საქართველოს საავიაციო ბაზარზე მალე კიდევ ერთი ძლიერი და პრემიუმ კლასის საერთაშორისო მოთამაშე გამოჩნდება — არაბთა გაერთიანებული საამიროების წამყვანი ავიაკომპანია Etihad Airways 2026 წლის 1 მარტიდან პირდაპირი რეისებით დაუკავშირებს თბილისს აბუ დაბის საერთაშორისო აეროპორტს.

ეს გადაწყვეტილება განსაკუთრებით მნიშვნელოვანია როგორც ტურიზმის, ისე ბიზნესისა და საინვესტიციო ურთიერთობების განვითარების კუთხით, ვინაიდან აბუ დაბი წარმოადგენს MENA რეგიონის ერთ-ერთ უმნიშვნელოვანეს ჰაბს და ბიზნეს-დესტინაციას.

სტატიის სარჩევი

ოპერირების დეტალები:

საჰაერო ხაზი: აბუ დაბი – თბილისი – აბუ დაბი
ოპერირების დაწყება: 2026 წლის 1 მარტი
სავარაუდოდ, რეისები შესრულდება დღეში ერთხელ ან კვირაში რამდენიმე ჯერ, თუმცა დეტალური განრიგი მოგვიანებით გახდება ცნობილი. ზოგიერთ შემთხვევაში კი დღეში 2 რეისიც არის ჩანიშნული
გამოყენებული იქნება თანამედროვე და კომფორტული ავიახაზები, რაც Etihad-ის მაღალი სტანდარტების მოლოდინს აძლიერებს.
ეტიჰადის ავიახაზების IATA კოდი: EY

ახალი საჰაერო ხაზის დამატება Etihad Airways-ის გლობალურ ქსელთან დაკავშირების შესაძლებლობასაც ნიშნავს. აბუ დაბის გავლით თბილისიდან შესაძლებელი გახდება დისტანციურ, მაგრამ მოთხოვნად მიმართულებებზე მოგზაურობა გაცილებით მარტივად და კონკურენტუნარიან ფასად.

Etihad-ის ჰაბი აბუ დაბიში წარმოადგენს კარიბჭეს აზიის, ოკეანიის, აფრიკის და სხვა შორეულ რეგიონებთან დასაკავშირებლად — ბანგკოკი, სინგაპური, ტოკიო, სიდნეი, კეიპტაუნი, მალე, ჯაკარტა და სხვა მრავალი ქალაქი გახდება თბილისიდან უფრო ხელმისაწვდომი.

ეს ახალი კავშირი ხელს შეუწყობს თბილისიდან მეტი საერთაშორისო ქალაქის მიღწევადობას, გაზრდის კონკურენციას, რაც დადებითად აისახება როგორც ფასებზე, ისე მგზავრობის ხარისხზე. გარდა ამისა, ქართველ მოგზაურებს, მეწარმეებსა და სტუდენტებს გაუჩნდებათ შესაძლებლობა იმგზავრონ სწრაფად და მოხერხებულად მსოფლიოს სხვადასხვა მიმართულებით, Etihad-ის უმაღლესი კლასის მომსახურებით.

Etihad-ის ავიახაზები, გამოირჩევა თავისი ბიზნეს კლასით რომელიც მსოფლიოში პირველ ადგილზეა ხარისხით, მომსახურებით და კომფორტით

Etihad Airways – მოკლედ კომპანიაზე:

Etihad Airways დაარსდა 2003 წელს და არაბთა გაერთიანებული საამიროების ეროვნული ავიაკომპანიაა. იგი განთქმულია მაღალი კლასის მომსახურებით, თანამედროვე ფლოტითა და ხარისხიან კვებითა და კომფორტით. ავიაკომპანია ასრულებს ათასობით რეისს მსოფლიოს 80-ზე მეტ მიმართულებაზე.

იაფი ფრენები თბილისი -დან აბუ დაბი-მდე

გამგზავრება	დაბრუნება	გაჩერება	ავიაკომპანია	ფასი
31 მარ 2026	11 აპრ 2026	პირდაპირი		შეძენა: 1 211
1 აპრ 2026	12 აპრ 2026	პირდაპირი		შეძენა: 1 211