ვენეცია: მნიშვნელოვანი რჩევები ტურისტებს

ვენეციას თამამად შეიძლება ეწოდოს ქალაქი-მუზეუმი, რადგან ფაქტობრივად მისი ყველა კუთხე თავისთავად ფასდაუდებელი ექსპონატია . გასაკვირი არ არის, რომ ვენეცია ერთ-ერთი ყველაზე ტურისტული ქალაქია, რომელსაც ყოველწლიურად ათეულობით მილიონი ტურისტი სტუმრობს.

რეულურია თუ არა ვენეციაში თანხის დაზოგვა ? როდის არის უმჯობესი ფრენა ? სად უნდა იცხოვროთ და როგორ უნდა გადაადგილდეთ ? ამ და სხვა კითხვებზე პასუხებს ჩვენს მასალაში იპოვით.

როდის არის უმჯობესი ვენეციაში ჩასვლა?

ვენეციაში არის მაღალი სეზონი და ძალიან მაღალი სეზონი . ძალიან მაღალი სეზონი მაისში იწყება და აპოგეას აგვისტოში აღწევს . ვენეციაში განსაკუთრებით ბევრი ადამიანია საშობაო და სააღდგომო დღესასწაულებზე.

ტურისტული კოლაფსი არ არის ნოემბერში, იანვარში მარტში . თებერვლის ნაწილი შედარებით თავისუფალია . რატომ მხოლოდ ნაწილი ? ჩვეულებრივ თებერვალში ლეგენდარული ვენეციური კარნავალი იმართება .

2020 წელს იგი 8-დან 25 თებერვლამდე ეწყობა . ძნელია ამ პერიოდს ვენეციის მოსანახულებლად ფინანსური თვალსაზრისით ხელსაყრელი ვუწოდოთ . ყველაზე მოკრძალებულ სასტუმროშიც კი ნომერი კოსმოსური თანხა ღირს . ზოგადად კი ზამთრის ვენეცია – სიყვარულია . მშვიდი, მყუდრო, ლამაზი.

დეკემბრის მეორე კვირიდან ქალაქი საშობაო და საახალწლო მზადებას იწყებს . კამპო სან-პოლოზე საციგურაო მოედანი ეწყობა, სან-მარკოზე მდებარე შენობებს გირლანდებით აფორმებენ, ცენტრში ატმოსფერული ბაზრობები იხსნება, ხოლო პიაცეტაზე „ლეონჩინი“ ნაძვის ხეს დგამენ . ყველაფერი მშვენიერია, გარდა გამყინავი სიცივისა . მაგალითად, იანვარში ტემპერატურა 0-დან +5 გრადუსამდეა, ღამით კი შეიძლება -7 გრადუსამდე დაეცეს . ციფრები, თითქოს არცთუ ისე საშინელია . მაგრამ მაღალი ტენიანობის გამო ვენეციაში 0 გრადუსი იგრძობა როგორც თითქმის -10 . მოკლედ, ქუდის გარეშე ვერ ისეირნებთ, სამაგიეროდ თქვენ ფოტოებზე არ იქნება ჩინელი ტურისტები აიფონებით . ან იქნება, მაგრამ სულ რამდენიმე . და კიდევ, იანვარში შესაძლოა თოვლიც წამოვიდეს, ნამდვილად საოცარი სანახაობაა.

ვენეციაში სასეირნოდ საკმაოდ კომფორტული თვეა – მარტი . დღის განმავლობაში ტემპერატურა დაახლოებით 12-14 გრადუსია . აპრილშიც გარეთ სასიამოვნოა: 16-19 გრადუსი.

ამინდის თვალსაზრისით, ზაფხული, რა თქმა უნდა, კომფორტულია, მაგრამ ვიზიტორთა უზარმაზარი ნაკადის გამო ქალაქი თავის ხიბლს კარგავს . არ გირჩევთ, რომ ვენეციაში პირველი მოგზაურობისთვის სეზონის პიკი აირჩიოთ . ბევრად უკეთესია – შემოდგომა . სექტემბერში, ვენეციის შესასწავლად ამინდიც ხელსაყრელია: 22-25 გრადუსი, ხოლო ტურისტული აჟიოტაჟი თანდათანობით იკლებს . ოქტომბერში ტურისტები უფრო ნაკლებია, ტემპერატურა კი ჯერ კიდევ მშვენიერია ფეხით სეირნობისთვის: 15-16 გრადუსი დღისით.

ნოემბრის მეორე ნახევარში ვენეცია – წვიმიანი, მელანქოლიური, ლირიკულია . ეს პერიოდი იდეალურია იმისათვის, რომ ბროდსკი გადაიკითხოთ ან თუნდაც რაღაც საკუთარი დაწეროთ.

როდის იტბორება ვენეცია?

ვენეცია იტბორება ზამთარში, გაზაფხულსა და შემოდგომაზე . ადგილობრივები ამ მოვლენას „აკვა ალტას“ (მაღალი წყალი) უწოდებენ . პირველ რიგში, როგორც წესი, სან-მარკოს მოედანი ზარალდება – ქალაქის ყველაზე დაბალი ადგილი . წარმოიდგინეთ, დილით მშვიდად სეირნობთ მოედანზე, საღამოს კი იგი კოჭებამდე წყლით იფარება, ორ-სამ საათში კი ყველაფერი ისევ ნორმალურადაა . გაითვალისწინეთ, რომ ყველაზე ხშირად ვენეცია ​​ნოემბერში და დეკემბერში იტბორება . იმისათვის, რომ აკვა ალტამ თქვენი დასვენება არ გააფუჭოს, თან იქონიეთ რეზინის ჩექმები.

რა ღირს ვენეციაში ფრენა?

ვენეციაში წარმატებული დასვენება მომგებიანი ფრენით იწყება . თუ ვენეციაში გასამგზავრებლად ბილეთებს რამდენიმე თვით ადრე შეიძენთ, 184 ევროდ ორივე გზის ბილეთის შეძენასაც მოახერხებთ . ეს არის იდეალური ფასი ამ მიმართულებით . სად იპოვით იაფ ავიაბილეთებს ვენეციაში: ჩვენი ვებ-გვერდის ჯადოსნურ განყოფილებაში „იაფი ავიაბილეთების კალენდარი“.

შუა სეზონზე ავიაბილეთების ფასები უფრო მაღალია, თანაც მნიშვნელოვნად . მაგალითად, ივნისში ორივე გზა 280 ევროდან ღირს.

შეგახსენებთ 2020 წლიდან ქუთაისის აეროპორტში 12 ახალი მიმართულება ემატება.

ასევე გადახედე ფრენებს საქართველოს აეროპორტებიდან ვენეციის მიმართულებით

როგორ ვიმგზავროთ მარკო პოლოს აეროპორტიდან ვენეციაში?

ვენეციის მარკო პოლოს სახელობის საერთაშორისო აეროპორტი ვენეციიდან 8 კილომეტრში, ქალაქ ტესერაში მდებარეობს . იტალიის ერთ-ერთი უმსხვილესი აეროკვანძი მხოლოდ ერთი ტერმინალისგან შედგება, რომელიც როგორც რეგულარულ, ისე ჩარტერულ რეისებს იღებს.

მარკო პოლოს აეროპორტიდან ვენეციაში რამდენიმე გზით ჩახვალთ: ავტობუსით, პატარა გემით ვაპორეტო, ტაქსით და წყლის ტაქსით . ყველაზე ძვირადღირებული სატრანსპორტო საშუალება წყლის ტაქსია (40 ევრო ადამიანზე) . ყველაზე იაფი ავტობუსით ან აერობუსით მგზავრობაა.

აერობუსი . აეროპორტი – რომის მოედანი

აეროპორტიდან ვენეციის მიმართულებით კომპანია ATVO-ს შატლი ყოველ 20 წუთში კურსირებს . შატლი გაჩერებებზე აჩერებს და 20-25 წუთში ქალაქში ჩაგიყვანთ (მარშრუტის ბოლო სადგური – რომის მოედანია).

