ცხელი ცეკვები: ყველაფერი, რაც რიოს კარნავალის შესახებ უნდა იცოდეთ

ათასობით ადამიანი ჩვენი პლანეტის სხვადასხვა კუთხიდან ოცნებობს ოდესღაც მსოფლიოს  ერთ-ერთი ყველაზე მასშტაბური კარნავალის მოვლენების ეპიცენტრში მოხვდეს. თქვენც მათ რიცხვს ეკუთვნით? ჩვენ სრული გზამკვლევი მოგიმზადეთ ამ ფართომასშტაბიანი ღონისძიების შესახებ, რომ ყველა კითხვაზე გიპასუხოთ – როდის არის უკეთესი წასვლა, როგორ მიიღოთ მონაწილეობა, რა ღირს და საერთოდ რატომ ღირს წასვლა.

როგორ და როდის იმართება ბრაზილიური კარნავალი?

კარნავალი ბრაზილიაში ყოველწლიურად თებერვალში ან მარტში იმართება, აღდგომამდე 40 დღით ადრე იწყება და სიმბოლურად აღნიშნავს დიდი მარხვის მოახლოებას (carne vale ითარგმნება როგორც „მშვიდობით, ხორცო“). მთელი ქვეყანა ზეიმობს, მაგრამ ყველაზე მასშტაბური რიო-დე-ჟანეიროს კარნავალია, რომელიც გინესის რეკორდების წიგნშიც კი მოხვდა.

ბრაზილიური კარნავალი ოფიციალურად 5 დღე მიმდინარეობს, ხოლო მე-6 დღე – ჩემპიონთა მთავარი აღლუმია.

  • 1 და 2 დღეს – კარნავალის გახსნის ცერემონიალი და მეორე ლიგის სკოლების აღლუმი, რომლებიც  ერთმანეთს ეჯიბრებიან მომავალ წელს  12 საუკეთესოთა შორის მოხვედრის უფლებისთვის.
  • 3 და 4 დღე მთავარი დღეებია, რადგან პირველი ლიგის 12 სკოლის წარმომადგენლები „სამბოდრომზე“* გაივლიან.
  • 5 დღეს საბავშვო სკოლების აღლუმი იმართება.
  • ხოლო ჩემპიონთა აღლუმი სამ დღეში იმართება, რომელშიც 6 სკოლა იღებს მონაწილეობას: 5 პირველი ლიგისგან და 1 მეორე ლიგისგან.

სამბოდრომზე“* აღლუმის გარდა, თქვენ  უამრავი შესაძლებლობა გექნებათ, რომ ქალაქის ქუჩებში მიმდინარე საკარნავალო მსვლელობაში ჩაერთოთ. ხოლო აღლუმამდე „სამბოდრომზე“ გენერალური რეპეტიციები ტარდება, რომლებიც უფასოდ შეგიძლიათ იხილოთ.

*„სამბოდრომი“ – ეს არის სპეციალური ქუჩა, სადაც ქუჩის მსვლელობებისა და კარნავალების აღნიშვნის მიზნით მაყურებლებისთვის ტრიბუნებია მოწყობილი. რიოში სამბოდრომი 1984 წელს შეიქმნა. მისი ფართობია 85000 მ², რომელიც დაახლოებით 80 000 ადამიანს იტევს.

რა არის საჭირო, რომ რიოში კარნავლზე მოხვდეთ?

1. ავიაბილეთები

თბილისიდან რიოში ჩაფრენა შესაძლებელია მხოლოდ გადაჯდომებით, მაგალითად 1 გადაჯდომით ამსტერდამის ან დუბაის გავლით, 2 გადაჯდომით ფრენა შედარებით იაფი დაგიჯდებათ მიუნხენის და ფრანკფურტის გავლით. ავიაბილეთების საშუალო ღირებულება კარნვალის პერიოდში 2500 ლარია, ფრენის ხანგრძლივობა 25-დან 30 საათამდე მერყეობს.

2. ვიზა

საქართველოს მოქალაქეებს, რომლებიც ბრაზილიაში  ტურისტული მიზნებისთვის მიემგზავრებიან, ვიზა არ ესაჭიროებათ არაუმეტეს 90  დღისა ნახევარი წლის განმავლობაში.

ბრაზილიაში გასამგზავრებლად ვიზის შესახებ ინფორმაციის მიღება სხვა ქვეყნის მოქალაქეებს ამ ცხრილში შეუძლიათ.

3. განთავსება რიოში

რიო-დე-ჟანეიროში სასტუმროს დაჯავშნა აუცილებელია რაც შეიძლება ადრე – უმჯობესია თუ კარნავალამდე ექვსი თვით ადრე დაჯავშნით, რადგან კარგი ბიუჯეტური ვარიანტები მალევე იყიდება.

  • ჰოსტელში ადგილის ღირებულებაა დღეში 8-15 დოლარი და რაც უფრო ახლოა დღესასწაულის დასაწყისი, მით უფრო მაღალია ფასები.
  • სასტუმროს ნომერი ან ბინაში ოთახი 30 დოლარიდან დაგიჯდებათ.
  • მთელი ბინა – დღეში 60 დოლარიდან.

ფულის დაზოგვას შეძლებთ თუ რიოსთან ახლომდებარე პატარა ქალაქებში განთავსდებით, მაგალითად ნიტეროეში.

შეგიძლიათ ქაუჩსერფინგით დაკავდეთ, მაგრამ გახსოვდეთ, რომ კარნავალის წინ ადგილობრივი მოსახლეობა ათეულობით მოთხოვნას იღებს, ამიტომ მნიშვნელოვანია გამოირჩეოდეთ, დააინტერესოთ მასპინძელი და მზად იყოთ ურთიერთობისთვის.

რჩევა სასტუმროს შერჩევისას: იმისათვის, რომ ტაქსის მძღოლებმა მინდობილი (ან ნასვამი) ტურისტი არ მოატყუონ, საცხოვრებელი მეტროს სადგურიდან ფეხით სავალ მანძილზე შეარჩიეთ. კარნავლის დღეებში რიოს მეტრო მთელი დღე-ღამის განმავლობაში ღიაა, მატარებელი ყოველ 10 წუთში გადის.

4. ფასიანი მონაწილეობა კარნავალში

არსებობს 4 შესაძლებლობა, რომელთა ღირებულება მნიშვნელოვნად განსხვავებულია.

4.1. ადგილების შეძენა „სამბოდრომის“ ტრიბუნებზე ($95-$1000)

სამბოდრომზე“ მიმდინარე სამბას აღლუმზე ბილეთის ღირებულება დამოკიდებულია:

  1. შერჩეულ ღონისძიებაზე: წინასწარი აღლუმი, პირველი ლიგის სკოლების აღლუმი, ჩემპიონთა აღლუმი;
  2. ადგილების ბლოკზე (იმ ქუჩიდან დაშორება, რომელზე მონაწილეები მოძრაობენ);
  3. სექტორზე.

3 მარტს ან 4 მარტს პირველი ლიგის აღლუმზე ბილეთების ამჟამინდელი ღირებულებაა:

სექტორები – $130-დან $200-მდე.

VIP სექტორი – $460-დან $1000-მდე.

ცალკე სავარძლები – $150.

ჩემპიონთა აღლუმზე (9 მარტი):

სექტორები – $95-დან $205-მდე.

VIP სექტორი – $285-დან $625-მდე.

ცალკე სავარძლები – $125.

რიო-დე-ჟანეიროს კარნავალზე ბილეთის შეძენა ოფიციალურ ვებ-გვერდზე შეგიძლიათ.

მაგრამ არსებობს გადაუმოწმებელი ინფორმაცია, რომ ბილეთების ადგილზე შეძენა უფრო იაფია ვიდრე შუამავლებთან და ინტერნეტით. „სამბოდრომის“ სალაროებში ბილეთი იანვრის დასაწყისიდან იყიდება. შეგიძლიათ რიოში მცხოვრებ თანამემამულეებს დაუკავშირდეთ და მცირე  ფინანსური მადლიერების სანაცვლოდ მიიღოთ ბილეთები  ზედმეტი თანხის გადახდის გარეშე.

4.2. „სამბოდრომზე“ აღლუმში მონაწილეობის მიღება  ($200-3000)

თქვენ საოცარი შესაძლებლობა გეძლევათ აღლუმში მონაწილეობა მიიღოთ ერთ-ერთი სამბას სკოლის შემადგენლობაში. ამისათვის სკოლის წარმომადგენლებს უნდა დაუკავშირდეთ და მათგან კოსტიუმი შეიძინოთ.

4.3. ერთ-ერთ კოსტუმირებულ მეჯლისზე დასწრება ($80-185)

რიო-დე-ჟანეიროში ბრაზილიური კარნავლის დაწყებამდე და მსვლელობის დროს, კოსტუმირებული მეჯლისები იმართება, რომელთაგან ყველაზე ცნობილი და ძვირადღირებული სასტუმრო „Copacabana Palace Hotel“-ში იმართება. ბილეთები წინასწარ უნდა შეიძინოთ (რაც უფრო ადრე, მით უფრო პრესტიჟულ ღონისძიებაზე მოხვდებით).

4.4. სამბას სკოლებში წვეულებებზე დასწრება  ($4-8)

ეს არის ყველაზე ხელმისაწვდომი ვარიანტი, ჩვეულებრივ Samba Hall-ში (სკოლის შტაბ-ბინა) შესვლის საფასურია $4-დან (15 BRL) $ 8-მდე (30 BRL). ყველაზე ცნობილი სკოლებია:  Mangueira, Salgueiro, Unidos da Tijuca და Vila Isabel, რომლებიც ერთმანეთთან ახლოს მდებარეობს და ერთი ღამის განმავლობაში რამდენიმეს შეგიძლიათ ეწვიოთ. ცეკვები ჩვეულებრივ  შუაღამის შემდეგ იწყება, ბევრი სკოლა  ქალაქის ჯურღმულების საზღვარზე მდებარეობს, ამიტომ უმჯობესია მარტო არ წახვიდეთ.

5. უფასო მონაწილეობა: კარნავალი ქალაქის ქუჩებში

ადგილობრივი მოსახლეობის უმრავლესობა არა „სამბოდრომზე“, არამედ ქუჩებში მხიარულობს. ქალაქის სხვადასხვა რაიონში მთელ უბნებს კეტავენ და ცეკვის საღამოებს აწყობენ, რომელთა მონაწილე ყველას შეუძლია გახდეს. ასეთი წვეულებები კარნავალამდე დიდი ხნით ადრე იწყება, ჯერ კიდევ იანვარში.

ორგანიზატორები არიან ე.წ. blocos – ჯგუფები, რომლებშიც შედიან სამბას მოცეკვავეები და წვეულებების მოყვარულები. ყველაზე პოპულარული წვეულებები იმართება Copacabana, Leblon, Ipanema, Jardim Botanico, Lagoa რაიონებში, ასევე ქალაქის ცენტრში. ოფიციალურად დარეგისტრირებულია 269 „ბლოკოსი“, რომლებიც 2019 წლის სეზონზე დაახლოებით 500 წვეულებას გამართავენ.

ყველაზე დიდი ჯგუფია – Cordao  do Bola Preta, მათ წვეულებებს ყოველწლიურად დაახლოებით 200000 ადამიანი სტუმრობს. Simpatia e Quase Amor  დაახლოებით 100000 მონაწილეს აგროვებს, Monobloco კი – დაახლოებით 80000. ყველა მათგანი რიოს ერთ-ერთ უმსხვილეს ქუჩაში  – Avenida Rio Branco აწყობს ზეიმს.

6. კოსტიუმი

კოსტიუმის ქონა არ არის აუცილებელი, მაგრამ მასში თქვენ უფრო სწრაფად შეერწყმებით ქუჩის კარნავალის ჭრელ მონაწილეებს და „გაშინაურდებით“. მაგრამ სკოლების შემადგენლობაში აღლუმში მონაწილეობის მისაღებად კოსტიუმი აუცილებელია.

სკოლების კოსტიუმის შეძენა მათ ოფიციალურ წარმომადგენლებთან შეგიძლიათ. კონტაქტები სკოლების ოფიციალურ ვებ-გვერდებზეა მითითებული, მაგალითად:

Mangueira

Salgueiro

Unidos da Tijuca

Vila Isabel

გარდა ამისა, კოსტიუმებს (ფასნამატით) სპეციალიზირებული ვებ-გვერდები ყიდიან: rio-carnival.netwww.riocostumes.com და სხვ.

რა თქმა უნდა,  ბრაზილიური კარნავალისთვის ტანსაცმელი თავადაც შეგიძლიათ დაამზადოთ. ინტერნეტი სავსეა სხვადასხვა ინსტრუქციებითა და თარგებით. მაგრამ კოსტიუმში მთავარი – განწყობაა!

7. ონლაინ ტრანსლაცია რიოს კარნავალიდან

არ შეგიძლიათ ბრაზილიის კარნავალს პირადად ეწვიოთ? ნუ დაგწყდებათ გული, ბევრი ვებ-გვერდი ონლაინ ტრანსლაციას განახორციელებს მოვლენების ადგილიდან! შარშან ამას Red Bull TV, www.bigmir.net გაუწიეს ორგანიზება და ასევე ზოგიერთმა ტელეარხმა. რიო-დე-ჟანეიროს კარნავალი აუცილებლად იქნება ტელევიზიით ტრანსლირებული. ამიტომ, „სამბოდრომზე“ ბილეთი შეგიძლიათ ერთი დღით შეიძინოთ, ხოლო დანარჩენ ღონისძიებებს ონლაინ უყუროთ.

2019 წლის რიო-დე-ჟანეიროს კარნავალი: ღონისძიებების განრიგი

2019 წლის ბრაზილიური კარნავალი  1 მარტს დაიწყება და 9  მარტს დასრულდება.

1 მარტი, პარასკევი

13:00 – გახსნის ცერემონია. რიოს მერი ქალაქის გასაღებს მეფე მომოს გადასცემს – პერსონაჟს , რომელიც მართავს კარნავალს. მას ახოვანი, 100 კილოგრამზე მეტი წონის ადგილობრივი მაცხოვრებლებისგან ირჩევენ.

21:00 – სამბას სკოლების „წინასწარი“ აღლუმი „სამბოდრომზე“ (Preliminary Parade) 1 ნაწილი.

2 მარტი, შაბათი

09:30 – Cordão do Bola Preta-ს გამოსვლა (Downtown).
16:00 – Ipanema’s Band-ის გამოსვლა (შეხვედრის ადგილია – General Osório square, Ipanema).

20:00 –  სამოყვარულო საცეკვაო კოლექტივების შეჯიბრება ქუჩაზე Av. Rio Branco, Centro.

21:00 – სამბას სკოლების „წინასწარი“ აღლუმი „სამბოდრომზე“ (Preliminary Parade) 2 ნაწილი.

23:00 – Magic Ball სასტუმროში Copacabana Palace Hotel.

3 მარტი, კვირა

22:00 – სამბას სკოლების ძირითადი აღლუმი „სამბოდრომზე“ 1 ნაწილი.

4 მარტი, ორშაბათი

22:00 – სამბას სკოლების ძირითადი აღლუმი „სამბოდრომზე“ 2 ნაწილი.

5მარტი, სამშაბათი

16:00 – Ipanema’s Band-ის გამოსვლა.

21:00 – საბავშვო სამბას სკოლების აღლუმი „სამბოდრომზე“.

23:00 – Gay Ball Scala Rio-ში.

9 მარტი, შაბათი

22:00 – ჩემპიონთა აღლუმი.

საინტერესო ფაქტები რიო-დე-ჟანეიროს სამბას სკოლების შესახებ

რიო-დე-ჟანეიროში სულ 70-ზე მეტი სამბას სკოლაა, რომლებიც 6 ჯგუფად იყოფა: მთავარი ლიგა (Main Group), წინასწარი (Preliminary Group), და ასევე B, C, D და E. В ლიგები. სწორედ მთავარი და წინასწარი ლიგები ერთმანეთს პირველობისთვის ეჯიბრებიან „სამბადრომზე“. სხვა სკოლების ნახვას იმ მსვლელობების დროს შეძლებთ, რომლებიც ქალაქის ქუჩებში იმართება.

მთავარი ლიგა 12 სკოლისგან შედგება, ხოლო წინასწარი – 10-სგან. „სამბადრომზე“ თითოეული სკოლის გამოსვლა  80 წუთი გრძელდება, ამიტომ გაითვალისწინეთ ეს ვიზიტის დაგეგმვის დროს.

ოთხშაბათს, საბავშვო სკოლების აღლუმის მომდევნო დღეს, ჟიური საბოლოო  გადაწყვეტილებას იღებს, ხოლო შემდეგ ჩემპიონთა აღლუმი იმართება საუკეთესო სკოლების წარმომადგენელთა მონაწილეობით. 1-3 ადგილებზე გასული სკოლები  ფულად ჯილდოებს მიიღებენ. ხოლო მთავარი ლიგის სკოლა, რომელსაც ყველაზე დაბალი რეიტინგი ექნება,  წინასწარი ლიგის პოზიციამდე დაქვეითდება, და პირიქით – წინასწარი ლიგიდან საუკეთესო სკოლა მომდევნო წელს მთავარ ლიგაში გამოვა.

მომდევნო კარნავალისთვის სამზადისი მიმდინარე კარნავალის დასრულებისთანავე იწყება. წარმოგიდგენიათ თუ რამდენი დრო, ძალისხმევა და სახსრები იხარჯება პროგრამების, კოსტიუმებისა და მოძრავი პლატფორმების მომზადებაზე. გოგონების კოსტიუმები 5-დან 80 კილოგრამამდე იწონის.

იაფი ორმხრივი ავიაბილეთები თბილისიდან რიო-დე-ჟენეირო-ში

გამგზავრებადაბრუნებაგაჩერებაავიაკომპანიაფასი
15 მარ 202425 მარ 2024პირდაპირიPegasus Airlines2 830 -დან
თეგები: , , , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა