ხშირად დასმული შეკითხვები ფრენების შესახებ

ჩვენ შევადგინეთ ფრენების შესახებ ხშირად დასმული შეკითხვების სია, რომლებზეც პასუხები დაგეხმარებათ ბილეთი საზრუნავის გარეშე შეიძინოთ.

1. შევიძინე ბილეთი, მაგრამ ფოსტაზე არ მიმიღია ან ელექტრონულ ფოსტაში შეცდომა დავუშვი ან დაბრუნების გაფორმება მსურს. როგორ უნდა მოვიქცე?

დაუკავშირდით სააგენტოს ან ავიაკომპანიას, რომლის მეშვეობითაც შეიძინეთ ავიაბილეთი. დეტალებს ავიაბილეთის გამყიდველები გაცნობებთ.

2. შესაძლებელია თუ არა შეძენილი ბილეთების გამოფრენის/ჩაფრენის თარიღების შეცვლა?

სხვადასხვა ავიაკომპანიას და ტარიფს ბილეთების დაბრუნებისა და მონაცემების შეცვლის სხვადასხვა წესი აქვს. უფრო დეტალური ინფორმაციის მიღება შეგიძლიათ უშუალოდ სააგენტოში ან ავიაკომპანიაში, რომლის მეშვეობითაც ბილეთი შეიძინეთ. როგორც წესი, დაბალბიუჯეტიანი კომპანიები შემოგთავაზებთ ადრე შეძენილი ბილეთის დაბრუნებას და ახალი ბილეთის სასურველ თარიღებზე ფასდაკლებით შეძენას.

3. ბილეთის შეძენას ვგეგმავ. მინდა გავიგო, შემიძლია თუ არა მისი დაბრუნება?

ბილეთის დაბრუნების პირობები ბევრ ფაქტორზეა დამოკიდებული:

  • ავიაკომპანია;
  • ტარიფი;
  • ფრენამდე რამდენი ხნით ადრე ხორციელდება დაბრუნება;
  • სააგენტოს პოლიტიკა.

ყველა ეს ინფორმაცია ხელმისაწვდომია ინფორმაციაში ტარიფების შესახებ. შეგიძლიათ გაეცნოთ მას უშუალოდ კონკრეტული ბილეთის დაჯავშნის პროცესში სააგენტოს ან ავიაკომპანიის ვებ-გვერდზე.

4. ბილეთის შეძენას ვგეგმავ, მაგრამ ჩემი პასპორტი ჯერ არ არის მზად. როგორ უნდა მოვიქცე?

საზღვარგარეთის პასპორტის გარეშე, თამამად შეგიძლიათ შეიძინოთ ბილეთები Lufthansa, WizzAir, EasyJet, AirBerlin-ის რეისებზე. როგორც წესი, თუ ბილეთების შესაძენად გჭირდებათ პასპორტის ნომერი, შეგიძლიათ შეცვალოთ იგი, ხოლო სახელისა და გვარის ლათინური ანბანით – ხშირად შეუძლებელია. ამიტომ, ჯერ შეარჩიეთ თქვენთვის სასურველი ავიაბილეთი, შემდეგ კი დარეკეთ სააგენტოში ან ავიაკომპანიაში, რომელთა მეშვეობითაც მას ყიდულობთ. ამ საკითხთან დაკავშირებით მათი სპეციალისტები დაგეხმარებათ.

5. შესაძლებელია თუ არა ბილეთების შეძენა გამგზავრების ღია თარიღით?

სამწუხაროდ, არა. ჩვენს საძიებო სისტემაში სააგენტოები ბილეთებს მხოლოდ გამგზავრებისა და დაბრუნების ზუსტი თარიღებით სთავაზობენ.

6. სად შეიძლება ვნახო მიმოხილვები იმ სააგენტოს შესახებ, სადაც ბილეთების შეძენას ვაპირებ? ხომ არ მომატყუებენ?

