ჩინეთის უვიზო მიმოსვლა საქართველოს მოქალაქეებისთვის: სრული გზამკვლევი რა საბუთები მჭირდება?

მნიშვნელოვანია: თუ ჩინეთში გეგმავთ მუშაობის დაწყებას, სწავლას ან 30 დღეზე მეტი ხნით უწყვეტად დარჩენას, ამ შემთხვევაში უვიზო რეჟიმი არ მოქმედებს და შესაბამისი კატეგორიის ვიზის აღება საკონსულოში დაგჭირდებათ.

რა საბუთები დაგჭირდებათ საზღვარზე? (Checklist)

მიუხედავად იმისა, რომ ვიზა აღარ გჭირდებათ, ჩინეთის მესაზღვრეს უფლება აქვს მოგთხოვოთ კონკრეტული დოკუმენტები თქვენი მგზავრობის მიზნობრიობის დასადასტურებლად.

1. მოქმედი საზღვარგარეთის პასპორტი: პასპორტს უნდა ჰქონდეს მინიმუმ 6 თვის მოქმედების ვადა ჩინეთში შესვლის დღიდან.

2. სამოგზაურო დაზღვევა: ჩინეთში შესასვლელად აუცილებელია ფლობდეთ სამოგზაურო დაზღვევას, რომელიც ფარავს ჯანმრთელობასთან დაკავშირებულ ხარჯებს. დაზღვევის არქონამ შეიძლება საზღვარზე პრობლემები შეგიქმნათ. ჩვენი პლატფორმა გთავაზობთ სამოგზაურო დაზღვევის სწრაფად და მარტივად დამზადებას — უბრალოდ მოგვმართეთ და ჩვენ უზრუნველვყოფთ თქვენს სიმშვიდეს მგზავრობისას.

3. წინასწარ დაჯავშნილი სასტუმრო: მესაზღვრეს უნდა წარუდგინოთ ჩინეთში თქვენი საცხოვრებელი მისამართი (სასტუმროს ჯავშანი). თუ ჯერ კიდევ არ გაქვთ შერჩეული სასტუმრო, ძალიან კარგია თუ ამას წინასწარ იზამთ — სასტუმროს მოძიებასა და საუკეთესო ფასად დაჯავშნაშიც ჩვენი გუნდი სიამოვნებით დაგეხმარებათ.

იფრინეთ ჩინეთში საუკეთესო ფასად!

ეძებთ გზებს, რომ მოგზაურობა უფრო ბიუჯეტური გახადოთ? საქართველოდან ჩინეთის სხვადასხვა ქალაქში (პეკინი, შანხაი, გუანჯოუ და სხვა) არაერთი ავიაკომპანია დაფრინავს. იმისათვის, რომ საზღვარზე პრობლემა არ შეგექმნათ, აუცილებლად დაგჭირდებათ ორმხრივი ავიაბილეთი. ყველაზე იაფი ავიაბილეთების მოსაძებნად და დასაჯავშნად, ეწვიეთ ჩვენს სპეციალურ გვერდს: ჩინეთის ავიაბილეთები. ჩვენთან ყოველთვის საუკეთესო ტარიფები და მოქნილი პირობებია.

აუცილებელი პროცედურა: შესვლის დეკლარაცია (Arrival Card)

ჩინეთში გამგზავრებამდე, ერთ-ერთი ყველაზე მნიშვნელოვანი ნაბიჯი ე.წ. "Arrival Card"-ის ანუ შესვლის დეკლარაციის შევსებაა. მართალია, ამ ფორმის შევსება აეროპორტშიც, ჩაფრენისას არის შესაძლებელი, თუმცა მკაცრად რეკომენდებულია მისი შევსება ონლაინ, გაფრენამდე 2 დღით ადრე. ეს აგარიდებთ რიგებში დგომას და საზღვრის კვეთის პროცესს რამდენიმე წუთამდე შეამცირებს.

სად და როგორ ივსება დეკლარაცია? დეკლარაცია ივსება ჩინეთის იმიგრაციის ეროვნული ადმინისტრაციის ოფიციალურ პორტალზე: https://s.nia.gov.cn/ArrivalCardFillingPC/

რა ინფორმაცია დაგჭირდებათ ფორმის შესავსებად?

• თქვენი პასპორტის დასკანერებული (ან მკაფიოდ გადაღებული) ვერსია.

• ჩინეთში საცხოვრებელი ზუსტი მისამართი (სასტუმროს სახელი და ლოკაცია).

• თქვენი ფრენის დეტალები: საიდან მოფრინავთ, სად ჩაფრინდებით და რეისის ზუსტი ნომერი.

• ჩინეთში საკონტაქტო პირის ინფორმაცია (თუ ტურისტად მიდიხართ, შეგიძლიათ მიუთითოთ სასტუმროს საკონტაქტო ნომერი, ხოლო თუ ბიზნეს-ვიზიტით — თქვენი პარტნიორი კომპანიის წარმომადგენლის მონაცემები).

ყველა მონაცემის სწორად შეყვანის შემდეგ, სისტემა დაგიგენერირებთ დასტურს/QR კოდს, რომელიც ტელეფონში უნდა შეინახოთ და ჩინეთში ჩაფრენისას სასაზღვრო კონტროლზე წარადგინოთ.