თქვენი მოგზაურობის დევიზია: „ყველაფერი ერთდროულად ვნახო“? მაშინ კეთილი იყოს თქვენი მობრძანება კლუბში! 3 დღით ბერლინში მოგზაურობის დაგეგმვისას, შეუძლებელია არ მოინახულოთ დრეზდენი, რომლის მახლობლად საქსონიის შვეიცარიაც მდებარეობს. ამგვარად, „ბერლინი 3 დღეში“ იქცევა პატარა მარათონად - დატვირთულ, ნათელ და ემოციურ.

პირველი 1. ბერლინი

თუ ყველა მთავარი ღირსშესანიშნაობის ერთბაშად მონახულება გსურთ, პირველი დღე ბერლინში ცოტათი მარათონის მსგავსი შეიძლება იყოს.

გასეირნება Alexanderplatz-იდან დაიწყეთ, უფრო სწორად კი მყუდრო Zeit für Brot კაფედან, სადაც ადგილობრივებსა და ტურისტებს ახალგამომცხვარი ფუნთუშეულის ყიდვა უყვართ. დარიჩინიანი სინაბონის უზარმაზარ ულუფასა და ყავა ლატეში 5 ევრომდე გადაიხდით.

ამ ადგილთან ახლოს მდებარეობს Cuore Di Vetro იტალიური ნაყინით, რომლისთვისაც უზარმაზარი რიგებია ხოლმე, მაშინაც კი, როდესაც ქუჩაში მხოლოდ +8 გრადუსია. გვერწმუნეთ, ნადმვილად ღირს 10 წუთი ლოდინი.

ექსკლუზიური შეთავაზებები

შემოგვიერთდით დახურულ არხებში!

მიიღეთ ინდივიდუალურად მოძიებული ფასდაკლებები, სპეც-შეთავაზებები და შიდა სიახლეები პირდაპირ თქვენს ტელეფონში, რომლებიც საიტზე არ ქვეყნდება.

მესენჯერი WhatsApp

აქედან შეგიძლიათ აუჩქარებლად გაემართოთ Alexanderplatz-ისკენ და თან ნაყინიც მიირთვათ, შემდეგ სატელევიზიო ანძაზე ახვიდეთ, საიდანაც ქალაქის პანორამული ხედი იშლება.

15 წუთის სავალ მანძილზე მდებარეობს ბერლინის მდიდრული საკათედრო ტაძარი. დილის 9 საათიდან საღამოს 7 საათამდე ტაძარში შესვლას შეძლებთ 7 ევროს საფასურად. წელიწადის თბილ დროს ტაძართან მდებარე მინდორზე უამრავი ადგილობრივი მცხოვრები და ტურისტია. შეგიძლიათ თან საპიკნიკე ნაკრები წამოიღოთ, შეისვენოთ და თან ულამაზესი ხედით დატკბეთ.

თუ Unter den Linden გამზირზე პირდაპირ ივლით, ბრანდენბურგის კარიბჭემდე მიხვალთ - ქალაქის ერთ-ერთ მთავარ სიმბოლომდე.

აქვეა რაიხსტაგი. გახსოვდეთ, რომ თუ შიგნით შესვლა და გუმბათის ქვეშ ასვლა გსურთ, მოგზაურობამდე რამდენიმე კვირით ადრე ვებ-გვერდზე უნდა დარეგისტრირდეთ, წინააღმდეგ შემთხვევაში ვერ მოხვდებით.

თუ გსურთ ეს მარშრუტი ბოლოდან გაიმეოროთ, არ გამოტოვოთ შესაძლებლობა, რომ Flamingo-ში ისაუზმოთ. აქ ყველაფერი ახალი და გემრიელია, ერთი ულუფა კი ორი ადამიანისთვისაც საკმარისია.

ასე სრულდება პირველი დღე ბერლინში.

ქალაქთან უფრო დეტალური გაცნობისთვის გირჩევთ ეწვიოთ ექსკურსიას „“, სადაც დედაქალაქის გარდაქმნის ისტორიას შეიტყობთ.

დღე 2. დრეზდენი და საქსონიის შვეიცარია

ბერლინიდან დრეზდენში შეგიძლიათ FlixBus საავტობუსო გადამზიდავის მეშვეობით იმგზავროთ. მოზრდილთათვის ორი გზის ბილეთის ღირებულება 12 ევროდან იწყება, მგზავრობის ხანგრძლივობა - 2 საათია. ბერლინში ავტობუსის გაჩერების არჩევისას თავი აარიდეთ ცენტრალურ ავტოსადგურს, რადგან იგი ქალაქის ცენტრიდან საკმაოდ შორს მდებარეობს.

