ბარსელონას TOP 5 „საწვეულებო“ ადგილი

ბარსელონა ერთ-ერთი იმ ქალაქთაგანია, რომლის შესახებაც ცუდს ნამდვილად ვერაფერს გაიგონებთ . მართლაც, ვისაც არ უნდა ჰკითხოთ – ყველა აღფრთოვანებულია . მხოლოდ ქალაქის ხელისუფლება როდია აღტაცებული, რადგან ყველაფერ შესაძლებელს აკეთებს იმისათვის, რომ ტურისტული შემოდინების შედეგები შეამციროს და ძველი ბარსელონის სულისკვეთება შეინარჩუნოს . ჩვენ ბარიკადების მეორე მხარეს ვიმყოფებით, ამიტომ მათ, ვინც მზად არის ეს ქალაქი თავდავიწყებით შეიყვაროს, კატალონიის დედაქალაქის საუკეთესო „საწვეულებო“ ადგილების შესახებ ვუამბობთ .

შამპანერია Can Paixano

ბარსელონას ეწვიოთ და კავა – ადგილობრივი შამპანური არ დააგემოვნოთ, უბრალოდ მიუტევებელია . ბარსას ერთ-ერთი ყველაზე პოპულარული ადგილი, სადაც ყოველგვარი სინანულის გარეშე შეძლებთ მიირთვათ ეს ღვთაებრივი ნექტარი – Can Paixano-ა . გაითვალისწინეთ, რომ ეს ადგილი სულაც არ არის მოკრძალებული, ასე რომ თქვენი სნობიზმი სახლში დატოვეთ . აქ დიდი, ხმაურიანი კომპანიით უნდა მოხვიდეთ, რომელიც მზადაა მხიარულებისთვის.

მაგრამ თუნდაც მარტოხელა მოხეტიალე ბრძანდებოდეთ, კომპანიის პოვნა არ გაგიჭირდებათ – აქ ყოველთვის ბევრი ხალხია და ახალი ადამიანების გაცნობა თავისთავად ხდება . ფასები საკმაოდ ხელმისაწვდომია, ასორტიმენტიც ფართოა, მომსახურება ელვისებურია, ამიტომ ბოკალებს ერთიმეორის მიყოლებით მოგართმევენ . მხოლოდ cava, მხოლოდ „ჰარდკორი“.

ფასები: კავას ბოკალი – დაახლოებით 1,5 ევრო, ქათმის სენდვიჩი – დაახლოებით 3 ევრო.

მისამართი: Carrer de la Reina Cristina 7, Barcelona

განრიგი: ორშაბათი-შაბათი 09:00 – 22:30, კვირა – დაკეტილია.

სკეიტ-ბარი Nevermind

თუ იცით, რომ Nevermind არ არის მხოლოდ 9 ასოსგან შემდგარი სიტყვა, არამედ ერთი საკულტო ჯგუფის ალბომი, მაშინ ამ ადგილს აუცილებლად უნდა ეწვიოთ .

ეს არის აუცილებლად სანახავი ადგილი კურტ კობეინის ყველა ფანისთვის და მათთვის, ვინც გულით ნამდვილი სკეიტერია სიეტლიდან . არ ელოდოთ ალკოჰოლური სასმელების ფართო ასორტიმენტს, მაგრამ მხოლოდ ბარის ატმოსფერო რად ღირს .

ბარის მახლობლად პატარა რამპაა მოწყობილი სკეიტერებისთვის, ხოლო თითოეულ შეკვეთას უფასო პოპკორნის ჯამი მოყვება . ეს ადგილი ტურისტების გამჭრიახი მზერისგან დამალულია, ამიტომ უცხოელებს აქ თითქმის ვერ ნახავთ – აქ ძირითადად ადგილობრივები ერთობიან . ასე რომ, ავთენტური ატმოსფეროსთვის, გემრიელი ლუდისთვის და კარგი მუსიკისთვის სწორედ აქ უნდა მოხვიდეთ.

მისამართი: Carrer Escudellers Blancs, 3

ბარი Polaroid

თუ 80-იანი წლების ნოსტალგიას განიცდით, თუნდაც მაშინ ჯერ დაბადებულიც არ იყავით, ამ ადგილს უნდა ეწვიოთ . ტეტრისი, ალფი, პაკმენი, კედლებზე პლაკატები, 80-იანი წლების საუკეთესო ჰიტები – ინტერიერი არავის დატოვებს გულგირს ვინც 20 წელზე მეტი ასაკისაა.

ბარი გოთიკურ კვარტალში მდებარეობს, ყველა ძირითადი ღირსშესანიშნაობის მახლობლად, ამიტომ ეს შესანიშნავი ადგილია, სადაც დღის განმავლობაში დატვირთული საექსკურსიო პროგრამის შემდეგ დასვენებას შეძლებთ.

მისამართი: Carrer dels Còdols, 29

კლუბი Razzmatazz

ადგილობრივების აზრით, Razzmatazz – ქალაქის საუკეთესო მუსიკალური მოედანია, სადაც ხშირად ჩამოდიან მსოფლიოში განთქმული არტისტები . მდებარეობა არცთუ ისე მოსახერხებელია, მაგრამ გზის სირთულეები გამართლებულია.

კლუბის მუსიკა ნებისმიერი გემოვნების ადამიანს დააკმაყოფილებს . საერთო ჯამში კლუბში 5 დარბაზია სხვადასხვა მიმდინარეობით – კლუბის კედლებში როკს, ინდის, ტექნოსა და უამრავ სხვა ჟანრს მოუსმენთ . ეს არის სამოთხე მელომანებისა და დილამდე ცეკვის მოყვარულებისთვის.

მისამართი: Carrer Almogàvers, 122

La Terrrazza Barcelona

მნიშვნელოვანი ადგილი ბარსელონის ღამის ცხოვრების რუკაზე – სწორედ ამ კლუბში გაიმართა ამ რეგიონში პირველი რეივი ღია ცის ქვეშ . ეს არის იდეალური ადგილი ცხელი ზაფხულის ღამეებისთვის.

კლუბის მდებარეობაც ძალიან საინტერესოა . იგი მდებარეობს პუებლო ესპანიოლში – არქიტექტურულ მუზეუმში ღია ცის ქვეშ, რომელშიც ესპანეთის არქიტექტურის სხვადასხვა საუკუნის შედევრების მაკეტებია დაცული . ამდენად, დღის კულტურულ პროგრამას ყველა შანსი აქვს ღამის გართობაში გადაიზარდოს.

მისამართი: Av . Marqués de Camillas, s/n

ახლა კი მთავარი კითხვა როგორ მოვხვდეთ ბარსელონაში?

რათქმაუნდა ვიწყებთ ჩვენი სერვისის გამოყენებით, მოიძიე იაფი ავიაბილეთები ჩვენთან!