ფრენა გადაჯდომით ამსტერდამში: რა გავაკეთოთ სხიპჰოლის აეროპორტში

სხიპჰოლის აეროპორტი – ნიდერლანდების მთავარი საჰაერო კარიბჭე და ევროპის ერთ-ერთი მთავარი „გადასატვირთავი“ პუნქტია. მგზავრთა ნაკადის თვალსაზრისით, სხიპჰოლის აეროპორტი ევროპაში მე-4 ადგილს იკავებს, სადაც კონტინენტის უმსხვილესი ავიაგადამზიდი კომპანიები დაფრინავს. Aviabiletebi.org გიამბობთ როგორ, სად და რა შეიძლება გააკეთოთ ამსტერდამში გადაჯდომით ფრენის დროს.

ჩამოფრენა და გადაჯდომა

ზემოაღნიშნულიდან გამომდინარე, ცხადი ხდება, რომ სხიპჰოლის აეროპორტი უზარმაზარია. მიუხედავად ამისა, იგი მხოლოდ ერთი ტერმინალისგან შედგება, რომელიც  3 მსხვილ ზონადაა დაყოფილი. თითოეული მათგანისგან კონკრეტულ პირსზე გახვალთ, სადაც გეითები მდებარეობს.  შენგენის ზონის მგზავრებს B, C, M და D (59-დან) პირსები ემსახურება, მგზავრებს არაშენგენის ზონიდან ემსახურება E, F, G, H და D (59-მდე) პირსები.

თუ თქვენი მოგზაურობის დროს სხიპჰოლში გადაჯდომაა გათვალისწინებული, გამოფრენის პირველ პუნქტში  ჩასხდომის ბარათი უნდა გადმოგეცეთ მარშრუტის მომდევნო რეისზე, აეროპორტში გადაჯდომისთვის საჭირო ინფორმაციასთან ერთად.

ევროპაში შიდა რეისებზე გადაჯდომისთვის დაახლოებით 40 წუთი დაგჭირდებათ, გარე და კონტინენტთაშორის რეისებზე – დაახლოებით 50 წუთი (იმ პირობით, რომ არ წარმოიშობა რაიმე ფორსმაჟორული ვითარება და არ იქნება საჭირო ბარგის ხელახლა რეგისტრაცია). მიუხედავად იმისა, რომ აეროპორტი მართლაც ერთ-ერთი საუკეთესოა მსოფლიოში მომსახურების თვალსაზრისით და  საათივით მუშაობს, არ ღირს იმ რეისებზე ბილეთების აღება, რომელთა შორის 1.5 საათზე ნაკლებია.

თუ რაიმე მიზეზით არ გაქვთ ჩასხდომის ბარათი მომდევნო რეისზე,  მისი მიღება რეგისტრაციის დახლთან ან თვითმომსახურების აპარატებთან (რაზეც მოგვიანებით ვისაუბრებთ) შეგიძლიათ. თქვენ ასევე უნდა გაიაროთ საპასპორტო კონტროლი, მიიღოთ შტამპი ევროზონაში შესვლის შესახებ და ფრენის წინ შემოწმება გაიაროთ (პირადი ნივთების, ტანსაცმლის და ა.შ.).

აუცილებელია იცოდეთ, რომ თუ თქვენ შენგენის ქვეყნებსა და არა შენგენის ქვეყნებს შორის მოგზაურობთ, შეიძლება დამატებითი კონტროლის და ბარგის შემოწმების გავლა მოგიწიოთ.

თუ მარშრუტის მომდევნო რეისის ჩასხდომაზე ვერ ასწრებთ, ავტომატურად გიჯავშნიან ადგილს ამ მიმართულებით მომდევნო რეისზე, ხოლო ბარგზე ახალ ბირკას აკრავენ.

აეროპორტი, მიუხედავად მისი წარმოუდგენელი ზომისა, საკმაოდ კომფორტულია, ნებისმიერ საჭირო გეითამდე მისვლა მარტივია.  ყველა ინფორმაცია აეროპორტში ინგლისურ ენაზეა მოწოდებული, ხოლო თუ ესეც გაუგებარია, არსებობს სქემატური გამოსახულებები, რომლებიც „თვითონვე საუბრობენ თავის თავზე“.

თვითმომსახურების აპარატები (KLM  და Skyteam- ში გაწევრიანებული ავიაგადამზიდი კომპანების მგზავრებისთვის)

თუ რაიმე მიზეზით მომდევნო რეისზე არ გაქვთ ბილეთი, ჩასხდომის ბარათი ან ამის შესახებ ინფორმაციის მიღება თუ დაზუსტება გსურთ, შეგიძლიათ გამოიყენოთ სხიპჰოლის აეროპორტში განთავსებული დაახლოებით 100 თვითმომსახურების აპარატი. ამისათვის საკმარისია ავტომატს მიადოთ თქვენი პასპორტი ან ჩასხდომის ბარათი (თუ გაქვთ), იგი ინფორმაციას კითხულობს და ეკრანზე აჩვენებს ყველაფერს, რისი გაგებაც გსურთ: რეისის ნომერი, გეითის ნომერი, ჩასხდომის დაწყებისა და დასრულების დრო, რეისის განრიგი და ა.შ.

ასევე ავტომატებში შეგიძლიათ შეცვალოთ თქვენი ჩასხდომის ადგილი ან თუ ჩასხდომაზე ვერ ასწრებთ, გაიგოთ ალტერნატიული რეისების შესახებ, რომლებიც მოცემული მიმართულებით უახლოეს დროში სრულდება. ავტომატი ინფორმაციას გაწოდებთ როგორც ეკრანზე, ისე ბეჭდვით ფორმაში. თუ თქვენი ბილეთის საფასურში შედის სასმელები, კვება ან სხვა „ბონუსები“, რომლებიც აეროპორტში შეგიძლიათ მიიღოთ, აპარატი კუპონს მოგაწვდით.

ბარგი

თუ მოგზაურობის საწყისი პუნქტიდან გამოფრენისას თქვენს ბარგს მარშრუტის საბოლოო პუნქტამდე არეგისტრირებენ (ეს ხშირად ხდება, თუ ყველა რეისი ერთი ავიაკომპანიისგან გაქვთ შეძენილი), მაშინ არანაირი საზრუნავი არ გაქვთ. თუკი ბირკაზე მითითებულია, რომ მხოლოდ სხიპჰოლამდეა, მაშინ მისი გამოტანა და მომდევნო რეისზე ხელახლა დარეგისტრირება მოგიწევთ. ამის გაკეთება 2 გზით შეგიძლიათ: რეგისტრაციის დახლთან და დამოუკიდებლად (დამოკიდებულია თქვენს ავიგადამზიდ კომპანიაზე, თქვენ გეცნობებათ საჭირო მეთოდის შესახებ).

ამსტერდამში მოქმედებს ბარგის ავტომატური დამოუკიდებელი რეგისტრაციის უნიკალური სისტემა – Drop off baggage, რომლის საშუალებითაც თითოეულ მგზავრს 5 წუთის განმავლობაში შეუძლია დამოუკიდებლად შეამოწმოს და დაარეგისტრიროს საკუთარი ბარგი  ავტომატურ დახლთან. არ აღელდეთ: ეს მარტივი პროცედურაა, ავტომატი  მსოფლიოს მრავალ ენაზე (მათ შორის, რუსულზე) ემსახურება, ახლავს ინსტრუქცია, აქვე ყოველთვის შეძლებთ აეროპორტის თანამშრომლების პოვნას, რომლებიც დახმარებას გაგიწევენ.

როგორ ხდება ეს? ბარგს ავტომატის ლენტში ათავსებთ, შემდეგ კომუნიკაციის ენას ირჩევთ, ჩასხდომის ბარათს ასკანერებთ და  მოცემულ  მონაცემებს ამოწმებთ (მფლობელის სახელი და გვარი, რეისის ნომერი, ჩაფრენის აეროპორტი და ა.შ.), თუ ყველაფერი სწორია, ადასტურებთ. შემდეგ უსაფრთხოების შესახებ რამდენიმე შეკითხვაზე უპასუხებთ, ავტომატი ბირკას მოგცემთ, რომელსაც ბარგს მიაკრავთ და ამის შესახებ ავტომატს აცნობებთ, და ვუალა! – ავტომატი თქვენს ბარგს „შთანთქავს“.

თუ რეისებს შორის საკმარისი დრო გაქვთ, შეგიძლიათ ბარგი შემნახველ  საკანში ჩააბაროთ და უფრო სასიამოვნო საქმეებით დაკავდეთ.

