კატოვიცე

პოლონეთი – მდიდარი და ხანგრძლივი ისტორიის მქონე  ქვეყანაა . აქ ერთ ქალაქსაც კი ვერ იპოვით, რომელსაც თავისი უძველესი წარსულის შესახებ მრავალსაუკუნოვანი ლეგენდები და მართალი ამბები არ გააჩდნეს . მე-19 საუკუნის დასაწყისში დაარსებული შედარებით ახალგაზრდა ქალაქი კატოვიცეც (Katowice) კი, თავის ოფიციალურ ასაკთან შედარებით უფრო ძველი მოგეჩვენებათ, რადგან ამ ადგილებში დასახლება ჯერ კიდევ მე-14 საუკუნიდან არსებობდა და უკვე მე-18 საუკუნეში აქ პირველი ქვანახშირის შახტი გაიხსნა . დღეს კატოვიცე მნიშვნელოვნად გაფართოვდა და კვლავაც ქვანახშირის ინდუსტრიის ცენტრად რჩება, ხოლო მის მიერ დაგროვილი ისტორიული გამოცდილება ტურისტებს არანაკლებ აინტერესებთ, ვიდრე მჩქეფარე თანამედროვეობა.

როგორ ვიმგზავროთ კატოვიცემდე

კატოვიცეს ზედა სილეზიის დედაქალაქის საპატიო სტატუსი აქვს, ხოლო მხარის მთავარ ქალაქს არ შეშვენის აეროპორტის გარეშე არსებობა . იგი ქალაქიდან ჩრდილოეთით 34 კმ  მდებარეობს და რეგულარულად ემსახურება ფრენებს პოლონეთისა და სხვა ქვეყნების დიდი ქალაქებიდან . ადგილობრივ რეისებს LOT ავიაკომპანია ახორციელებს, ვარშავა-კატოვიცე ფრენის ხანგრძლივობა ერთი საათია . აეროპორტიდან ქალაქის მიმართულებით ავტობუსი ყოველ 30 წუთში გადის, რომლის საფასური 5 ევროა, ცენტრამდე მგზავრობისთვის მაქსიმუმ 50 წუთი დაგჭირდებათ.

საქართველოდან პირდაპირ რეისებს ქუთაისიდან კატოვიცეს მიმართულებით ავიაკომპანია ვიზეარი ასრულებს, ფრენის ხანგრძლივობა 3 საათი და 30 წუთია, სხვა ქალაქებიდან ფრენები კატოვიცაში გადაჯდომით ძირითადად ვარშავის გავლით ხდება . ავიაბილეთებზე ინფორმაციას გთავაზობთ ქვემოთ.

კატოვიცეში ასევე შეგიძლიათ ტრანსფერი დაჯავშნოთ  ამ კომპანიაში. ამავე კომპანიის ავტობუსებით ადვილად იმგზავრებთ რეგიონის ყველა გარემომდებარე ქალაქში . პოლონეთის სხვა ქალაქებიდან ავტობუსების განრიგის ნახვა აქ შეგიძლიათ და აქვე შეგიძლიათ შეიძინოთ ბილეთი სხვადასხვა მიმართულებით . მარშრუტის შედგენისას განსაკუთრებული ყურადღება მიაქციეთ საწყისი წერტილის სიშორეს დანიშნულების ადგილამდე .

მაგალითად, ვარშავიდან ავტობუსით მგზავრობის ხანგრძლივობა 6-7 საათს შეადგენს და 7-9 ევრო ღირს, მაგრამ კრაკოვიდან – მხოლოდ 1.5 საათი და 6-8 ევრო.

რკინიგზა  კატოვიცეს პოლონეთისა და სხვა ქვეყნების მსხვილ ქალაქებთან აკავშირებს . რეისები ხორციელდება პოლონეთის დედაქალაქიდან (დაახლოებით 14 მატარებელი დღეში, მგზავრობის ხანგრძლივობა 3 საათი, საფასური – 8-13 ევრო), კრაკოვიდან (მატარებლები დაახლოებით ყოველ საათში გადის, მგზავრობის ხანგრძლივობა 1.5 საათი, საფასური – 5-8 ევრო), ასევე ვენიდან, ბრატისლავადან, კიევიდან, ბერლინიდან და ა.შ . ბილეთის საფასური დამოკიდებულია მარშრუტის ხანგრძლივობაზე, ვაგონის შერჩეულ კლასსა და მატარებლის ტიპზე . ფასებსა და განრიგს ამ ვებ-გვერდზე გაეცნობით.

ფასები ვებ-გვერდზე მითითებულია 2018 წლის სექტემბრის მდგომარეობით. 

კატოვიცეს სასტუმროები

ვერ ვიტყვით, რომ კატოვიცეში უამრავი სასტუმროა, მაგრამ არჩევანი მაინც არსებობს .  Jopi Hostel-ში 11-14 ევროდ ერთ ადამიანზე შეგიძლიათ ორადგილიანი ნომერი იქირავოთ, რომელსაც  უფასო Wi-Fi წვდომა ექნება, დილით კი ყავა-ჩაის და ჯემიან ტოსტებს მოგართმევევენ . სამვარსკვლავიან Hotel Diament-ში განთავსების ღირებულება 27-30 ევროა, ხოლო ოთხვარსკვლავიან  Best Western Premier Katowice Hotel-ში – 35-დან 130 ევრომდე . უახლესი ინფორმაცია კატოვიცეში განთავსების ობიექტების შესახებ ყოველთვის ქალაქის ვებ-გვერდზე შეგიძლიათ იხილოთ . არ დაგავიწყდეთ, რომ საკურორტო სეზონზე სასტუმროებში შესაძლოა თავისუფალი ადგილების პრობლემა იყოს, ხოლო წლის დანარჩენ დროს შეგიძლიათ ჯავშანზე არც კი იზრუნოთ.