უნგრული „ლოუკოსტ“ ავიაკომპანიის Wizz Air-ის ვებ-გვერდზე განახლდა ინფორმაცია მოსაკრებლის შესახებ. ავიაკომპანიამ პრიორიტეტული ჩასხდომის მაქსიმალური საფასური 17-დან 30 ევრომდე გაზარდა - წერს avianews.com.
ამჟამად ფასთა დიაპაზონი €5-30 შეადგენს, ადრე კი მომსახურება €5-17 ღირდა. მგზავრებს, რომლებმაც პრიორიტეტული ჩასხდომის საფასური გადაიხადეს, ბორტზე ორი ერთეული ხელბარგის ატან შეუძლიათ: ერთი 10 კგ-მდე 55x40x23 სმ ზომის, მეორე კი 40x30x20 სმ-მდე.
შეგახსენებთ, რომ 2018 წლის ნოემბერში Wizz Air-მა ხელბარგის უფასო გადაზიდვის წესები შეცვალა. დასაშვები ნორმა 55x40x23 სმ-დან 40x30x20 სმ-მდე შემცირდა. დიდი ზომის ჩანთის ბორტზე ატანა დასაშვები გახდა პრიორიტეტული ჩასხდომის გადახდის შემდეგ. თავდაპირველად ღირებულება €5-15 ფარგლებში იყო. შემდეგ ფასთა დიაპაზონი €5-დან €17-მდე გაიზარდა.
