არა მხოლოდ „დისნეილენდში“: სად წავიდეთ პარიზში ბავშვებთან ერთად

პარიზში უამრავი ოჯახი მხოლოდ დისნეილენდის მოსანახულებლად მიემგზავრება, მაგრამ საფრანგეთის დედაქალაქში პატარა სტუმრების ყურადღების ღირსი ბევრად მეტი ღირშესანიშნაობაა . ჩვენ ყველაზე საინტერესო ადგილების ჩამონათვალი მოგიმზადეთ  მისამართებით, ფასებითა და სხვა მნიშვნელოვანი ინფორმაციით . მოგზაურობის დაგეგმვისას ეს სტატია ხელთ იქონიეთ!

კომპლექსი Disneyland

ამ ზღაპრული ქვეყნის ტერიტორიაზე მდებარეობს 2 პარკი (Disneyland და Walt Disney Studios), სასტუმროები, კაფეები და რესტორნები, სუვენირების მაღაზიები, გოლფ-კურორტი Golf Disneyland, Disney Village კინოთეატრებით, ბოულინგის კლუბითა და დისკო კლუბებით.

დისნეილენდის ბილეთების შეძენასთან დაკავშირებით ჩვენ დავწერეთ ცალკე სტატია აქ
ჩვენ პასუხი გავეცით მარადიულ კითხვას და მოგიმზადეთ რჩევები გაეცანით აქ: შესაძლებელია პარიზის დისნეილენდის ერთ დღეში ნახვა?

Disneyland Park მოიცავს 5 თემატურ ზონას, რომელიც მძინარე მზეთუნახავის  სასახლის ირგვლივაა თავმოყრილი:

• Adventureland . „თავგადასავალების ქვეყანა“ მეკობრეებისა და განძის შესახებ ისტორიების მოყვარულებს მოეწონებათ, ყველაზე პოპულარული ატრაქციონია – Indiana Jones et le Temple du Péril, რომელიც ინდიანა ჯონსის შესახებ სტივენ სპილბერგის ფილმის სცენარის მიხედვითაა შექმნილი.

• Fantasyland . „ფანტაზიების ქვეყანა“ ყველაზე პატარა სტუმრებისთვის არის განკუთვნილი . ატრაქციონები საყვარელი ზღაპრების სიუჟეტის მიხედვითაა აგებული: „ფიფქია და 7 ჯუჯა“, „მძინარე მზეთუნახავი“, „პიტერ პენი“, „პინოქიო“ და სხვ . პატარა სტუმრებს გულგრილს არ დატოვებს  It’s a small world, სადაც სხვადასხვა ქვეყნის მოსამართი თოჯინები საკუთარ ენაზე მღერიან .

• Frontierland . „სასაზღვრო ქვეყანა“ – ეს არის ველური დასავლეთი სალუნებით, კოვბოებითა და ინდოელებით . აქ თქვენ შეგიძლიათ თბომავლით გაისეირნოთ, სროლა ისწავლოთ და გამოსცადოთ თავი ამერიკული მთების ატრაქციონზე.

• Main Street USA .
  

  გადმოიწერე ჩვენი მობილური აპლიკაცია!

  მოიძიე ავიაბილეთები და სასტუმროები ყველაზე იაფად!

  APP გადმოწერა

  
  პარკის შესასვლელიდან  მძინარე მზეთუნახავის სასახლისკენ მიმავალ გზაზე განთავსებულია  რესტორნები, კაფეები და სუვენირების მაღაზიები, აქვე მდებარეობს სადგური, საიდანაც სასეირნო მატარებელი მიემგზავრება . შენობები XIX საუკუნისა და XX საუკუნის დასაწყისის სტილშია გაფორმებული, რის წყალობითაც ქუჩა მისურის შტატის ქალაქი Marceline-ის ქუჩების მსგავსია, სადაც უოლტ დისნეი გაიზარდა.

• Discoveryland . კეთილი იყოს თქვენი მობრძანება „აღმოჩენების ქვეყანაში“, სადაც მომავალი უკვე დადგა ! მისი შემქმნელები ვერნის ნაწარმოებებით („20 000 ლიე წყალქვეშ“, „დედამიწიდან მთვარემდე“) და საკულტო ვარსკვლავური ომებით არიან შთაგონებულნი, აქ ყველაზე პოპულარული ატრაქციონია – „ამერიკული მთები“ Space Mountain: Mission.

