ანტალია თურქეთის ხმელთაშუა ზღვის ერთ-ერთი უდიდესი კურორტია და ძალიან პოპულარულია ბავშვებთან ერთად საოჯახო დასვენებისთვის . მრავალ ადგილობრივ სასტუმროში გათვლილია სხვადასხვა გასართობი საშუალება ბავშვებისა და მოზარდებისთვის, აქ სთავაზობენ განსაკუთრებულ საბავშვო მენიუს, სხვადასხვა მომსახურებას, რაც მშობლებს ცხოვრებას უადვილებს . ჩვენ შევარჩიეთ ანტალიის ხუთი საუკეთესო 5-ვარსკვლავიანი სასტუმრო ბავშვებთან ერთად დასვენებისთვის – ნახეთ და აირჩიეთ.

გაემგზავრეთ ანტალიაში და აღმოაჩინეთ ხუთი საუკეთესო საოჯახო სასტუმრო, სადაც თქვენს პატარებს ელოდებათ განსაკუთრებული გასართობი ზონები, აუზები და თამაშის სივრცეები . აქ თითოეულ დეტალზე ზრუნავენ, რათა ოჯახური დასვენება იყოს კომფორტული და დაუვიწყარი . წაიკითხეთ მეტი და აირჩიეთ საუკეთესო!

სტატიის სარჩევი

Adalya Elite Lara 5*

დახვეწილი სასტუმრო Adalya Elite Lara 5* მდებარეობს აეროპორტიდან 15 კმ-ში, წყნარ და კომფორტულ საკურორტო უბან „ლარაში“ . მას შეუძლია იამაყოს დამრეცი ნაპირის მქონე საკუთარი ქვიშიანი პლაჟით, დიდი სანომრო ფონდითა და გასართობი საშუალებების სიუხვით ყველა ასაკის სტუმრებისთვის.

აქ განსაკუთრებული მიდგომაა ბავშვთა დასვენების ორგანიზებისადმი: არის არაღრმა აუზი სათამაშო ზონით, მინი-კლუბი რუსულენოვანი აღმზრდელებით, დიდი მოედანი კარუსელებითა და ბატუტებით, პატარა აკვაპარკი, მინი-დისკოთეკა და შესანიშნავად მოფიქრებული საბავშვო ანიმაცია . ცალკე ყურადღება ეთმობა ბავშვთა კვებასაც: მზარეულები მათთვის სპეციალურ კერძებს ამზადებენ, მენიუში წარმოდგენილია სხავადასხვა ფაფა, ახალი ხილი, სუპ-პიურე.

მშობლებს შეუძლიათ გამოიყენონ ტექნიკა საკვების გასათბობად თუ დასაქუცმაცებლად, არის ბავშვთა საკვები სკამ-მაგიდები და საწოლები.

თუ ამას დავუმატებთ პერსონალის თბილად მოპყრობასა და ყურადღებიან მიდგომას უსაფრთხოების საკითხებისადმი, Adalya Elite Lara 5* ცალსახად შეიძლება მივაკუთვნოთ ანტალიის საუკეთესო სასტუმროთა რიცხვს ბავშვებთან ერთად დასვენებისთვის.

ქვემოთ მოცემული ფორმით შეგიძლიათ შეამოწმოთ ფასები და დაჯავშნოთ თქვენი ნომერი საუკეთესო ფასად!

Ic Hotels Green Palace 5*

Ic Hotels Green Palace 5* – შესანიშნავი სასტუმროა უზარმაზარი მწვანე ტერიტორიით, საკუთარი ქვიშიანი პლაჟითა და შესანიშნავი პირობებით საოჯახო დასვენებისთვის . იგი აეროპორტიდან სულ რაღაც 15 კილომეტრში მდებარეობს.

ამ სასტუმროზე არჩევანის შეჩერება თამამად შეუძლიათ როგორც პატარა, ასევე უფროსი ასაკის ბავშვებთან ერთად დასვენების მსურველ ოჯახებს . მათ განკარგულებაშია არაღრმა აუზი ატრაქციონებით, დიდი საქვიშე, საბავშვო ეშმაკის ბორბალი და კარუსელი, დარბაზები ვიდეო თამაშებით, კინოთეატრები და აკვაპარკი . ფართო მინი-კლუბში აწყობენ დისკოთეკას, საინტერესო მასტერ-კლასებსა და შეჯიბრებს .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

არც ბავშვები და არც მოზრდილები დარჩებიან გულგრილი არაჩვეულებრივი ხელოვნური გუბურასადმი წყლის შროშანებითა და თევზებით.

სასტუმროს მენიუში უხვადაა წარმოდგენილი ბავშვებისთვის შესაფერისი კერძები, ხოლო სურვილის შემთხვევაში შეგიძლიათ მზარეულს საბავშვო სუფრისთვის განსაკუთრებული კერძებიც კი შეუკვეთოთ.

დამატებითი საფასურის გადახდის შემთხვევაში ხელმისაწვდომია ძიძისა და პედიატრის გამოძახების მომსახურება.

ერთი სიტყვით, Ic Hotels Green Palace 5* სასტუმრო შესანიშნავად გამოდგება ანტალიაში ბავშვებთან ერთად დასვენებისთვის.

