კორონავირუსი: ავიაკომპანიების წესები ავიაბილეთების შეცვლისა და გაუქმების შესახებ

ავიაბილეთების გაუქმება და თარიღების შეცვლა ახლა ყველაზე აქტუალური საკითხია ათასობით მგზავრისთვის. ჩვენ შევაგროვეთ ინფორმაცია, რომელიც ქართველ მოგზაურებს შორის პოპულარულმა ავიაკომპანიებმა გამოაქვეყნეს. სტატია განახლდება ახალი ინფორმაციის მიღების მიხედვით.

UIA

UIA გთავაზობთ შესაძლებლობას უფასოდ (თუ ადგილები ხელმისაწვდომია ჯავშნის ორიგინალ კლასში) შეცვალოთ გამგზავრების თარიღი 12 მარტამდე შეძენილი ბილეთებისთვის მათი მოქმედების ვადაში, ნებისმიერ მიმართულებაზე გამგზავრების თარიღით 13 მარტიდან 8 აპრილამდე პერიოდში. ყველა დამატებითი მომსახურება ავტომატურად გადადის შემდეგ რეისზე.

როგორც ვებგვერდზე იუწყებიან, ავიაკომპანია ოპერატიულად დაუკავშირდება გაუქმებული რეისების მგზავრებს ჯავშანში მითითებული პირდაპირი კონტაქტების საშუალებით და შესთავაზებს მოგზაურობის თარიღის ან/და მარშრუტის შეცვლას. მიუხედავად ამისა, არაფერი გიშლით ხელს UIA-ს მხარდაჭერის სამსახურს თავად დაუკავშირდეთ და ცვლილებების შეტანა მოთხოვოთ, მაგრამ ოპერატიული პასუხის მიღების იმედი ნუ გექნებათ. ახლა მათ ათასობით მოთხოვნის დამუშავება უწევთ, ასე რომ მოთმინება იქონიეთ.

თუ ბილეთი 13 მარტის შემდეგ შეიძინეთ, ქვეყნებისა და მთავრობების ქმედებებში გაურკვევლობის გამო, UIA საშუალებას გაძლევთ ერთხელ უფასოდ შეცვალოთ მოგზაურობის თარიღი, ჯავშნის კლასისა და ტარიფის წესების მიუხედავად.

ბილეთების დაბრუნებისა და ჯავშანში ცვლილებების შეტანის წესის შესახებ ინფორმაციის ვებგვერდზე განთავსებას UIA უახლოეს მომავალში გვიპრდება.

Skyup

მგზავრებს, რომლებიც ამჟამად საზღვარგარეთ იმყოფებიან, SkyUp დაბრუნებას სთავაზობს არაუგვიანეს 23:59 საათზე 16 მარტს ავიაკომპანიის ერთ-ერთი რეისით. თუ თავისუფალი ადგილები ხელმისაწვდომია, ბილეთის გაცვლა შეგიძლიათ დასაბრუნებელი რეისის ბილეთზე საჯარიმო სანქციების გარეშე არაუგვიანეს 23:59 საათზე 16 მარტს.

ამისათვის საჭიროა მოთხოვნით დაუკავშირდეთ: letstalk@skyup.aero

SkyUp-ის მგზავრებმა, რომლებმაც ბილეთები შეიძინეს აკრძალვის მოქმედების განმავლობაში, ჯავშნის გადაცვლას შეძლებენ უფრო გვიან თარიღებზე. ზუსტი განახლებული განრიგის მიწოდებას ავიაკომპანია შეძლებს საჰაერო მიმოსვლის აღდგენის შემდეგ. მგზავრს ასევე უფლება აქვს გააუქმოს ბილეთი.

ბილეთის გაუქმების შემთხვევაში, ანაზღაურება ხორციელდება ტარიფის წესების მიხედვით. ბილეთის გაუქმებისთვის საჭიროა:

  • გაგზავნოთ მოთხოვნა ელ.ფოსტაზე letstalk@skyup.aero, თუ ბილეთი შეძენილია ავიაკომპანიის ვებგვერდზე;
  • მიმართოთ ბილეთის დაჯავშნის ადგილს, თუ ბილეთი შეძენილია ავიაკომპანიის სააგენტო ქსელის მეშვეობით.

Ryanair

ირლანდიის დაბალბიუჯეტურმა კომპანიამ უფასო ცვლილებების შეტანის ნება დართო იმ ჯავშნებში, რომლებიც დაგეგმილია 13 მარტიდან 31 მარტამდე პერიოდში. მაგრამ ფასების სხვაობის შემთხვევაში, აუცილებელია სხვაობის გადახდა. 31 მარტის შემდეგ რეისების შესახებ ინფორმაცია ჯერ არ არის ხელმისაწვდომი.

