როდის აღდგება ფრენები რაინაირი

როდის განაახლებენ ავიაკომპანიები ფრენებს?

შეკითხვა, რომელიც ახლა ყველას აღელვებს მთელ მსოფლიოში – როდის გაიხსნება საზღვრები და როდის განაახლებენ ავიაკომპანიები ფრენებს? ამ საკითხის შესახებ ექსპერტთა მოსაზრებები განსხვავდება და ყველაზე ოპტიმისტური პროგნოზით საზღვრების გახსნასა და საჰაერო მიმოსვლის აღდგენას უნდა ველოდოთ არაუადრეს შემოდგომისა. და ავიაკომპანიებში რას აცხადებენ ამის შესახებ? ჩვენ შევისწავლეთ ეს საკითხი და მზად ვართ გიამბოთ.

საჰაერო ტრანსპორტის საერთაშორისო ასოციაციის (IATA) პროგნოზით, COVID-19-ის პანდემიის გამო ავიაკომპანიების ზარალი 314 მილიარდ აშშ დოლარამდე გაიზარდა, რაც ადრე პროგნოზირებულ თანხაზე 25%-ით მეტია. როგორც ვარაუდობენ, 2019 წელთან შედარებით სამგზავრო საჰაერო მიმოსვლის შემოსავლები 50%-ით შემცირდება.

  • თუ თქვენ ჯერ კიდევ არ დაგიბრუნეს თანხა გაუქმებული ფრენისთვის, ეს მასალა გამოგადგებათ.

Ryanair, Laudamotion, Buzz

14 აპრილს დაბალბიუჯეტურმა ავიაკომპანიამ Facebook-გვერდზე განაცხადა, რომ მათი ფლოტის 99% ამჟამად მიწაზე იმყოფება. საჰაერო ხომალდების დარჩენილი ნაწილი საგანგებო საჰაერო მიმოსვლისთვის გამოიყენება.

ადრე გავრცელდა ინფორმაცია, რომ რეისები ივნისის დასაწყისში განახლდება, მაგრამ უახლესი ინფორმაციის თანახმად საჰაერო მიმოსვლის აღდგენის თარიღი ჯერჯერობით უცნობია. „ამჟამად ჩვენ არ ვიცით, რამდენ ხანს გაგრძელდება საჰაერო მიმოსვლის შეჩერება. ჩვენ სრულად ვუჭერთ მხარს ევროკავშირის ქვეყნების მთავრობების მიერ განხორციელებულ ქმედებებს და მზად ვართ დავუბრუნდეთ ფრენებს COVID-19-ზე გამარჯვების შემდეგ, რაც ვიმედოვნებთ, მალე მოხდება.” – აცხადებენ ისინი.

ამავდროულად, მაიკლ ო’ლირმა, Ryanair Group-ის აღმასრულებელმა დირექტორმა, Reuters-თან ინტერვიუში თავშეკავებული ოპტიმიზმი გამოხატა ფრენებზე დაწესებული შეზღუდვების მოხსნის შემდეგ Ryanair-ის გეგმების შესახებ. ო’ლირი დარწმუნებულია, რომ პესიმისტური პროგნოზის მიუხედავად, ბაზარი სწრაფად აღდგება:

„მაჩვენებლები ნორმალურს დაუბრუნდება, მაგრამ ფასების უფრო დაბალი დონით. ფრენების განახლებამდე ჩვენ ფასდაკლებით გაყიდვას დავიწყებთ, ამას სხვა ავიაკომპანიებიც გააკეთებენ. იქნება ეს 9,99 ევრო, 4,99 ევრო, 1,99 ევრო თუ 0,99 ევრო ბილეთში – ჩვენთვის პრაქტიკულად არ აქვს მნიშვნელობა. უახლოეს მომავალში ჩვენთვის კრიტიკულად მნიშვნელოვანია არა ფულის გამომუშავება, არამედ ჩვენი მფრინავების, ბორტგამცილებლებისა და თვითმფრინავების ცაში დაბრუნება.”

Wizz Air

Wizz Air-ის ხელმძღვანელმა იოჟეფ ვარადიმ Bloomberg-თან ინტერვიუში განაცხადა, რომ ავიაკომპანიის ლიკვიდობა მას აძლევს საშუალებას ფრენის გარეშე 1,5 წელი გაძლოს. კარანტინის დასასრულს ავიაკომპანია თვითმფრინავების 80% აამუშავებს და, უფრო მეტიც, მზადაა ახალი რეისები განახორციელოს იმ მარშრუტებზე, რომლებსაც კრიზისის გამო უფრო სუსტი კონკურენტები დატოვებენ. ამჟამად კომპანია ეკონომიის რეჟიმში გადავიდა და თანამშრომელთა ხელფასი 50%-ით შეამცირა.

МАУ, SkyUp, Windrose

ოფიციალურად საქართველოში საჰაერო მიმოსვლა 22 მაისამდეა შეწყვეტილი, მაგრამ COVID-19-თან დაკავშირებული ამჟამინდელი მდგომარეობიდან გამომდინარე საქართველოში საჰაერო მიმოსვლის შეჩერება შესაძლოა კიდე გაგრძელდეს.

Turkish Airlines

ოფიციალურ ვებგვერდზე ავიაკომპანია იტყობინება, რომ საერთაშორისო ფრენების აღდგენას შეძლებს არაუადრეს 2020 წლის 20 მაისისა, მაგრამ შიდა რეისების აღდგენას უკვე 1 მაისს გეგმავს.

ადრე გავრცელდა ინფორმაცია, რომ Turkish Airlines-ის რეისები 4 აპრილს აღდგება, მაგრამ COVID-19-ის პანდემიის გამო მთავრობამ შეზღუდვების გაგრძელება გადაწყვიტა.

