სამმაგი ბექფლიპი და როდეო: რა ღირს ფინეთში თხილამურებით სრიალი

თოვლსატკეპნი მანქანის მიერ წარმოქმნილი „ველვეტი“ უკვე მეორე კვირაა გესიზმრებათ, ზამთრის მოლოდინი მეგობრებს უკვე აღარ აკვირვებთ, ხოლო ვიდეორგოლების საყურებლად ძალა აღარ გყოფნით ? მაშ, დროა, თხილამურის კანტი გალესოთ, სრიალა ზედაპირი გაპოხოთ და მოგზაურობა დაგეგმოთ . გაემგაზვრეთ ფინეთში – აქ საუკეთესო პარკებია სნოუბორდისტებისა და ახალბედა მოთხილამურეებისთვის.

ქვეყანაში, სადაც უმაღლესი წერტილი ათას მეტრზე ოდნავ მეტია, მსოფლიოში საუკეთესო ადგილები და პარკებია – ეს უცნაურია . მაგრამ სწორედ ამაშია საქმე: აქ ბევრი თოვლი და აქტიური ახალგაზრდობაა, მაგრამ მაღალმთიანი ადგილები არცთუ ისე ბევრია – მაგარ ფრირაიდს „ფუმფულა“ თოვლზე ხომ ვერ ისრიალებთ . რჩება მხოლოდ პარკების შენება . მათმა უმეტესობამ დაიწყო როგორც საოჯახო სასტუმროებმა ტურისტებისთვის ან სკიტურების მოყვარულთათვის . შემდეგ მუნიციპალიტეტმა მიწა შეისყიდა და სამთო-სათხილამურო მიმართულების განვითარება დაიწყო . 90-იან წლებში გაიზარდა სნოუბორდის პოპულარობა და მასთან ერთად დაფაზე ფრისტაილი, თხილამურებით სრიალი 60-იანი წლებიდან არსებობს.

ფინეთში სამოცდათექვსმეტი სამთო-სათხილამურო ცენტრია, მაგრამ ექსტრიმ-ზონები გაცილებით ნაკლებია . მოკლედ, მთები არ არის, მაგრამ თუ სრიალი გსურს – აშენე პარკები.

ფინეთი ალპების წინააღმდეგ: მსგავსება და განსხვავება

სამთო-სათხილამურო კურორტებზე ბევრი მიმართულება და რაიდერთა უბრალო სურვილებია . იმის გასაგებად, თუ რატომ უნდა გაემგზავროთ ფინეთში და არა უფრო დიდ მთებში, როგორიცაა შამონი, ინსბრუკი ან დავოსი (რაც უფრო ძვირია), მოდით შევადაროთ კურორტები, ინფრასტრუქტურა და ტრასები .

იმისათვის, რომ შეფასებები ობიექტური იყოს, ქვემოთ მოცემულ ცხრილში პირობითად მოვიყვანთ ფინურ პარკს და საშუალო სტატისტიკურ ალპურ კურორტს.

შესაძლებლობები	ფინეთი	ალპები
სიმაღლე, მ	300	1300
ფრენის ხანგრძლივობა თბილისიდან, საათი	4	5
ფიგურების რაოდენობა პარკში	25	13
ბექქანთრი	არა	კი
ტრასების სირთულე, 5 ქულიდან	2	4
ტრასების საშუალო სიგრძე, კმ	1	9
სეზონის ხანგრძლივობა, თვე	7	6

დასკვნა: ტექნიკურად მარტივი ტრასები, მაგრამ პარკის შესანიშნავი ფიგურებით – ფინეთი . ჯოჯოხეთური ფრირაიდისთვის, ხელუხლებელი თოვლისა და კლდიდან ათმეტრიანი ფრენისთვის – ალპებში.

