ბიუჯეტი 0 ევრო: სად წავიდეთ და რა ვნახოთ ბერლინში უფასოდ

იცით თუ არა, რომ ბერლინში  შეგიძლიათ მშვენივრად დაისვენოთ პრაქტიკულად უფასოდ ? დიახ, დიახ, ეს მართლაც ასეა და ჩვენ რამდენიმე სასარგებლო რჩევას გაგიზიარებთ ამ საკითხთან დაკავშირებით . გაითვალისწინეთ!

აბა, ღირსშესანიშნაობების დათვალიერების გარეშე როგორ მოვახერხებთ დასვენებას ? მიუხედავად იმისა, რომ  გერმანიის დედაქალაქში არ არის ბევრი მათგანი (რაც არ უნდა იყოს, ქალაქი მძიმედ დაზიანდა მეორე მსოფლიო ომის დროს), ჩვენ  ბერლინის რამდენიმე ღირსშესანიშნაობა შევარჩიეთ, რომელიც ნებისმიერ ტურისტს სრულიად უფასოდ შეუძლია იხილოს:

ბრანდენბურგის კარიბჭე

საყოველთაოდ აღიარებული არა მხოლოდ ბერლინის, არამედ მთელი გერმანიის სიმბოლო . იგი  პარიზის მოედანზე მდებარეობს უბანში სახელწოდებით მიტე.

აქ უმჯობესია საღამოს მოხვიდეთ – შებინდების შემდეგ ჭიშკარი ლამაზად არის განათებული და თავად მოედანიც თავისი სიდიდით მოგხიბლავთ.

როგორ ვიმგზავროთ: მეტროს სადგური Unter den Linden (ხაზი S1, S2) ან ავტობუსი #100.

სამუზეუმო კუნძული

მდინარე შპრეეზე მდებარე პატარა კუნძული – ნამდვილი  მონაპოვარია  სილამაზის მოყვარულთათვის . აქ დედაქალაქის ყველაზე პოპულარული მუზეუმები მდებარეობს: პერგამონის მუზეუმი, ძველი ეროვნული გალერეა, ბოდის მუზეუმი, ძველი და ახალი მუზეუმები.

სასიამოვნო ბონუსი – ყოველ ხუთშაბათს 16:00 საათიდან ნებისმიერ   მუზეუმს უფასოდ შეგიძლიათ  ეწვიოთ .

გალერეა East Side

ფრიდრიხსხაინის რაიონში მდებარე გალერეა ღია ცის ქვეშ ფაქტობრივად ბერლინის კედლის ნაწილს წარმოადგენს . ძალიან ინფორმაციული და საინტერესო იქნება ამ ისტორიულ ნაგებობასთან სეირნობა და ასობით კედლის ნახატის დათვალიერება.

სხვათა შორის, ეს ნახატები 21 ქვეყნიდან სხვადასხვა მხატვრის მიერაა შესრულებული!

როგორ ვიმგზავროთ: მეტროს სადგური Ostbahnhof (ხაზი S5, S7, S9, S75).

ავიაბილეთები ბერლინის მიმართულებით

უნტერ-დენ-ლინდენის ბულვარი

იგრძენით თავი ნამდვილ ბერლინელად ქალაქის ყველაზე ცნობილ და უძველეს ბულვარში სეირნობისას . თქვენი პრომენადი პარიზის მოედნიდან დაიწყეთ და  სეირნობით სასახლის ხიდამდე ისიამოვნეთ.

რა არის აქ საყურადღებო ? ჰუმბოლდტის უნივერსიტეტი, სახელმწიფო ოპერის თეატრი, სახელმწიფო ბიბლიოთეკა და გერმანიის ისტორიული მუზეუმი – ბულვარის ერთ-ერთი ყველაზე ყურადსაღები შენობებია .

და, რა თქმა უნდა – საღამოს ნაირფერი განათება.

როგორ ვიმგზავროთ: მეტროს სადგური Unter den Linden (ხაზი S1, S25).

ხელოვნების გალერეები Hackercher Markt

Hackescher Markt-ის გარშემო ქუჩის ხელოვნების ყველაზე საინტერესო გალერეებია თავმოყრილი – სწორედ აქ საკუთარი თვალით იხილავთ ადამიანის ფანტაზიის შესაძლებლობას . აქ ნამდვილად ვერ მოიწყენთ!

სხვათა შორის, ყოველ ხუთშაბათს საღამოობით ყველასთვის უფასო წარმოდგენები იმართება.

როგორ ვიმგზავროთ: მეტროს სადგური Hackescher Markt (ხაზი S5, S7, S9, S75).

პარკი დიდი ტირგარტენი

გერმანიის ყველაზე დიდი  და ძალიან ლამაზი პარკი – ტყუილად როდია ბერლინელებისა და ქალაქის სტუმრების საყვარელი ადგილი.

შეგიძლიათ ჩრდილიან ბილიკებზე ფეხით ისეირნოთ, ტბის სარკისებრი ზედაპირით დატკბეთ ან ნავით გაისეირნოთ – არჩევანი თქვენზეა.

როგორ ვიმგზავროთ: მეტროს სადგური Potsdamer Platz (ხაზი U2, S1, S25) ან Bellevue (ხაზი S5, S7, S9, S75).

ბერლინი სამოთხეა ინტელექტუალური დასვენების მოყვარულთათვის: მუზეუმებისა და სხვადასხვა გალერეის რაოდენობა ნებისმიერ მოთხოვნას დააკმაყოფილებს . იმ მუზეუმთაგან, რომელშიც შესვლა უფასოა, აღსანიშნავია:

გერმანულ-რუსული მუზეუმი ბერლინი-კარლხორსტი(Deutsch-Russisches Museum Berlin-Karlshorst)

საინტერესო იქნება მათთვის, ვინც სამხედრო ისტორიული თემატიკით ინტერესდება, კერძოდ, მეორე მსოფლიო ომის პერიოდით.

მისამართი: Zwieseler Str . 4

სამუშაო გრაფიკი: ყოველდღე 10: 00 საათიდან 18:00 საათამდე, ორშაბათი -დასვენების დღეა.

გალერეა Daimler Contemporary

სხვადასხვა სტილისა და მიმართულების თანამედროვე ხელოვნება.

მისამართი: Alte Potsdamer Str . 5.

სამუშაო საათებია: ყოველდღე 11:00 საათიდან 18:00 საათამდე.

გაითვალისწინეთ: ყოველი თვის პირველ კვირა დღეს  ბერლინის ყველა სახელმწიფო მუზეუმში შესვლა უფასოა.

ყოველ ხუთშაბათს 18:00 საათიდან 21:00 საათამდე შეგიძლიათ უფასოდ ეწვიოთ ევროპის ხელოვნების მუზეუმს, ეგვიპტის მუზეუმს და მინისა და სინათლის ტაძარს, ხოლო 14:00 საათიდან 18:00 საათამდე – ჰამბურგის სადგურს.

აღმოჩნდა, რომ ბერლინი ძალიან კომფორტული ქალაქი, როდესაც საქმე  ბიუჯეტურ მოგზაურობას ეხება . აქ შეგიძლიათ არა მხოლოდ უფასოდ წაიხემსოთ ან ღამის გასათევი  ადგილი იპოვოთ, არამედ კარგი დროც გაატაროთ . ამგვარად, როგორ შეიძლება გაერთოს „ბიუჯეტური“ მოგზაური გერმანიის დედაქალაქში?

კონცერტს დაესწროს

ბერლინის ფილარმონია სამშაბათობით ყველა მელომანისთვის უფასო კონცერტებს მართავს . ასრულებენ როგორც ახალგაზრდა, ისე ცნობილი მუსიკოსები . კონცერტები იწყება 13:00 საათზე, მაგრამ გირჩევთ წინასწარ მოხვიდეთ – დაწყებამდე 30-40 წუთით ადრე, წინააღმდეგ შემთხვევაში ყველა დასაჯდომი ადგილი დაკავებული დაგხვდებათ.

მისამართი: Herbert-von-Karajan-Straße 1, Berlin-Tiergarten.

ქალაქი სიმაღლიდან იხილოს

საუბარია ბერლინის სათვალთვალო მოედნებზე: Panoramapunkt, რომელიც პოტსდამის მოედანზე Kollhoff-ს კოშკის წვერზე მდებარეობს, ასევე ვიქტორიას პარკში კროიცბერგის ბორცვის მწვერვალზე მდებარე მონუმენტი . პირველიდან შესანიშნავად მოჩანს ძველი და ახალი ქალაქი, სადაც ასევე განთავსებულია მრავალი კაფე და სხვადასხვა გამოფენა ეწყობა . მეორედან კი ლამაზი ხედები იშლება, განსაკუთრებით მზის ჩასვლისას.

მისამართები: Panoramapunkt, Potsdamer Platz 1, Berlin-Mitte (ყოველდღე 10:00 – 20:00).

რეიხსტაგზე ავიდეს

რა თქმა უნდა, ალპინისტური აღჭურვილობის წამოღება არ არის საჭირო 🙂 საკმარისია მხოლოდ ბუნდესტაგის ვებ-გვერდზე დარეგისტრირდეთ (სასურველია სავარაუდო მოგზაურობამდე რამდენიმე თვით ადრე) და შესასვლელთან პირადობის მოწმობა წარადგინოთ . და მორჩა – თქვენს წინაშეა ქალაქის ყველაზე თვალწარმტაცი პანორამა!

უფასო ექსკურსიაზე მოხვდეს

ადგილობრივი გიდები დაგეხმარებათ, რომ გერმანიის დედაქალაქი უფრო ახლოს გაიცნოთ . საკმარისია ეს ვებ-გვერდი გახსნათ და თქვენთვის სასურველი თარიღი და დრო შეარჩიოთ – და წინ, ბერლინის დასაპყრობად გაეშურეთ!

კლუბში გაერთოს

ბერლინი ნამდვილად ერთ-ერთი ყველაზე „საწვეულებო“ დედაქალაქია . გადამოწმება გსურთ ? ეს მარტივია ! ამ კლუბებში შესვლა სრულიად უფასოა:

SAGE

შესვლა უფასოა ხუთშაბათობით 22:00 საათამდე, ბონუსად საჩუქარი ბარიდან: ორი კოქტეილი ერთის ფასად.

FRIDAY NIGHT

შუაღამემდე გოგონებისთვის შესვლა უფასოა (მხოლოდ პარასკეობით!).

ლათინოამერიკული რითმების მოყვარულთათვის – ყოველკვირეულად ეწყობა სალსას უფასო გაკვეთილები (მეტი ინფორმაცია აქ იხილეთ).

რასაც არ უნდა ამბობდნენ, ბერლინში სავსებით შესაძლებელია თანხის დაზოგვა .  ჩვენ რამდენიმე სასარგებლო რჩევას გთავაზობთ თუ როგორ უნდა გააკეთოთ ეს:

შეიძინეთ Berlin Welcome Card

ნაცადი საშუალება მნიშვნელოვნად დაზოგოთ თანხა არა მხოლოდ საზოგადოებრივი ტრანსპორტით მგზავრობისას, არამედ ღირსშესანიშნაობებისა და კულტურული ობიექტების დათვალიერებისას . თან უფასო გზამკვლევს მიიღებთ – აბა, კედევ რა გჭირდებათ?

სასურველი ბარათის შერჩევას აქ შეძლებთ . და ასევე აქ

უფასო ღამისთევა

თუ რაიმე მიზეზით ბერლინში ღამისთევის ადგილი არ გაქვთ – არა უშავს, ქალაქში რამდენიმე ადგილია, სადაც ღამეს უფასოდ გაათევთ და ასევე უფასოდ წაიხემსებთ კიდეც:

Berliner Stadtmission (Hauptbahnhof ქალაქის სადგურის მახლობლად)

მისამართები: Lehrter Straße 68, 10557 Berlin . ღიაა 21:00 საათიდან.

Kopenhagener Straße 29

Joachim-Friedrich-Str . 46 (City-Station).

უფასოდ წაიხემსეთ

ბერლინში რამდენიმე ადგილია, სადაც ნებისმიერ მსურველს შეუძლია შევიდეს და უბრალოდ მიირთვას, ყოველგვარი საფასურის გადახდის გარეშე . როგორც წესი, ასეთ საზოგადოებრივი კვების ობიექტებს საქველმოქმედო ორგანიზაციები ან ეკლესიები აფინანსებენ, მაგრამ რა მნიშვნელობა აქვს თუ ეს გემრიელი და უფასოა ? ამგვარად, იქონიეთ მხედველობაში:

კაფე Vetomat (ყოველ კვირას 16:00 საათამდე) . მენიუში – ცივი საუზმეული და ცხელი კერძებია.

მისამართი: Scharnweberstraße 35 10247 Berlin.

Veggie Dinner — ვეგეტარიანული კაფე, სადაც შაბათობით უფასოდ მიირთმევთ.

მისამართი: Falckensteinstraße 6 10997

კაფე Bankrott — ეს ადგილი სრულიად უფასო არ არის, მაგრამ ფასები აქ იმდენად სიმბოლურია, რომ უფრო იაფად ვერსად იპოვით . შეგიძლიათ შეუკვეთოთ საუზმე, სადილი ან ცხელი სასმელები . ხელმისაწვდომია უფასო ინტერნეტი.

მისამართი: Storkower Straße 139d

იაფად ვიფრინოთ

და ბოლოს, შეგახსენებთ სად უნდა მოიძიოთ ყველაზე იაფი ავიაბილეთი, რა თქმა უნდა Aviabiletebi.org.

პ.ს ყველაზე იაფად ბერლინში გაფრენა ქუთაისის აეროპორტიდან არის შესაძლებელი,

Aviabiletebi.org

ასევე იხილეთ:

• მოგზაურობა ბერლინში: რა უნდა იცოდეს მოგზაურმა
• ავიაბილეთები ბერლინი