეჭდილებას მიიღებთ.

შესასვლელი ბილეთის საფასურია – €14.

6. ვენის ოპერა

ვენის ოპერის შენობაც კი მოგზაურის ყურადღებას იმსახურებს, ამიტომ გირჩევთ გარედან მაინც იხილოთ. აქ ჩატარებული კონცერტების ფასები, რა თქმა უნდა, არ არის იაფი, მაგრამ  ეშმაკური ხერხიც არსებობს (თუმცა მხოლოდ კარგი ჯანმრთელობის მქონე ადამიანებისთვის გამოდგება).

გამოსვლის დაწყებამდე საათ-ნახევრით ადრე სალაროებში ფეხზე დგომის ადგილების გაყიდვას იწყებენ  მხოლოდ 3 ევროდ – ეს შესანიშნავი შანსია, რომ ცნობილი საოპერო დარბაზი თქვენი თვალით იხილოთ.

უფრო მეტი გსურთ? მაშინ არ გამოტოვოთ შანსი  ვენის ოპერის კულისებს მიღმა მოხვდეთ.

 7. ჰოფბურგი

ავსტრიის იმპერიის დიდებულების სიმბოლოა სასახლე კომპლექსი ჰოფბურგი, რომელიც ადრე იმპერატორთა ზამთრის რეზიდენცია იყო, ახლა კი ავსტრიის პრეზიდენტის მთავარი რეზიდენციაა.

ამ სასახლის ყველაზე მნიშვნელოვანი ღირებულებაა ჰაბსბურგების საგანძური, სადაც თავმოყრილია იმპერიის ყველა რელიკვია.

აქ მოხვედრა მხოლოდ ექსკურსიით არის შესაძლებელი: 15.50 ევროდან მოზრდილთათვის და 9 ევრო ბავშვებისთვის.

8. წმინდა სტეფანეს ტაძარი

ვენის ნამდვილი სიმბოლოა უჩვეულო გოთიკური  წმინდა სტეფანეს ტაძარი. მის სახურავზე ვენისა და ავსტრიის გერბებია გამოსახული, ხოლო მაღალ კოშკებში სხვადასხვა ზომის ზარების  სამრეკლოა განთავსებული. ამ ღირსშესანიშნაობის დათვალიერება შორიდანაც შეგიძლიათ, მაგრამ უმჯობესია თუ შიგნიდან ან თუნდაც ექსკურსიით დაათვალიერებთ ტაძარსა და მიწისქვეშა კატაკომბებს, რომლებიც ყოველ ნახევარ საათში იმართება.

თუ ვენაში ივლისიდან სექტემბრამდე პერიოდში მოხვდებით, აუცილებლად ექსკურსიით ეწვიეთ ტაძარს სხვენის მონახულებით, რომელიც შაბათობით 19:00 საათზე იმართება. აქედან ქალაქის ულამაზესი ხედი იშლება!

9. ბელვედერი

დიახ, ვენა კულტურული ღირსშესანიშნაობების, პომპეზური სასახლეების, მუზეუმებისა და სალოცავების ქალაქია. ხოლო ბელდევერი ავსტრიის დედაქალაქში ვიზიტის განუყოფელი ნაწილია. ეს სასახლე კომპლექსი  ორი ნაწილისაგან შედგება – ზედა და ქვედა ბელვედერი.


ბელვედერი ვენაში – ფოტოს ავტორი rob nieuwegein

ტურისტებს, როგორც წესი, უფრო ზედა ბელვედერი იზიდავს,  ვინაიდან სწორედ აქ არის დიდი გუსტავ კლიმტის შედევრები თავმოყრილი.

ბელვედერის ბილეთები არ არის იაფი:  ზედა ბელვედერის ვიზიტის ღირებულებაა €14, ხოლო ბილეთი, რომელიც მთელი კომპლექსის მონახულების საშუალებას მოგცემთ – €31.

10. მუზეუმების კვარტალი

ძველი ქალაქის განაპირას კულტურული კვარტალია შექმნილი. როგორც სათაურიდან ჩანს, აქ არა მხოლოდ მუზეუმები, არამედ ბევრი ყურადღების ღირსი კაფე და რესტორანი მდებარეობს.

კვარტლის მთავარი ღირსშესანიშნაობებიდან აღსანიშნავია ლეოპოლდის მუზეუმი, „Kunsthalle“-ს საგამოფენო დარბაზი, თანამედროვე ხელოვნების მუზეუმი და ბავშვთა მუზეუმი Zoom. აქ ყოველთვის ჩქეფს სიცოცხლე, სხვადასხვა გამოფენა, არტ-პერფორმანსი და მოდის ჩვენება იმართება. უახლოესი პერიოდის პროგრამა აქ  შეგილიათ იხილოთ.

თუ სწორედ ეს თანამედროვე და თავისუფალი ვენა გაინტერესებთ, გირჩევთ  ჩაეწეროთ ექსკურსიაზე –  „ცოცხალი და ყოველდღიური ვენა“, სადაც არა მხოლოდ ქალაქის შესახებ ბევრ საინტერესოს გიამბობენ, არამედ იმ ადგილებს გაჩვენებენ, რომლებიც ადგილობრივ მოსახლეობას განსაკუთრებით უყვარს.

11. სათვალთვალო ბორბალი

ბაზრობის მოედანი და ატრაქციონების პარკი სრულყოფილად ღიაა მარტიდან ოქტომბრამდე, ხოლო ზამთარობით კი მთავარ ღირსშესანიშნაობას – სათვალთვალო ბორბალ პრატერას შეგიძლიათ ეწვიოთ.  

ეს არის იაფი და საინტერესო საშუალება იხილოთ ვენა  ჩიტის თვალსაწიერიდან.

12. მოცარტის სახლი

ვენა განუყრელად ასოცირდება  მოცარტთან. აქ შეგიძლიათ ეწვიოთ სახლს, სადაც დიდი კომპოზიტორი ცხოვრობდა. წარმოიდგინეთ, სწორედ ამ კედლებში დაიწერა „ფიგაროს ქორწინება“, ბეთჰოვენი და ჰაიდნი კი ჩაის მიირთმევდნენ!

ახლა აქ მუზეუმი, საკონცერტო დარბაზი და პატარა კაფე „ფიგარო“ მდებარეობს. შესასვლელი ბილეთის საფასურია €10.

13. მადამ ტუსოს ცვილის ფიგურების სახლი

რა თქმა უნდა, ყველაზე ცნობილი ცვილის ფიგურების მუზეუმი ლონდონში მდებარეობს, მაგრამ ვენის კოლექციაც საკმაოდ მდიდარია: აქ ისეთი ცნობილი ადამიანების ზუსტი ასლებია თავმოყრილი, როგორიცაა მოცარტი, კლიმტი, შტრაუსი და აინშტაინი. რასაკვირველია, აქვე იხილავთ სახელგანთქმული ადამიანების ფიგურებს: ჯონი დეპი, ანჯელინა ჯოლი, მაიკლ ჯექსონი და სხვ.

მადამ ტუსოს  მუზეუმში შესვლის საფასურია €18.50 მოზრდილთათვის და  €14.50 ბავშვებისთვის.

14. ჰუნდერტვასერის სახლი

თუ თქვენ გგონიათ, რომ ვენა მოსაწყენი და პომპეზური ქალაქია, გირჩევთ შემდეგ მისამართს ეწვიოთ  Kegelgasse, 36-38, სადაც ვენის ყველაზე ავანგარდული ღირსშესანიშნაობა მდებარეობს  – ჰუნდერტვასერის სახლი.

ფერადი ფანჯრები, უსწორმასწორო კედლები, სახურავზე მიწა, ბალახი და ხეები – ეს შენობა გაუდის ნამუშევრებს მოგაგონებთ, თუმცა საკუთარი ხასიათი აქვს.

არასტანდარტული გასეირნება ვენაში  სხვა უჩვეულო ადგილების პოვნაში დაგეხმარებათ მათთვის, ვინც ავსტრიის დედაქალაქის საიმპერიო დიდებულებით დატკბობა მოასწრო.

15. ვენის ცენტრალური სასაფლაო

ევროპის ყველაზე მუსიკალური სასაფლაო. თუ გსურთ ბეთჰოვენის, შტრაუსის ან შუბერტის სასაფლაოს ხილვა – აქ მობრძანდით.

და კიდევ, ცენტრალურ სასაფლაოზე ძალიან სიმშვიდე და სიჩუმეა.

აქ #71 ტრამვაით შეგიძლიათ  იმგზავროთ, ადგილობრივ მოსახლეობას ევფემიზმიც კი აქვს „ #71 ტრამვაიმ წაიყვანაო“.

16. სტუდქალაქი

კლასიკური ვენის შესახებ შთაბეჭდილებების გაწონასწორების მიზნით,  ადგილობრივი ეკონომიკის უნივერსიტეტის სტუდქალაქს ეწვიეთ. ეს არის ფუტურისტული შენობების შეჯგუფების ადგილი, რომლებიც უახლესი არქიტექტურითა და დიზაინითაა აგებული.

ექსკურსიებს აქაც აწყობენ, მაგრამ ნაკლებად სავარაუდოა, რომ უნივერსიტეტების შენობების შესახებ ინფორმაციის მოსასმენად რამდენიმე საათის დახარჯვა მოისურვოთ.

17. ვენის ტყე

თუ ასეთი შესაძლებლობა გექნებათ, აუცილებლად დაათვალიერეთ ვენის შემოგარენი და ვენის ტყეს ეწვიეთ – ბიოსფერული ნაკრძალი, რომელიც იუნესკოს მიერაა დაცული.

ოდესღაც აქ კაფკა და ფროიდი სეირნობდნენ, დღეს კი თქვენც შეგიძლიათ გაისეირნოთ, დატკბეთ ბუნებით, სათვალთვალო მოედნიდან ლამაზი ხედებით და ადგილობრივი რესტორნების გემრიელი კერძებით.

18. ქალაქის პარკი

თუ ქალაქგარეთ ვიზიტების მოსაწყობად დრო არ გრჩებათ,  ქალაქის ლამაზ პარკში მაინც გაისეირნეთ.

პარკი წელიწადის ნებისმიერ დროს ლამაზია. სკამზე ჩამოჯექით, შადრევნებს უცქირეთ და დააკვირდით, თუ როგორ ისვენებენ ადგილობრივი  მაცხოვრებლები – ეს არის must do  ვენაში.

19. პეპლების სახლი

ეს არის ტროპიკული სამოთხე შუაგულ ვენაში. მხოლოდ €6 თქვენ ჯუნგლებში მოხვდებით, სადაც ასობით უზარმაზარი ფერადი პეპელა გადაგიფრენთ. ეს შესანიშნავი ადგილი  ბავშვებისთვის იქნება საინტერესო, რადგან აქ უნიკალური აკვარიუმებია განთავსებული, სადაც შეგიძლიათ იხილოთ თუ როგორ იქცევა მუხლუხო პეპლად.

20. ზიგმუნდ ფროიდის მუზეუმი

ეს ის ადგილია, რომელიც ფსიქოლოგიით დაინტერესებულ ყველა ადამიანს იზიდავს. 1891 წლიდან 1938 წლამდე ამ ბინაში ფროიდი ცხოვრობდა, თავის ნაშრომებზე მუშაობდა და პაციენტებს იღებდა.

ასევე გაეცანით:

იაფი ფრენები ამ თვეში თბილისი -დან ვენა-მდე

გამგზავრებადაბრუნებაგაჩერებაავიაკომპანიაბილეთების პოვნა
19 ივნ 202130 ივნ 20212 გადაჯდომაბილეთები 914 - დან
20 ივნ 202125 ივნ 20212 გადაჯდომაბილეთები 747 - დან
21 ივნ 202128 ივნ 20211 გადაჯდომაბილეთები 945 - დან
22 ივნ 202129 ივნ 20211 გადაჯდომაბილეთები 938 - დან
23 ივნ 202130 ივნ 20212 გადაჯდომაბილეთები 816 - დან
24 ივნ 20211 ივლ 20211 გადაჯდომაბილეთები 829 - დან
25 ივნ 202127 ივნ 20211 გადაჯდომაბილეთები 883 - დან
26 ივნ 202128 ივნ 20211 გადაჯდომაბილეთები 883 - დან
27 ივნ 20212 ივლ 20212 გადაჯდომაბილეთები 843 - დან
28 ივნ 20212 ივლ 20212 გადაჯდომაბილეთები 909 - დან
29 ივნ 20214 ივლ 20212 გადაჯდომაბილეთები 739 - დან
30 ივნ 20214 ივლ 20211 გადაჯდომაბილეთები 763 - დან
1 ივლ 202111 ივლ 20211 გადაჯდომაბილეთები 647 - დან
2 ივლ 202112 ივლ 20211 გადაჯდომაბილეთები 615 - დან
3 ივლ 20214 ივლ 20211 გადაჯდომაბილეთები 738 - დან
8 ივლ 202111 ივლ 20211 გადაჯდომაბილეთები 620 - დან
9 ივლ 202111 ივლ 20211 გადაჯდომაბილეთები 646 - დან
10 ივლ 202116 ივლ 20211 გადაჯდომაბილეთები 672 - დან
15 ივლ 202131 ივლ 20212 გადაჯდომაბილეთები 754 - დან
17 ივლ 202131 ივლ 20212 გადაჯდომაბილეთები 780 - დან
18 ივლ 202125 ივლ 20211 გადაჯდომაბილეთები 729 - დან
20 ივლ 202129 ივლ 20211 გადაჯდომაბილეთები 708 - დან
21 ივლ 202130 ივლ 20211 გადაჯდომაბილეთები 785 - დან
28 ივლ 202131 ივლ 20212 გადაჯდომაბილეთები 783 - დან
29 ივლ 202119 აგვ 20211 გადაჯდომაბილეთები 662 - დან
31 ივლ 20211 აგვ 20211 გადაჯდომაბილეთები 905 - დან
2 აგვ 202123 აგვ 20211 გადაჯდომაბილეთები 816 - დან
3 აგვ 202114 აგვ 20212 გადაჯდომაბილეთები 861 - დან
4 აგვ 20217 აგვ 20213 გადაჯდომაბილეთები 966 - დან
5 აგვ 20218 აგვ 20211 გადაჯდომაბილეთები 586 - დან
6 აგვ 202117 აგვ 20211 გადაჯდომაბილეთები 908 - დან
9 აგვ 202115 აგვ 20211 გადაჯდომაბილეთები 619 - დან
10 აგვ 202120 აგვ 20211 გადაჯდომაბილეთები 664 - დან
17 აგვ 202125 აგვ 20211 გადაჯდომაბილეთები 663 - დან
20 აგვ 202131 აგვ 20211 გადაჯდომაბილეთები 802 - დან
21 აგვ 202111 სექ 20211 გადაჯდომაბილეთები 800 - დან
22 აგვ 202112 სექ 20211 გადაჯდომაბილეთები 762 - დან
23 აგვ 202113 სექ 20212 გადაჯდომაბილეთები 703 - დან
27 აგვ 202128 აგვ 20212 გადაჯდომაბილეთები 955 - დან
31 აგვ 20214 სექ 20211 გადაჯდომაბილეთები 728 - დან
15 სექ 202122 სექ 20211 გადაჯდომაბილეთები 775 - დან
18 სექ 202125 სექ 20212 გადაჯდომაბილეთები 726 - დან
21 სექ 202128 სექ 20212 გადაჯდომაბილეთები 662 - დან
27 სექ 20217 ოქტ 20211 გადაჯდომაბილეთები 783 - დან
29 იან 20225 თებ 20221 გადაჯდომაბილეთები 626 - დან

პირდაპირი ფრენა ქუთაისი-დან ვენა-ში

გამგზავრებადაბრუნებაავიაკომპანიაბილეთების პოვნა
3 აგვ 202110 აგვ 2021ფასი 180
7 აგვ 202121 აგვ 2021ფასი 251
10 აგვ 202117 აგვ 2021ფასი 332
17 აგვ 202124 აგვ 2021ფასი 380
3 აგვ 202114 აგვ 2021ფასი 465
Posted in ბლოგი, კრებულები and tagged , , .