რა უნდა წაიღოთ თან და როგორ უნდა გადაზიდოთ თქვენი სათხილამურო აღჭურვილობა

აღჭურვილობის ტრანსპორტირების მოხერხებულობისთვის დაგჭირდებათ სპეციალური შალითა – მასში გარდა ფეხსაცმლისა-ჯოხებისა-დაფებისა შეგიძლიათ ფრენის დროს არასაჭირო ნივთები ჩაალაგოთ . თუ არჩევანი გაქვთ (ქირაობა, მეგობრები, მაღაზია), მოგზაურობისთვის გორგოლაჭიანი შალითა შეარჩიეთ . გამოცდილება გვიჩვენებს, რომ მაქსიმალურად დატვირთული, თუნდაც ფართო სამხრე ღვედით, იგი საგრძნობლად ამძიმებს და მხარს ჩამოგწყვეტთ – აეროპორტიდან ავტობუსამდე ან ტაქსამდე მითრევა გაგიჭირდებათ.

ყველაფერი, რაც ჩამოფრენისას ან სასტუმროში განთავსებისას გჭირდებათ, შეინახეთ 30-40 ლიტრიან პატარა ზურგჩანთაში . თუ კლიმატი განსხვავებულია ან ამინდის მკვეთრი ცვლილებაა, ასეთი ბარგიდან თბილი ქურთუკის ან სათვალის სწრაფად ამოღება არ გაგიჭირდებათ . აქვე ჩააწყვეთ 4-6 საათის სამყოფი წყალი და წასახემსებელი – რეისი შეიძლება გადაიდოს და სასტუმროსკენ მიმავალ გზაზეც წახემსება ნამდვილად მოგინდებათ.

ხდება ისე, რომ კაფეში ჩასვლა თუ ყველით ბუტერბროდისთვისა და ფინჯანი ყავისთვის გახდა არ გინდათ ან დრო არ გაქვთ . თან წაიღეთ 10-15 ლიტრიანი ზურგჩანთა და ჩაალაგეთ წასახემსებელი: 3-4 ბუტერბროდი, ორცხობილა და 400-600 მლ-იანი თერმოსი . იმისთვის, რომ ჯიბიდან არ ამოგივარდეთ, ამ ჩანთაშივე მოათავსეთ ტელეფონი, საფულე, სათადარიგო ხელთათმანები ტენიანი ან ცივი ამინდის შემთხვევისთვის, მეორე თერმოსი და ბაფი (თავსაბურავი) . „ანტიფოგიც“ გამოგადგებათ.

ფინეთის პარკები

Ruka, Battery park

პირველი იხსნება და სტუმრებს წელიწადში 240 დღე იღებს – ფერდობზე მუშაობს სამოცდაათი თოვლის საფრქვევი აპარატი . აპრილსა და დეკემბერში მოთხილამურეებისთვის ტარდება „სლოუპ-სტაილი“ – ბიჭები ისეთ ტრიუკებს აკეთებენ, რომ ეჭვი შეგეპარებათ კოსმონავტების გულადობაში . ეს არის ერთადერთი პარკი, რომელიც ყოველწლიურად სერიოზულად აუმჯობესებს ინფრასტრუქტურას: ახლა შენდება ახალი საბაგირო ხაზი, გასულ წელს მთელი ზაფხულის განმვალობაში ტრაქტორები ამზადებდნენ საფუძველს ახალი ფიგურებისთვის.

გთავაზობთ სათხილამურო აბონემენტების ფასებს მოზრდილთათვის ონლაინ შეძენისას.

საბაგიროთი ერთჯერადი ასვლა

6 ევრო

სამი საათი

38 ევრო

1 დღე

45,5 ევრო

სამი დღე

120 ევრო

შვიდი დღე

220 ევრო

ათი დღე

270 ევრო

• თუ მთელი ოჯახი სარგებლობს – 30% ფასდაკლება 4-დან 14 დღემდე აბონემენტის შეძენისას . თხილამურებით სრიალამდე თუნდაც ერთი დღით ადრე შეძენილი აბონემენტი 5%-ით ნაკლები, ხოლო თხილამურებისა და სნოუბორდის ქირაობა დღეში 25 ევრო ღირს.
• პატარა ბონუსი: რუკა-პარკის სათხილამურო აბონემენტი ასევე მოქმედებს მეზობლად მდებარე სამთო-სათხილამურო ცენტრ პიუჰაში (Pyha).
• რუკაში რუსულენოვანი ინსტრუქტორიც კი არის, თუმცა უფრო ძვირი ღირს – 114 ევრო ორი დღე . ინგლისურენოვანი – 96 ევრო 3-5 დღის განმავლობაში.
• თქვენი სურვილისა და მომზადების დონის მიხედვით, სწავლება პირობითად ოთხ სტადიად იყოფა: 1) პირველად სამთო-სათხილამურო კურორტზე, 2) საკმაოდ კარგი დონე, 3) ნებისმიერ ფერდობზე თავდაჯერებული დაშვება, 4) ექსტრემალური სრიალი, ფრირაიდი, ტრიუკები . ჯგუფში 7-10 კაცია, ადგილი შეგიძლიათ დაჯავშნოთ პარკის ვებგვერდზე.
• ცხელ სეზონზე განთავსება (მაგალითად, 10-17 იანვარი), ყველაზე ახლომდებარე ქალაქ კუუსამოში, ორ ადამიანზე 600 ევრო დაგიჯდებათ . ფერდობთან უშუალო სიახლოვეში მდებარე სასტუმრო იმავე ვადით – 1,5–2-ჯერ უფრო ძვირი.
• უფრო მომგებიანია სეზონის ბოლოს სრიალი – მაისში.

ვუოკატი

ვუოკატში თადარიგიანი მაცხოვრებლებია – ზაფხულში თოვლს სპეციალურ ბეტონის მილში ინახავენ და სამხრეთით მდებარეობის მიუხედავად, სეზონს ერთ-ერთი პირველნი ხსნიან . ამავე მილში სრიალი მთელი წლის განმავლობაშიც შეგიძლიათ . პარკში არის ჰაფ-პაიპი და მსოფლიო დონის ტრასა სლოუპ-სტაილისთვის . აქ საბაგიროების საკმარისი რაოდენობაა – ჯერ არცერთ მოთხილამურეს რიგის გამო არ დაუჩივლია . სათხილამურო აბონემენეტის ფასები უფრო დაბალია.

სამი საათი

35 ევრო

1 დღე

41 ევრო

სამი დღე

103 ევრო

შვიდი დღე

180 ევრო

ათი დღე

224 ევრო

ექვს წლამდე ასაკის ბავშვებს სრიალი უფასოდ შეუძლიათ, მაგრამ მხოლოდ ჩაფხუტითა და უფროსების თანხლებით . 7-12 წლის ასაკის ბავშვებისთვის არის სპეციალური ფერდობი #8, დღისით თხილამურებით სრიალის ღირებულება 10 ევროა.

ქირაობა:

სამი საათი

29 ევრო

1 დღე

36 ევრო

სამი დღე

83 ევრო

შვიდი დღე

130 ევრო

ათი დღე

145 ევრო

განთავსების ფასები სეზონზე იგივეა, რაც რუკა-პარკის სიახლოვეს – ორადგილიანი ნომერი ათი დღით 600 ევრო ღირს.

ლევი

აქ ყველაფერი ისეა, როგორც უნდა იყოს: სუპერპაიპი, ბორდერ-კროსის ტრასა, ბიგეარი და უოლრაიდი . აქ უფრო ნაკლები მოთხილამურეა, ვიდრე ზემოხსენებულ ორ პარკში . პოლარული წრიდან სულ რაღაც 160 კმ-ია, ასე რომ შალის წინდები აუცილებლად დაგჭირდებათ . გარდა ამისა, იანვარში აქ თითქმის ყოველთვის ბნელა – პოლარული ღამეა . საბაგიროთი სარგებლობის ღირებულება მოცემულია ქვემოთ ცხრილში . ასევე უნდა შეიძინოთ მაგნიტური ბარათი 7 ევროდ.

1 დღე

44 ევრო

სამი დღე

110 ევრო

შვიდი დღე

199 ევრო

რვა-თოთხმეტი/დღეში

14 ევრო

სწავლება არის როგორც პერსონალური, ისე ჯგუფური, თხილამურებით სრიალის დონე აქაც ოთხად იყოფა: დამწყები მოთხილამურეებიდან პროფესიონალამდე . საათნახევრიანი ინდივიდუალური მეცადინეობა 86 ევრო ღირს, 6-14 კაციან ჯგუფში სამსაათიანი მეცადინეობის ღირებულება 230 ევროა.

