სად გავემგზავროთ თხილამურებით სასრიალოდ უკრაინაში: პოპულარული კურორტების მიმოხილვა

ზამთრის სეზონის დაწყებამდე ჩვენ გავარკვიეთ სად შეიძლება თხილამურებით ან სნოუბორდით სრიალი უკრაინაში და რა დაგიჯდებათ ეს . ბონუსის სახით გთავაზობთ უკრაინული კურორტების ჩამონათვალს არა მხოლოდ კარპატებში, არამედ კიევის მიდამოებში, რათა მთაში გამგზავრებამდე წაივარჯიშოთ.

თქვენთვის მოვამზადეთ უკრაინის სამთო-სათხილამურო კურორტების მიმოხილვა, რომელიც საშუალებას მოგცემთ გადაწყვიტოთ, თუ სად უნდა „მოკურცხლოთ“ ამ სეზონზე.

ბუკოველი

• სიმაღლე: 850-1372 მეტრი ზღვის დონიდან.
• ტრასების რაოდენობა: 62 საერთო სიგრძით 65 კილომეტრი: 12 მარტივი ახალბედა მოთხილამურეებისთვის, 42 საშუალო სირთულის და 8 რთული პროფესიონალი სპორტსმენებისთვის.
• საბაგიროების რაოდენობა: 16, მათგან 15 სავარძლიანი და 1 ბუგელის ტიპი.
• თოვლის საფრქვევი აპარატი: ყველა ტრასაზე.

დავიწყოთ კლასიკით . ბუკოველი – ყველაზე ცნობილი და ტექნიკური აღჭურვილობით საუკეთესო სათხილამურო კურორტია უკრაინაში ტრასებით ნებისმიერი დონის სპორტსმენებისთვის . იგი ასევე ყველაზე დიდი და ძვირადღირებული კურორტია . თუ აქ ჩამოსვლას გადაწყვეტთ, თქვენ არ მოგიწევთ ღელვა თოვლის მოსვლა არ მოსვლის გამო – აქ საფარი მთელი სეზონის განმავლობაშია ნოემბრიდან აპრილის ჩათვლით . ეს არის შესანიშნავად განვითარებული ინფრასტრუქტურის მქონე კურორტი: აქ არის გაქირავების პუნქტები და სერვის ცენტრები, სათხილამურო სკოლა, კაფეები და რესტორნები, სასტუმროები, კლუბები, სპა-ცენტრები . თითქოს მართლაც რომ ზამთრის ზღაპარია, მაგრამ ამ ადგილსაც თავისი ნაკლი აქვს . ბუკოველის ნაკლოვანებებს შეიძლება მივაკუთვნოთ მაღალი ფასები, მოთხილამურეებისა და სნოუბორდისტების დიდი რაოდენობა, ასევე სეზონზე რიგები ზოგიერთ საბაგიროზე.

• 

• 

სათხილამურო სკოლის ინსტრუქტორები ჯგუფურ და ინდივიდუალურ მეცადინეობებს ატარებენ მოზრდილთათვის და ხუთი წლიდან ასაკის ბავშვებისთვის, ასევე ასწავლიან ქარვინგსა და ფრისტაილს . 4-საათიანი გაკვეთილი 5-8 კაციან ჯგუფში 990 გრივნა დაგიჯდებათ (სადღესასწაულო სეზონზე 1290 გრივნა).

ინდივიდუალური მეცადინეობის ღირებულებაა 1490 გრივნა/2 საათი (1940 გრივნა სადღესასწაულო სეზონზე), ხოლო სრული კურსი (12 საათი) – 7590 გრივნა (9880 გრივნა სადღესასწაულო სეზონზე).

ბუკოველი: აღჭურვილობის გაქირავება

სათხილამურო კომპლექსის ტერიტორიაზე ფუნქციონირებს 16 გაქირავების პუნქტი, ქირის ღირებულება დამოკიდებულია აღჭურვილობის კლასზე:

• თხილამურები, ჩაფხუტი, ფეხსაცმელი, ჯოხები – 130-დან 430 გრივნამდე დღე-ღამეში;
• სნოუბორდი, ჩაფხუტი, ფეხსაცმელი – 130-დან 430 გრივნამდე დღე-ღამეში;
• ჩაფხუტი – 60 გრივნა/დღეში.

ასევე არის შესაძლებლობა ცალკე იქირაოთ თხილამურები ან ბორდი, ფეხსაცმელი, ჩაფხუტი, ჯოხები, სათხილამურო ტანსაცმელი.

გაითვალისწინეთ, რომ სადღესასწაულო დღეებში 2-დან 6 იანვრის ჩათვლით ტარიფები თითქმის ორჯერ მაღალია.

განთავსების ღირებულება

საბაგიროს გვერდით ორადგილიანი ნომერი სეზონზე დღეში დაახლოებით 2500-3000 გრივნა ღირს, სოფელ პოლიანიცაში კი საცხოვრებელს უფრო იაფად იპოვით – ღამეში 2000 გრივნადან.

კვების ღირებულება

კომპლექსის ტერიტორიაზე არსებულ დაწესებულებებში წვნიანის ან ბორშის ულუფა 75-85 გრივნა დაგიჯდებათ, პიცა – 170-250 გრივნა, 100 გრამი გირცი და პელმენი – დაახლოებით 40 გრივნა.

‘‘ლაიფჰაკი: ბუკოველში ფულის დაზოგვის საუკეთესო საშუალებაა განთავსდეთ იარემჩეში ან სხვა დასახლებულ პუნქტში კომპლექსიდან 30-40 კილომეტრში და გამოიყენოთ ტრანსფერი (ხშირად უფრო იაფი გამოდის, ტრანსპორტირების ხარჯების გათვალისწინებითაც კი).

სათხილამურო აბონემენტის ღირებულება

• 1 ასვლა – 290 გრივნა;
• 3 საათი – 580 გრივნა;
• 1 დღე – 980 გრივნა;
• 2 დღე – 1930 გრივნა;
• 5 დღე – 4360 გრივნა;

ფასების სრული ჩამონათვალი იხილეთ აქ. 6 წლამდე ბავშვები საბაგიროთი უფასოდ სარგებლობენ . 6-დან 12 წლამდე ბავშვებისთვის, პენსიონერებისთვის, შეზღუდული შესაძლებლობის მქონე პირებისთვის და უკრაინის ანტიტერორისტული ოპერაციის მონაწილეებისთვის 30%-იანი ფასდაკლება მოქმედებს.

როგორ ჩავიდეთ ბუკოველში

სამთო-სათხილამურო კომპლექსი სოფელ პოლიანიცის მახლობლად მდებარეობს .

თუ ავტომობილით მგზავრობას აპირებთ, გაითვალისწინეთ, რომ ივანო-ფრანკოვსკის ოლქში ორი ერთი და იმავე სახელის დასახლებული პუნქტია, ამიტომ გირჩევთ კოორდინატები ხელით შეიყვანოთ: 48.346438, 24.445438.

მეორე ვარიანტია – მატარებლით გამგზავრება ივანო-ფრანკოვსკში და იქიდან ტრანსფერის შეკვეთა . კომპლექსის ოფიციალური გადამზიდავია ტაქსის სერვისი „იავორი“, თუმცა ინტერნეტში ათობით განცხადებას იპოვით სხვა კომპანიებისგან თუ კერძო პირებისგან.

დრაგობრატი

• სიმაღლე: 1300-1700 მეტრი ზღვის დონიდან.
• ტრასების რაოდენობა: 9 საერთო სიგრძით 10 კილომეტრი . მათგან 1 მარტივია ბავშვებისთვის და დამწყებთათვის, 5 საშუალო სირთულის და 3 რთული პროფესიონალი სპორტსმენებისთვის.
• საბაგიროების რაოდენობა: 11, მათგან 2 სავარძლიანი და 9 ბუგელის ტიპის.
• თოვლის საფრქვევი აპარატი: არა.

ეს კურორტი კარგად ნაცნობია ფრირაიდის მოყვარულთათვისთვის – ტრასის გარეთ სრიალი „ფუმფულა“ ხელუხლებელ თოვლზე . დრაგობრატი – უკრაინის ყველაზე მაღალმთიანი კურორტიცაა . მისი უმაღლესი წერტილი სტოგის მთაზე 1707 მეტრის სიმაღლეზე მდებარეობს . მისი მთავარი მინუსიც სწორედ ამას უკავშირდება – კურორტამდე მარტივი გზა არ არის . კომპლექსის ტერიტორიაზე ასვლა უახლოესი დასახლებული პუნქტიდან ყველაზე ხშირად შესაძლებელია მხოლოდ მაღალი გამავლობის მანქანით . მაგრამ რა დაუვიწყარ შთაბეჭდილებებს მიიღებთ!

სათხილამურო სეზონი დრაგობრატზე ჩვეულებრივ ნოემბრიდან მაისამდეც კი გრძელდება . ვინაიდან კურორტი მაღალმთიანია, თოვლის პრობლემა არ არის.

კომპლექსის ინსტრუქტორები თხილამურებით სრიალს მოზრდილებსა და სამი წლიდან ასაკის ბავშვებს ასწავლიან . ღირებულება – საათში 300 გრივნა.

აღჭურვილობის გაქირავება დრაგობრატზე

კომპლექსის ტერიტორიაზე გაქირავების პუნქტებში შეგიძლიათ იქირაოთ თხილამურებით სრიალის (მათ შორის ორ წელზე უფროსი ასაკის ბავშვებისთვის) ან სნოუბორდის აღჭურვილობის კომპლექტი, აქსესუარები (ჩაფხუტი, ხელთათმანები, ნიღაბი), ციგა . მახლობლად მდებარე ბევრ სასტუმროს აქვს საკუთარი გაქირავების სერვისი . საორიენტაციო ღირებულება:

• თხილამურები, ჯოხები, ფეხსაცმელი – 80-150 გრივნა დღე-ღამეში;
• სნოუბორდი, ფეხსაცმელი – 90-150 გრივნა დღე-ღამეში;
• ნიღაბი – 35 გრივნა დღე-ღამეში;
• ჩაფხუტი – 40 გრივნა დღე-ღამეში;
• ციგა – 40 გრივნა დღე-ღამეში.

განთავსების ღირებულება

კომპლექსის ტერიტორიაზე, ტრასების გვერდით მდებარეობს ერთი სასტუმრო 33 ნომრით და ორი ორსართულიანი კოტეჯი 8 ნომრით, რომლებშიც ერთდროულად 140 ადამიანი განთავსდება . სეზონზე სასტუმროში ორადგილიანი ნომერი ღირს 500 გრივნა/დღე-ღამეში, ხოლო კოტეჯში შეგიძლიათ დარჩეთ 670 გრივნად/დღე-ღამეში.

ცოტა უფრო მოშორებით, კერძო სექტორში, ოთახები ქირავდება 150-250 გრივნად/ დღე-ღამეში . ამ შემთხვევაში საბაგირო 20-30 წუთის სავალზე იქნება.

კვების ღირებულება

ძირითადი კერძი – 60 გრივნადან.

სათხილამურო აბონემენტის ღირებულება

დრაგობრატის უპირატესობს იმაში მდგომარეობს, რომ აქ აბონემენტი იყიდება არა დროის, არამედ საბაგიროთი სარგებლობის (ასვლის) რაოდენობის მიხედვით . ღირებულება დამოკიდებულია საბაგიროზე და ცხოვრობთ თუ არა კომპლექსის ტერიტორიაზე . მაგალითად, კომპლექსის ტერიტორიაზე მცხოვრები ტურისტებისთვის შემდეგი ფასებია:

• 1 ასვლა – 40 გრივნა;
• 10 ასვლა – 250 გრივნა;
• 50 ასვლა – 1100 გრივნა.

როგორ ჩავიდეთ დრაგობრატზე

ივანო-ფრანკოვსკში ჩასვლის ან ჩაფრენის შემდეგ ელექტრომატარებლით, ავტობუსით ან ტაქსით დაბა იასინიაში ჩაბრძანდით . ასევე შეგიძლიათ კიევიდან პირდაპირ იასინიაში ჩახვიდეთ მატარებლით „კიევი-რახოვი“, რომელიც ამ სადგურს გაივლის . შემდეგ თქვენ საინტერესო გამოცდილება გელოდებათ: დრაგობრატამდე მაღალი გამავლობის მანქანით უნდა ჩახვიდეთ . ამაში კი ადგილობრივი მაცხოვრებლები დაგეხმარებათ დაახლოებით 200 გრივნად.

