სიმშვიდე და მხოლოდ სიმშვიდე: აეროფობიასთან გამკლავების 7 ხერხი

ფრენის წინ შიშის დაძლევა ძნელია არა მხოლოდ მათთვის, ვინც პირველად ადიუს თვითმფრინავის ბორტზე. ზოგჯერ, გამოცდილი მოგზაურებიც კი დროდადრო ვერ ერევიან პანიკას და ვერ ახერხებენ საკუთარი თავის ხელში აყვანას უშუალოდ აფრენის წინ ან უკვე ჰაერში ყოფნის დროს. ხოლო სტატისტიკის მიხედვით მგზავრების მხოლოდ 15 % – თუ ძალუძს სიმშვიდის შენარჩუნება ფრენის დროს. დანარჩენი 85 % – თვის  Aviabiletebi.org–მა გამოცდილ ფსიქოლოგთან ერთად მოამზადადამამშვიდებელირჩევებისა და მიზეზების მცირე დოზა, რომლებიც დაგეხმარებათ აეროფობიასთან გამკლავებაში.

თვითმფრინავიყველაზე უსაფრთხო სატრანსპორტო საშუალებაა

დასაწყისისათვის მნიშვნელოვანია იმის შეცნმობა და გაცნობიერება, რომ გადაფრენა სადმე მგზავრობის ყველაზე უსაფრთხო საშუალებაა. მსოფლიოში ყოველი 5 წამის განმავლობაში ხდება მორიგი თვითმფრინავის მშვიდობიანი დაფრენა ათობით ათასი რეისიდან. ხოლო ჰაერში ამ წუთას დაახლოებით იმყოფება ერთი მილიონი ადამიანი.   

არ დაგავიწყდეთ, რომ ყოველი აფრენის წინ თვითმფრინავი გადის ურთულეს ტექნიკურ შემოწმებას და ნებისმიერი ავარიაროგორც წესი, ეს ერთდროულად რამოდენიმე ფაქტორის ერთობლიობაა და არა შემთხვევითობა. რომ არაფერი ვთქვათ უამრავი ხარვეზის აღმოფხვრის მექანიზმი არსებობს, რომელთა მეშვეობით ხდება სიტუაციის გაკონტროლება ჰაერში.

მიზეზები, სიმპტომები და როგორ ვებრძოლოთ მათ

დატენიანებული ხელისგულები, ფეხების კანკალი, გახშირებული გულისცემა, წყვეტილი სუნთქვაბორტზე ასვლის, აფრენისა და დაშვების დროს მგზავრების თანმხლები მხოლოდ რამოდენიმე სიმპტომთაგანია და ეს ყოველივე ნორმად მიიჩნევა. მაგრამ ადამიანთა საკმაოდ დიდი პროცენტი განიცდის სტრესის დიდ ზემოქმედებას: მატულობს წნევა ან სხეულის ტემპერატურა, შესაძლოა გაჩნდეს გულისრევა და ღებინება, პანიკის უკონტროლო შეტევები და გონების დაკარგვაც კი.

ყოველივე ეს გამოწვეულია 4 ძირითადი შიშისაგან:

  • ფრენის დროს მექანიკური დაზიანების შიში
  • გადაფრენის შიში არახელსაყრელი ამინდის პირობებში
  • თვითმფრინავის გაუმართაობის ან პილოტის არაკომპეტენტურობის შიში აფრენა/დაშვების დროს
  • წყლის ზედაპირზე გადაფრენის შიში

მაშ ასე, როგორ გავუკლავდეთ ყოველივე ამას?! დავიწყოთ ყველა მგზავრისათვის სასარგებლო რეკომენდაციებით.

1. გამორთეთ ფანტაზია

სტრასებისა და ღელვის დიდი ნაწილი წარმოიქმნება ჩვენი საკუთარი მიზეზით. ადამიანებს ახასიათებთ ნებისმიერ სიტუაციაში ყველაზე უარესი შედეგების მიმართ შიში და მხოლოდ მათზე ფიქრი.

პირველი, რაც უნდა გაკეთდესგამორთეთ მძაფრი ფანტაზიები, ნუქოქავთსაკუთარ თავს და ფიქრი გადაიტანოთ, მაგალითად იმაზე, თუ რა უნდა გააკეთოთ ჩასვლისთანავე ან მომავალ დასვენებასთან დაკავშირებით ოცნებებს მიეცეთ.

2. იფრინეთ ღამით, მანამდე კი წინასწარ კარგად დაიქანცეთ

როგორც წესი გამგზავრების წინა დღეებში ჩვენ ვცდილობთ მოვასწროთ უამრავი მნიშვნელოვანი საქმე, ჩანთების შეგროვებას, რაიმეს ყიდვას, გამორიცხული არაა საბუთების, ვიზების მოწესრიგებასთან დაკავშირებული გაუთავებელი სირბილი და . . ყოველივე ეს გაწამაწია ბევრ ძალას გართმევთ და ამიტომაც გადაფრენა, განსაკუთრებით კი ხანგრძლივი, სულის მოთქმის შესანიშნავ საშუალებად იქცევადაისვენებთ და გამოიძინებთ კიდევაც.

კარგი ვარიანტი იქნება ღამის ფრენა, როცა ყველაზე ნერვიულებიც კი ძლიერ ძილს მიეცემიან.    

3. გადაიტანეთ ყურადღება

აქაც არსებობს ბევრი ხერხი, თუ როგორ შეძლოთ ფიქრების გადატანა:

სამუშაო: როგორც წესი, ეს წამალია ყველა დაავადებისგან, ვინაიდან დავალებების შესრულების დროს ჩვენ სრულად ვიძირებით საქმეში და შეგვიძლია დაგვავიწყდეს კიდევაც დროებით, თუ სად ვიმყოფებით;

სულისათვის: თან წაიღეთ გამტაცი წიგნი, რომლის წაკითხვასაც დიდი ხანია ოცნებობდით ან გადმოტვირთეთ ფილმი, რომელთანაც ხელი დიდ ხანია არაფრით მიგიწვდებოდათ, ან პირიქით, ძველი კეთილი ისტორია, რომელსაც ყოველთვბის შეეძლო თქვენი გახარება და დამშვიდება; პლეერში მოუსმინეთ საყვარელ შემსრულებელს და . .   

თამაშები: თვითმფრინავის ბორტზე იშვიათად თუ მიმართავს ვინმე თამაშებს, არადა ტყუილად,  როცა აზარტი იღვიძებს ნეგატიური ფიქრები განქარდება. რა თქმა უნდა, აქტიური თამაშების შესაძლებლობა არ არის, მაგრამ კომპაქტური მაგიდის ან სულაც ძველდროინდელიქაღალდისთამაშები ხომ არის, რომლებსაც შეუძლია თქვენი გატაცება და გამხიარულება. ამასთან, ბევრი თამაშის ატვირთვა შეიძლება თქვენს გაჯეტში.

4. იურთიერთეთ 

თუ გიჭირთ პრობლემის დაძლევა, მოყევით მის შესახებ და ბევრად გაგიადვილდებათ, კარგი საუბარი შესანიშნავი დამამშვიდებელი ეფქტის მომნიჭებელია. იდეალურია, თუ მგზავრობთ ვინმე თქვენს ნაცნობთან ან ახლობელთან, ამ შემთხვევაში, რა თმქა უნდა, საუბრას ვერ გაექცევით და მასთან ერთად მოწყდებით მშფოთვარე ფიქრებს. დამოუკიდებელი მგზავრობის დროს კი ყოველთვის შეიძლება მეზობლების გაცნობა (თუკი ისიც, რა თქმა უნდა, საუბრისთვის განგაწყობთ). 

