ავიაბილეთები მინსკი

მინსკის ისტორია ბელარუსის ისტორიას სარკისებურად ირეკლავს. იგი პირველად ჯერ კიდევ 1067 წელსაა ნახსენები „პირველ მატიანეში“, მაგრამ რთული ბედის მიუხედავად, მან კულტურული ქალაქის სული შეინარჩუნა, რომელიც თავის წარსულს აფასებს და მომავალისკენ დარწმუნებულად მიემართება.

მინსკმა აყვავებისა და დაცემის ხანა გამოიარა, იყო როგორც სამთავროს მდიდარი დედაქალაქი, ისე არაფრით გამორჩეული საგუბერნიო ქალაქი. ომები ქარიშხალივით ატყდებოდა თავს და აბსოლუტურად ყველაფერს ამოუცნობლად ცვლიდა: არქიტექტურიდან მოსახლეობის ეროვნულ შემადგენლობამდე. მინსკში სეირნობისას მხოლოდ გაკვირვებას შეძლებთ - სულ რაღაც 100 წლის წინ დიდებული დამოუკიდებლობის გამზირის ადგილზე ვიწრო ქუჩა იყო პატარა კოხტა სახლებით, ხოლო დღევანდელი ნემიგას ქუჩის გასწვრივ ამავე სახელწოდების მდინარე მიედინებოდა.

დღევანდელი მინსკი ბელარუსის უდიდესი ქალაქია, რომელსაც ყოველწლიურად ათობით ათასი ტურისტი მოინახულებს. მიუხედავად შედარებით თანამედროვე სტილის არქიტექტურისა, აქ სანახავს ნამდვილად იპოვით.

როგორ ჩავიდეთ მინსკში

მინსკში ჩასვლა ძალიან მარტივია. ბელარუსის დედაქალში მოხვედრის ყველაზე მარტივი გზა - თვითმფრინავია. პირდაპირი რეისები თბილისისა, ბათუმის და ქუთაისის აეროპორტებიდან სრულდება. ასევე შეგიძლიათ ავტობუსით იმგზავროთ. მინსკში მხოლოდ ერთი ავიაკომპანია ბელავია დაფრინავს

ქვემოთ გთავაზობთ ყველაზე იაფ ავიაბილეთებს მინსკის მიმართულებით რომელიც ჩვენს ვებ-გვერდზე მოიძებნა ბოლო 24სთ განმავლობაში

მინსკის რაიონები

მე-20 საუკუნის მშფოთვარე ისტორიამ სრულიად შეცვალა ძველი მინსკის რუკა. ვიწრო ქუჩები ფართო გამზირებმა ჩაანაცვლა, ხოლო გარემომდებარე სოფლები ქალაქის მიკრორაიონებად იქცა. მიუხედავად იმისა, რომ საბჭოთა კავშირის დროს მინსკი 9 ადმინისტრაციულ რაიონად იყო დაყოფილი, ქალაქის მკივდრები მაინც ვერ მიეჩვივნენ მათ. ისინი სავარაუდოდ ვეც გაიხსენებენ თუ სად მდებარეობს ოქტომბრის რაიონი, მაგრამ კურასოვშჩინას მდებარეობას ზუსტად მიგასწავლიან.

მინსკის რაიონები ასე გამოიყურება:

ტრანსპორტი

მინსკის სატრანსპორტო სისტემა ძალიან კარგად არის განვითარებული. ქალაქის ერთი ბოლოდან მეორეში მგზავრობა შესაძლებელია გადაჯდომის გარეშე ან მაქსიმუმ ერთი გადაჯდომით. ბელარუსის დედაქალაქის საზოგადოებრივი ტრანსპორტი წარმოდგენილია ავტობუსით, ტროლეიბუსით, ტრამვაით, სამარშრუტო ტაქსით, მეტროთი და ტაქსით.

მინსკის სასტუმროები

ბოლო წლებში მინსკი სასტუმროების ნამდვილ ბუმს განიცდის. ქალაქში უამრავი მსხვილი ოპერატორია, როგორიცაა Hilton, Marriott, Novotel. იზრდება 2-3* სასტუმროების რაოდენობა. ეს კი სასტუმროებს საშუალებას აძლევს ყოველწლიურად აპარტამენტების სეგმენტიდან გარკვეული წილი წაიღოს. საქმე იმაშია, რომ აპარტამენტების მოკლევადიანი ქირაობა დიდი ხნის განმავლობაში უფრო ხელმისაწვდომი ღამისთევის ვარიანტი იყო, ვიდრე არცთუ ისე დიდი სასტუმროების ქსელი, რომელიც საბჭოთა სტილის ნომრებს საკმაოდ მაღალ ფასად სთავაზობდა. მიუხედავად ამისა, გაითვალისწინეთ, რომ მინსკის სასტუმროში განთავსების ღირებულება 20-30%-ით უფრო ძვირია, ვიდრე ვილნიუსში ან ვარშავაში და დღე-ღამეში დაახლოებით 150-200 BYN ღირს.

მინსკის სასტუმროების უმრავლესობა ქალაქის ცენტრშია განთავსებული. მაგრამ მინსკის სხვა რაიონებშიც აქტიურად აშენებენ სასტუმროებს, რომლებიც მათ ცენტრალურ ანალოგებზე ნაკლები ღირს.

მინსკში ასევე იზრდება ჰოსტელების ქსელი. თითქმის ყველა მათგანი ცენტრში მდებარეობს, მთავარი ღირსშესანიშნაობებიდან ფეხით სავალ მანძილზე. საერთო ოთახში საწოლის ღირებულებაა 30-40 BYN.