7 იდეა საახალწლო დღესასწაულების ვენაში გასატარებლად - Aviabiletebi.org
მთავარი » ბლოგი » 7 იდეა საახალწლო დღესასწაულების ვენაში გასატარებლად

7 იდეა საახალწლო დღესასწაულების ვენაში გასატარებლად

ვენა – ის ქალაქია, რომელიც წელიწადის ნებისმიერ დროს მშვენიერია, მაგრამ განსაკუთრებული კი საშობაო ატმოსფეროა. მათ, ვინც ვენაში საახალწლო დღესასწაულებზე მიემგზავრება და მათ, ვისაც ჯერ კიდევ არ შეურჩევია დღესასწაულის გატარების ადგილი, ვუამბობთ, თუ როგორ უნდა გახადონ 2019 წლის შეხვედრა დაუვიწყარი!

1) როგორც წესი, ევროპის ქვეყნებში ყველაზე საინტერესო რამ ხდება არა ახალ წელს, არამედ კათოლიკური შობის დროს (25 დეკემბერს). იმისათვის, რომ სადღესასწაულო ატმოსფეროში სრულად ჩაერთოთ, უმჯობესია წინასწარ გაემგზავროთ.

შობის დღესასწაულის დღეებში მთელს ქალაქში ათეულობით ბაზრობა ეწყობა, ქალაქი მანათობელი ლამპიონებითა და გირლანდებითაა მორთული, ათასობით ავსტრიელსა და ვენის სტუმრებს გლინტვეინით, შემწვარი ძეხვეულით, თაფლაკვერით, შტოლენითა და შოკოლადით უმასპინძლდებიან, ისინი სადღესასწაულო კარუსელებზე და ქალაქის ქუჩებში ერთობიან.

2) შობასა და ახალ წელს შორის პერიოდშიც არ მოიწყენთ, რადგან ვენა საინტერესო ადგილებითაა მდიდარი. ეწვიეთ მუზეუმებს, ქალაქის სასახლეებსა და პარკებს, უჩვეულო ექსკურსიებს და ზამთრის ქალაქებს საციგურაო მოედნებით, კარუსელებითა და ყინულის ქანდაკებით, შეიარეთ მაღაზიებში, სადაც საშობაო ფასდაკლებები ეწყობა – ამ ყველაფრით ავსტრიის დედაქალაქი საახალწლო პერიოდში გაგახარებთ.

3) ვენაში ახალი წლის აღნიშვნა ქალაქის ცენტრალურ ნაწილში იმართება. ჯერ კიდევ საღამოს ათასობით ადამიანი იკრიბება რატუშასთან, ისევე როგორც სხვა ცენტრალურ მოედნებსა და ქუჩებში. ბაზრობებზე ისინი ოჯახებთან, მეგობრებთან, ახლობლებთან ერთად მოდიან, უსმენენ ადგილობრივ შემსრულებელთა კონცერტებს, ცეკვავენ, თბებიან და ტკბილეულობას მიირთმევენ, „ბენგალის ცეცხლს“ ანთებენ და, რა თქმა უნდა, ლამაზ საახალწლო ფეიერვერკებს ელოდებიან.

4) ზოგი დამდეგ ახალ წელს ქალაქის რესტორნებსა და ღამის კლუბებში ხვდება, წლის მთავარი ღამე ასევე შეგიძლიათ საიმპერატორო სასახლეში ჰოფბურგში გაატაროთ, სადაც მსოფლიოს სხვადასხვა ყვეყნიდან 2,5 ათასზე მეტი სტუმარი იკრიბება. სტუმრებს შორისაა ქალაქის მერი, ხოლო აუდიტორიის საპატივცემულოდ ვენის ცნობილი საოპერო მომღერლები კონცერტს მართავენ. რა თქმა უნდა, ყველაფერი უმაღლეს დონეზე იმართება, ბანკეტით დაწყებული, სალუტითა და შოუ-პროგრამით დამთავრებული!

ახალ წელს „გრანდიოზულად“ შეგიძლიათ შეხვდეთ რატუშაში, ისტორიულ მუზეუმში, ფერსტელის სასახლეში და ქალაქის ბევრ სხვა საკულტო შენობაში.

5) ახალ წელს ასევე “მოძრაობაში“ შეგიძლიათ შეხვდეთ. მაგალითად, საიმპერატორო ექსპრეს მატარებლის „ლუქს“ ვაგონში, რომელიც ზუსტად ღამის 12 საათზე მდინარე დუნაიზე აგებულ ხიდზე ჩერდება, რომ მგაზვრებს სალუტით დატკბობის საშუალება მიეცეთ. ასევე შეგიძლიათ მდინარე დუნაიზე კრუიზში, თბომავლით გაემგზავროთ და მთელი ღამის განმავლობაში საზეიმო და განათებულ ვენას უცქიროთ, რა თქმა უნდა, „ბორტზე“ სადღესასწაულო ფურშეტი გელოდებათ. ამგვარი საახალწლო გასეირნების ღირებულება 170 ევროდან იწყება.

6) შეუძლებელია ვენას ეწვიოთ და ვენის ცნობილ საოპერო მუსიკას არ მოუსმინოთ. არსებობს მინიმუმ 2 შესანიშნავი შესაძლებლობა, რომ ვენის ოპერას ან უბრალოდ კლასიკურ მუსიკას მოუსმინოთ.
ტრადიციულად, 31 დეკემბერის საღამოს, სახალხო და სახელმწიფო ოპერის თეატრებში იოჰან შტრაუსის ცნობილი „ღამურა“ იმართება, ასევე ქალაქის სხვა თეატრებსა და ფილარმონიის დარბაზებში კლასიკური მუსიკის კონცერტები ეწყობა. ამ სიამოვნების ღირებულებაა 250 ევროდან, გირჩევთ ბილეთები წინასწარ შეიძინოთ.
ქალაქის მუსიკალური ცხოვრების კიდევ ერთი მნიშვნელოვანი ღონისძიებაა ვენის ფილარმონიული ორკესტრის საახალწლო კონცერტი, რომელიც ტრადიციულად 1 იანვარს მუზიკფერაინში ტარდება.

აქ მოხვედრა ძალიან ძნელია, ბილეთები თითქმის ერთი წლით ადრე იყიდება, მაგრამ რატუშის მახლობლად შეგიძლიათ პირდაპირ ეთერში ადევნოთ თვალი კლასიკური მუსიკის ასობით მოყვარულთან ერთად.

7) რა საახალწლო დღესასწაულებია მთებისა და თხილამურებზე სრიალის გარეშე? თუ ავსტრიაში ზამთარში იმყოფებით და ალპებს არ ეწვევით – ეს ნამდვილი დანაშაულია. ნამდვილი ზამთრის ზღაპრისთვის ეწვიეთ ცნობილ სათხილამურო კურორტებს ინსბრუკში, ზელდენში, კაპრუნში.

ვენაში სასტუმროში განთავსების ღირებულება 27 დეკემბრიდან 10 იანვრამდე:
3* სასტუმროები €110-დან დღე-ღამეში (ორადგილიანი განთავსება);
5* სასტუმროები €220-დან დღე-ღამეში.

WizzAir: 20% ფასდაკლება ვენის/ვენიდან ავიაბილეთებზე

Posted in ბლოგი, იდეები მოგზაურობისთვის and tagged , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა