სად გავემგზავროთ აგვისტოში: მოგზაურობის იდეები

ჯერ კიდევ არ გასულხართ შვებულებაში ? სასწრაფოდ გამოასწორეთ სიტუაცია ! აგვისტო შესანიშნავი დროა სოლო მოგზაურობისა და საოჯახო დასვენებისთვის.

ამ მასალაში გიამბობთ იმ ადგილების შესახებ, რომლებშიც ზაფხულის ბოლო აკორდები ყველაზე სასიამოვნოდ ჟღერს.

სად გაემგზავროს ინტროვერტი აგვისტოში?

სკანდინავია

თავად იცით, რომ თქვენთვის არ არის განკუთვნილი კლასიკური ექსკურსიები ღირსშესანიშნაობების მონახულებით . უნდა გაეცნოთ რეგიონის კულტურასა და ბუნებრივ სიმდიდრეს . თუ მოგზაურობის დროს განმარტოებას და აზრების მოწესრიგებას გეგმავთ, სკანდინავია აირჩიეთ .

აგვისტოში არც ძალიან ცხელა და წვიმიანი ამინდებიც არ არის, როგორც შემოდგომის თვეებში . მაგრამ გაითვალისწინეთ, რომ სკანდინავიის ქვეყნებში მოგზაურობა არ არის იაფი . ამ რეგიონში ფასები ევროპელი ტურისტებისთვისაც კი ძალიან „იკბინება“ . მაგრამ ფულადი ხარჯები მიღებულ შთაბეჭდილებებს ბევრად აჭარბებს.

• 

• 

ისლანდიაში მოგზაურობას ჩვეულებრივ ირჩევენ ისინი, ვისაც ბუნებასთან შერწყმა სურს . ყინულისა და ცეცხლის ქვეყანაში გაგაოცებთ არაამქვეყნიური სილამაზის ფიორდები, თვალწარმტაცი ჩანჩქერები, აყვავებული მდელოები და მძვინვარე გეიზერები .

აქ ერთი წლის მარაგის დადებითი ენერგიით დაიმუხტებით.

ხოლო დანიაში ან შვედეთში უფრო „ცივილიზებული“ დასვენება გელით . ეს თვითმყოფი ქვეყნები უკეთ რომ გაიცნოთ, ეწვიეთ თქვენთვის საინტერესო მუზეუმებსა და გალერეებს (ისინი ნამდვილად არ იქნება მოსაწყენი!) და ადგილობრივ მოსახლეობას შორის დარჩით – არა ტურისტულ ადგილებში.

საოჯახო დასვენება აგვისტოში

კვიპროსი

თუ ბავშვებთან ერთად ისვენებთ, მაშინ დანიშნულების ადგილის არჩევისას ძალიან მნიშვნელოვანია სამი ფაქტორი: პირდაპირი და სწრაფი ფრენა, კვების სისტემა და ანიმაცია . რა თქმა უნდა, ამ მხრივ ყველა რეკორდს თურქეთი ამყარებს . თუ ჩვეული ტურისტული მოძრაობის ტრაექტორიიდან გადახრა გსურთ, გირჩევთ ყურადღება მიაქციოთ კვიპროსს . შეღავათები მოიცავს პირდაპირ იაფ ფრენას, სუფთა ქვიშიან პლაჟებს დამრეცი ნაპირით და საოჯახო დასვენებაზე ორიენტირებულ სასტუმროებს.

კრეტა

კრეტა შესანიშნავი ვარიანტია აგვისტოში ბავშვებთან ერთად პლაჟზე დასვენებისთვის . ზაფხულის დასასრულს აქ ყველაზე კომფორტულია: ზღვა მშვიდი და თბილია, უამრავი ხილია, ამინდიც მშვენიერია . შეარჩიეთ სასტუმროები აკვაპარკით და თქვენი შვილები ნამდვილად მეშვიდე ცაზე იქნებიან . რას აკეთებენ მოზრდილები კრეტაზე ? ტკბებიან პლაჟებით, შესანიშნავი კერძებითა და კუნძულის მდიდარი ისტორიით . მაგალითად, შეგიძლიათ ეწვიოთ ძველ ქალაქ კნოსოსს, ჰერაკლიონის არქეოლოგიურ მუზეუმს და ელაფონისის ვარდისფერი ქვიშის ველურ პლაჟს .

რომანტიკული მოგზაურობა აგვისტოში

როვინი

აგვისტოში თქვენს მეორე ნახევართან ერთად შეგიძლიათ ეწვიოთ როვინს – ხორვატიული ისტრიის ერთ-ერთ ყველაზე პოპულარულ კურორტს . ადრიატიკის სანაპიროზე მდებარე ეს მყუდრო ქალაქი სწორედ ის არის, რაც ერთკვირიანი დასვენებისთვის გჭირდებათ . აქ ლამაზი, მშვიდი, ხელმისაწვდომი გარემო და უამრავი სანახავიცაა . ასე რომ, შეგიძლიათ მეთევზეთა სოფლის ქვაფენილით მოკირწყლულ ქუჩებში ისეირნოთ, ნაირფერი სახლებით დატკბეთ, წმინდა ეფემიის ბაზილიკის სამრეკლოზე ახვიდეთ და წინ გადაშლილი ხედით აღფრთოვანდეთ.

• 

• 

ბალი

შეყვარებულებისთვის ყველაფერი იოლია . მათ შეუძლიათ ხანგრძლივ ფრენას გაუძლონ, მხოლოდ იმისთვის, რომ მარტო აღმოჩდნენ რომელიმე ზეციურ ადგილზე . სწორედ ამიტომ რომანტიკული დასვენებისთვის ინდონეზიას გირჩევთ . აგვისტო შესანიშნავი დროა ამ ქვეყნის მონახულებისთვის: ამ დროს მშრალი სეზონია და დღის ტემპერატურა სტაბილურად ინარჩუნებს + 30° С ნიშნულს.

ნგურაჰ-რაის აეროპორტის მახლობლად, ბალის სამხრეთით მდებარე კურორტი ჯიმბარანი, სრულად შეესაბამება წარმოდგენას ეგზოტიკური დასვენების შესახებ: ქათქათა ფართო პლაჟები, სუფთა ზღვა, ხშირი ტყე, განმარტოებული ბუნგალოები და სპა-პროცედურები . აქ ნამდვილად არავინ და არაფერი შეუშლის ხელს დასვენებისგან და ერთად გატარებული დროისგან მიღებულ სიამოვნებას.