Aviabiletebi.org ავიაბილეთების ძიების ბაზარზე 2015 წლიდან მუშაობს. 4 წლის განმავლობაში ჩვენ შევიმუშავეთ კომპანიების საფუძვლიანი შემოწმების პრაქტიკა, რომლებთანაც ვთანამშრომლობთ. შეგიძლიათ ენდოთ ჩვენს ძიებაში არსებულ ყველა სააგენტოს.

7. ადრე არ შემიძენია ბილეთები სააგენტოებისა და ინტერნეტის მეშვეობით, შესაძლებელია თუ არა სააგენტოს რაღაც გზით შემოწმება, არსებობს რაიმე გარანტია?

ბილეთების სააგენტოს საიმედოობის შესამოწმებლად, ჩვენ ვქმნით სპეციალურ სერვისს დაელოდეთ სიახლეებს.

8. არ მაქვს საბანკო ბარათი. როგორ შემიძლია გადავიხადო ბილეთის საფასური?

თქვენ ყოველთვის შეგიძლიათ დაჯავშნოთ და შეიძინოთ ბილეთი თქვენთვის მოსახერხებელი სხვა ფორმით: – PayPal, WebMoney, Yandex.Money ელექტრონული ფულის მეშვეობით;.

9. როგორ შემიძლია ცალკე ბილეთი შევიძინო ბავშვისთვის?

ზოგადად, ბავშვის თამხლები პირის გარეშე გადაყვანის მომსახურება – ეს არის სერვისი იმ მშობლებისთვის, რომლებიც თავიანთ ბავშვს სხვა ქალაქში მარტო აგზავნიან. ამ მომსახურების გაწევისას, ავიაკომპანიის თანამშრომელი პირადად აცილებს ბავშვს თვითმფრინავის ბორტამდე, აბარებს ეკიპაჟს, ხოლო ჩაფრენის აეროპორტში კომპანიის კიდევ ერთი წარმომადგენელი ბავშვს დამხვედრ პირს აბარებს. ბავშვის თამხლები პირის გარეშე გადაყვანის მომსახურება ფრენამდე მინიმუმ 3 დღით ადრე უნდა შეუკვეთოთ.

იმისათვის, რომ ბავშვი თვითმფრინავით მარტო გაგზავნოთ:

1. გააფორმეთ ბილეთი ბავშვის სახელზე სრული ტარიფით და მხოლოდ ეკონომ- კლასში (უმჯობესია ჩვენი ძიების შემდეგ დაუკავშირდეთ სააგენტოს, სადაც თქვენთვის შესაფერისი ბილეთები შეარჩიეს და დააზუსტოთ ბავშვის გადაყვანის წესები კონკრეტული ავიაკომპანიის კონკრეტულ რეისზე).

2. შეავსეთ განაცხადი ბავშვის თამხლები პირის გარეშე გადაყვანის შესახებ 4 ეგზემპლარად და გადაეცით იგი აგენტს, რომელიც ბილეთებს აფორმებს, ელექტრონული ან წერილობითი ფორმით (როგორც სააგენტო გაცნობებთ).

3. გადაიხადეთ მომსახურება, თუ იგი ფასიანია (ფასი ბილეთის დაჯავშნისას აგენტთან უნდა დააზუსტოთ).

შეგახსენებთ, რომ საქართველოში ბავშვის თამხლები პირის გარეშე გადაყვანა შესაძლებელია, თუ გაქვთ:

  • გადახდილი ავიაბილეთი;
  • დაბადების მოწმობა ან საქართველოს მოქალაქის პირადობის მოწმობა/პასპორტი (14 წელზე უფროსი ასაკის ბავშვებისთვის);
  • განაცხადი ბავშვის თამხლები პირის გარეშე გადაყვანის შესახებ;
  • სამედიცინო ცნობა ბავშვის ჯანმრთელობის მდგომარეობის შესახებ (საჭიროების შემთხვევაში, ავიაკომპანიაში გამგზავრებამდე უნდა დააზუსტოთ).

