ვროცლავი

ვროცლავი

ვროცლავი პოლონეთის ერთ-ერთი უძველესი და ულამაზესი  ქალაქია. ყველა ტურისტი აღნიშნავს მის ლამაზ ძველ ქალაქს ბაროკოსა და გოტიკური არქიტექტურის ნაგებობებით, ისევე როგორც მრავალ ხიდსა და არხს, რომელთა რაოდენობა აქ ბრიუგეზე მეტია. ვროცლავი სტუდენტური ქალაქია, ამიტომ მის ქუჩებში  ბევრი ახალგაზრდას შეხვდებით, ხოლო ცენტრში უამრავი ბარი, კლუბი და გასართობი დაწესებულებაა.

ვროცლავის ერთ-ერთი ყველაზე სახალისო ტურისტული ატრაქციონია – „იპოვე ჯუჯა“ (აქ მათ „Krasnoludki“-ს უწოდებენ). ჯუჯები ქალაქის სიმბოლოდ ითვლებიან და ყველა კუთხეშია განთავსებული. თითოეული ფიგურა უნიკალურია თავისი სახელით, პროფესიითა და ბიოგრაფიით.

საჰაერო ტრანსპორტი

ვროცლავის აეროპორტში რეგულარულად სრულდება რეისები სხვადასხვა ქვეყნებიდან და პოლონეთის ქალაქებიდან. ასე რომ, თუ ვარშავაში ან კრაკოვში მოგზაურობთ, უამრავი რამ გსმენიათ მდინარე ოდრაზე მდებარე ქალაქის შესახებ და აქ ფრენა გადაწყვიტეთ, მზად იყავით გზაში ქვეყნის დედაქალაქიდან ერთი საათი გაატაროთ, ხოლო კრაკოვიდან –  3 საათი. ფრენის ღირებულება დამოკიდებულია იმაზე, თუ რომელი ფირმის ბილეთი გაქვთ შეძენილი.

აეროპორტიდან ქალაქში შეგიძლიათ ტაქსით იმგზავროთ (გირჩევთ ავტომობილი ტელეფონით შეუკვეთოთ, რადგან თუ აეროპორტში იქირავებთ ტრადიციულად მეტის გადახდა მოგიწევთ) ან #406 ავტობუსით. ავტობუსი ქალაქის ცენტრში მიგიყვანთ, ბილეთის ღირებულება 0.7 ევროა. ღამის საათებში აეროპორტიდან ქალაქში #249 ავტობუსი მოძრაობს.

რკინიგზის ტრანსპორტი

პოლონეთის პრაქტიკულად ნებისმიერი ქალაქიდან უამრავი მოხერხებული რეისი სრულდება. ხოლო ვროცლავის ადგილმდებარეობის წყალობით, შესაძლებელია, რომ სხვა ქვეყნიდან მგზავრობა უფრო იაფი დაგიჯდეთ, ვიდრე ვარშავიდან (50 ევრო, მგზავრობის ხანგრძლივობა – 5-7 საათი). კრაკოვიდან, კატოვიცედან და პოზნანიდან მოგზაურობა უფრო ხანმოკლეა (მაქსიმუმ 3 საათი) და ღირებულება დაახლოებით 30 ევროა. ფასები ვებ-გვერდზე მითითებულია 2018 წლის სექტემბრის მდგომარეობით.

ავტობუსით მოძრაობა

ვარშავიდან უამრავი ავტორეისი ხორციელდება, გზაც საკმაოდ ხანგრძლივია – 6-დან 7 საათამდე, ბილეთის ღირებულება 3 ევროდან იწყება. ვროცლავში ავტობუსით ჩამოსვლა სხვა ქვეყნებიდანაც შეგიძლიათ.

ტრანსპორტი ქალაქში

ქალაქის ტრანსპორტი წარმოდგენილია კერძო და მუნიციპალური ავტობუსებითა და ტრამვაით. ქალაქის ტრამვაი ძალიან მრავალფეროვანია, არის როგორც ახალი, ისე ძველი მანქანები, მაგრამ ისინი ნათელ ფერებშია შეღებილი და ტექნიკურად გამართულია. გარდა ამისა, ტურისტების მოზიდვის მიზნით, ტრავმაის ნაწილი ტურისტულადაა აღჭურვილი  და ქალაქში ექსკურსიებით  კურსირებს. ერთ-ერთი მათგანი „იულიუშის“ სახელსაც კი ატარებს, პოეტი იულიუშ სლოვაცკის საპატივცემულოდ.

ავტომობილების გაქირავების გარდა, ქალაქი ველოსიპედების გაქირავების სერვისსაც სთავაზობს. საათში მხოლოდ 2 ევროს საფასურად შეგიძლიათ ეკოლოგიურად სუფთა ტრანსპორტით იმოგზაუროთ, თქვენთვის მოსახერხებელი სიჩქარით. ხოლო როდესაც დაიღლებით ან რომანტიკას მოისურვებთ, შეგიძლიათ მდინარე ოდრაზე გონდოლით (5 EUR საათი) ან ერთ-ერთ ადგილობრივი გემით (3-5 EUR საათში გემის ტიპიდან გამომდინარე) გაისეირნოთ.

ვროცლავის სასტუმროები

ვროცლავში, ისევე როგორც  მთელს პოლონეთში, ღამის გათევა არა მხოლოდ სასტუმროებში, ჰოსტელებში და საერთო საცხოვრებლებში, არამედ ბინებშიც შეგიძლიათ. ქალაქის ოფიციალურ ვებ-გვერდზე მათ მთელი განყოფილებაც კი მიუძღვნეს. სხვა შესაფერისი  საცხოვრებელი ადგილის პოვნა არც მათ გაუჭირდებათ, ვინც უპირატესობას განთავსების სხვა ვარიანტებს ანიჭებს. ყველაზე ბიუჯეტური, რა თქმა უნდა, ჰოსტელებია.

Boogie Hostel-ში (ქალაქის ცენტრში, რუსკაიას ქუჩაზე) 20 ევროდ შუა სეზონზეც კი შეგიძლიათ ცალკე ოთახი იქირაოთ საუზმით, ხოლო ადგილი საერთო ნომერში 10 ევრო ღირს.

Cinnamon Hostel-ში 12 საწოლიან ნომერში ადგილის ღირებულება – 10 ევროა, ოთხადგილიან ნომერში – 15 ევრო (და საუზმეც შედის!), ხოლო ორადგილიანში – 39 ევრო.

საშუალო კლასის სასტუმროების ფასები დღე-ღამეში 38-65 ევროს შეადგენს. მათ რიცხვს მიეკუთვნება: პარკის მახლობლად მდებარე Rezydencja Parkowa, ქალაქის ცენტრიდან 10 წუთის მგზავრობის მანძილზე,  ასევე ვროცლავის ტექნოლოგიურ უნივერსიტეტთან ახლოს მდებარე Novotel, ან კიდევ Campanile, რომელიც წმინდა ელჟბეტის საკათედრო ტაძრის მეზობლად  მდებარეობს. ხოლო Art Hotel-ში განთავსების ღირებულება, რომელიც  2005 წელს ვროცლავის საუკეთესო სასტუმროდ აღიარეს („ფორბსის“ ვერსიით), 87 ევროდან იწყება.

 

პირდაპირი ფრენები Kutaisi-დან Wroclaw-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.06.2019

29.06.2019

ფასი 770

16.07.2019

20.07.2019

ფასი 483

13.08.2019

31.08.2019

ფასი 721

ავიაბილეთები ამ თვეში Tbilisi-დან Wroclaw-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

21.06.2019

29.06.2019

2 stops

ფასი 1 507

22.06.2019

29.06.2019

1 stop

ფასი 2 483

23.06.2019

30.06.2019

1 stop

ფასი 1 262

28.06.2019

02.07.2019

2 stops

ფასი 1 604

29.06.2019

02.07.2019

1 stop

ფასი 1 174

 

Posted in ავიაბილეთები, პოლონეთი and tagged , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა