კორონა ვირუსი აკრძალვა

როგორ იმოქმედა კორონავირუსმა TRAVEL-სამყაროზე

COVID-19-ის გავრცელების გამო ადამიანების ბედი შეიცვალა და მთელი travel-სამყარო თავდაყირა დადგა.

უხანიდან წამოსული ვირუსი უკვე 100 ქვეყანაში გავრცელდა. იგი ყველა კონტინენტზე დაფიქსირდა გარდა ანტარქტიდისა. კორონავირუსით 156 000 ათასზე მეტი ადამიანი დაინფიცირდა, 5833-ზე მეტი ინფიცირებული გარდაიცვალა, 74 000 კი სრულად განიკურნა.

საქართველოში ვირუსის პირველი შემთხვევა 26 თებერვალს დადასტურდა.

ტურისტული ბაზრის ზარალი

70 ავიაკომპანიამ ჩინეთის მიმართულებით ფრენები შეაჩერა, კიდევ 50-მა კი ვირუსის გამო ქვეყანაში რეისების რაოდენობა შეამცირა.

სამოქალაქო ავიაციის საერთაშორისო ორგანიზაციის წინასწარი შეფასებით, 2020 წლის პირველი კვარტლისთვის სამგზავრო გადაზიდვების მოცულობა ჩინეთიდან და პირიქით 16,4-დან 19,6 მილიონ მგზავრამდე შემცირდება. ეს ნიშნავს, რომ ავიაკომპანიები მხოლოდ ამ პერიოდის განმავლობაში 4-დან 5 მილიარდ დოლარამდე დაკარგავენ. ტურისტების რაოდენობის შემცირების გამო, იაპონიისა (1,29 მილიარდი დოლარი) და ტაილანდის (1,15 მილიარდი დოლარი) ტურისტული ინდუსტრია დიდ ზარალს განიცდის.

თებერვალში COVID-19 იტალიაში გავრცელდა. 10 მარტიდან მთელ ქვეყანაში კარანტინი გამოცხადდა (ადრე შეზღუდვები მხოლოდ ლომბარდიის რეგიონში და კიდევ 14 პროვინციაში მოქმედებდა): შეიზღუდა ღონისძიებები საზოგადოებრივი თავშეყრის ადგილებში, სპორტული ღონისძიებები, დაიხურა სკოლები. ადრე ხმაურიანი ვენეცია ქალაქ-მოჩვენებას დაემსგავსა.

1 მარტიდან იტალიის მიმართულებით ყველა რეისი გააუქმა ავიაკომანიამ Turkish Airlines. იტალიის ქალაქებში რეისების რაოდენობა მნიშვნელოვნად შეამცირა WizzAir-მა და Ryanair-მა. წამყვანმა ამერიკულმა ავიაგადამზიდავმა კომპანიებმა Delta Air და American Airlines ასევე განაცხადეს მილანის მიმართულებით ფრენების დროებითი შეჩერების შესახებ. 5 მარტიდან ტურინში ასევე აღარ დაფრინავს SkyUp.

უკრაინის საერთაშორისო ავიახაზებიც აუქმებს რეისების ნაწილს იტალიაში, შვეიცარიაში, საბერძნეთში, გერმანიაში, ისრაელში, ესპანეთში, დიდ ბრიტანეთში, უნგრეთში, ლიტვაში, ესპანეთში, აზერბაიჯანში, თურქეთში, ავსტრიაში, ჩეხეთში, ფინეთსა და დანიაში.

1 მარტს დაიხურა ლუვრი პარიზში. მსოფლიოში ყველაზე მონახულებადმა მუზეუმმა მუშაობა შეწყვიტა 2,3 ათასი თანმშრომლის მოთხოვნით, რომლებიც ვიზიტორებისგან COVID-19 ვირუსით დაინფიცირებას შიშობდნენ. ახლა მუზეუმმა განაახლა მუშაობა, მაგრამ მომდევნო დღეს მოქმედი ბილეთის აღება მხოლოდ ონლაინ შეგიძლიათ. ბილეთები კონკრეტული დროისთვის იყიდება და შეზღუდული რაოდენობით.

კორონავირუსის გამო ევროკავშირის ტურიზმის სექტორმა უკვე 2 მილიარდი ევროს დანაკარგი განიცადა.

 „კოლექტიური ფსიქოზი“?

ბაზრის მონაწილეთა შეფასებით, კორონავირუსის გამო მსოფლიო ტურიზმის ინდუსტრიის დანაკარგებმა თვეში 47 მილიარდი დოლარი შეიძლება შეადგინოს. სასტუმროების მფლობელები მოგზაურობებისა და ჯავშნების მასობრივ გაუქმებას „კოლექტიურ ფსიქოზს“ უწოდებენ. ეს სექტორის ყველაზე დიდი ვარდნაა 11 სექტემბრის, ატიპიური პნევმონიის გავრცელებისა და ერაყში ომის დაწყების შემდეგ, ირწმუნება Bloomberg.

სასწორზეა 1,7 ტრილიონი აშშ დოლარის ამონაგები, რომელიც საერთაშორისო ტურიზმმა 2018 წელს მოიტანა – სააგენტო (გაეროს შემადგენლობაში შემავალ) მსოფლიო ტურიზმის ორგანიზაციას აფასებს.