ყოველდღიურად იმართება შოუ დისნეის  მულტფილმების საყვარელი გმირების მონაწილეობით.

Walt Disney Studios პარკი საინტერესო იქნება მათთვის, ვისაც კულისებს მიღმა მოხვედრა და უფრო მეტის გაგება სურს კინოწარმოების პროცესის შესახებ: კასკადიორების მუშაობის, სპეცეფექტების შექმნის შესახებ და სხვ . აქ კომპლექსის ერთ-ერთი ყველაზე პოპულარული ატრაქციონი მდებარეობს – „ამერიკული მთები“ Rock ’n’ Roller Coaster, რომელზეც Aerosmith ჯგუფის ჰიტების თანხლებით გაისეირნებთ . პატარები, რომლებისთვისაც ექსტრემალური გართობა ჯერ ადრეა, მულტფილმების გმირებთან შეხვედრით დაინტერესდებიან: მიკი და მინი მაუსები, კოვბოი ვუდი და ბაზ ლაითერი „სათამაშოების ისტორიიდან“.

ერთადერთი, რამაც თქვენი შთაბეჭდილებები შეიძლება გააფუჭოს სეზონზე – ეს არის რიგები ყველაზე პოპულარულ ატრაქციონებზე, რომლებშიც დგომა შეიძლება რამდენიმე საათი მოგიწიოთ . ლოდინის შემცირებაში Fastpass დაგეხმარებათ – ეს არის უფასო ბილეთი, რომელიც უფლებას გაძლევთ შერჩეულ ატრაქციონზე მითითებული დროს მონაკვეთში გაისეირნოთ . არსებობს კიდევ ერთი ვარიანტი – ექსკურსია „დისნეილენდი რიგის გარეშე“, რომელიც VIP თანხლების საშუალებას გაძლევთ მთელი დღის განმავლობაში – ნებისმიერ ატრაქციონზე წვდომას და ფასდაკლებს საყიდლებზე.

პარკის მონახულებას პატარა ბავშვთან ერთად გეგმავთ ? რიგში ორჯერ დგომა არ მოგიწევთ ! Baby Switch სისტემა მეორე მშობელს საშუალებას აძლევს შევიდეს ატრაქციონზე მაშინვე, როგორც კი პირველი მშობელი გამოვა.

არ დაგავიწყდეთ თან საკვები და წყალი წაიღოთ – ეს დროის  დაზოგვის საშუალებას მოგცემთ და კაფეში შესასვლელ რიგში დგომა არ მოგიწევთ.  პარკის ტერიტორიაზე საპიკნიკე ადგილებია მოწყობილი, სადაც საშუალება გექნებათ მიირთვათ თან წამოღებული საკვები.

• მისამართი: 77777 Marne-la-Vallée (32 კმ პარიზიდან) . უახლოესი რკინიგზის სადგურია – Marne-la-Vallée/Chessy, რომელიც პარკის შესასვლელიდან 2 წუთის სავალზე მდებარეობს . პარიზიდან მანქანით  (ვიზიტორებისთვის პარკირების კოორდინატებია – 48.876077, 2.79646) ან Disneyland Paris Express ავტობუსით შეგიძლიათ ჩამოხვიდეთ . ეს უკანასკნელი Gare du Nord სადგურიდან გადის 8:20, გზად Châtelet და Opéra მეტროს სადგურებში ჩერდება, დისნეილენდში 10:00 საათზე ჩამოდის და 20:00 საათზე პარიზში მიემგზავრება.
• სამუშაო განრიგი: 10:00 საათიდან 19:00 საათამდე.
• ბილეთის ღირებულება: 3-11 წლამდე ასაკის ბავშვებისთვის – 42 ევროდან 71 ევრომდე, მოზრდილთათვის – 42 ევროდან 79 ევრომდე 1 დღე . ფასი ვიზიტის თარიღზეა დამოკიდებული .

გასართობიპარკი „ასტერიქსი“

„დისნეილენდის“ ალტერნატივა  12 წლის ასაკის ზემოთ ბავშვებისთვის და მოზრდილებისთვის . სეზონზე ატრაქციონებზე რიგები აქაც არის, მაგრამ ხშირ შემთხვევაში უფრო მოკლეა . ამ ორი პარკის შედარება რთულია, რადგან ისინი სხვადასხვა აუდიტორიაზეა ორიენტირებული.

ატრაქციონები სამ ჯგუფად იყოფა: პატარა ბავშვებისთვის, საოჯახო და ექსტრემალური . ზოგიერთ მათგანზე შეზღუდვებია დაწესებული მგზავრების ასაკისა და სიმაღლის  მიხედვით.

პარკის ყველაზე პატარა სტუმრებისთვის არის მატარებელი, წყლის სასრიალო, ფრანგული კარუსელი, ავტოდრომი და რამდენიმე სათამაშო მოედანი თოკიანი კონსტრუქციებით, სასრიალოებითა და საქანელებით.

100 სმ  სიმაღლის ბავშვებისთვის უფრო სერიოზული გასართობებია: Pégase Express – ჩქაროსნული დაშვება პატარა მატარებლით დახვეულ რელსებზე, უზარმაზარი მოძრავი დისკი Discobélix, Le Grand Splatch – ნავით მდინარეზე დაბრკოლებების გადალახვა და მრავალი სხვა.

ადრენალინის მოყვარულები OzIris დააფასებენ, – „ამერიკული მთები“ გადაბრუნებით, კარუსელი მოზრდილებისთვის Les Chaises Volantes ან La Trace du Hourra – ბობსლეის ტრასაზე „ნიავით“ დაშვება.

გარდა ამისა, აქ შოუ იმართება ცნობილი ფრანგი კომიქსების „ასტერიქსის და ობელიქსის“ გმირების მონაწილეობით, მუშაობს რესტორნები, კაფეები, სუვენირების მაღაზიები.

მისამართი: 60128 Plailly (პარიზიდან 30 კილომეტრი) . დედაქალაქიდან შეგიძლიათ ჩამოხვიდეთ:

• ავტომობილით . კოორდინატები: 49.135143, 2.565823;
• Carrousel du Louvre სავაჭრო ცენტრიდან შატლი-ავტობუსით Palais-Royal მეტროს სადგურთან ახლოს . ავტობუსი ყოველდღე გადის 9:00 საათზე, პარკიდან უკან კი – 18:00 საათზე . ორივე გზის ბილეთის საფასურია €16 3-11 წლის ასაკის ბავშვებისთვის, €20  – მოზრდილებისთვის;
• Charles de Gaulle აეროპორტიდან შატლი-ავტობუსით . გადის ყოველ ნახევარ საათში, 9:00 საათიდან დაწყებული, მოძრაობა წყდება პარკის დახურვამდე ერთი საათით ადრე . ორივე გზის ბილეთის საფასურია €7.5 3-11 წლის ასაკის ბავშვებისთვის, €8.5 მოზრდილებისთვის .

სამუშაო განრიგი: 31 მარტიდან 4 ნოემბრის ჩათვლით, 10:00 საათიდან 18:00 საათამდე.

ბილეთის ღირებულება: 3-11 წლის ასაკის ბავშვებისთვის – €44, მოზრდილთათვის – €541 დღე . ბილეთების შეძენა აქედან

პომპიდუს კულტურის ცენტრი

თუნდაც თქვენი შვილები ჯერ პატარები იყვნენ თანამედროვე ხელოვნების ნიმუშებით აღფრთოვანებისთვის,  მაინც ღირს ცენტრში მოსვლა . ყველა კომუნიკაცია გარეთაა გამოტანილი და სხვადასხვა ფერითაა შეღებილი: ლურჯი – კონდიცირების სისტემა, ყვითელი – ელექტროენერგია, მწვანე – წყალმომარაგების სისტემა, წითელი – ესკალატორები და ლიფტები . ზედა დონეზე სათვალთვალო მოედანია, საიდანაც პარიზის ულამაზესი ხედი იშლება, მათ შორის ეიფელის კოშკზე . აქ მოხვედრა მუზეუმის ბილეთით ან ან ცალკე ბილეთით შეგიძლიათ.

ცენტრში საბავშვო გალერეა (Galerie des Enfants) მუშაობს – ეს არის საგამოფენო სივრცე, რომელიც ღიაა ხელოვნების ყველა მიმართულების წარმომადგენლებისთვის . ყოველ წელს აქ 2 ახალი გამოფენა ეწყობა, ინტერაქტიული და საინტერესო, რომლებიც ბავშვებს იწვევს ჩაერთონ სახვითი ხელოვნების, არქიტექტურის, ცეკვის, დიზაინის, მუსიკის თუ მწერლობის  სამყაროში და საკუთარი არასტანდარტული ხედვა გააზიარონ . ეს არტ-პროექტები  3-5-დან 10 წლამდე ასაკის ბავშვებისთვისაა საინტერესო.

მისამართი: Place Georges-Pompidou.

სამუშაო განრიგი: ყოველდღე სამშაბათის გარდა, 11:00 საათიდან 22:00 საათამდე (საბავშვო გალერეა ღიაა 19:00 საათამდე).

ბილეთის ღირებულება: €14 . შესვლა უფასოა 18 წლამდე ასაკის ბავშვებისთვის ყოველდღე, ხოლო სხვა დანარჩენი ვიზიტორებისთვის – ყოველი თვის პირველ კვირა დღეს.

ბოტანიკურიბაღი Jardin des plantes

ქვეყნის მთავარი ბოტანიკური ბაღი და ერთ-ერთი უძველესი ევროპაში . მის ტერიტორიაზე, როზარიუმის, ეგზოტიკური მცენარეების სათბურების, დეკორატიული მცენარეების გამოფენებისა და ალპური ბაღის გარდა მდებარეობს:

„ევოლუციის გალერეა“ (l’Évolution), რომელიც საბუნებისმეტყველო  ისტორიის ეროვნული ნაციონალური  მუზეუმის შემადგენლობაში შედის . XIX საუკუნის შენობაში ცხოველების ათასობით, საკმაოდ რეალისტური  ფიგურაა თავმოყრილი, რომლებიც თითქოს სადაცაა ადგილიდან დაიძვრიან (ამგვარი ეფექტი სწორი განათების და ხმოვანი თანხლების წყალობით მიიღწევა), აქ დინოზავრების ჩონჩხებსაც იპოვით . მუდმივი ექსპოზიცია დაახლოებით 6000 კვ.მ . ტერიტორიაზეა განლაგებული 4 სართულზე, „-1“ დონე კი დროებითი გამოფენებისთვისაა განკუთვნილი.

• მინერალოგიის მუზეუმი;
• ანატომიისა და პალეონტოლოგიის მუზეუმი;
• ბოტანიკის გალერეა, სადაც მსოფლიოში ყველაზე დიდი ჰერბარიუმი ინახება, რომელიც  თითქმის 8 მილიონი მცენარის ნიმუშს შეიცავს;
• პატარა ზოოპარკი, რომელიც 1795 წელს დაარსდა . მისი პირველი მობინადრეები იყვნენ ცხოველები ვერსალის სამხეციდან, რომლებიც საფრანგეთის დიდი რევოლუციის შემდეგ დაიშალა.

მისამართი: 57 Rue Cuvier . მეტროს უახლოესი სადგურებია: Quai de la Rapée, Jussieu, Place Monge და Gare d’Austerlitz.

სამუშაო განრიგი: ბაღი ღიაა ყოველდღე, სამუშაო საათები დამოკიდებულია სეზონზე (ზამთარში – 8:00 საათიდან 17:30 საათამდე) . ევოლუციის გალერეა ღიაა ყოველდღე სამშაბათის გარდა, 10.00 საათიდან 18:00 საათამდე.

ბილეთის ღირებულება: ბაღში შესვლა უფასოა . ევოლუციის გალერეის მონახულება ბავშვებსა და 26 წლამდე ასაკის ახალგაზრდებს უფასოდ შეუძლიათ, დანარჩენებისთვის – ბილეთის ღირებულება 9 ევროა.

მეცნიერებისა და ინდუსტრიის ქალაქი ლავილეტი

1986 წელს აშენებული კომპლექსის ცენტრი, რომელიც ვიზიტორთა რაოდენობით მხოლოდ ლუვრსა და პომპიდუს ცენტრს ჩამოუვარდება, არის მეცნიერებისა და ინდუსტრიის მუზეუმი . მისი მუდმივი ექსპოზიციის სახელწოდებაა Explore და მოიცავს გამოფენებს, რომლებიც მიძღვნილია სამყაროსადმი, ადამიანის ორგანიზმის აგებულებისადმი, კომუნიკაციის საშუალებებისადმი, მათემატიკასადმი, ენერგეტიკისადმი, ავტომშენებლობისადმი . მრავალი ექსპონატი ინტერაქტიულია.