რა უნდა იცოდეთ:

• კომპანია ATVO-ს აერობუსი ცისფერია.
• პირველი ავტობუსი აეროპორტიდან 5:20 საათზე გადის, ბოლო – 0:50 საათზე.
• ვენეციდან აეროპორტის მიმართულებით პირველი ავტობუსი 4:20 საათზე გადის,
  ბოლო – 23:30 საათზე.
• ბილეთის ღირებულება – ერთი გზა €8, ორი გზა – €15 . თუ კომპანიით მოგზაურობთ,
  ფასდაკლება გეკუთვნით . ერთი ბილეთი (2-დან 9 ბილეთამდე ერთდროულად შეძენის შემთხვევაში)
  7 ევრო დაგიჯდებათ . თუ 10 და მეტ ბილეთს შეიძენთ, ერთი ბილეთი 6 ევრო დაგიჯდებათ.
• ბარგის ტრანსპორტირებისთვის დამატებითი გადახდა არ არის საჭირო.
• ბილეთების
  შეძენა შესაძლებელია სპეციალურ ავტომატებში და საზოგადოებრივი ტრანსპორტის ჩვეულებრივ სალაროებში.
• აუცილებლად მოახდინეთ ბილეთის კომპოსტირება ყვითელ ავტომატებში, რომლებიც
  ბილეთების კიოსკის გვერდით მდებარეობს.

№5 ავტობუსი . აეროპორტი – რომის მოედანი

რა უნდა იცოდეთ:

• კომპანია
  ACTV-ს №5 ავტობუსი ნარინჯისფერია . იგი აეროპორტიდან ქალაქის მიმართულებით ყოველ 15 წუთში
  გადის და, ისევე, როგორც აერობუსი,
  20-25 წუთში ჩაგიყვანთ.
• აეროპორტიდან
  პირველი ავტობუსი 04:08 საათზე გადის, ბოლო –
  01:10 საათზე.
• ვენეციიდან
  აეროპორტის მიმართულებით პირველი ავტობუსი
  04:35 საათზე გადის, ბოლო – 0:40 საათზე.
• ბილეთის ღირებულება – ერთი გზა €8 (კომპოსტირების შემდეგ 75 წუთი მოქმედებს), ორი გზა – €15 (მოქმედებს 75 წუთის განმავლობაში ორივე გზა).
• კომბინირებული
  ბილეთი: ავტობუსი + ვაპორეტო
  (წყლის ტრამვაი) . ერთი გზა €14 ღირს და 90 წუთი მოქმედებს.

სად შეიძლება ვიცხოვროთ ვენეციაში?

ვენეციაში სასტუმროების ძიება – უმადური საქმეა, რადგან ქალაქი აბსოლუტურად ტურისტულია და, შესაბამისად, ერთი ღამით ნომრის ღირებულება დაახლოებით 170 ევროდან იწყება (და საუბარია სამვარსკვლავიან სასტუმროებზე!) . გაგიკვირდებათ, მაგრამ გაცილებით იაფია ვენეციაში ბინის (65 ევროდან) ქირაობა ან სასტუმრო სახლებში ან Bed&Breakfast ფორმატის მინი-სასტუმროებში (71 ევროდან) განთავსება.

თუ საცხოვრებელი პირობები თქვენთვის არცთუ ისე მნიშვნელოვანია, შეგიძლიათ ჰოსტელები აირჩიოთ . მით უმეტეს, რომ ჰოსტელში ცალკე კეთილმოწყობილი ოთახის ღირებულება დღე-ღამეში სულ რაღაც €30-50 დაგიჯდებათ.

ვენეცია: ქალაქის ტრანსპორტი

რა თქმა უნდა, ვენეციაში ყველაზე ცნობილი და პოპულარული გადაადგილების საშუალება გონდოლაა . ეს კუნძულოვანი ქალაქი ცნობილია თავისი დახვეწილი ნავებითა და გონდოლიერებით, მაგრამ სიმართლე გითხრათ, ეს არის ტურისტული „ხაფანგი“ და 40 წუთიანი მგზავრობისთვის დახარჯული €90 ამისათვის არ ღირს . მაგრამ თუ ვენეციიდან ვერ გაემგზავრებით გონდოლით გასეირნების გარეშე, გირჩევთ კომპანია შეაგროვოთ, რადგან სხვა ქვეყნებიდან მოგზაურებსაც სურთ გონდოლით გასეირნება და ისევე როგორც თქვენ, არ სურთ ზედმეტის გადახდა . ამგვარად არა მხოლოდ გასეირნების ხარჯებს შეამცირებთ, არამედ ამავდროულად სხვა მოგზაურებს გაიცნობთ და შთაბეჭდილებებს გაუზიარებთ – ხშირად ასე ბევრ საინტერესოს გაიგებთ.

ვენეციაში ბევრად უფრო ეკონომიური, მოსახერხებელი და არანაკლებ პოპულარული სატრანსპორტო საშუალებაა – მდინარის ტრამვაი ვაპორეტო, რომელიც ძირითადი მარშრუტების გავლით გაგასეირნებთ . ერთჯერადი ბილეთის ღირებულება 7,5 ევროა.

თანხის დასაზოგად ACTV ოფიციალურ ვებ-გვერდზე სამგზავრო ბარათი ან კომბინირებული ბილეთი შეგიძლიათ შეიძინოთ, რომელიც მოიცავს როგორც ტრანსპორტით მგზავრობას, ისე მუზეუმების მონახულებას . ვარიანტების საკმარისი რაოდენობაა . მაგალითად, არსებობს სამგზავრო ბარათები:

• 1 დღიანი (24 საათი) – €20.
• 2 დღიანი (48 საათი) – €30.
• 3 დღიანი (72 საათი) – €40.
• 7 დღიანი – €60.

ვენეციაში მგზავრობის რაოდენობა არ არის შეზღუდული .

29 წლამდე ასაკის ახალგაზრდებს ვურჩევთ შეიძინონ ახალგაზრდული ბარათი Rolling Venice (სამდღიანი ბარათი სულ რაღაც €22 ღირს), რომელიც ტრანსპორტით მგზავრობის შეუზღუდავ რაოდენობას მოიცავს, ასევე იძლევა კარგ ფასდაკლებებს მუზეუმებში, თეატრებში, მაღაზიებში, რესტორნებში და ა.შ.

წაიკითხეთ ასევე: მოგზაურობა იტალიაში რჩევები ტურისტებს

ვენეციის ღირსშესანიშნაობები

ვენეცია – თავად დიდი მუზეუმია ღია ცის ქვეშ, შესაბამისად საკმარის შთაბეჭდილებებს მიიღებთ უბრალოდ ღირსშესანიშნაობების დათვალიერებისგან . აქ თითოეული კვადრატული მეტრის ფოტოაპარატით გადაღებას, ტექსტურისა და ბგერების დამახსოვრებას მოისურვებთ .

ვენეციის ღირსშესანიშნაობების შესახებ უკვე საკმაოდ ბევრი დაწერილა, მაგრამ სასარგებლო იქნება იმის გაგება, თუ როგორ უნდა დაზოგოთ თანხა ბილეთებზე.

არსებობს ტურისტული ბარათები Tourist City Pass და Museum Pass . პირველი 39,90 ევროდ დოჟების სასახლისა და ქალაქის 10 მუზეუმის, 16 ეკლესიისა და კვერინი სტამპალიას ფონდის „კარს აღებს“ მხოლოდ . Museum Pass – ეს არის 24 ევროდ საერთო ბილეთი ქალაქის ყველა მუზეუმში . ამ ბარათების წინასწარ შეძენის შემთხვევაში, თქვენ არა მარტო ფულს, არამედ დროსაც დაზოგავთ – ერთჯერადი ბილეთის შესაძენად რიგში დგომა არ მოგიწევთ.

ასევე გირჩევთ ეწვიოთ ვენეციის უფასო ექსკურსიებს ინგლისურ ენაზე, რომლებსაც ადგილობრივი ენთუზიასტები აწყობენ . ისინი ქალაქის ისტორიისა და მთავარი ღირსშენიშნაობების შესახებ გიამბობთ.

ბიუჯეტური ვარიანტია – , რომლის წყალობითაც ადგილობრივი მაცხოვრებლების ნამდვილ ცხოვრებას იხილავთ, სადაც მდებარეობს დაწესებულებები ადგილობრივებისთვის, ასევე ისწავლით პატარა ქუჩებში ორიენტირებას . ქალაქის განუმეორებელ იერსახეს კი თან წაიღებთ.

თუ ვენეციის ტრადიციული მარშრუტებით ცოტათი დაიღლებით, გირჩევთ ბურანოზე გაემგზავროთ – მინიატურული მრავალფერი კუნძული, რომელიც უფრო ზღაპრულ დეკორაციებს მოგაგონებთ . მგზავრობის ხანგრძლივობა დაახლოებით ორმოცი წუთია, მაგრამ იგი ბევრად უფრო შთამბეჭდავია, ვიდრე პოპულარული მურანო, ლიდო და ტორჩელო.

სად შეიძლება მიირთვათ იაფად ვენეციაში?

რესტორნები ვენეციაში საკმაოდ ძვირია . თანაც მაღალი ფასი ხშირად განპირობებულია დაწესებულების წარმატებული ადგილმდებარეობით და არა გემრიელი კერძებით . გარდა ამისა, ყველა ტურისტმა როდი იცის დაფარული გადასახადების სისტემის შესახებ . იგი დამოკიდებულია იმ ფაქტზე, თუ სად დგას მაგიდა, რომელთანაც მიირთმევთ . თუ მაგიდა ღია ცის ქვეშ და მუსიკოსებთან ახლოს მდებარეობს, გაცილებით მეტს გადაიხდით, ვიდრე ბარის დახლთან ყველაზე მოუხერხებელ ადგილზე რომ ისხდეთ . ასევე გაითვალისწინეთ, რომ სასმელების ფასები ხშირად არ არის მითითებული, თუმცა სინამდვილეში ეს ხარჯები ჩვეულებრივ სხვა დანარჩენს აღემატება.

მაგრამ ამის გამო მშიერი ხომ არ იქნებით – უბრალოდ ერთი შეხედვით ულამაზო ტრატორიაში გაემართეთ . დიახ, აქ უბრალო ინტერიერი, მაგრამ კერძები და ფასები გაცილებით სასიამოვნო იქნება.

ხოლო თუ საკვებზე უფრო მეტი დანაზოგის გაკეთება გსურთ, უახლოეს სუპერმარკეტს ეწვიეთ . როგორც მთელ იტალიაში, პატარა მაღაზიებშიც კი ყოველთვის არის ახალი პური, ყველი, ბოსტნეული და ხილი საკმაოდ ზომიერ ფასად . პროდუქტები აქ ნატურალური და ძალიან გემრიელია.

ჩვენი მთავარი რჩევაა – არ დარჩეთ ვენეციაში სამ დღეზე მეტი ხნის განმავლობაში იმისათვის, რომ ქალაქის საიდუმლოება არ გაუჩინარდეს . ამიტომ აქ რომანტიკული შაბათი-კვირის მოსაწყობად ჩამოდით ან ვენეციის დათვალიერება სხვა ქალაქების ვიზიტთან შეათავსეთ – მაგალითად, მილანის ან რომის.

იმისათვის, რომ არ გამოგრჩეთ ავიაბილეთების სააქციო შეთავაზებები, ჩვენი Facebook ჯგუფში გაწევრიანდით და თვალყური ადევნეთ მოგზაურობის ყველა აქციას, ფასდაკლებას და ლაიფჰაკს.

ვენეცია: რა უნდა იცოდნენ ტურისტებმა?

ტურისტებმა, რომლებიც ვენეციაში მოგზაურობას გეგმავენ, აუცილებლად უნდა იცოდნენ რამდენიმე ადგილობრივი აკრძალავის შესახებ . ამგვარად, არხების ქალაქში აკრძალულია:

• მტრედების
  კვება (ჯარიმა – 50 ევროდან 200 ევრომდე).
• სან მარკოს მოედანზე ჯდომა ან დგომა, გარდა საგანგებოდ გამოყოფილი ადგილებისა (ჯარიმა – 200 ევრო) . ასევე ამ მოედანზე ვერ მიირთმევთ რესტორნებს გარეთ (ჯარიმა – 200 ევრო).
• არხებში ბანაობა
  (ჯარიმა – 500 ევრო).
• ველოსიპედით,
  თვითმგორავითა და სკეიტბორდით ქალაქის ცენტრში სეირნობა
  (ჯარიმა – 100 ევრო).