პილიპეცი

• სიმაღლე: 750-1650 მეტრი ზღვის დონიდან.
• ტრასების რაოდენობა: 8 საერთო სიგრძით 20 კილომეტრი, აქედან 2 მარტივი, 3 საშუალო სირთულის და 3 პროფესიონალი სპორტსმენებისთვის.
• საბაგიროების რაოდენობა: 7, მათგან 1 სავარძლიანი და 6 ბუგელის ტიპის.
• თოვლის საფრქვევი აპარატი: არის.

კურორტი მდებარეობს გემბასა (1497 მ) და მაგურა-ჟიდას (1517 მ) მთების ძირში . დრაგობრატის მსგავსად, იგი მოეწონება ტრასის გარეთ თხილამურებით სრიალის მოყვარულებს: პილიპეცი ითვლება უკრაინული ფრირაიდის აკვნად . თუმცა აქ აღჭურვილი ტრასებიც არის ახალბედა და პროფესიონალი მოთხილამურეებისთვის, ასევე ტრასები ბარის თხილამურებით სრიალის მოყვარულთათვის.

ინსტრუქტორის მომსახურება

სავარძლებიანი საბაგიროს ქვედა სადგურზე მდებარეობს სათხილამურო სკოლის ოფისი, სადაც შეგიძლიათ მოელაპარაკოთ ჯგუფური და ინდივიდუალური მეცადინეობების შესახებ მოზრდილებისა და ბავშვებისთვის . სწავლების საორიენტაციო ღირებულებაა – 150 გრივნა/სთ ინდივიდუალური მეცადინეობისთვის . კერძო ინსტრუქტორები ნაკლებს იღებენ – 80 გრივნა/სთ-ში.

აღჭურვილობის გაქირავება პილიპეცში

არც ამ საკითხთან დაკავშირებით შეგექმნებათ პრობლემები . აქ არის აღჭურვილობის გაქირავების რამდენიმე პუნქტი მოზრდილთათვის და სამი წლის ასაკიდან ბავშვებისთვის . აქ შეგიძლიათ იქირაოთ თხილამურები და სნოუბორდები, ფეხსაცმელი, ჩაფხუტი, ციგა და ტუბინგი . საორიენტაციო ღირებულება – 80-დან 100 გრივნამდე დღეში სრული კომპლექტისთვის.

განთავსების ღირებულება

კურორტის ტერიტორიაზე უამრავი სასტუმრო მუშაობს, ხოლო ადგილობრივი მაცხოვრებლები კოტეჯებსა და საკუთარ სახლებში ოთახებს აქირავებენ . სეზონზე სასტუმროში ორადგილიანი ნომერი დღე-ღაში 600 გრივნა ღირს, კერძო სექტორში ბინის ქირაობა კვების გარეშე შეგიძლიათ დღე-ღამეში 250-300 გრივნად, ოთახი კი – 100-150 გრივნად დღე-ღამეში.

კვების ღირებულება

კაფეებსა და რესტორნებში ძირითადი კერძი 50 გრივნადან ღირს, სრულფასოვანი ორკერძიანი სადილი სასმელებით კი დაახლოებით 150 გრივნა.

სათხილამურო აბონემენტის ღირებულება

• 1 ასვლა – 40-50 გრივნა;
• 1 დღე – 400 გრივნა;
• 50 ასვლა – 1800 გრივნა.

6 წლამდე ასაკის ბავშვები საბაგიროთი უფასოდ სარგებლობენ, 6-დან 12 წლამდე ასაკის ბავშვები კი – 40% ფასდაკლებით.

როგორ ჩავიდეთ პილიპეცში

ვოლოვცამდე მატარებლით უპრობლემოდ შეგიძლიათ ჩასვლა . თქვენთვის შესაფერისია მატარებლები კიევიდან და ხარკოვიდან უჟგოროდამდე, ასევე კიევიდან ჩოპამდე . ჩამოდით ვოლოვეცის სადგურზე, იქიდან კი კურორტზე მიკროავტობუსით ან ტაქსით ჩაბრძანდით.

სლავსკოე

• სიმაღლე: 590-1232 მეტრი ზღვის დონიდან.
• ტრასების რაოდენობა: ტროსტიანის მთაზე 11 ტრასაა საერთო სიგრძით 22 კილომეტრი, მათგან 6 სერტიფიცირებულია სათხილამურო სპორტის საერთაშორისო ფედერაციის (FIS) მიერ . პოგარის მთაზე – 3 ტრასა, კრემენის მთაზე – 2 („პოლიტექი“ და „ფმი“), მენჩილის მთაზე – 4, ვისოკი ვერხის მთაზე – 9.
• საბაგიროების რაოდენობა: 12, მათგან 9 ბუგელის ტიპის, 2 სავარძლიანი და 1 მულტილიფტი.
• თოვლის საფრქვევი აპარატი: პოგარის მთაზე.

• 

• 

კურორტის ძირითადი ტრასები აღჭურვილია ტროსტიანის, პოგარის, ვისოკი ვერხის, კრემენისა და მენჩილის მთების ფერდობებზე . მათი ყველაზე მეტი რაოდენობა ტროსტიანის მთაზეა, ახალბედებისთვის არის დამრეცი ფერდობები, ხოლო გამოცდილი სპორტსმენებისთვის – ციცაბო (40-50° დაღმართი).

პოგარის მთაზე არის ტრასები ფრისტაილისთვის, გიგანტური სლალომისთვის, დელტაპლანერიზმისთვის . შესანიშნავი კი ის არის, რომ კურორტზე თოვლის საფრქვევი აპარატებიცაა, რომელთა წყალობითაც კომპლექსის მუშაობა ამინდზე არ არის დამოკიდებული . სლავსკოეში ასევე შესაძლებელია ღამით თხილამურებით სრიალი.

თუ ჯერ კიდევ ვერ დაიკვეხნით თხილამურებით ან ბორდზე სრიალის დიდი გამოცდილებით, აირჩიეთ კრემენის მთის ფერდობები . იგი იდეალურად შესაფერისია ბავშვებისთვის და ახალბედებისთვის, გამოცდილ სპორტსმენებს კი მენჩილის მთაზე უფრო მოეწონებათ.

კურორტის მინუსებს შეიძლება მივაკუთვნოთ ხალხმრავლობა (ლვოვისა და მისი მიდამოების მაცხოვრებლები აქ შაბათ-კვირას ჩამოდიან), მაგრამ ბუკოველთან შედარებით, ეს მაინც არაფერია.

სლავსკოეში არის სათხილამურო სკოლა, რომლის ინსტრუქტორები სთავაზობენ ინდივიდუალურ და ჯგუფურ სწავლებას დამწყებთათვის, მათ შორის 6 წელზე მეტი ასაკის ბავშვებისთვის (სნოუბორდზე სრიალის სწავლება შესაძლებელია 10 წლის ასაკიდან), ასევე მოყვარულთათვის თხილამურებით სრიალის დონის ამაღლებას . 1 საათიანი ინდივიდუალური მეცადინეობა 350 გრივნა ღირს, ჯგუფში სწავლება კი (3-5 კაცი) – 600-1000 გრივნა საათში ყველასთვის.

აღჭურვილობის გაქირავება სლავსკოეში

შეგიძლიათ იქირაოთ თხილამურები ან სნოუბორდი ფეხსაცმლით, ჩაფხუტით, ნიღბით, კოსტიუმით, ციგებით . კოტეჯებისა და სასტუმროების მრავალი მფლობელი ასევე სთავაზობს თავის სტუმრებს გაქირავების მომსახურებას . საორიენტაციო ფასები:

• თხილამურები, ფეხსაცმელი, ჯოხები, ჩაფხუტი – დღეში 100-დან 220 გრივნამდე;
• სნოუბორდი, ფეხსაცმელი და ჩაფხუტი – დღეში 120 გრივნადან;
• ციგა – დღეში 40 გრივნადან.

განთავსების ღირებულება

სასტუმროების გარდა, კერძო სექტორში განთავსების უამრავი ვარიანტია: როგორც ოთახები, ისე მთლიანი კოტეჯები . სეზონზე სასტუმროში ორადგილიანი ნომრის ქირაობა დღე-ღამეში 300-800 გრივნად შეგიძლიათ, ოთახის ადგილობრივი მაცხოვრებლებისგან კი – 150-200 გრივნად ერთ ადამიანზე დღე-ღამეში.

