თურქეთიდან ბათუმის მიმართულებით ფრენები შეწყდა

თურქეთიდან ბათუმის მიმართულებით რეისები გაუქმებულია. ათათურქის აეროპორტიდან ბათუმის საერთაშორისო აეროპორტში რეისი დღეს 09:20 საათზე უნდა ჩამოფრენულიყო, მაგრამ თურქეთიდან რეისი არ შესრულდა.

ბათუმის აეროპორტის ინფორმაციით, რეისი ბათუმიდან თურქეთის მიმართულებითაც შეჩერებულია. ფრენა 10:35 საათზე იყო დაგეგმილი, თუმცა გაუქმდა.

ბათუმის აეროპორტში ჯერჯერობით ვერ აკონკრეტებენ განხორციელდება თუ არა შემდეგი რეისები.
თურქეთში გუშინ სამხედრო გადატრიალების მცდელობა იყო.

Posted in ბლოგი.