Delphin Be Grand Resort 5*

შემთხვევით როდი მიიჩნევენ ტურისტები Delphin Be Grand Resort 5* სასტუმროს უზარმაზარი მწვანე ტერიტორიითა და საკუთარი აკვაპარკით ანტალიის ერთ-ერთ საუკეთესო „all inclusive“ სასტუმროდ ბავშვებთან ერთად დასვენებისთვის . აქ ყველაფერი – ნომრების ინტერიერიდან გასართობ ზონამდე – მოფიქრებულია პატარა სტუმრების საჭიროებების გათვალისწინებით . სასტუმროს მოხერხებული მდებარეობა აქვს პირველ ხაზზე აეროპორტიდან სულ რაღაც 8 კილომეტრში.

პლაჟი კომფორტულია, დამრეცი ნაპირით, წვრილი ქვიშითა და გამორჩეულად სუფთა წყლით . სასტუმროს ტერიტორია ბავშვებს ინტერაქტიული გართობის მრავალ შესაძლებლობას სთავაზობს: არის დიდი აკვაპარკი, მოედანი კარუსელებითა და ეშმაკის ბორბლით, პატარა აუზი ატრაქციონებით . მუშაობს მინი-კლუბი რუსულენოვანი ანიმატორებით, საღამოობით კი მინი-დისკოთეკა და გასართობი შოუ ეწყობა.

აქ გემრიელი და ხარისხიანი კვებაა, არის განსაკუთრებული საბავშვო მენიუ, სუფრაზე ხილი არასდროს აკლია.

ცალკე აღნიშვნის ღირსია სასტუმროში ეტლებისთვის პანდუსების, საკვები სკამ-მაგიდების არსებობა და ძალიან ყურადღებიანი მიდგომა ყველა ოთახში სისუფთავის შენარჩუნებისადმი.

Swandor Hotels & Resorts Topkapi Palace 5*

Swandor Hotels & Resorts Topkapi Palace 5* სასტუმრო განთქმულია თავისი ზღაპრული აღმოსავლური სტილის სასახლის არქიტექტურით, მყუდრო, შესანიშნავად აღჭურვილი ტერიტორიითა და საოჯახო დასვენების ორგანიზებისადმი კარგად მოფიქრებული მიდგომით.

ბავშვებისთვის განკუთვნილი გასართობი ინფრასტრუქტურა მრავალფეროვანია: აქ არის აკვაპარკი ხუთი სასრიალოთი, სათამაშო მოედანი, ფართო მინი-კლუბი, სადაც სხვადასხვა მასტერ-კლასსა და დისკოთეკას აწყობენ . ბავშვების განკარგულებაშია უამრავი სამაგიდო თამაში, წიგნი და ფილმი . საჭიროების შემთხვევაში მშობლებს შეუძლიათ დაიქირაონ ძიძა და იქირაონ ეტლი.

სასტუმროში ძალიან მრავალფეროვანი კვებაა, ასევე გათვალისწინებულია ცალკე საბავშვო მენიუ.

სასტუმროს პლაჟი იდეალურია ყველაზე პატარა ტურისტებისთვისაც კი: იგი დაფარულია წვრილი ქვიშით, ნაპირი დამრეცია, ხოლო ტენტი კარგად იცავს მზისგან.

Melas Lara Hotel 5*

Melas Lara Hotel 5*, თურქეთი, ანტალია

ანტალიის ბავშვებისთვის საუკეთესო სასტუმროების სია არ იქნებოდა სრული Melas Lara Hotel 5* სასტუმროს გარეშე . იგი მდებარეობს აეროპორტიდან 15 კმ-ში საკურორტო ზონა „ლარაში“ და შესანიშნავია მათთვის, ვინც მშვიდ დასვენებას აფასებს.

ბავშვების გასართობად ტერიტორიაზე მოწყობილია აკვაპარკი სამი წყლის სასრიალოთი, მყუდრო სათამაშო მოედანი, მინი-კლუბი (4-დან 12 წლამდე) და ჯუნიორ-კლუბი (12-დან 16 წლამდე) . ქვიშით დაფარული, ქოლგებითა და შეზლონებით აღჭურვილი პლაჟი მოსახერხებელია ბავშვებთან ერთად დასვენებისთვისაც კი . მენიუში წარმოდგენილია ბავშვებისთვის განკუთვნილი კერძები, მაგიდებზე ყოველთვის ბევრი ხილი და ბოსტნეულია.

სასტუმროში დამატებითი საფასურის გადახდის შემთხვევაში შეგიძლიათ დაიქირაოთ ძიძა და გამოიძახოთ ექიმი . მოთხოვნის შემთხვევაში ბავშვის საწოლსა და საკვებ სკამ-მაგიდას უფასოდ მიიღებთ.

გამოცდილმა მშობლებმა იციან, თუ რამდენად გულდასმით უნდა მიუდგეთ ანტალიაში ბავშვებთან ერთად დასვენებისთვის შესაფერისი სასტუმროს არჩევის საკითხს . ჩვენ დიდი სიამოვნებით დაგეხმარებით იმ საუკეთესო ვარიანტის პოვნასა და დაჯავშნაში, რომელიც თქვენს ყველა მოთხოვნას დააკმაყოფილებს.

ასევე შესაძლოა დაგაინტერესდეთ: იზმირი: თურქეთის კურორტის ტოპ-8 პლაჟი

პოსტის ნახვები: 159