რით შეიძლება გაერთოთ აეროპორტში

სხიპჰოლი არა მხოლოდ შესანიშნავი აეროპორტი, არამედ ნამდვილი გასართობი ცენტრია, მუზეუმებით, სამეცნიერო ცენტრით, საბავშვო მოედნით, SPA ცენტრებით, სავარჯიშო დარბაზით, ბიბლიოთეკითა და DutyFree ზონით. მოკლედ – ნამდვილი მინი-ქალაქია. და აი რით შეგიძლიათ აქ დაკავდეთ:

  • გაეცნოთ ხელოვნებას: აეროპორტის შენობის დატოვების გარეშეც კი გეძლევათ შესაძლებლობა ეწვიოთ ჰოლანდიაში ერთ-ერთ ყველაზე ცნობილ სამხატვრო მუზეუმს – რეიკსმუზეუმს (Rijksmuseum). აეროპორტის ტერმინალის მუზეუმი ოფიციალურად აღიარებულია რეიკსმუზეუმის ფილიალად და მის ტერიტორიაზე ცნობილი მხატვრების უამრავი შესანიშნავი ნამუშევრის ხილვას შეძლებთ. მუზეუმში შესვლა უფასოა, მას ჰოლანდიურ ბულვარში იპოვით, E და F დარბაზებს შორის, მუშაობს ყოველდღე 7:00 საათიდან 20:00 საათამდე.
  • მიიღოთ ცოდნა: ჰოლანდიურ ბულვარშივე მდებარეობს პატარა ბიბლიოთეკა, სადაც შეგიძლიათ იხილოთ ლიტერატურა ჰოლანდიურ, ინგლისურ და გერმანულ ენებზე. ასევე ტერმინალის ტერიტორიაზე მოწყობილია გამოფენა НЕМА-ს სამეცნიერო ცენტრიდან მომხიბლავი ექსპონატებით, რომლებსაც „ტექნოლოგიის ბოლო სიტყვას“ უწოდებენ და რომლებიც გაგაოცებენ თავისი შესაძლებლობებით.
  • სახურავზე ახვიდეთ: ყველამ არ იცის ამის შესახებ, მაგრამ თქვენ შეგიძლიათ პანორამულ ტერასაზე ახვიდეთ მეორე სართულზე და შესანიშნავად გაატაროთ დრო თვითმფრინავების აფრენისა და დაფრენის პროცესზე თვალყურის დევნებით. გარდა ამისა, აქ თქვენ გელით Fokker 100 Experience – ნამდვილი „ფოკერ“ თვითმფრინავი, რომელიც აეროპორტის მუზეუმად აქციეს. მის სალონში სეირნობისას, შეგიძლიათ სხიპჰოლის 100 წელზე მეტი ისტორიის შესახებ მიიღოთ ინფორმაცია და ნამდვილი პილოტის კაბინა ნახოთ. ტერასა ღიაა ყოველდღე 8:00 საათიდან 20:00 საათამდე (ზაფხულში), ხოლო 17:00 საათამდე (ზამთარში), მაგრამ არახელსაყრელი ამინდის პირობებში ის შეიძლება დახურული იყოს.
  • დაისვენოთ: რაც არ ეცადოთ, ნამდვილად რთულია მოსაცდელ ოთახში დასვენება. ამისათვის სხიპჰოლის აეროპორტში SPA ცენტრი არსებობს, სადაც თქვენ მასაჟს და აღმდგენ ნიღბებს შემოგთავაზებენ. უფრო იაფი და ხელმისაწვდომი ვარიანტია – სარელაქსაციო მასაჟის სავარძელი, რომელიც აეროპორტის ტერიტორიაზე შეგიძლიათ იპოვოთ, სეანსის ღირებულებაა – 2-3 ევროდან.
  • სპორტით დაკავდეთ: ჯდომით დაიღალეთ და მოძრაობა გსურთ? – თქვენთვის სრულფასოვანი სპორტული დარბაზი მუშაობს. ხოლო შემდეგ საუნაში შეგიძლიათ მოდუნდეთ.
  • წაიხემსოთ: თუ თქვენს რეისებში კვება არ შედის, მაშინ აეროპორტში რამდენიმე ათეული საშუალება არსებობს შიმშილის დასაკმაყოფილებლად: სხვადასხვა კაფეები, რესტორნები, სწრაფი კვების ობიექტები, მაღაზიები მზა კერძებით და ჩვეული საკვები პროდუქტებით, აგრეთვე ბარები ცოცხალი მუსიკითა და ცეკვებით. ფასები კი შეიძლება უფრო იაფი იყოს ვიდრე ამსტერდამში.

  • ფული დახარჯოთ: რა აეროპორტია ყველასთვის საყვარელი DutyFree-ს გარეშე? პარფიუმერიის, კოსმეტიკის, ტანსაცმლის, ტკბილეულის, საჩუქრების მაღაზიები – აეროპორტის სავაჭრო ზონა ნამდვილად სასიამოვნოდ გაგახარებთ. თუ თქვენი საყიდლების საერთო ჯამი 25 ევროზე მეტია, შეგიძლიათ მიიღოთ ფასდაკლება 5 ევროს ოდენობით. ამისათვის უნდა ეწვიოთ ვებ-გვერდს SeeBuyFlyHappyHournl და  სიახლეები გამოიწეროთ, შემდეგ ფოსტაზე უნიკალურ კოდს მიიღებთ, რომელსაც  გამყიდველებს აჩვენებთ მაღაზიებში.

სავარაუდოდ ყველას აინტერესებს კითხვა Wi-Fi-ს ხელმისაწვდომობის შესახებ. დიახ, უფასო Wi-Fi მთელი აეროპორტის ტერიტორიაზეა – მაგრამ სისტემაში რეგისტრაციის შემდეგ მხოლოდ პირველი საათის განმავლობაში, შემდეგ მომსახურება ფასიანია. თუ გაგრილება გსურთ, ტერმინალის ზოგიერთ ტუალეტში საშხაპე კაბინებიცაა მოწყობილი (სრულიად უფასოდ). შხაპის მიღების მომსახურებას აეროპორტის ტერიტორიაზე მდებარე სასტუმროებიც სთავაზობენ (10-15 ევროდან), რომელშიც შედის სატუალეტო ნივთები, პირსახოცები და ა.შ. ასევე უფასოდ შეგიძლიათ დალიოთ წყალი.

თუ სხიპჰოლში თქვენი გადაჯდომა საკმაოდ ხანგრძლივია (5-7 ან მეტი საათი), მაშინ დროის გატარების რამდენიმე ალტერნატიული ვარიანტი არსებობს:

  • დაისვენოთ სასტუმროში

თუ დაიღალეთ და ტკბილ ძილსა და სიჩუმეზე ოცნებობთ, მაშინ თქვენს განკარგულებაშია 6 სასტუმრო (Sheraton, Hilton, CitizenM და სხვ.), რომლებიც აეროპორტიდან ფეხით სავალ მანძილზე მდებარეობს. ზოგიერთი მათგანი სპეციალური გვირაბებით უკავშირდება აეროპორტის შენობას და 5 წუთში რეგისტრაციის დახლთან აღმოჩნდებით. გამოფრენის მეორე ზონაში კაფსულა-სასტუმრო მდებარეობს – Yotel (ნომრის ღირებულება 117 ევროდან იწყება).

  • ექსკურსიაზე წახვიდეთ

თუ საკმაოდ ხანგრძლივი გადაჯდომა გაქვთ (5 ან მეტი საათი) და სიამოვნებით გაისეირნებდით ამსტერდამის ქუჩებში, რატომაც არა? სხიპჰოლის აეროპორტში რამდენიმე საექსკურსიო ბიუროა განთავსებული, რომლებიც მარტივად გაუწევენ ორგანიზებას 2-3 საათიან ექსკურსიას ქალაქის ფარგლებში და აეროპორტიც საკმაოდ ახლოს მდებარეობს – ქალაქში ჩასვლას 15-20 წუთში შეძლებთ. ხოლო თუ სერიოზულად ხართ განწყობილი და საკმარისი დრო გაქვთ – გაემგზავრეთ ექსკურსიაზე „ამსტერდამი თავისიანებისთვის“ იმ ადგილებში, სადაც ამ ჯადოსნური ქალაქის გული და ხიბლია.

აეროპორტის შესახებ ყველა დამატებითი ინფორმაციის მიღება ოფიციალურ ვებ-გვერდზე შეგიძლიათ.

ყველაზე იაფი ავიაბილეთები Tbilisi-დან Amsterdam-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

19.02.2019

20.02.2019

1 stop

ფასი 605

02.03.2019

03.03.2019

1 stop

ფასი 615

04.04.2019

14.04.2019

1 stop

ფასი 624

22.05.2019

28.05.2019

1 stop

ფასი 645

04.06.2019

09.06.2019

1 stop

ფასი 694

31.07.2019

07.08.2019

1 stop

ფასი 790

06.08.2019

13.08.2019

1 stop

ფასი 775

01.11.2019

05.11.2019

1 stop

ფასი 812

Posted in ბლოგი, ლაიფჰაკი and tagged , , , , .