ცვლილების დამოუკიდებლად შეტანა შეგიძლიათ თქვენს პირად კაბინეტში Ryanair-ის ვებგვერდზე. რეისის გაუქმების შემთხვევაში, მგზავრს შეუძლია დაიბრუნოს ბილეთის სრული საფასური ან უფასოდ გადაცვალოს ავიაკომპანიის ალტერნატიულ რეისზე.

Wizz Air

Wizz Air იუწყება, რომ მგზავრები, რომელთა ჯავშნებზე ამ ცვლილებებმა იმოქმედა, უმოკლეს ვადაში იქნებიან ინფორმირებული და საფასურის სრულ ანაზღაურებას მიიღებენ. ალტერნატიული მარშრუტით ჯავშნის შეცვლა შესაძლებელია მხოლოდ იმ შემთხვევაში, თუ ამ ქვეყანაში აეროპორტი ან საჰაერო მიმოსვლა არ არის დაბლოკილი. მომხმარებლებმა, რომლებმაც ბილეთები პირდაპირ wizzair.com-ზე ან ავიაკომპანიის მობილური აპლიკაციის მეშვეობით დაჯავშნეს, ელ. ფოსტაზე მიიღებენ შეტყობინებას „გადაყვანის ზოგადი პირობების“ შესაბამისად, თუ სხვა რამ არ არის დადგენილი ევროკავშირის რეგლამენტით #26261/2004 („რეგლამენტი“), რომელიც განსაზღვრავს კომპენსაციის მიღებისა და მგზავრების დამხარების ზოგად წესებს ფრენის გაუქმების შემთხვევაში.

მგზავრებს შეუძლიათ აირჩიონ ქვემოთ მითითებული ვარიანტიდან ერთ-ერთი, ელ. ფოსტის შეტყობინებით მიღებულ ბმულზე დაწკაპუნებით და საუკეთესო ვარიანტის არჩევით თვითმომსახურების პლატფორმის საშუალებით ან Wizz Air-ის ანგარიშზე შესვლის გზით (კონკრეტული შემთხვევის მიხედვით).

  1. გადაცვალოს ბილეთი Wizz Air-ის მიერ განხორციელებულ სხვა რეისზე, იმავე ან, საჭიროების შემთხვევაში, ანალოგიურ მარშრუტზე, პირველივე შესაძლებლობისა და ადგილების ხელმისაწვდომობის შემთხვევაში, თუ ამ ქვეყანაში აეროპორტი ან საჰაერო მიმოსვლა არ არის დაბლოკილი.
  2. ჩარიცხოს გაუქმებული რეისის სრული ღირებულება პლუს იმ ტარიფის 20%, რომელიც გაუქმებული რეისისთვის გადაიხადა, მათ შორის, ხელმისაწვდომის შემთხვევაში, დაბრუნების სექტორი მგზავრის WIZZ ანგარიშზე. ეს კრედიტი შეიძლება გამოყენებულ იქნეს ნებისმიერი მომავალი Wizz Air რესისთვის/მომსახურებისთვის ან;
  3. დაიბრუნოს ფულადი სახსრები. ამასთან, გაითვალისწინეთ, რომ ამას უფრო მეტი დრო დასჭირდება მოთხოვნების დიდი რაოდენობის გამო. მომხმარებლები ინფორმირებული იქნებიან აუცილებელი ნაბიჯების შესახებ საბანკო გადარიცხვისთვის ან საკრედიტო ბარათზე გადარიცხვისთვის ცალკე ელექტრონული წერილის მეშვეობით. ამ შემთხვევაში, მომხმარებლებს უფლება ექნებათ მიიღონ საწყისი ტარიფის 100%.

Lufthansa Group (Lufthansa, SWISS, Austrian Airlines, Brussels Airlines და Air Dolomiti)

ავიაბილეთები, რომლებიც 5 მარტამდე დაიჯავშნა, მგზავრობის თარიღით 2020 წლის 30 აპრილამდე, მგზავრებს შეუძლიათ ახალ თარიღზე უფასოდ გადაცვალონ 2020 წლის 31 დეკემბრამდე – ჯავშნის თავდაპირველი ტარიფის მიუხედავად.

იმ მგზავრებისთვის, რომელთა ბილეთები 12 მარტის ჩათვლით გაიცა მგზავრობის თარიღით 2020 წლის 30 აპრილამდე, შესაძლებელია ჯავშნის გაუქმება დაუყოვნებლივ გადაფორმების გარეშე. მგზავრობის თარიღის შეცვლა 1 ივნისამდე უნდა გადაწყვიტოთ. მგზავრობის ახალი თარიღი 2020 წლის 31 დეკემბრამდე უნდა იყოს. თარიღების შესაცვლელად საჭიროა სერვისცენტრთან დაკავშირება.

Posted in ბლოგი, ლაიფჰაკი, სიახლეები and tagged , , , .