ავიაბილეთებზე ხშირად დასმული კითხვები

რას გვეკითხებიან ჩვენი მკითხველები პირად მიმოწერაში?

ხელსაყრელი ავიაშეთავაზებები ჩვენს ვებ-გვერდზე წარმოქმნის არა მხოლოდ მოგზაურობის სურვილს, არამედ რიგ შეკითხვებს მომავალი მგზავრობის შესახებ.

ჩვენ ყოველდღიურად ათობით შეტყობინებას ვიღებთ და ვცდილობთ, რომ თითოეულ მათგანს მაქსიმალურად დეტალური პასუხი გავცეთ. გასულ კვირას ჩვენმა გამომწერებმა იკითხეს ბარგის შეძენის შესახებ, რეისის გაუქმების შემთხვევაში მოქმედებების შესახებ, თუ როგორ უნდა მიიღონ ჩასასხდომი ბარათები და სხვ.

ხშირად დასმულ შეკითხვებზე პასუხებს აქ ვაქვეყნებთ. იქნებ თქვენც გამოგადგეთ.

სად შეიძლება დამატებითი ბარგის შეძენა?

დამატებითი ბარგი შეგიძლიათ შეიძინოთ იმ ვებ-გვერდის საშუალებით, რომლითაც ბილეთი გადაიხადეთ, აეროპორტში ან უშუალოდ ავიაკომპანიის მეშვეობით. მაგრამ გაითვალისწინეთ, რომ ბარგის ფასი იზრდება, როდესაც ფრენამდე 24 საათზე ნაკლები რჩება.

იმისათვის, რომ მოგზაურობამდე არაფერი დაგავიწყდეთ, ჩვენი მითითებები წაიკითხეთ.

რა უნდა გაკეთდეს იმისათვის, რომ უშუალოდ ჩასასხდომი ბარათები მივიღოთ?

აუცილებელია ონლაინ რეგისტრაციის გავლა.

ავიაკომპანიიდან გამომდინარე, ონლაინ რეგისტრაცია იწყება ფრენამდე 24-48 საათით ადრე და წყდება ფრენამდე 2 საათით ადრე.

ეწვიეთ ავიაგადამზიდი კომპანიის ვებ-გვერდს ან გამოიყენეთ აპლიკაცია, გახსენით გვერდი „რეისზე რეგისტრაცია“. შეიყვანეთ ყველა საჭირო მონაცემი (ჯავშნის ნომერი, გვარი და ა.შ.).

თუ ვებ-გვერდზე დარეგისტრირებული ხართ, გადადით თქვენს პირად კაბინეტში და ყველა ზემოთ ჩამოთვლილი მოქმედება იქ შეასრულეთ.

შედეგად თქვენ ჩასასხდომ ბარათს მიიღებთ. ყოველი შემთხვევისთვის ამობეჭდეთ იგი.

დაწვრილებით აქ წაიკითხეთ.

რა დოკუმენტებია საჭირო იმისათვის, რომ ბავშვს თან ახლდეს გარეშე პირი (მე დედა ვარ)?

თანმხლები პირის სახელზე უნდა გაიცეს ნოტარიულად დამოწმებული მინდობილობა თქვენი ხელმოწერითა და თანმხლები პირის ხელმოწერით, ასევე მითითებული უნდა იყოს ბავშვისა და თანმხლები პირის საპასპორტო მონაცემები.

როგორ გავიგო, შემიძლია თუ არა ბარგის სახით სპორტული აღჭურვილობის ტრანსპორტირება?

ავიაკომპანიების ოფიციალურ ვებ-გვერდებზე არის ჩანართი, სადაც სპორტული აღჭურვილობის ტრანსპორტირების პირობებია მოცემული. აქ აღწერილია ყველა ნორმა და ფასი. გთავაზობთ საჭირო გვერდების ბმულებს ჩვენი სერვისების მომხმარებელთა შორის პოპულარული ავიაგადამზიდების ვებ-გვერდებზე: UIAWizzAirRyanairLOTKLM.

რა შემთხვევებში შეიძლება გვქონდეს კომპენსაციის მიღების იმედი რეისის გაუქმებისას? რა თანხას დაგვიბრუნებენ?

თუ რეისის გაუქმების შესახებ ინფორმაცია მიიღეთ ფრენამდე 2 კვირით ადრე, ავიაკომპანიამ ბილეთების სრული ღირებულება უნდა დაგიბრუნოთ ან სხვა რეისის უფასოდ შერჩევა უნდა შემოგთავაზოთ.

თუ ფრენამდე 2 კვირაზე ნაკლები დროის განმავლობაში შეგატყობინეს, კომპენსაციის მიღება გარანტირებულია.

კომპენსაციის ოდენობა დამოკიდებულია იმაზე, თუ

  • როდის გაგაფრთხილეს რეისის გაუქმების შესახებ (7-14 დღე/14 დღემდე);
  • რა ალტერნატიული მარშრუტი შემოგთავაზეს (თუ რამდენად დააგვიანეთ დანიშნულების ადგილამდე);
  • რა მანძილია გამგზავრების პუნქტიდან საბოლოო დანიშნულების პუნქტამდე.

თქვენ მიიღებთ:

  • 250 ევროს 1,5 ათასი კმ-მდე მანძილის სიშორის რეისებზე. მაგალითად, თბილისიდან მინსკში, სოფიაში, რიგაში;
  • 400 ევროს – 1,5-დან 3,5 ათას კმ-მდე. მაგალითად, თბილისიდან ბარსელონაში, პარიზში, მილანში, ლონდონში;
  • 600 ევროს – 3,5 ათასი კმ-დან. მაგალითად, პეკინი, ნიუ-იორკი, ლოს-ანჯელესი.

თუ მოხდება ისე, რომ აეროპორტში იმყოფებით და გაიგებთ, რომ რეისი გაუქმებულია, ნაკლებად სავარაუდოა, რომ ავიაკომპანიამ შეძლოს ალტერნატიული რეისის შემოთავაზება დანიშნულების პუნქტამდე მნიშვნელოვანი დაგვიანების გარეშე. კიდევ ერთხელ, გქონდეთ კომპენსაციის მიღების ან სხვა რეისით გაფრენის იმედი, მაგრამ ამ შემთხვევაში თქვენ უზრუნველყოფილი უნდა იყოთ საცხოვრებლითა და ტრანსფერით.

დაწვრილებით ჩვენს სტატიაში წაიკითხეთ.

თეგები: , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა