ავსტრიის TOP-6 საუკეთესო სამთო-სათხილამურო კურორტი

უკვე დიდიხანიაავსტრიაერთ-ერთყველაზეპოპულარულადგილად ითვლება ზამთრის დასვენებისთვის . სამთო-სათხილამუროკურორტებიხარისხისადამომსახურებისმაღალი დონით, მრავალი შთამბეჭდავიმწვერვალიდასხვადასხვასასრიალოზონა, უამრავიგასართობიდამისაღებიფასებისაფრანგეთთან, შვეიცარიასთან თუ გერმანიასთანშედარებით . ავსტრიაშიათეულობითკურორტიადა Aviabiletebi.org-მათქვენთვის მათგან საუკეთესოთარეიტინგიშეადგინა.

ზოლდენი

იგი სამართლიანად ითვლება არა მხოლოდ ავსტრიის, არამედ ევროპის ერთ-ერთ საუკეთესო კურორტად, უნიკალური ბუნების, ხანგრძლივი სათხილამურო სეზონისა და ტრასების წყალობით, რომლებიც ყველასთვის შესაფერისია, როგორც ჩემპიონებისთვის, ისე ახალბედებისთვის . ზოლდენი – ეს არის 2 სასრიალო ზონა (ყინულოვანი და ზამთრის) და 3 მწვერვალი (ცნობილი როგორც „დიდი სამეული“ – გაისლახკოგლი (3058 მ), ტიფენბახკოგლი (3250 მ), შვარცე შნაიდე (3340 მ)), რომლებზეც სასრიალოდ აქ პროფესიონალები და ექსტრემალები ჩამოდიან.

ტრასების საერთო სიგრძე 145.5 კმ-ია, მათი უმეტესობა წითელია, რომლებზეც მოხვედრა საბაგიროს გამოყენებით არის შესაძლებელი (აქ 33 საბაგიროა) . სნოუბორდისტებს სნოუპარკში ვიზიტი გაახარებთ, ხოლო თხილამურებით სრიალის მოყვარულებს – კილომეტრიანი საფეხმავლო მარშრუტები.

დამსვენებლებისთვის საყვარელი ადგილებია – სათვალთვალო მოედნები და პანორამული კაფეები, რესტორნები, რომლებიც სხვადასხვა მწვერვალსა და ფერდობზეა „მიმოფანტული“, რაც საშუალებას გაძლევთ თქვენს მეხსიერებაში წარმოუდგენელი პეიზაჟები აღბეჭდოთ . მაგრამ ზოლდენი ასევე უყვართ ღია ცის ქვეშ მდებარე ცნობილი თერმული წყლის წყაროების კომპლექსის გამო – Aqua Dome, აბანოებით, საუნებითა და მარილის პროცედურებით . გარდა ამისა, კურორტზე შეგიძლიათ ისეირნოთ მარხილით, ისრიალოთ თოვლის ფეხსაცმელით, ციგურებით, თხილამურებით ან ლაშქრობაში წახვიდეთ.

სამთო-სათხილამურო აბონემენტის ღირებულება (ფასი ამ მომენტისთვის):

1 დღიანი: მოზრდილთათვის – 52 ევრო, საბავშვო – 26,50 ევრო; ერთკვირიანი: მოზრდილთათვის – 299 ევრო, საბავშვო – 149,50 ევრო.

როგორ ჩავიდეთ: ინსბრუკიდან (აეროპორტიდან, ტრანსფერი/ავტომობილი – 1-1,5 საათი), მიუნხენიდან (2-3 საათი), ზალცბურგიდან (2,5-3,5 საათი) . ავიაბილეთების ღირებულება: თბილისი-ინსბრუკი – 203 ევროდან (ორი გზა), თბილისი-მიუნხენი – 168 ევროდან, თბილისი – ზალცბურგი – 229 ევროდან.

განთავსების ღირებულება: 3* – 100 ევროდან, 5* – 380 ევროდან (ორადგილიანი ნომერი).

კიტცბუელი

ავსტრიის ერთ-ერთი პირველი სამთო-სათხილამურო კურორტი, ეს არის უდიდესი სასრიალო ზონისა და ძველი ისტორიული ცენტრის შეთავსება.

კიტცბუელი – სნოუბორდისტთა საყვარელი ადგილია (განსაკუთრებით კიტცბუელერ-ჰორნი), მსოფლიოში განთქმული სლალომის ტრასა „შტრაიფი“, სადაც იმართება შეჯიბრებები მსოფლიო თასზე . ეს არის 60 ტრასა (მათი უმეტესობა წითელია) და 54 საბაგირო, ფან-პარკი, ჰაფ-პაიპები, ბარის თხილამურობისა და ბორდერკროსის ტრასები… სხვა სიტყვებით რომ ვთქვათ, ტყუილად არ შედის კიტცბუელი ცნობილ რეიტინგში „Best of the Alps“.

რაც შეეხება გართობას, კიტცბუელს შეუძლია შემოგთავაზით 4 ღია საციგურაო მოედანი, საცურაო აუზები და ჩოგბურთის კორტები, კერლინგი, მარხილითა და თოვლის ფეხსაცმლით სრიალი და მრავალი სხვა . კიტცბუელი ასევე არის ძველი ქალაქი, სადაც უამრავი ღირსშესანიშნაობაა: შადრევნები Stadtbrunnen და Brunnen Spielende Gemsen, ქალაქის რატუშა, 3 უძველესი ციხე (Lebenberg, Munichau, Kaps), სამლოცველო, ეკლესიები და ტაძრები, სამთო თხილამურების ისტორიის მუზეუმი (1700 მეტრის სიმაღლეზე), ძველ კოშკში მდებარე კიტცბუელის ქალაქის მუზეუმი, გლეხთა კარ-მიდამოების მუზეუმი „Hinterobernau“ და გალერეა „Kitz Art“.

სამთო-სათხილამურო აბონემენტის ღირებულება (ფასი ამ მომენტისთვის):

1 დღიანი: მოზრდილთათვის – 43 ევრო, საბავშვო – 22 ევრო; ერთკვირიანი: მოზრდილთათვის – 230 ევრო, საბავშვო – 125 ევრო.

როგორ ჩავიდეთ: ტრანსფერით ან ავტომობილით ზალცბურგიდან (75 კმ) ან ინსბრუკიდან (90 კმ) .

ავიაბილეთების ღირებულება: თბილისი-ზალცბურგი – 229 ევროდან, თბილისი-ინსბრუკი – 203 ევროდან (ორი გზა).

განთავსების ღირებულება: 3* – 130 ევროდან, 5* – 325 ევროდან (ორადგილიანი ნომერი).

სენტ-ანტონი

ყოველწლიურად მთელი მსოფლიოდან ათასობით პროფესიონალი სპორტსმენი, მოთხილამურე, სნოუბორდისტი ჩამოდის სენტ-ანტონში, რადგან კურორტი ითვლება ერთ-ერთ საუკეთესოდ არა მხოლოდ ხარისხისა და მომსახურების გამო, არამედ იგი განთქმულია თხილამურებით სრიალის მომატებული სირთულის შესანიშნავი ტრასებით, 3 ჰაფ-პაიპითა და 2 ფან-პარკით . რა თქმა უნდა, დამწყებთათვისაც არის ტრასები, მაგრამ გამოცდილი მოთხილამურეები ამბობენ, რომ აქ ლურჯი ტრასებიდანაც კი ყველა როდი არის ნამდვილად ადვილი.

მათი საერთო სიგრძე დაახლოებით 350 კმ-ია, ასევე არის ფრირაიდ-მარშრუტები (200 კმ), ბარის სათხილამურო ტრასები (63 კმ) და საფეხმავლო მარშრუტები . არის შესაძლებლობა დაკავდეთ მთამსვლელობით, პარაგლაიდინგით, იციგურაოთ, ისრიალოთ მარხილითა და თოვლის ფეხსაცმლით, ასევე ისეირნოთ მარხილში შებმული ცხენებით.

სენტ-ანტონი და კიდევ 4 რეგიონი (სენტ-კრისტოფი, შტუბენი, ციურსი და ლეხი) ქმნიან ერთიან სასრიალო ზონას და მათი სამთო-სათხილამურო აბონემენეტიც ერთიანია . საერთო ჯამში თქვენ მიიღებთ წვდომას 500 კილომეტრზე მეტ ტრასაზე . თავად სენტ-ანტონში 90 საბაგირო მოქმედებს.

სამთო-სათხილამურო აბონემენტის ღირებულება (ფასი ამ მომენტისთვის):

• 1 დღიანი: მოზრდილთათვის – 52 ევრო, საბავშვო – 31 ევრო;
  ერთკვირიანი: მოზრდილთათვის – 295 ევრო, საბავშვო – 177 ევრო.
• როგორ ჩავიდეთ: ინსბრუკიდან (100 კმ), ციურიხიდან (200 კმ), მიუნხენიდან (250 კმ) . ავიაბილეთების ღირებულება: თბილისი-ინსბრუკი – 203 ევროდან (ორი გზა), თბილისი -ციურიხი – 130 ევროდან, თბილისი -მიუნხენი – 168 ევროდან.
• განთავსების ღირებულება: 3* – 70 ევროდან, 5* – 400 ევროდან (ორადგილიანი ნომერი).

იშგლი

დღეს იშგლი ავსტრიის ერთ-ერთ ყველაზე პრესტიჟულ და ძვირადღირებულ კურორტად ითვლება . მან ეს სახელი მოიხვეჭა ხმაურიანი წვეულებებით, მგზნებარე ღამის ცხოვრებით, უამრავი გასართობით, ძვირადღირებული სასტუმროებითა და მსოფლიოს ცნობილი ადამიანებით, რომლებიც აქ ხშირად ჩამოდიან.

რაც შეეხება სრიალს, იშგლი – ეს არის 238 კმ ტრასა და 45 საბაგირო, ტრასების უმეტესობა წითელია, ასე რომ კურორტი უფრო მოწინავე მოთხილამურებზეა ორიენტირებული . სნოუბორდისტებისთვის არის შესანიშნავი სნოუპარკი The Border of Paradise – ტრამპლინებით, ჰაფ-პაიპითა და ათეულობით სხვადასხვა დაბრკოლებით . კურორტი მდებარეობს მრავალდონიან მთიან ზონაში და დამსვენებელთა მოხერხებულობისთვის მოწყობილია მიწისქვეშა ესკალატორები, რომლებიც სასტუმროებსა და საბაგიროებს კავშირებს.

რაც შეეხება გართობას, აქ დამსვენებლებს შორის პირველ ადგილზეა, რა თქმა უნდა, წვეულებები, ბევრნი აქ ჩამოდიან გართობისა და თავგადასავლებისთვის, ხშირად ნახავთ მსოფლიოს ცნობილი ადამიანების წარმოდგენებს . ასევე შეგიძლიათ ითამაშოთ კერლინგი, მინიგოლფი, ჩოგბურთი, ისეირნოთ მარხილში შებმული ცხენებით, დაკავდეთ დელტაპლანერიზმით, მთამსვლელობითა და ყინულზე ცოცვით.

ყველა ტურისტს როდი შეუძლია თავს მისცეს იშგლში დასვენების უფლება, რადგან სასტუმროების უმეტესობა საკმაოდ მაღალი დონისაა და ფასები, რა თქმა უნდა, არ არის ყველაზე დაბალი და ხელმისაწვდომი.

სამთო-სათხილამურო აბონემენტის ღირებულება (ფასი ამ მომენტისთვის):

1 დღიანი: მოზრდილთათვის – 48 ევრო, საბავშვო – 30 ევრო;
ერთკვირიანი: მოზრდილთათვის – 244 ევრო, საბავშვო – 163 ევრო.

როგორ ჩავიდეთ: კურორტი მდებარეობს სილვრეტას რეგიონში, შეგიძლიათ ჩახვიდეთ ინსბრუკიდან (100 კმ), მიუნხენიდან (190 კმ) . ავიაბილეთების ღირებულება: თბილისი-ინსბრუკი – 203 ევროდან (ორი გზა), თბილისი-მიუნხენი – 168 ევროდან.

განთავსების ღირებულება: 3* – 120 ევროდან, 5* – 550 ევროდან (ორადგილიანი ნომერი).

ელმაუ

კურორტი, რომელიც არცთუ ისე ჩამოუვარდება წინამორბედებს, თუმცა ნაკლებად ცნობილია სხვა ქვეყნებიდან ჩამოსული სტუმრებისთვის . აქ ძირითადად ავსტრიელები ისვენებენ, რასაც ნაკლად ნამდვილად ვერ ჩავთვლით . ელმაუ – ეს არის ქალაქი ტიროლის მიწაზე, ერთ-ერთ უმსხვილეს სასრიალო ზონაში – Wilder Kaiser –Brixental . Going, Scheffau და Söll ზონებთან ერთად იგი ქმნის ერთიან სასრიალო ზონას და სამთო-სათხილამურო აბონემენტიც აქ ერთიანია . საერთო ჯამში ეს არის 280 კმ ტრასა (უმეტესობა ლურჯია), 90 საბაგირო, 250 კმ საფეხმავლო მარშრუტი და რამდენიმე ტრასა ღამით სრიალის შესაძლებლობით.

კურორტის ტერიტორიაზე მდებარეობს სნოუბორდისტებს შორის პოპულარული Intersport Kaiserpark – სამი ფან-პარკი, სახტომი ზონა, ბორდერკროსის ტრასა, ტრამპლინები, ჰაფ-პაიპი . ელმაუში არის შესაძლებლობა დაკავდეთ პარაგლაიდინგით, სნოუთუბინგით, კერლინგით . ასევე ხელმისაწვდომია ტრასები ბარის თხილამურობისთვის, ზამთრის ველოსიპედით სეირნობისთვის, ფეხით სეირნობისთვის, რამდენიმე საციგურაო მოედანი და აკვაპარკიც კი.

სამთო-სათხილამურო აბონემენტის ღირებულება (ფასი ამ მომენტისთვის):

1 დღიანი: მოზრდილთათვის – 47 ევრო, საბავშვო – 24 ევრო;
ერთკვირიანი: მოზრდილთათვის – 263 ევრო, საბავშვო – 132 ევრო.

როგორ ჩავიდეთ: ტრანსფერით ან ავტომობილით ზალცბურგიდან (80 კმ), ინსბრუკიდან (80 კმ) . ასევე შეგიძლიათ ჩახვიდეთ ვენიდან 3,5-4 საათში (350 კმ) . ავიაბილეთების ღირებულება: კიევი-ზალცბურგი – 229 ევროდან, კიევი-ინსბრუკი – 203 ევროდან (ორი გზა), კიევი-ვენა – 91 ევროდან.

განთავსების ღირებულება: 3* – 110 ევროდან, 5* – 430 ევროდან (ორადგილიანი ნომერი).