ლა ვილეტის ტერიტორიაზე მდებარეობს:

• სფერული IMAX კინოთეატრი La Géode ევროპის უდიდესი გუმბათისებრი ეკრანით;
• წყალქვეშა ნავი „არგონავტი“, რომელმაც ექსპლუატაციის დროს 10-ჯერ შემოუარა დედამიწას გარშემო;
• ლუი ლუმიერის კინოდარბაზი;
• პლანეტარიუმი;

მისამართი: 30 Avenue Corentin Cariou . მეტროს უახლოესი სადგურია: Porte de la Villette.

სამუშაო განრიგი: ქალაქი ღიაა ყოველდღე ორშაბათის გარდა, 10:00 საათიდან 18:00 (19:00) საათამდე . სფერული კინოთეატრი La Géode –  10:30 საათიდან 20:30 საათამდე.

ბილეთის ღირებულება: მუზეუმში ან La Géode კინოთეატრში შესვლა 2-25 წლის ასაკის ვიზიტორებისთვის – €9, მოზრდილთათვის – €12 . ორივე ობიექტში ერთიანი ბილეთის შეძენა  16 ევროდ არის შესაძლებელი.

ზოოპარკი

მსოფლიოში ერთ-ერთ უდიდეს ზოოპარკს ძვირადღირებული რეკონსტრუქცია ჩაუტარდა და 2014 წელს ვიზიტორებისთვის კვლავ გაიღო . ცხოველების ნახვა აქ  მათ ბუნებრივ გარემოშია შესაძლებელი: შექმნილია აფრიკულ სავანესთან, ევროპის ტყეებთან, ტროპიკულ ჯუნგლებთან, პამპასებთან მიახლოებული პირობები . შექმნილი კომფორტული საარსებო პირობების წყალობით, ის ცხოველებიც კი იძლევიან შთამომავლობას, რომლებიც ტყვეობაში ცუდად მრავლდებიან.

ზოოპარკში შეგიძლიათ იხილოთ გადაშენების საფრთხის წინაშე მყოფი  საჰარის ორიქსი და გრევის ზებრა, ასევე ლემურები, ჭიანჭველაჭამიები, მგლები, ლომები, ჟირაფები, პინგვინები, ზღვის ლომები – დაახლოებით 1 000 სახეობის წარმომადგენლები.

ვიზიტორების აღფრთოვანებას იწვევს 65 მეტრი სიმაღლის ხელოვნური კლდე, რომლის მწვერვალზე სათვალთვალო მოედანია მოწყობილი, ხოლო ფერდობებზე ის ცხოველები ბალახობენ, რომელთა ბუნებრივი გარემო მთებია.

• მისამართი: 53 Avenue de Saint-Maurice . მეტროს უახლოესი სადგურებია: Porte Dorée და Saint-Mandé.
• სამუშაო განრიგი: 9:30 (10:00) საათიდან 17:00 (20:30) საათამდე, სეზონის მიხედვით . 28 ოქტომბრიდან 24 მარტის ჩათვლით სამშაბათობით დახურულია, სხვა დროს კი ყოველდღე მუშაობს.
• ბილეთის ღირებულება: 3-11 წლამდე ასაკის ბავშვებისათვის – €14, 12-25 წლის ასაკის ახალგაზრდებისთვის – €16.5, მოზრდილთათვის – €22.

გირჩევთ პარკში შესასვლელი ბილეთი წინასწარ დაჯავშნოთ ამ ბმულიდან

პარკი „საფრანგეთი მინიატურაში“

5 ჰექტარ ტერიტორიაზე საფრანგეთის ღირსშენიშნაობებისა და დასახლებული პუქნტების 1:30 მასშტაბის ასლებია თავმოყრილი . აქ შეგიძლიათ იხილოთ პროვანსის რომაული ამფითეატრი, ლურდის ნოტრ-დამის ტაძარი, ეიფელის კოშკი, ვერსალის სასახლე, შამბორისა და შენონსოს ციხესიმაგრეები, ქალაქები, რომელთა ქუჩებშიც პაწაწინა მანქანები და ქვეითები, მდინარეებში გემები, აეროპორტებში თვითმფრინავები  მოძრაობენ.  პარკის ტერიტორიაზე ექსპონატები განლაგებულია მათი რეალური გეოგრაფიული ადგილმდებარეობის მიხედვით.

