როგორ გავართოთ ბავშვი თვითმფრინავის ბორტზე

ზოგიერთი მგზავრი ფრენის წინ ბარგზე ჩამოჯდომის ტრადიციას იცავს, ზოგიც აეროპორტში სელფის იღებს, ზოგი კი ავიაციის ღმერთებს ევედრება, რომ თვითმფრინავში მოწყენილი ბავშვი არ იყოს. მშობლები კი ამ დროს გულწრფელად იმედოვნებენ, რომ მათი საყვარელი საოცრება მაინც კარგად მოიქცევა.

ამინდი ბორტზე დამოკიდებულია პატარა მოგზაურის განწყობაზე. თუ თქვენ ბავშთან ერთად აპირებთ ფრენას, ადგილი ფანჯარასთან დაჯავშნეთ და წინასწარ მოიფიქრეთ თუ რა აქტივობებით დაკავდებით თვითმფრინავის ბორტზე. მაშინ თქვენი პატარა, თქვენ და ყველა მგზავრი ბედნიერი იქნება.

ფრენა 4 წლამდე ასაკის ბავშვთან ერთად: გასართობი ბორტზე

აეროპორტში გამგზავრებამდე დარწმუნდით, რომ თან გაქვთ ავიაბილეთი ან ჩასხდომის ბარათი, დოკუმენტები და თქვენი მხსნელი სათამაშო ნაკრები.

სწორად ჩაალაგეთ ხელბარგი

  • თან წაიღეთ სათამაშო, რომელიც თქვენს შვილს ძალიან უყვარს და მინიმუმ ერთი ახალი (მას ბავშვი დიდხანს და განსაკუთრებული ინტერესით დააკვირდება).
  • დააწყვეთ ფლომასტერები, ფანქრები, გასაფერადებელი სურათები და სუფთა ბლოკნოტი.
  • თან წაიღეთ ინტერაქტიული წიგნი (არა მუსიკალური). ბავშვისთვის საინტერესო იქნება დააკვირდეს თუ როგორ ცოცხლდება გვერდები, დეტალებს ხელით შეეხოს.

  • არ დაგავიწყდეთ თითების თეატრის ფიგურები. ისინი მინიმუმ ადგილს დაიკავებენ ხელბარგში, სამაგიეროდ ნებისმიერ დროს შეგიძლიათ სპექტაკლის თამაში პირდაპირ ცაში.
  • წინასწარ შეიძინეთ ვიტრაჟული სტიკერები (ბევრ საბავშვო მაღაზიაში იყიდება) და ბავშვს მათი ილუმინატორზე მიწებების უფლება მიეცით. ისინი ადვილად ძვრება, ამიტომ პრობლემა არ იქნება.
  • წაიღეთ თქვენი პატარას საყვარელი წიგნი, ასევე ერთი ახალი ზღაპარი. ბავშვი ნამდვილად არ იტყვის უარს ნაცნობ პერსონაჟთა თავგადასავლებს კიდევ ერთხელ მოუსმინოს და ახალ ისტორიასაც ცნობისმოყვარეობით გაეცნობა.
  • შეიძინეთ დათუნიას, კუს ან სხვა ცხოველების ფორმის საბავშვო ორცხობილა და მარმელადი. ჩვენ გვესმის, რომ ზოგიერთი ტკბილეულობა არ არის საუკეთესო ვარიანტი, მაგრამ არსებობს შემთხვევები, როდესაც მხოლოდ ეს მოქმედებს.
  • თან იქონიეთ დამუხტული გაჯეტი გადმოწერილი მულტფილმით, თამაშით ან აუდიოზღაპრით.

თან მიმაქვს საყვარელი სათამაშოები, წასახემსებელი, რაღაც ახალი სათამაშოდ, პლანშეტი და თავად აქტიურადმონაწილეობ თამაშში”, – ჩვენი მკითხველი ალექსანდრა თავის გამოცდილებას გვიზიარებს.

ფრენა საინტერესო თამაშად აქციეთ

  • აჩვენეთ თქვენს პატარას ღრუბლები, იპოვეთ ცხოველების ფორმის ღრუბლები, ერთად დაარქვით მათ სახელები.
  • მინა დაორთქლეთ: შემდეგ თითებით დახატეთ.
  • შვილთან ერთად სალონში გაისეირნეთ, უამბეთ თუ რა, სად და როგორ ხდება, აუხსენით ბორტგამცილებლების მოვალეობები.

„3 საათის განმავლობაში ვსწავლობდით ინსტრუქციებს ავარიული გასასვლელებისა და ავარიულ სიტუაციაში მგზავრთა ქცევის წესების შესახებ. ახლა ინსტრუქტაჟის ჩატარება არანაკლებ შემიძლია, ვიდრე ბორტგამცილებლებს. ბავშვი 3,5 წლისაა“ ამბობს მარია.

თუკი თქვენს მიერ შემოთავაზებული აქტივობა ბავშვზე უკვე აღარ ახდენს შთაბეჭდილებას, გაიხსენეთ გაჯეტი. ჩვენ არ ვამბობთ, რომ ეს სასარგებლოა. მაგრამ მულტფილმი ან თამაში დაგეხმარებათ იმ მომენტში, როდესაც სხვა დანარჩენი აღარ მოქმედებს. აუცილებლად წაიღეთ ყურსასმენები. შესაძლოა თქვენი მეზობლები კარგი ადამიანები იყვნენ და არ იმსახურებდნენ მთელი ფრენა Peppa Pig-ს უსმინონ.

სხვათა შორის, ზოგიერთი მშობელი სიტუაციას გაჯეტების დახმარების გარეშეც უმკლავდება.

ვერთობით პლანშეტის გარეშე, გვაქვს უამრავი წიგნი დავალებებით, პატარა მაგნიტური კონსტრუქტორი და ალბომი ფანქრებით. 3,5 საათი სწრაფად გადის. გარდა ამისა, ბორტზე მყოფი სხვა ბავშვების გასაცნობად ვაგზავნი, ჩვეულებრივ, კომპანიონებს თამაშისთვის სწრაფად პოულობს”. – ამბობს მარია შვედი.

ფრენა 4 წელზე მეტი ასაკის ბავშვთან ერთად: გასართობი თვითმფრინავში

• მოაწყვეთ ბორტზე ქვესტი.

  1. შეადგინეთ დავალებების სია, რომლებიც ფრენის დასრულებამდე უნდა შესრულდეს (მაგალითად, დახატე სპილო, გამოიცანი გამოცანა და ა.შ.). თითოეული პუნქტის გასწვრივ კვადრატი დახატეთ. დავალებების შესრულების შემდეგ ბავშვი თავად აღნიშნავს კვადრატში იმ დავალების გვერდით, რომელსაც გაუმკლავდა.
  2. დავალებების შესრულებისთვის დრო ისე გამოთვალეთ, რომ მთელი ფრენისთვის იყოს საკმარისი.
  3. წინასწარ მოამზადეთ პრიზი, მაგალითად, ახალი წიგნი ან თვითმფრინავის ფორმის ფიგურა. საჩუქარი ბორტგამცილებელს მიეცით და თქვენი გეგმა გააცანით.
  4. თვითმფრინავის დაჯდომისას ბავშვს აუხსენით თამაშის წესები, უამბეთ ჯილდოს შესახებ და მიეცით ფურცელი დავალებებით.

თვითმფრინავში საჭიროა ახალი სათამაშო, წიგნი დავალებებით/სტიკერებით/გასაფერადებლებით. 4 წლის ასაკიდან საგზაო სამაგიდო თამაშები. აგრეთვე პლანშეტი ყურსასმენებით. ყველაფერი ფრენის ხანგრძლივობაზეა დამოკიდებული. ჩვენ გვიმგზავრია როგორც 2, ისე 10 საათის განმავლობაში“. – თავის გამოცდილებას ნინო გვიზიარებს.

  • ასევე წაიღეთ ალბომი გრატაჟისთვის (ფასდაუდებელი რამ ფრენის დროს).
  • თან იქონიეთ წიგნი ლოგიკური დავალებებით და მარტივი სამაგიდო თამაში.
  • სთხოვეთ თქვენს შვილს დაითვალოს, თუ რამდენი მგზავრი იმყოფება ბორტზე.
  • თქვენს ტელეფონზე რამდენიმე თამაში და აუდიო ზღაპარი ჩაწერეთ.

„გვეხმარება აუდიო ზღაპრები, წიგნები ლოგიკური დავალებებითა და რებუსებით, ბლოკნოტი ფანქრებით. მთავარია თავად აქტიურად ჩაერთოთ ამ პროცესში, წინააღმდეგ შემთხვევაში ბავშვს სწრაფად მოსწყინდება“ – წარმატებული ფრენის საიდუმლოებას ვიკა გვიმხელს.

თუ გრძნობთ, რომ ბორტზე ანიმატორობისთვის არ ხართ განწყობილი, ჯერ კიდევ ფრენამდე იჯერეთ გული თამაშითა და ხტუნვით.

„ვცდილობ ფრენამდე მაქსიმალურად დავღალო ბავშვები. ყოველ ჯერზე, ისინი ჯერ კიდევ აფრენამდე იძინებენ, არანაირი გასაფერადებელი თუ ცეკვავა დაირით :)“ – „ლაიფჰაკს“ ჩვენი მკითხველი ლილი გვიზიარებს.

Posted in ბლოგი, ლაიფჰაკი and tagged .