7 რამ, რაც ვენაში უნდა გააკეთოთ

სტატიის ავტორი უკვე რამდენიმე წელია ცხოვრობს ავსტრიის დედაქალაქში და ჯერ კიდევ ამ ჯადოსნური ქალაქის შთაბეჭდილების ქვეშ იმყოფება . ქალაქის ყოველმხრივ შესწავლის შემდეგ, მან შეადგინა ვენაში აუცილებლად გასაკეთებელი საქმეების სია.

2 წელი ვენაში

როდესაც პირველად აღმოვჩნდი ვენაში 5 წლის წინ, მივხვდი, რომ ეს ჩემი ქალაქია . და აი, ღვთის განგებით, უკვე ერთი წელია ვცხოვრობ ავსტრიის დედაქალაქში და შემიძლია სხვებს დარწმუნებით ვურჩიო: ექსკურსია ვენაში, რა თქმა უნდა, კარგია, მაგრამ თუ გსურთ ეს ქალაქი რეალურად შეიგრძნოთ, თავად გააკეთეთ შემდეგი:

1 . გაისეირნეთ ცენტრში

მაგრამ არ დახარჯოთ ამაზე ორ დღეზე მეტი – თუ დრო დაგრჩებათ, მაშინ უმჯობესია იგი გაატაროთ ქალაქის გაცნობაზე სხვა, არა ტურისტული მხრიდან . მით უმეტეს, რომ „შიდა ქალაქი“ (Innere Stadt) საკმაოდ კომპაქტურია . ვენის ყველა ღირსშესანიშნაობის ნახვა ფეხით სეირნობის დროს არის შესაძლებელი: ოპერის შენობა, პარლამენტი, რატჰაუსი, ბუნებისმეტყველების მუზეუმი და ა.შ . ყველა ეს ინფორმაცია ნებისმიერ გზამკვლევში არის . მაგრამ ცოტამ თუ იცის ქალაქის სხვა საინტერესო ადგილების შესახებ.

2 . დააგემოვნეთ ადგილობრივი ყავა

ავსტრიის დედაქალაქს თითქოს სამი მთავარი საყრდენი აქვს: სიგარეტი, მარადიული წუწუნი (ამაზე უფრო მოგვიანებით ვისაუბრებთ) და ყავა . მაგრამ თუ თქვენი შინაგანი ჰიპსტერის ხმა Starbucks-ში შერბენას გთხოვთ, განდევნეთ იგი .

ეს იგივეა, რომ ვილი ვონკას ჯადოსნურ ქარხანაში აღმოჩნდეთ და „ალიონკას“ შოკოლადი შეიძინოთ . ვენაში აუცილებლად მოძებნეთ პატარა ყავახანები, სადაც ტურისტების ბრბო არ არის.

აქ თქვენ ვერ იპოვით ყავის სასმელების კლასიკურ დასახელებებს . მაგრამ არის რაღაც Kaffee verkehrt-ის (ლატე), Kleiner Brauner-ისა (ესპრესო ცოტა ნაღებით) და Melange-ის (ესპრესო ათქვეფილი რძის დამატებით და რძის ქაფით მორთული) მსგავსი.

3 . ეწვიეთ პრატერს

კიდევ სად უნდა წახვიდეთ ვენაში ? რა თქმა უნდა, პრატერში – ეს არის პატარა ატრაქციონების პარკი (მეტროსადგური Praterstern, მეტროს ხაზები U2 და U1) . აქ აუცილებლად უნდა მოხვიდეთ სამი მიზეზის გამო . პირველ რიგში, ხმა დადის, რომ პარკს საერთოდ ხურავენ, რაც ნიშნავს, რომ მისი მონახულება უნდა მოასწროთ.

მეორეც, აქ არის სახელგანთქმული ძველი ეშმაკის ბორბალი, რომელიც 100 წელზე მეტი ხნისაა . მესამეც, ღირს „კოსმოსური“ ეკონომიკური უნივერსიტეტის WU მონახულება, რომელიც მახლობლად მდებარეობს.

4 . გადაუღეთ ქალაქს სურათი ლეოპოლდსბერგის მთაზე მდებარე სათვალთვალო მოედნიდან

ამისათვის უნდა წახვიდეთ მე-19 რაიონში, ან დებლინგში (მეტროს მწვანე ხაზი U4 ბოლო გაჩერებამდე Heiligenstadt, შემდეგ კი 38A ავტობუსით ბოლო გაჩერებამდე Leopoldsberg).

აქ შეგიძლიათ მიირთვათ ყავა, მოინახულოთ პატარა ეკლესია და დატკბეთ მთელი ვენის წარმოუდგენელი პანორამით . ამ რაიონში ქალაქი სრულიად განსხვავებულია: ვიწრო ქუჩები, პატარა სახლები და რესტორნები – აქ განსაკუთრებით მკვეთრად იგრძნობა კონტრასტი პომპეზურ ცენტრსა და მყუდრო, მოშორებით მდებარე კვარტლებს შორის.

5 . ეწვიეთ ჰოირიგერს და დალიეთ ღვინო

ჩემი აზრით ჰოირიგერის (პატარა ტრაქტირები ოჯახური ღვინით) მონახულება – იდეალური საშუალებაა ვენისა და ადგილობრივი მკვიდრების გაცნობისთვის . Nussdorf, Grinzing, Heiligenstadt, Oberdöbling – ადგილები, რომლებიც განთქმულია საუკეთესო ღვინითა და ატმოსფეროთი . აქ არ არის ლუდი და კლასიკური მენიუ, ხოლო თეთრ ღვინოს ჩვეულებრივ მინერალურ წყალთან ერთად სვამენ.

ადგილობრივი მკვიდრების სტანდარტული შეკვეთა ასეთია: Liter, Liter weiß (ლიტრი თეთრი ღვინო და ლიტრი მინერალური წყალი) . ღვინოსა და წყალს ერთმანეთს ურევენ 50/50 პროპორციით, მიირთმევენ ერთ ბოკალს, შემდეგ კი ბუფეტიდან უკვეთავენ ახალ პურსა და სხვადასხვა შიგთავსს.

6 . გაიცანით ადგილობრივი მოსახლეობა

ახლა კი დროა გავიცნოთ ვენის მკვიდრნი და… მოვუსმინოთ მათ წუწუნს . დიახ, სწორედ, რომ ასეა – უმაღლესი კლასის წუწუნი . სწორედ ამით გაითქვეს სახელი დედაქალაქის მაცხოვრებლებმა.

ასაკისა და სოციალური სტატუსის მიუხედავად, მათ უყვართ ჩივილი ამინდზე, განათლებაზე, მეზობლებზე, მძღოლებზე, მიმტანებზე, საკვებზე, მთავრობაზე… ნებისმიერ რამეზე ! და პასუხად თქვენც აუცილებლად იწუწუნეთ . სწორედ ასე მეგობრდებიან ვენაში.

7 . იცეკვეთ შვედენპლაცზე

როდესაც საათი შუაღამეს სცდება, დროა წახვიდეთ ბერმუდის სამკუთხედში – ასე ეძახიან ადგილობრივი მაცხოვრებლები შვედენპლაცის რაიონს, სადაც უამრავი ბარი და კლუბია და სადაც შეგიძლიათ შესანიშნავად გაერთოთ მთელი ღამის განმავლობაში . რასაც ახალგაზრდების უმეტესობა ყოველ შაბათს აკეთებს.

სასარგებლოა იცოდეთ, რომ მეტრო ვენაში 24 საათის განმავლობაში მუშაობს პარასკევიდან შაბათ ღამეს, შაბათიდან კვირა ღამეს და დღესასწაულების წინა დღეებში . ასე რომ, თქვენ შეგიძლიათ გაბედულად იმხიარულოთ და არ ადევნოთ თვალი დროს.