აქ ბავშვებისთვის უფასო ატრაქციონებიც არის ხელმისაწვდომი: ავტოდრომი, ტობოგანზე დაშვება, საცოცი კედელი, კარუსელი, ბატუტი . ასევე შეგიძლიათ თქვენს თანატოლებს შეეჯიბროთ თამაშში „ფორტ ბოიარდი“, ესკალიბურის ხმლის ქვიდან ამოღება სცადოთ, მონაწილეობა მიიღოთ გათხრებში ან კლდის მხატვრობას დაეუფლოთ.

• მისამართი: Boulevard André Malraux, Elancourt (პარიზიდან 25 კილომეტრში) . დედაქალაქის სადგურებიდან – La Defense და Paris Montparnasse მატარებელი La Verriere სადგურამდე მიდის, საიდანაც  #411  ავტობუსი პარკამდე მიგიყვანთ .
• სამუშაო განრიგი: 31 მარტიდან 4 ნოემბრამდე, ზაფხულობით ყოველდღე, დანარჩენ დროს – განრიგის მიხედვით, რომელიც ვებ-ვერდზე შეგიძლიათ იხილოთ . სამუშაო საათებია: 10:00 საათიდან 17:00 საათამდე (19:00), სეზონის მიხედვით.

ბილეთის ღირებულება: ბავშვებისთვის – €14-15, მოზრდილთათვის – €20-21, სეზონის მიხედვით .

ტური საფრანგეთის მინიატურებში

კიდევ სად შეიძლება წახვიდეთ პარიზში ბავშვებთან ერთად?

რა თქმა უნდა, ჩვენ არ ჩამოგვითვლია ყველა ის ვარიანტი, რომელიც  პარიზის პატარა მკვლევარებისთვის საინტერესო იქნებოდა . მაგალითად, წვიმის დროს შეგიძლიათ ეწვიოთ ცვილის ფიგურების მუზეუმს Grévin (10 Boulevard Montmartre), მაგიურ მუზეუმს (11 Rue Saint-Paul) ან შოკოლადის მუზეუმს (28 Boulevard de Bonne Nouvelle) .

მეცნიერებით გატაცებული ბავშვი აღმოჩენების სასახლეში წაიყვანეთ (Avenue Franklin-D.-Roosevelt), სადაც თამაშის გზით რთულ კანონებსა და მოვლენებს განუმარტავენ . ისინი, ვინც თვითმფრინავებზე ოცნებობს, ავიაციისა და კოსმონავტიკის მუზეუმში  წაიყვანეთ აეროპორტში Paris-Le Bourget . ასევე გირჩევთ ეწვიოთ საბავშვო ექსკურსიას დორსეს მუზეუმში – ეს საუკეთესო საშუალებაა, რომ 6-დან 14 წლამდე ასაკის ბავშვებს იმპრესიონიზმის საუკეთესო წარმომადგენლების ნამუშევრები გააცნოთ.

თუ თქვენს შვილს ცხოველები უყვარს ზოოპარკის გარდა ეწვიეთ საფარი-პარკს ტუარიში (Rue du Pavillon de Montreuil) ან  ჟორჟ ვილის ფერმას პარიზში (1 Route du Pesage) . ფერმაში ქალაქელი ბავშვი სოფლის  ცხოვრების ატმოსფეროში  ჩართვას შეძლებს: მოწველის ძროხას, ხელით დაამზადებს კარაქს ნაღებისგან,  ისწავლის დართვას ან მოსავალს აიღებს.

საკმაოდ კარგი ატრაქციონების საბავშვო მოედნებია (დღისით აქ საკმაოდ უსაფრთხოა) ბულონის ტყესა და ლუქსემბურგის ბაღში.

სად შეიძლება მიირთვათ

გთავაზობთ  მშობლების მიერ რეკომენდებულ რამდენიმე დაწესებულებას, სადაც მენიუში ბავშვთა კვებას, ბავშვის საკვებ სკამებს, სათამაშო კუთხეებს და საზაფხულო მოედნებს იპოვით:

• Les 400 Coups (51 Rue de Bercy);
• Hippopotamus Grill (286 rue de Vaugirard);
• La Baleine café (47 Rue Cuvier);
• Cafézoïde (92bis Quai de la Loire).