ვიზეარი

WIZZ AIR ახალ დროებით რეისს დანიშნავს ქუთაისიდან

მემინგენის აეროპორტში მიმდინარე სამუშაოების გამო უნგრული „ლოუკოსტ“ ავიაკომპანია ქუთაისიდან ბოდენის ტბის სანაპიროზე მდებარე ქალაქ ფრიდრიხსჰაფენში რამდენიმე კვირით რეისს დანიშნავს.

აღნიშნული რეისი განხორციელდება როგორც ქუთაისი-მემინგენის რეისის ალტერნატივა 18 სექტემბრიდან 30 სექტემბრის ჩათვლით. ამჟამად ქუთაისი-მემინგენის მარშრუტზე  ბილეთების დაჯავშნის ნებისმიერი მცდელობა ქუთაისი-ფრიდრიხსჰაფენის რეისზე გადამისამართებით სრულდება.

ამგვარი ცვლილებები  განპირობებულია მემინგენის აეროპორტის ასაფრენ-დასაჯდომ ბილიკზე მიმდინარე სამუშაოებით. ღამის საათებში ბილიკის გაფართოება ხორციელდება, სამუშაოების ძირითადი ნაწილი კი სწორედ სექტემბრისთვის არის დაგეგმილი.

Posted in ბლოგი, სიახლეები and tagged , .