ნიდერლანდები: 9 ადგილი, რომელთა მონახულებაც გჭირდებათ

რა იცის რიგითმა ტურისტმა ნიდერლანდების შესახებ, ამსტერდამის გარდა? წისქვილები, ტიტები და გემრიელი ყველი? aviabiletebi.org–მა გადაწყვიტა მდგომარეობის შეცვლა და შეაგროვა ამ ქვეყნის ყველაზე საინტერესო და უჩვეულო ადგილები.

1. როტერდამი

როტერდამი – ნამდვილი ქალაქი–კოლეიდოსკოპი, მრავალსახოვანი და გამოკვეთილი. აქ გელით მაღალი დონის ხელოვნება, ხმაურიანი ღამის ცხოვრება, შოპინგი და საპორტო ქალაქის შრომითი საქმიანი დღეები. ფუტურისტული არქიტექტურა და ტრადიციული ღირებულებები – ამაშია მთელი როტერდამი.

მშვენიერების დაფამფასებლებს შეუძლიათ გაატარონ თუნდაც მთელი დღე ერთი მუზეუმიდან მეორეში გადასვლებით, წვეულებებზე თავგადადებულებს ნამდვილად არ გაუჭირდებათ გასართობი ადგილის პოვნა, აქ ხომ ღამის დაწესებულებები ჭარბად არის, ხოლო გურმანები კმაყოფილი დარჩებიან ადგილობრივი კულინარული შედეგების დაგემოვნებით ქალაქის რომელიმე რესტორანთაგანში.

რაზე ღირს ყურადღების გამახვილება როტერდამში? კუნსტხალის, შაბოს მუზეუმები, კუბური სახლები, ზღვის მუზეუმი და პარკი Schoonoord, თუმცა ესეც როდია ყველაფრის მცირედიც კი! თუ გსურთ, ყველა ღირშესანიშნაობის ერთდროულად ხილვა გირჩევთ გაემგზავროთ არქიტექტურული როტერდამის დასათვალიერებელ ექსკურსიაზე.

2. დელფტი

დელფტი – არა მხოლოდ მსოფლიოში განთქმული მოხატული ფაიფურის სამშობლოა, არამედ საოცრად თვალწარმტაცი ქალაქი. მაგალითად დელფტის ისტორიული ცენტრი შემონახულია ჯერ კიდევ მე–17 საუკუნიდან! ძველი სახლები და ვიწრო ქუჩები, არხები და მომხიბვლელი ნაგებობებით გარშემორტყმული მოედნები, მუზეუმები და სასახლეები, ძველდროინდელი ეკლესიები – დელფტი ჰგავს სამკაულებიან ზარდახშას.

ბრწყინვალე ნახატების კრებულით და ფაიფურისა და ვერცხლის ნაკეთობათა კოლექცით შემკობილი სასახლე პრინსენხოფი, ძველდროინდელი ეკლესია, სადაც შეიძლება ორღანის მოსმენა, დასავლეთის კარიბჭე – რაც შემორჩენილია ძველი ციხესიმაგრის კედლისგან და რატუშა – აი ყოველივე ის, რაც პირველ რიგში უნდა დაათვალიეროთ. ხოლო ხელოვნების მოყვარულებს ვურჩევთ გაემართონ ვერმეერის ადგილებისკენ გასეირნებაში.

3. ჰააგა

ჰააგა მოგეწონებათ თავისი აჭრელებული თანამედროვე იერით: აქ ერთმანეთში აირია მე–17 საუკუნის ძველი ჰოლანდიური სახლები და ბაროკოს სტილის დიდებული რეზიდენციები, ასევე, არ–ნუვოს კოხტა კონსტრუქციები და სულ უახლესი მოდის შენობები, როგორიცაა ცენტრალური ბიბლიოთეკა. შეიძლება ქალაქში სეირნობა და გაოცება, თუ რარიგად არის შესაძლებელი ერთი შეხედვით ასეთი შეუთავსებელი სტილების ბუნებრივი მეზობლობა.

ასევე ჰააგა – ისტორიაში ქექვის მოყვარულთათვის ნამდვილი აღმოჩენაა. ძველებური ციხეები ბინენხოფი, რიდერზალი, ინკვიზიციის მუზეუმი (ძველი შუასაუკუნეების დროინდელი ციხე გევაგენპორტი) და სხვა, ყველაზე ფართო თემატიკის უამრავი მუზეუმი და ქალაქის ღირშესანიშნაობა – ამ ყველაფრის სანახავად შეგიძლიათ მიმართოთ ადგილობრივ გიდებს და ექსკურსიის შერჩევა თქვენი შეხედულებისამებრ.

4. ზაანსე – სხანსი

მე–18 საუკუნის ნამდვილ ჰოლანდიურ სოფელში მოხვედრა შესაძლებელია, თუ გაემგზავრებით სოფელ ზაანსე–სხანსში, რომელიც ამსტერდამიდან 30 წუთის სავალზეა.

აქ ღია ცის ქვეშ შეკრებილია ამ ქვეყნის ყველა საგანძური: ძველებური სახლები თვალწარმტაცი არხების გასწვრივ, ძველი დროში სტილიზებული დახლები, სადაც შეიძლება ნახვა, თუ როგორ მუშაობდნენ იმ დროინდელი ხელოსნები და რა თქმა უნდა, ჰოლანდიელი ოსტატების ტრადიციული ნაკეთობები: ფაიფური (მათ შორის განთქმული დალფტის ფაიფური ლურჯი მოხატულობით), საბო, ყველანაირი ყველი და ეროვნული სათამაშოები.

5. ალკმარი

თუ ნიდერლანდებში საკმარისად მოგზაურობისა და მისი გაცნობისათვის აუციოლებელი დროის შეზღუდვას განიცდით გული არ დაგწყდეთ! გაემართეთ ალკმარში, აქ ხომ ყველაფერია, რითიც განთქმულია ეს კუთხე.

ჰოლანდიური ყველი? ინებეთ! ალკმარის ყველის ბაზრობები არ დატოვებს გულგრილად ამ დელიკატესის არცერთ თაყვანისმცემელს. ჰოლანდიური წისქვილები? ისინიც გახლავთ, თერთმეტი, ხომ გეყოფათ? გსურთ პლიაჟზე ნებივრობა? რა პრობლემაა, ქალაქი ხომ განლაგებულია ჩრდილოეთის ზღვის სანაპიროზე. ხოლო ის ფაქტი, რომ ალკმარის ცენტრალურ მოედანზე (კანადის მოედანზე) რეგულარულად იმართება კონცერტები და გამოფენები, ამასთან კი ქალაქი სავსეა უამრავი შესანიშნავი მაღაზიით, მხოლოდ შემატებს ტურისტების თვალში მის პოპულარობას.

6. ედამი

ეს პატარა პროვინციალური ქალაქი თვალსაჩინოა არა მხოლოდ მისი მყუდრო საყვარელი პეიზაჟებით. ეს ერთერთი ყველაზე პოპულარული სახეობის ყველის სამშობლოა. ამიტომ, რათა სრულად დატკბეთ ამ დელიკატესის ყიდვის პროცედურით, გირჩევთ აუჩქარებლად დაათვალიეროთ ადგილობრივი ყველის დახლები და თან დააგემოვნოთ თქვენს მიერ მოწონებული ყველები ან სულაც შეხვიდეთ სპეციალურ სადეგუსტაციო დარბაზში «Kaasproeverij Gestam», რომლის მისამართია Voorhaven, 127, სადაც სიამოვნებით შემოგთავაზებენ გემო გაუგოთ ამ სახეობის რამოდენიმე ნაირსახეობის ყველს. ყურადღებით იყავით, ყველაფერს ნუ შეისყიდით, რაც დახლებზე დევს, ასეთი გემრიელობებისაგან თავის შეკავება განა ადვილი გგონიათ?

7. დასავლეთ ფრიზული კუნძულები

ეს ნიდერლანდების სანაპირო ზოლის გასწვრივ გადაჭიმული კუნძულების ჯაჭვი აუცილებლად იმსახურებს მათ დათვალიერებას. აქ უნდა გამოემართოს ბუნების წიაღში ხანგრძლივი სეირნობის თავგადადებული თაყვანისმცემლები. თითქმის ყველა კუნძული ხომ (ყოველ შემთხვევაში ისინი, რომლებზეც შეიძლება ბორნით მიღწევა) უბრალოდ შექმნილია ლაშქრობებისა და აქტიური დასვენებისათვის. მაგალითად ვლილანდი – რომელიც სრულად შედგება ქვიშის დიუნებითა და ფიჭვნარით. ზღვის ხმაური და მარილითა და ფიჭვნარის არომატით აღვსებული ჰაერი, ქვიშის დიუნები ჰორიზონტამდე – ცივილიზაციისაგან დასასვენებლად საუკეთესო ადგილია.

კუნძულ ტექსტელზე შეგიძლიათ არა მხოლოდ კარგად დაისვენოთ, არამედ გაემართოთ ადგილობრივ ბუნებრივ ნაკრძალში, ფრინველების კუნძულზე. ამას გარდა კი შეგიძლიათ ეწვიოთ ივნისის შუა რიცხვებში ჩვეულ მსოფლიოში უდიდეს კატამარანების რეგატას ან მოხვიდეთ აქ ოქტომბრის შუა რიცხვებში ბლიუზის ფექსტივალზე დენ–ბურგში.

ხოლო სქირმონიკოგზე შეიძლება შესანიშნავად დაისვენოთ ველური წესით: აქ კილომეტრიანი პლიაჟები (სხვათა შორის ევროპაში უფართოესი) და უამრავი ადგილია, სადაც შესაძლებელია კარვის გაშლა ერთი–ორი დღით. ამის კვალდაკვალ კი დაათვალიერთ ეროვნული ორნიტოლოგიური პარკი და დატკბეთ ადგილობრივი ფრთოსნების ცქერით.

8. ეროვნული პარკი დე–ხოგე–ველიუვე

ეს პარკი ბრწყინვალე ადგილი იქნება მათთვის, ვისაც მობეზრდა და სურს დაისვენოს ქალაქებისა და ჩვეული გართობებისაგან, თანაც სურს ახლოს გაეცნოს ნიდერლანდების ბუნებას, ის კი ამის ღირსია, ნამდვილად, გვერწმუნეთ! პარკ დე–ხოგე–ველიუვეში შეგიძლიათ აიღოთ უფასო იჯარით ველოსიპედი და გაემართოთ მის ტყეებსა და დიუნებში სამოგზაუროდ მთელი დღით. შესვენების დროს კი შეგიძლიათ მოაწყოთ „კულტურული დასვენება“: პარკის ტერიტორიაზე მდებარეობს ვან გოგის ნამუშევართა მუზეუმი.

9. კინდერდაიკი

არხის გასწვრივ ჰორიზონტამდე ჩამწკრივებული ქარის წისქვილები და ფრთოსანი ანარეკლები წყლის სარკისებურ ზედაპირზე – ეს ყველაფერი კინდერდაიკია, სოფელი, რომელშიც დღემდე შემორჩენილია ნიდერლანდების სიმბოლოდ ქცეული 19 ძველებური, ნამდვილი ქარის წისქვილი. წისქვილები მუშა მდგომარეობაშია და მნახველებს შეუძლიათ გაიგონ ბევრი საინტერესო რამ მათი მოწყობილობის შესახებ. წლის თბილ პერიოდში წისქვილები მეტად თვალწარმტაცად გამოიყურება შებინდებისა და განთიადის შენისლულ ჟამს. ზამთარში კი, არხის გაყინვის დროს შეგიძლიათ იციგურაოთ ამ ფრთოსანი გიგანტების გვერდით.

sastumroebi
Posted in ბლოგი and tagged , , .

მალხაზ კევლიშვილი