10. მოგზაურობამდე რამდენი ხნით ადრეა ყველაზე მომგებიანი ბილეთების შეძენა: რაც ადრე, მით უკეთესი? თუ ფასი კიდევ შეიძლება დაეცეს მოგზაურობის თარიღთან მიახლოებისას?

საშუალოდ, ბილეთების ხელსაყრელი ფასები ფრენამდე 90 დღით ადრე ჩნდება. რაც უფრო ახლოს არის გამგზავრების თარიღი, მით უფრო ძვირია ბილეთები. განსაკუთრებით ფასების ზრდა შესამჩნევია დღესასწაულებზე და ზაფხულის პერიოდში. ამ შემთხვევაში, ბილეთები რაც შეიძლება სწრაფად უნდა შეიძინოთ.

11. შევიძინე ბილეთი, მაგრამ სააგენტომ არ დაადასტურა. როდის დაბრუნდება ფული?

სავარაუდოდ, თქვენი ბარათიდან თანხა არ ჩამოჭრილა და იგი ბანკშია გაყინული. სტანდარტულად, საქართველოს ბანკები გაყინულ თანხას 30 კალენდარული დღის განმავლობაში ინახავენ, თუ ტრანზაქციის შესახებ თქვენი ან სხვისი მხრიდან არ ყოფილა რაიმე მოთხოვნა. იმისათვის, რომ თანხის დაბრუნება დააჩქაროთ და თქვენს ანგარიშზე არსებულ თანხას ბლოკი მოხსნათ, განაცხადით უშუალოდ თქვენს ბანკს უნდა მიმართოთ.

13. რა არის საუკეთესო გზა ბილეთების მოსაძიებლად, თუ გაინტერესებთ არა გამგზავრების კონკრეტული თარიღები, არამედ თვეები?

შეგიძლიათ გამოიყენოთ დაბალი ფასების კალენდარი. აღნიშნეთ ყველა შესაძლო თვე და მოგზაურობის სასურველი ხანგრძლივობა, რომ ყველაზე ხელსაყრელი ბილეთები იპოვოთ. მწვანე ფერით ყველაზე იაფი ვარიანტებია აღნიშნული. დააჭირეთ და გაიგეთ მეტი ამ შეთავაზებების შესახებ.

14. რატომ არის ბილეთები უფრო ძვირი ავიაკომპანიის ოფიციალურ ვებ-გვერდზე?

ხშირად სააგენტოს მეშვეობით ბილეთების შეძენა უფრო იაფია, ვიდრე თავად ავიაკომპანიის მეშვეობით. საქმე იმაშია, რომ აგენტები ბილეთებს ავიაკომპანიებისგან ბითუმად ყიდულობენ, შესაბამისად ფასი მნიშვნელოვანი ფასდაკლებითაა. ეს ფასდაკლება ზოგიერთ კომპანიას მეტი აქვს, ზოგიერთს ნაკლები. და კიდევ, ავიაკომპანიები დაჯავშნის სხვადასხვა სისტემასთან სხვადასხვა პირობებით თანამშრომლობენ და ბილეთებს სხვადასხვა ტარიფით ყიდიან. თავად დაჯავშნის სისტემის ფასნამატთან ერთად, კვლავ სრულიად განსხვავებული ფასები მიიღება.

15. როგორ შემიძლია ბილეთის დაჯავშნა? და რამდენ ხანს მოქმედებს ჯავშანი?

მრავალი ავიაკომპანიისა და სააგენტოს ვებ-გვერდზე ბილეთების დაჯავშა უფასოდ შეგიძლიათ. ჯავშნის ვადა დამოკიდებულია ავიაკომპანიასა და გამგზავრების თარიღზე. მაგალითად, თუ ფრენა უახლოეს დღეებშია, ჯავშანი 24 საათის განმავლობაში მოქმედებს. დაჯავშნის დასრულებისთანავე დაინახავთ, თუ როდის არის გაუქმების ბოლო ვადა.

16. რომელი ავიაკომპანია აუქმებს ჯავშანს უპრობლემოდ? ვიზისთვის მჭირდება.

მსგავსი ტიპის ჯავშანი ჩვენს ფილიალებში შეგიძლიათ შეუკვეთოთ.

17. როგორ შემიძლია კონკრეტული ბილეთების ფასებზე დაკვირვება?

თქვენთვის საინტერესო მიმართულებაზე ფასების ცვლილების მონიტორინგისთვის, გამოიწერეთ საფოსტო დაგზავნა. ამისათვის შეიყვანეთ თქვენი ელ. ფოსტა და დააჭირეთ „ფასის მონიტორინგს“ ძიების შედეგებიდან მარჯვნივ. ამის შემდეგ, თქვენს ელ.ფოსტაზე მიიღებთ ბმულს გამოწერის გასააქტიურებლად. გამოწერის გააქტიურებამდე, ფოსტაზე წერილების მიღებას ვერ შეძლებთ.

18. ეძებთ შედგენილ მარშრუტს? ვთქვათ, ერთ ქალაქში გავფრინდეთ და სახლში სხვა ქალაქიდან დავბრუნდეთ.

რთული მარშრუტის შექმნა Aviabiletebi.org-ის საძიებო გვერდზე შეგიძლიათ(არა მთავარზე). ამისათვის დააჭირეთ ძიების ქვეშ „რთული მარშრუტის შედგენა“. ასეთი მარშრუტი აუცილებელია, როდესაც ჩასვლისა და გამგზავრების ადგილები ერთმანეთს არ ემთხვევა (მაგალითად, ქუთაისი-რომი, შემდეგ კი მილანი-ქუთაისი) ან იმავე მოგზაურობისას სხვადასხვა ქალაქებს შორის ფრენის დროს (მაგალითად, თბილისი-ბანგკოკი-დენპასარი-სიდნეი).

19. გვირჩიეთ, რომელ ავიაკომპანიებს შეუძლიათ შემოგთავაზონ ფრენა ძაღლთან (კატასთან) ერთად და რა ეღირება?

თვითმფრინავში ცხოველების გადაყვანა ავიაკომპანიის წესებით რეგულირდება. თითოეულ გადამზიდავ კომპანიას საკუთარი წესები აქვს. შეგვიძლია დანამდვილებით გაცნობოთ, რომ ცხოველების თვითმფრინავით გადაყვანა დაშვებულია შემდეგ კომპანიებში: Vueling, AirBaltic, AirBerlin, Germanwings, Virgin America. შინაური ცხოველების გადაყვანა აკრძალულია: AirAsia, Ryanair, EasyJet, Flydubai, WizzAir-ის ფრენებზე. ტრანსპორტირების ტარიფები ავიაკომპანიაში დააზუსტეთ. ასევე არ დაგავიწყდეთ, რომ ცხოველი მოგზაურობისთვის უნდა მოამზადოთ.

20. ბილეთები შევიძინე გადაჯდომით. გთხოვთ გვაცნობოთ, საჭირო იქნება თუ არა ხელახლა რეგისტრაციის გავლა და ბარგის ჩაბარება გადაჯდომის აეროპორტში?

არსებობს ორი ვარიანტი: პირველი, A პუნქტში რეგისტრაციის დახლთან თქვენ მიიღებთ ჩასასხდომ ბარათებს გადაჯდომის ყველა პუნქტისთვის. თქვენი ბარგი მგზავრობის ბოლო პუნქტამდე ჩაფრინდება.

მეორე – რეგისტრაციის დახლთან მიიღებთ ჩასასხდომ ბარათს მგზავრობის პირველი მონაკვეთისთვის. შემდეგ პუნქტში რეისზე რეგისტრაციის ხელახლა გავლა დაგჭირდებათ. ბარგსაც ან საბოლოო პუნქტში მიიღებთ ან გადაჯდომის პუნქტში აიღებთ და ხელახლა დაარეგისტრირებთ.

ნებისმიერ შემთხვევაში, დეტალები უნდა გაიგოთ აეროპორტში რეისზე რეგისტრაციისას.

21. თუ ბილეთებს ვყიდულობ გადაჯდომით და ლოდინი ძალიან ხანგრძლივია, შემიძლია აეროპორტიდან გასვლა და ქალაქში გასეირნება?

ყველაფერი დამოკიდებულია ტრანზიტის ქვეყანაზე. თუ საქართველოდან შენგენის ქვეყანაში მიფრინავთ და გადაჯდომა შენგენის ქვეყანაშია, მაშინ, რა თქმა უნდა, შეგიძლიათ აეროპორტი დატოვოთ და ქალაქი დაათვალიეროთ. მაგრამ ზოგიერთი სხვა ქვეყანა სატრანზიტო ვიზის გაფორმებას ითხოვს ქალაქში გასასვლელად, მაგალითად აშშ, კანადა ან ავსტრალია. ამიტომ შეისწავლეთ სატრანზიტო წესები იმ ქვეყანაში, სადაც ხანგრძლივი გადაჯდომა გელით.

22. როგორ შემიძლია საბავშვო ეტლის თვითმფრინავით ტრანსპორტირება?

როგორც წესი, ყველა ავიაკომპანიაში ნებადართულია მსუბუქი დასაკეცი ეტლის უფასო ტრანსპორტირება ორ წლამდე ასაკის ბავშვთან ერთად მგზავრობის დროს, ზოგიერთ ავიაკომპანიაში კი უფრო მეტი ასაკის ბავშვთან ერთად (ზოგჯერ უფასოდ, ზოგჯერ კი ეტლი ბარგის სახით ფორმდება). თუ ეტლის ტრანსპორტირება უფასოდ ხორციელდება, ეტლის ზომები შეიძლება შეზღუდული იყოს წონითა და ზომით სამი განზომილების ჯამში. მაგალითად, კომპანია S7-ში ეტლის დასაშვები წონაა 20 კგ-მდე, ხოლო Transaero-ში წონა არაუმეტეს 4,5 კგ-სა, ზომა კი არაუმეტეს 53*27*97 სმ. ავიაკომპანიის შიდა წესებიდან გამომდინარე, ეტლი რეგისტრაციის დახლთან უნდა ჩააბაროთ, შეგიძლიათ გამოიყენოთ ტელესკოპურ ტრაპში შესვლამდე ან თვითმფრინავში ჩასხდომამდე ან შეგიძლიათ თვითმფრინავის სალონში შეიტანოთ (აეროპორტში მოულოდნელობების თავიდან აცილების მიზნით უმჯობესია დეტალები წინასწარ დააზუსტოთ). უმეტეს კომპანიაში მგზავრის მოთხოვნით ეტლის გამოყენება ნებადართულია ტრაპამდე.

23. შესაძლებელია თუ არა ვებ-გვერდზე ენის შეცვლა?

დიახ, ამისათვის სასურველი ენა აირჩიეთ მთავარი გვერდის ქვედა ნაწილში. ხელმისაწვდომია ვებ-გვერდის ქართული, ინგლისური და რუსული ვერსიები.

24. შესაძლებელია თუ არა იმ ავიაკომპანიების სიის მიღება, რომელთა მეშვეობითაც aviabiletebi.org ბილეთების ძიებას ახორციელებს?

Aviabiletebi.org იაფ ბილეთებს 728 ავიაკომპანიას შორის ეძებს მთელი მსოფლიოს მასშტაბით, რომელთა შორისაა დაბალბიუჯეტიანი ანუ „ლოუკოსტ“ კომპანიები. ავიაკომპანიების ჩამონათვალი ჩვენს ვებ-გვერდზეა წარმოდგენილი.

Posted in დახმარება and tagged .