5. ჭამეთ

ადამიანები 2 ტიპად იყოფა: პირველნი პანიკური შეტევის დროს ჭამენ ყველაფერს, რაც კი ხელთ მოხვდებათ ირგვლივ, მეორენი კი სრულად კარგავენ მადას. ნებისმიერ შემთხვევაში უნდა გახსოვდეთ, რომ მშიერ კუჭზე პანიკა ძალას იკრეფს. გზაში ჭამა რომც არ გიყვარდეთ ან ელოდებით სადილს ავიაკომპანიისაგან, აჯობებს ჩაიდოთ ჩანთაში საყვარელი ტკბილეულობა სულ მცვირე რაოდენობით მაინც. ისინი გუნება განწყობის გამოკეთებასა და დამშვიდებაში დაგეხმარებათ.   

6. უზრუნველყავით თქვენთვის მაქსიმლური კომფორტი

თანაც ყველაფერში. ჩაიცვით მოხერხებული ტანისამოსი (არავითარი მაღალი ქუსლები ან მკაცრი კოსტუმები), აიღეთ ბალიში, ჩანთები ზემოთ შეალაგეთ, თუ შეგცივდათ ბორტგამცილებელს გადასაფარებელი სთხოვეთ. საკუთარი მოთხოვნილებებიდან, ასევე შესაძლებლობებიდან გამომდინარე შეარჩიეთ სალონში თვენთვის მაქსიმალურად მოხერხებული ადგილი. თუ თქვენთან ერთად ბავშვებიც არიან, რომლებიც ასევე ღელავენ და ფრენის შიში აქვთ, თან წაიღეთ მათი საყვარელი სათამაშო.

სტრესის გადაჭარბებული დონის მქონე მგზავრებისთვის რეკომენდებულია სპეციალური პრეპარატების მიღება.   

7. დამამშვიდებელი და საძინებელი პრეპარატები

ნებისმიერ პრეპარატთან დაკავშირებით, რომლის მიღებასაც ფიქრობთ რეისის წინ ან ბორტზე, აუცილებელია ექიმთან კონსულტაციის გავლა. ძალიან ბევრი პრეპარატი ფლობს მეტად ხანმოკლე მოქმედების დამამშვიდებელ ეფექტს, ხოლო მათი მოქმედების დასრულების შემდეგ პანიკა და სტრესი კიდევ უფრო ძლიერდება, ვიდრე მანამდე იყო.

სტრესებისადმი მომატებული მგრძნობელობის მქონე მგზავრებისათვის პირველ რიგში აუცილებელია მკურნალ ექიმთან მიმართვა, რომელიც დანიშნავს ნერვული სისტემის დამამშვიდებელ, კანკალის დმძლევ და სიცხის აწევისა და ჭარბი ოფლიანობის აღმკვეთ ინდივიდუალურ პრეპარატებს. სპეციალური წამლები ასევე აღმოფხრავს გულისრევას, თუმცა ამას გარდა რეკომენდებულია:

  • დაჯდეთ თვითმფრინავის ფრთასთან ახლო, სადაც ყველაზე ნაკლებად იგრძნობა მოძრაობა;
  • რეგულარულად ჩართეთ თვენს ზემოთ ვენტილატორი სუფთა და გრილი ჰაერის მოსაწოდებლად;
  • ნუ მიირთმევთ ბორტზე მკვეთრი სუნის ან თქვენთვის შეუჩვეველი გემოს მქონე საკვებს;
  • დალიეთ მეტი უბრალო მინერალური წყალი.

მნიშვნელოვანია გახსოვდეთ, რომ შიშის დაძლევაში ყველაზე მთავარი მტერი თქვენივე საკუთარი ფანტაზიაა. შეეცადეთ დაასაქმოთ იგი ნებისმიერი უფრო საინტერესო თემით და მაშინ გადაფრენა, როგორც მინიმუმ მშვიდად ჩაივლის, ხოლო საუკეთესო შემთხვევაში კი სულაც ნასიამოვნები დარჩეთ

ფრენის დროს სიამოვნების მიღების კიდევ ერთი ხერხიბილეთების ყველაზე დაბალ ფასად შეძენა, რაშიაც სიამოვნებით დაგეხმარებათ იაფი ბილეთების საძიებელი WWW.AVIABILETEBI.ORG!

 

sastumroebi
Posted in ბლოგი and tagged , , .

მალხაზ კევლიშვილი