კვების ღირებულება

კაფეში ძირითადი კერძი 50 გრივნა ღირს, სრულფასოვანი სადილი ან ორი კერძისგან შემდგარი ვახშამი სასმელებით მინიმუმ 150 გრივნა დაგიჯდებათ . თუ კერძო სექტორში გეგმავთ ცხოვრებას, მაშინ სურვილისამებრ მეპატრონესთან შეგიძლიათ მოილაპარაკოთ სრული ან ნაწილობრივი პანსიონის შესახებ.

სათხილამურო აბონემენტის ღირებულება

ტროსტიანის მთაზე:

• სავარძლიანი საბაგირო ორი მიმართულებით – 200-240 გრივნა;
• დღიური აბონემენტი – 470-570 გრივნა.

ვისოკი ვერხის მთაზე (კომპლექსი „ზახარ ბერკუტი“):

• 3 საათი – 500-600 გრივნა;
• დღიური აბონემენტი – 700-800 გრივნა.

5 წლამდე ასაკის ბავშვებს უფასოდ ემსახურებიან.

პოგარის მთაზე:

• 1 ასვლა – 30 გრივნა;
• ნახევარი დღე – 200 გრივნა;
• 1 დღე – 300 გრივნა.

6 წლამდე ასაკის ბავშვებსა და უკრაინის ანტიტერორისტული ოპერაციის მონაწილეებს უფასოდ ემსახურებიან.

კრემენის მთაზე:

• 1 ასვლა, „პოლიტექი“ – 12 გრივნა;
• 1 ასვლა, „ფმი“ – 15 გრივნა.

როგორ ჩავიდეთ სლავსკოეში

სლავსკოეს სადგურს გაივლის კიევიდან და ოდესიდან უჟგოროდში მიმავალი მატარებლები, ასევე ლვოვიდან უჟგოროდისა და მუკაჩევოს მიმართულებით მიმავალი მატარებლები . ლვოვიდან, რომელიც კურორტიდან 137 კილომეტრში მდებარეობს, ასევე შეგიძლიათ იმგზავროთ ავტობუსით ან ტაქსით . თუ მანქანით მგზავრობთ, ჩაწერეთ კოორდინატები ნავიგატორში: 48°50′42″, 23°26′42″.

პლაი

• სიმაღლე: 600 მეტრი ზღვის დონიდან . სიმაღლეთა სხვაობა – 260 მეტრი.
• ტრასების რაოდენობა: 5, მათგან 3 „წითელი“ (სირთულის საშუალო დონის), 1 „ლურჯი“ (დამწყებთათვის) და 1 „შავი“ (გამოცდილი სპორტსმენებისთვის).
• საბაგიროების რაოდენობა: 6, მათგან 4 სავარძლიანი, 1 ბუგელის ტიპის და 1 „ბეიბი-ლიფტი“.
• თოვლის საფრქვევი აპარატი: არის.

პლაი – ჩამოთვლილ კურორტებს შორის ყველაზე ახალია – იგი 2007 წელს დაარსდა . ეს კომპაქტური სამთო-სათხილამურო კურორტი მდებარეობს ლვოვის ოლქის სკოლევსკის რაიონის დაბა პლავიეს მახლობლად და სლავსკოესა და ბუკოველის ღირსეულ ალტერნატივას წარმოადგენს . ხოლო იმის წყალობით, რომ წელს „კიევსტარმა“ აქტიურად გააფართოვა 4G დაფარვა პატარა ქალაქებსა და სოფლებში – მაღალსიჩქარიანი ინტერნეტი ახლა აქაც მუშაობს.

კურორტზე ფუნქციონირებს სკოლა მოთხილამურეებისა და სნოუბორდისტებისთვის, სადაც შეგიძლიათ სრიალი ნულიდან ისწავლოთ ან არსებული უნარები და ცოდნა გაიღრმავოთ . ინდივიდუალური 2 საათიანი მეცადინეობა 1000-1100 გრივნა დაგიჯდებათ, 2-5 კაციან ჯგუფში – 600-700 გრივნა/2 სთ . ყველაზე ხელსაყრელი ვარიანტია – მეცადინეობა 5-12 კაციან ჯგუფში . ამ შემთხვევაში ფასი შეადგენს 450-500 გრივნას /2 სთ.

გაითვალისწინეთ, რომ ეს არ არის შესაფერისი კურორტი ციგით სრიალისთვის – ციგით სრიალი აქ აკრძალულია, ამიტომ პატარა ბავშვებთან ერთად მოგზაურობისთვის ეს კურორტი საუკეთესო არჩევანი ვერ იქნება.

აღჭურვილობის გაქირავება

• თხილამურები, ჯოხები, ფეხსაცმელი – 250-300 გრივნა დღე-ღამეში;
• ფეხსაცმელი – 120-130 გრივნა დღე-ღამეში;
• ჩაფხუტი – 50-60 გრივნა დღე-ღამეში.

განთავსების ღირებულება

სათხილამურო კომპლექსის ტერიტორიაზე ოთხი სასტუმროა – „კარპატსკა რუჟა“, „პლაი“ (სასტუმრო და მოტელი) და „პორუჩი“ . მათგან ყველაზე ძვირადღირებული – „კარპატსკა რუჟაა“: ორადგილიანი ნომერი დღე-ღამეში 3500-დან 6700 გრივნამდე დაგიჯდებათ . უფრო ხელმისაწვდომი ფასებია „პლაიში“ – დღე-ღამეში 1600-დან 2900 გრივნამდე და „პორუჩში“ – დღე-ღამეში 1000-დან 1500 გრივნამდე . თუ უფრო ხელსაყრელ ვარიანტებს ეძებთ, შეგიძლიათ განთავსდეთ ერთ-ერთ კერძო სახლში ახლომდებარე სოფელში.

კვების ღირებულება

კომპლექსის ტერიტორიაზე ოთხი რესტორანი და კაფე მუშაობს . სადილი ან ვახშამი ორ პერსონაზე სასმელებით აქ საშუალოდ 300-400 გრივნა დაგიჯდებათ.

სათხილამურო აბონემენტის ღირებულება

• ნახევარი დღე – 450-550 გრივნა;
• 1 დღე – 800-1000 გრივნა;

7 წლამდე ასაკის ბავშვებისთვის – უფასო.

როგორ ჩავიდეთ

თუ მატარებლით გეგმავთ ჩასვლას, თქვენთვის შესაფერისია კიევი – უჟგოროდი 029K მატარებელი . უნდა ჩამოხვიდეთ სკოლეს ან ვოლოვეცის სადგურებზე . ავტომობილით მგზავრობის შემთხვევაში უნდა იმგზავროთ E471/E50 კიევი-ჩოპის გზით სკოლეს მიმართულებით – იქიდან კომპლექსამდე კი კიდევ 22 კმ.

სკოლედან შეგიძლიათ ტრანსფერი შეუკვეთოთ, ეს მომსახურება დაახლოებით 50-100 გრივნა დაგიჯდებათ . ასევე შეგიძლიათ ადგილობრივი ავტობუსით ჩახვიდეთ სოფელ პლავიემდე, მაგრამ იგი დღეში მხოლოდ სამჯერ გადის – 10.20, 14.30 და 21.10.

კოორდინატები ნავიგატორისთვის: 48° 54’6 “N, 23° 17’43” E

კიევის სათხილამურო ფერდობები

ხოლო თუ კარპატების თოვლიანი ფერდობების დაპყრობამდე გავარჯიშება გსურთ, აირჩიეთ კიევის ერთ-ერთი სათხილამურო კომპლექსი . ვიზიტამდე გირჩევთ სამუშაო საათები წინასწარ დააზუსტოთ, რადგან საკარანტინო შეზღუდვების გამო სამუშაო გრაფიკი შესაძლებელია შეცვლილი იყოს.

• „პროტასოვ იარი“ (კიევი, პროტასოვ იარის ქ., #23-ა) . ერთი ასვლა 20-35 გრივნა ღირს, თოვლზე სრიალი – 80-100 გრივნა 6 საათის განმავლობაში;

• „გვოზდოვი“ (სოფ . გვოზდოვი, იაროვაიას ქ., #30) . ერთი ასვლა 20-40 გრივნა ღირს, აბონენტი – 250 გრივნა/2 სთ.