წამყვანმა ტურისტული გზამკვლევების გამომცემელმა Lonely Planet-მა საბერძნეთის 14 საუკეთესო პლაჟის რეიტინგი გამოაქვეყნა. სიაში ბევრი ბერძნული კუნძული მოხვდა.

საბერძნეთი ყოველწლიურად იკავებს წამყვან პოზიციას ევროპულ კურორტებს შორის. ერთდროულად რამდენიმე სუფთა და ლამაზი ზღვა, მდიდრული ხედები და განვითარებული ტურისტული ინფრასტრუქტურა მხოლოდ მოგზაურთა ინტერესის ზრდას უწყობს ხელს.

ბერძნული კურორტების არჩევისას, საბერძნეთის თვალწარმტაცი პლაჟებიც მნიშვნელოვან როლს თამაშობს. ცოტა ხნის წინ, წამყვანმა ტურისტული გზამკვლევების გამომცემელმა Lonely Planet-მა ქვეყნის 14 საუკეთესო პლაჟის სია გამოაქვეყნა.

რეიტინგში პირველი ადგილი იონიის ზღვაში, კუნძულ კერკირას (კორფუ) ჩრდილო-დასავლეთ სანაპიროზე მდებარე პალეოკასტრიცას პლაჟმა დაიკავა.

პალეოკასტრიცა ჯადოსნური ადგილია. და ეს ყველაფერი კორფუს კუნძულის უნიკალური ბუნების წყალობით. პალეოკასტრიცის სამკუთხა კონცხი დაფარულია ხშირი ტყით და ასევე სამი მხრიდან ზღვით არის გარშემორტყმული. პალეოკასტრიცას სანაპიროზე წყალი ძალიან გამჭვირვალეა, ფირუზისფერი ფერებით ბრწყინავს, ქვიშა კი ვერცხლისფერათ ანათებს. პლაჟს მრავალი წლის განმავლობაში ენიჭება ევროკავშირის ლურჯი დროშა.