Qatar Airways

მგზავრებს ყველა იმ დანიშნულების პუნქტიდან, რომლებსაც ავიაკომპანია Qatar Airways ემსახურება, შეუძლიათ კვლავ იმოგზაურონ ავიაკომპანიასთან ერთად და ტრანზიტი განახორციელონ ჰამადის საერთაშორისო აეროპორტის გავლით, მათი საბოლოო დანიშნულების პუნქტში შესასვლელზე დაწესებული შეზღუდვების გათვალისწინებით.

24 აპრილის მონაცემებით კომპანია რეისებს შემდეგ აეროპორტებში ახორციელებს:

აფრიკა

• სეიშელის საერთაშორისო აეროპორტი (SEZ)

ჩრდილოეთ და სამხრეთ ამერიკა

  • ჩიკაგოს ო’ჰარას საერთაშორისო აეროპორტი (ORD)
  • დალას ფორტ ვორტის საერთაშორისო აეროპორტი (DFW)
  • მონრეალის პიერ ელიოტ ტრუდოს სახელობის საერთაშორისო აეროპორტი (YUL)
  • სან-პაულუ გუარულიუს საერთაშორისო აეროპორტი (GRU)
  • ვაშინგტონის დალესის საერთაშორისო აეროპორტი (IAD)

აზია და ოკეანეთი

  • ოკლენდის საერთაშორისო აეროპორტი (AKL)
  • კოლომბო ბანდარანაიკეს საერთაშორისო აეროპორტი (CMB)
  • ბანგკოკის სუვარნაბჰუმის აეროპორტი (BKK)
  • დენპასარის საერთაშორისო აეროპორტი (DPS)
  • ჰონგ-კონგის საერთაშორისო აეროპორტი (HKG)
  • ჯაკარტას სუკარნო-ჰატას საერთაშორისო აეროპორტი (CGK)
  • კუალა ლუმპურის საერთაშორისო აეროპორტი (KUL)
  • მანილას ნინოია აკინოს სახელობის აეროპორტი (MNL)
  • მელბურნის ტულამარინის აეროპორტი (MEL)
  • პერთის აეროპორტი (PER)
  • სეულის ინჩხონის საერთაშორისო აეროპორტი (ICN)
  • სინგაპურის ჩანგის აეროპორტი (SIN)
  • სიდნეის კინგსფორდ სმიტის სახელობის აეროპორტი (SYD)
  • ტოკიოს ნარიტას საერთაშორისო აეროპორტი (NRT)

ევროპა

  • ამსტერდამის სხიპჰოლის აეროპორტი (AMS)
  • ათენის საერთაშორისო აეროპორტი „ელიფთერიოს ვენიზელოსი“ (ATH)
  • ბერლინის ტეგელის აეროპორტი (TXL)
  • ბრიუსელის აეროპორტი (BRU)
  • ბუქარესტის ანრი კოანდას სახელობის საერთაშორისო აეროპორტი (OTP)
  • ბუდაპეშტის ფერენც ლისტის სახელობის საერთაშორისო აეროპორტი (BUD)
  • კოპენჰაგენის აეროპორტი (CPH)
  • დუბლინის აეროპორტი (DUB)
  • ედინბურგის აეროპორტი (EDI)
  • ფრანკფურტის აეროპორტი (FRA)
  • ჰელსინკის ვანტას საერთაშორისო აეროპორტი (HEL)
  • ლონდონის ჰითროუს აეროპორტი (LHR)
  • მანჩესტერის საერთაშორისო აეროპორტი (MAN)
  • მიუნხენის აეროპორტი (MUC)
  • ოსლოს გარდერმოენის აეროპორტი (OSL)
  • პარიზის შარლ დე გოლის აეროპორტი (CDG)
  • რომის ფიუმიჩინოს საერთაშორისო აეროპორტი (FCO)
  • სტოკჰოლმის არლანდის აეროპორტი (ARN)
  • პრაღის ვაცლავ ჰაველის აეროპორტი (PRG)
  • ვენის საერთაშორისო აეროპორტი (VIE)
  • ციურიხის აეროპორტი (ZRH)

შუა აზია

  • თეირანის იმამ ხომეინის საერთაშორისო აეროპორტი (IKA)

AirBaltic

ლატვიის რესპუბლიკის მთავრობამ გადაწყვიტა გააძლიეროს უსაფრთხოების ზომები და 17 მარტიდან შეაჩეროს საერთაშორისო საჰაერო მიმოსვლა, რათა შეზღუდოს კორონავირუსის გავრცელება. AirBaltic-ის ყველა რეისი დროებით შეჩერებულია 2020 წლის 17 მარტიდან 12 მაისის ჩათვლით, მათ შორის რეისები ესტონეთისა და ლიტვის მიმართულებით. ამის შესახებ ინფორმაცია ავიაკომპანიის ოფიციალურ ვებგვერდზე განთავსდა.

მიუხედავად ამისა, ავიაკომპანია აგრძელებს საევაკუაციო ფრენების განხორციელებას ლატვიის, ლიტვის და ესტონეთის მოქალაქეების სახლში დაბრუნების მიზნით. უახლოესი საევაკუაციო რეისების ჩამონათვალი airBaltic-ის ვებგვერდზე შეგიძლიათ იხილოთ.

შენიშვნა:

ნებისმიერ ქვეყანაში საჰაერო მიმოსვლის მდგომარეობის შესახებ ინფორმაცია საჰაერო ტრანსპორტის საერთაშორისო ასოციაციის ვებგვერდზე (IATA) შეგიძლიათ იხილოთ.

Posted in ბლოგი, სიახლეები and tagged , , , , .