მსოფლიო საქმიანი ტურიზმის ასოციაცია ირწმუნება, რომ კორონავირუსის გამო ინდუსტრიამ შესაძლოა თვეში 47 მილიარდი დოლარი იზარალოს.

საჰაერო ტრანსპორტის საერთაშორისო ასოციაცია პროგნოზირებს 30 მილიარდი აშშ დოლარის ამონაგების შემცირებას, ავიაბილეთების გაყიდვების ვარდნის გამო. ტუროპერატორმა TUI AG-მა განაცხადა, რომ ჯერ არ შეუძლია შეაფასოს დაავადების გავრცელების ფინანსური შედეგები.

ავიაკომპანიები, ტუროპერატორები და სასტუმროები კრიზისს უახლოვდებიან.

ავიაკომპანიებმა Lufthansa და British Airways ინვესტორები გააფრთხილეს მოგების შემცირების შესახებ, ხოლო დაბალბიუჯეტურმა ავიაკომპანიებმა EasyJet და Ryanair უარი თქვეს ზოგიერთი მომსახურების მიწოდებაზე, იტალიურმა Alitalia-მ კი 4000 თანამშრომელი იძულებით შვებულებაში გაუშვა. ბილეთების მქონე ზოგიერთი მგზავრი უბრალოდ არ ცხადდება რეისზე, გვატყობინებს საჰაერო ტრანსპორტის ასოციაცია.

ტურიზმზე დამოკიდებული ქვეყნების ეკონომიკებისთვის კორონავირუსის გავლენა კიდევ უფრო ძლიერი იქნება. ყოველი ჯავშნის გაუქმება არის დანაკარგი არა მხოლოდ სასტუმროებისა და ავიაკომპანიებისთვის, არამედ სხვა საწარმოებებისთვის: პარიზის ბუტიკებიდან დაწყებული, ქუჩის კვების ობიექტების გამყიდველებით დასრულებული, რომლებიც მხოლოდ ტურისტებზეა დამოკიდებული. მაგალითად, სინგაპურის ერთ-ერთ ბაზარზე, სადაც ტურისტები იაფი და გემრიელი მწვადის დასაგემოვნებლად მიდიან, ბიზნესი 70%-ით შემცირდა. საზღვარგარეთ მრავალი ტურისტი სასტუმროებში რჩება ნაცვლად იმისა, რომ ისეირნოს და ფული ხარჯოს.

ისრაელმა სავალდებულო 14-დღიანი საშინაო კარანტინი შემოიღო ქვეყანაში ჩამოსული ყველა პირისთვის. ეს წესი ისრაელის მოქალაქეებსაც ეხება, რომლებიც ცხოვრობენ ან იმყოფებიან საზღვარგარეთ – ახლა მათი რაოდენობა 268 000 აღწევს.

რა ხდება ჩვენთან? Aviabiletebi.org-ის ანალიტიკა

რასაკვირველია, იმას, რაც მსოფლიოში ხდება, არ შეიძლება გავლენა არ ჰქონდა Aviabiletebi.org-ზე. ამჟამად ნამდვილად არ გვაქვს მზიანი დღეები.

თებერვალში Aviabiletebi.org-ზე 2 410 000 ავიაბილეთის ძებნა განხორციელდა. ეს 17.8%-ით ნაკლებია წინა თვესთან შედარებით. ტრაფიკის მკვეთრი ვარდნა განიცადა ბლოგმა travel-მედიის №1 რედაქციამ – თებერვალში მოგზაურობის შესახებ ინფორმაციას 15%-ით ნაკლები ადამიანი (1 224 000) კითხულობდა იანვართან შედარებით.

ახლა კითხვაზე: „გავფრინდეთ თუ არ გავფრინდეთ“, ბევრი საკუთარ თავს პასუხობს „არ გავფირნდეთ“. და არა მხოლოდ კორონავირუსის გამო. იდლიბში ვითარების გამწვავების შემდეგ, თურქეთმა ევროკავშირის საზღვრები გახსნა სირიიდან ლტოლვილებისთვის. თურქეთის შინაგან საქმეთა მინისტრის მონაცემებით, საბერძნეთში უკვე 130 000-ზე მეტი ლტოლვილი გადავიდა.

ქვემოთ მოცემულია ქალაქები, რომლებშიც ქართველები თითქმის აღარ დაფრინავენ ან თებერვალში გაცილებით იშვიათად იმოგზაურეს. ქალაქის მიმართ ინტერესის ვარდნის პროცენტი მითითებულია 2020 წლის იანვართან შედარებით.

  • შანხაი: – 82.9%
  • სინგაპური: – 51%
  • დენპასარი, ბალი: – 50%
  • კოლომბო, შრი-ლანკა: – 46.8%
  • პარიზი: – 45.6%
  • რომი: – 45.6%
  • პაფოსი: – 43.9%
  • ბანგკოკი: – 36,7%
  • ფუკეტი: – 30.5%
  • ათენი: – 29.8%

ზოგიერთი მიმართულებების მიმართ ინტერესი კი პირიქით გაიზარდა.

  • ლოს-ანჯელესი: +89.3%
  • სტამბოლი: +37.2%
  • ალიკანტე +36,7%
  • პალმა: +35.2%
  • მალტა: +34.6%
Posted in ბლოგი, სიახლეები and tagged , , , .