ფერდობთან ახლოს ექვსი გასაქირავებელი პუნქტი მუშაობს, გასაქირავებელი მაღაზია ელანი (Elan) სხვებზე 5%-ით იაფია.

ქირაობის ღირებულება:

სამი საათი – 29 ევრო

1 დღე – 34 ევრო

სამი დღე – 78 ევრო

შვიდი დღე – 122 ევრო

ათი დღე – 146 ევრო

მეზობელ დაბა კიტილიაში ცხოვრება უფრო იაფია – პატარა სახლებში დღეში 110 ევროდ განთავსდებით . საუნა, მიკროტალღური ღუმელი სამზარეულოში, ჭურჭელი – ყველაფერი არის . როგორ ჩავიდეთ ლევიში ავტობუსით: პირველი გადის 10:40 საათზე, შემდეგი მხოლოდ 13:00 საათზე . ბილეთი 8 ევრო ღირს.

ისო-სიუეტე

თო-ო-ო-ვლი ! ეს არის ყველაზე თოვლიანი პარკი ფინეთში . საქმე სიმაღლეშია – ზღვის დონიდან 400 მეტრი . აქ თოვლსატკეპნ ტექნიკას ყოველდღე იყენებენ, ტრამპლინებს გამუდმებით ფორმას აძლევენ – ასეთ ფერდობზე დაცემა არ არის ისეთი მტკივნეული, როგორც დატკეპნილზე . თუ ხტომისგან დაიღალეთ, ფრირაიდის ზონებში დაისვენეთ – ამ ფაფუკ ტალღებში სრიალი ძალზე სასიამოვნოა.

ქირაობის ღირებულება (პროფესიონალური კლასის აღჭურვილობა)

სამი საათი – 33 ევრო

დღე – 43 ევრო

თითოეული დამატებითი დღე – 27 ევრო

სათხილამურო აბონემენტის ფასები

სამი საათი – 12 ევრო

ათი საათი – 17 ევრო

სამი დღე – 36 ევრო

შვიდი დღე – 75 ევრო

მეცადინეობა ინსტრუქტორთან ერთად:

	1 ადამიანი	2 ადამიანი	3 ადამიანი	4–10 ადამ . ჯგუფი
100 წთ	85 ევრო	110 ევრო	130 ევრო	37 ევრო ერთი ადამ.
პატარა ბავშვებისთვის, 50 წთ	50 ევრო	70 ევრო	85 ევრო
სწავლების 1 დღე, 2 x 100 წთ (დილა და საღამო)	135 ევრო	170 ევრო	195 ევრო	55 ევრო ერთი ადამ.
სწავლების 3 დღე, 100 წთ/ დღე	206 ევრო	265 ევრო	308 ევრო	85 ევრო ერთი ადამ.

30 მ² ოთხადგილიანი სასტუმრო სახლი ღირს 43 ევროდან ერთ ადამიანზე . არსებობს ქალაქ ოულუში (140 კმ) განთავსების ვარიანტიც და ავტობუსით მგზავრობა, მაგრამ დრო პლუს მგზავრობა უფრო ძვირი დაგიჯდებათ.

რით შეიძლება დაკავდეთ საღამოობით თხილამურებით სრიალის შემდეგ

ყველა მსხვილი სნოუპარკი მდებარეობს ეროვნული პარკების ტერიტორიაზე ან უბრალოდ ტყეში გორაკზე . ეს კი ნიშნავს, რომ სამთო-სათხილამურო კომპლექსის ორგანიზატორები ყოველთვის გართობის დამატებით საშუალებებს სთავაზობენ . ირმებით ან ძაღლებით შებმული მარხილით სეირნობა, ტური თოვლმავალზე, თერმულ წყლებში ბანაობა, სათხილამურო ტური, დახურული აკვაპარკი, ზამთრის საბავშვო სათამაშო მოედნები, თევზაობა, ციგურაობა და მრავალი სხვა.

სხვათა შორის, რუკა-პარკში დეკემბერში გაიმართება ბავშვებისთვის ციგებით შეჯიბრება, ლევიში კი ნოემბერში – სლალომის მსოფლიო თასი . პარკებში ახალი სეზონის გახსნა – სასიამოვნო დღესასწაულია კარნავალითა და ფასდაკლებით სასტუმროებსა და რესტორნებში.

რუკაში ხუთი ბარი და კლუბია, ასევე არის კარაოკე ბარი „უ მო“ . შვებულების ბოლო საღამოს გართობა და თოვლისგან დასვენება – თქვენი დასვენების სასიამოვნო დაგვირგვინება იქნება.

რჩევები დამწყები მოთხილამურეთათვის

ახალბედა მოთხილამურე, განსაკუთრებით კი სნოუბორდისტი, დროის უმეტეს ნაწილს საჯდომზე ატარებს, რის გამოც შარვალი სველდება და საერთოდ, თოვლზე ჯდომა არცთუ ისე სასარგებლოა . კომფორტისთვის და დაცემისგან დასაცავად, შარვლის ქვეშ შორტები ჩაიცვით . მათი სისქე განსხვავებულია – ბევრს აქვს სქელი ჩანართები, კუდუსუნთან გამაგრებულია რბილი პოლიმერის ფირფიტით . ეს საკმაოდ კარგად დაგიცავთ: თუ ბიგ-ეარიდან დაფით გადმოფრინდით და შიშით ფეხები წინ გამოწიეთ, შემდეგ კი კუდუსუნით დაეხეთქეთ ისე, რომ დარტყმისგან ბურთივით ახტით.

კომპლექტი შეავსეთ სამუხლეებითა და მაჯის დამცავებით (დაცემისას ადამიანი ინსტინქტურად ხელს წინ სწევს) . ჩაფხუტის გარეშე კი სასტუმროდანაც არ უნდა გამოხვიდეთ.

დიდხანს სრიალის გამო მუხლების მოუმზადებელი იოგები შეიძლება აგტკივდეთ და განწყობა გაგიფუჭოთ . პარკში ფეხებზე დატვირთვა უფრო მაღალია, ვიდრე ჩვეულებრივ ტრასაზე . ტკივილის მომენტების თავიდან აცილების მიზნით თან წაიღეთ ელასტიური ბინტი ან კომპრესიული სამუხლეები.

მოგზაურობისთვის მზადება ექვსი თვით ადრე დაიწყეთ – ჩაჯდომები, გაწელვა, „სკამი კედელთან“ და „ფიცარი“ („პლანკა“).

ნუ ჩავარდებით პანიკაში და ნუ დაიწებთ ფერდობზე სირბილს, თუ დაინახავთ, რომ მოთხილამურე დიდი სიჩქარით მოქრის – იგი გვერდს აგივლით . და კიდევ ერთი რამ: ბუგელის ტიპის საბაგიროზე სნოუბორდისტებს ხანდახან „უკანა“ ფეხი უბუჟდებათ . შეანაცვლეთ – პირველი ასვლა მარჯვენა ფეხით წინ, მეორე ასვლა მარცხენა ფეხით და პრობლემები აღარ შეგექმნებათ.

საბოლოო ჯამში

ფინური პარკები – საკმაოდ ძლიერი სავარჯიშო ბაზაცაა . თუ გსურთ გახდეთ მაგარი რაიდერი, მიიღოთ მონაწილეობა X-Games ან RedBull შეჯიბრებებში – უახლოესი ტრენინგები სწორედ აქ უნდა გაატაროთ . მაგალითად, ანტი აუტი და შონ უაიტი თავიანთ როდეოსა და სლოუპ-სტაილს ხშირად სწორედ რუკა-პარკში ხვეწავდნენ . ასევე აქ მუდმივად სჭირდებათ ინსტრუქტორები . იმუშავეთ, ივარჯიშეთ ან უბრალოდ დაისვენეთ – აქ ეს ყველაფერი ერთდროულად შეგიძლიათ აკეთოთ.