დრეზდენთან გაცნობა ადგილობრივ სამზარეულოსთან გაცნობით დაიწყეთ. გირჩევთ ეწვიოთ კაფეს, რომელსაც ფორუმებზე უწოდებენ ადგილს, სადაც ქალაქში ყველაზე გემრიელი საუზმეა. ხმამაღლა ჟღერს, თუმცა სიმართლეა. Lloyd's Cafe & Bar დაუჯერებელი დაწესებულებაა. აქ თქვემ გელით საუზმე სანთლის შუქზე ინტერიერში, რომელიც მდიდრული სასტუმროს ლობის მოგაგონებთ. 11 ევროდ Lloyd-ის საფრიმო ნაკრებს თუ შეუკვეთავთ, სიურპრიზი გელით. თქვენ მოგართმევენ წვენს ან შამპანურს, ომლეტს, ხილის სალათს ბერძნული იოგურტით, ახალგამომცხვარი პურის კალათს, თეფშს ნესვითა და ხამონით, ხილით, კენკრით, ყველითა და ლორით. თამამად შეგიძლიათ ორ ადამიანზე აიღოთ, არ შეცდებით.

დრეზდენში მოხერხებულია ის, რომ მთავარი ღირსშესანიშნაობები თავმოყრილია ერთმანეთთან ახლოს. 40 წუთის განმავლობაში შეგიძლიათ მოინახულოთ დრეზდენის ოპერა, დრეზდენის ციხე-სიმაგრე, საკათედრო ტაძარი და დრეზდენის სამხატვრო გალერეა.

სამწუხაროდ, შიგნით შესვლის დრო არ დაგრჩებათ, მაგრამ რაღაც ხომ უნდა დატოვოთ შემდეგ ჯერზე მოსანახულებლად. ალტშტადტის ღირსშესანიშნაობებისა და ქალაქის ისტორიის გაცნობაში დაგეხმარებათ ექსკურსია „“. შემდეგ სადგურისკენ გაემართეთ, საიდანაც საქსონიის შვეიცარიაში გაემგზავრებით.

ჩასვლა ძალიან მარტივია! უნდა შეიძინოთ ბილეთი Dresden Hbf რკინიგზის სადგურიდან Rathen Kurort-მდე, მგზავრობის ხანგრძლივობა 30 წუთია. ბილეთები იყიდება სადგურში მდებარე ავტომატებში და ერთი გზის ღირებულება დაახლოებით 7 ევროა. მატარებელი ნახევარ საათში ერთხელ გადის, ბილეთის კომპოსტირება კი პლატფორმაზე უნდა მოახდინოთ. ჩამოხვალთ Rathen Kurort-ის პატარა რკინიგზის სადგურზე და მდინარე ელბას მხარეს გაემართეთ. აქ არის საბორნე მიმოსვლა, რომლის მეშვეობითაც რამდენიმე წუთში მეორე მხარეს აღმოჩნდებით. ბილეთი თავად ბორანზე იყიდება, ორი გზის ბილეთის ღირებულება 2 ევროა.

და აი თქვენ უკვე სოფელში ხართ. მინიშნებს ყოველ ფეხის ნაბიჯზე იპოვით და თქვენ ბასტაი (ხიდი) გჭირდებათ! ეს უბრალოდ ჯადოსნური ადგილია - მოგეჩვენებათ, რომ თითქოს ფილმში აღმოჩნდით დაკარგული სამყაროს შესახებ, რეალისტური კომპიუტერული გრაფიკით. ერთი ბასტაიც კი ღირს, რომ აქ სხვა ქალაქიდან ჩამოხვიდეთ.

ასვლა საკმაოდ მარტივია, დაახლოებით 40 წუთი (ფოტოები ყოველ ნაბიჯზე), ჩამოსვლა - 20 წუთი.

აქ ჩვილ ბავშვებთან ერთად მოგზაური ძალიან ბევრი ტურისტია, ამიტომ ეს მარშრუტი ბავშვებთან ერთად ასვლისთვისაც შესაფერისია და მას ასაკოვანი ადამიანებიც კი გაუმკლავდებიან. სხვათა შორის, ხიდთან ახლოს მდებარეობს პატარა რესტორანი, სადაც შეგიძლიათ დაისვენოთ და ხედით დატკბეთ!

საღამოს დრეზდენში დაბრუნდით. გირჩევთ ეწვიოთ უჩვეულო რესტორანს KunstCafe Antik, რომელიც უფრო ანტიკვარიატის მუზეუმს ჰგავს. აქ შეგიძლიათ მხოლოდ ფინჯანი ყავა მიირთვათ, თუმცა კერძებიც ძალიან გემრიელია, ხოლო სიჩქარე, რომლითაც მიმტანები მოგემსახურებიან, უბრალოდ გაგაოცებთ.

დღე 3. ბერლინი

თქვენ ისევ ბერლინში ხართ და შეგიძლიათ იმ ადგილებს ეწვიოთ, რომელთა მონახულება პირველ დღეს ვერ მოასწარით. გთავაზობთ ისევ კაფეში ვიზიტით დაიწყოთ... როგორც ჩანს, ეს უკვე კარგი ტრადიციაა. შეგიძლიათ ტელეგადაცემა „არიოლი და რეშკას” რჩევას მიჰყვეთ და ეწვიოთ სწრაფი კვების ობიექტს Burgermeister, რომელიც ქალაქის ყოფილი ტუალეტის ადგილზე და East Side Gallery ბერლინის კედლის მახლობლად მდებარეობს. შეუკვეთეთ ბურგერი 4 ევროდ და შეეცადეთ არ იფიქროთ, თუ რა მდებარეობდა აქ ადრე. კაფეში ყოველთვის დიდი რიგებია, რაც იმაზე მეტყველებს, რომ აქ ნამდვილად გემრიელი ბურგერებით გაგიმასპინძლდებიან.

მაძღარი და ბედნიერი გაემართეთ East Side Gallery-სკენ - ეს სწორედ ის ადგილია, სადაც კედელი გრაფიტითაა მოხატული.

შემდეგ პროგრამაშია სამუზეუმო კუნძული, რომელიც რამდენიმე მუზეუმს აერთიანებს და იუნესკოს მსოფლიო მემკვიდრეობის ძეგლთა დაცვის სიაში შედის. აქ განთავსებულია ბოდეს მუზეუმი, პერგამონის მუზეუმი, ძველი ეროვნული გალერეა, ძველი მუზეუმი და ახალი მუზეუმი. მგზავრობა შეგიძლიათ M1, M4, M5 ტრამვაით გაჩერებამდე Hackescher Markt ან Alexanderplatz მეტროსადგურამდე.

დაბოლოს, მუზეუმების შემდეგ ეწვიეთ შარლოტენბურგის სასახლეს, უფრო სწორად კი პარკს. ეს არის ყველაზე დიდი შემონახული საიმპერატორო რეზიდენცია ბერლინში. რა თქმა უნდა, უმჯობესია უკვე აყვავებული ან მწვანე ხეებით დატკბეთ, თუმცა ამ პარკის მონახულება ნებისმიერ დროს ღირს.

სასახლეში შესასვლელად 7 ევროს გადახდა მოგიწევთ, თავად პარკში კი შესვლა უფასოა. მარტიდან ოქტომბრის ჩათვლით კომპლექსი ღიაა 18:00 საათამდე, მაგრამ მარშრუტის დაგეგმვისას გახსოვდეთ, რომ ორშაბათი დასვენების დღეა.

აი ასეთია 3 დატვირთული დღე. ბერლინი და დრეზდენი შთამბეჭდავია, მაგრამ საქსონიის შვეიცარია თქვენს მეხსიერებაში მთელი ცხოვრების მანძილზე დარჩება.

ბერლინის მიმართულებით იაფი ავიაბილეთების შეძენის სიამოვნება კი შეგიძლიათ ჩვენს საიტზე მიიღოთ https://booking.aviabiletebi.org/

✈️ KUT ➔ BER

საუკეთესო ფასები
ავიაკომპანია გამგზავრება დაბრუნება ტიპი ფასი
W6 15.04.2026 22.04.2026 პირდაპირი ₾362
W6 26.04.2026 29.04.2026 პირდაპირი ₾386
W6 12.03.2026 12.04.2026 პირდაპირი ₾396
W6 20.05.2026 27.05.2026 პირდაპირი ₾420
W6 03.05.2026 10.05.2026 პირდაპირი ₾426
W6 24.05.2026 30.05.2026 პირდაპირი ₾439
W6 24.05.2026 31.05.2026 პირდაპირი ₾451
W6 01.04.2026 05.04.2026 პირდაპირი ₾471

💡 ყურადღება: შესაძლოა ზემოთ მოცემული ფასების ცხრილი არ იყოს ბოლომდე განახლებული. KUT → BER მიმართულებით მიმდინარე, ყველაზე იაფი ავიაბილეთების სანახავად, გთხოვთ გადახვიდეთ ამ ბმულზე →

✈️ TBS ➔ BER

საუკეთესო ფასები
ავიაკომპანია გამგზავრება დაბრუნება ტიპი ფასი
PC 30.03.2026 07.04.2026 1 გადაჯდომა ₾533
PC 29.04.2026 02.05.2026 1 გადაჯდომა ₾552
PC 30.03.2026 10.04.2026 1 გადაჯდომა ₾559
PC 29.04.2026 06.05.2026 1 გადაჯდომა ₾562
VF 03.04.2026 07.04.2026 1 გადაჯდომა ₾563
VF 15.06.2026 18.06.2026 1 გადაჯდომა ₾563
PC 23.04.2026 24.04.2026 1 გადაჯდომა ₾571
PC 15.04.2026 20.04.2026 1 გადაჯდომა ₾572
PC 29.03.2026 06.04.2026 1 გადაჯდომა ₾574
VF 07.04.2026 11.04.2026 1 გადაჯდომა ₾574

💡 ყურადღება: შესაძლოა ზემოთ მოცემული ფასების ცხრილი არ იყოს ბოლომდე განახლებული. TBS → BER მიმართულებით მიმდინარე, ყველაზე იაფი ავიაბილეთების სანახავად, გთხოვთ გადახვიდეთ ამ ბმულზე →