იდუმალი და დიდებული, ხმაურიანი და ზღაპრულად ლამაზი, სტამბოლი – ეს არის ხიდი ევროპასა და აზიას შორის, ტრადიციულ აღმოსავლეთსა და თანამედროვე დასავლეთს შორის. მთელი თავისი მდიდარი ისტორიის მანძილზე მან რამდენჯერმე შეიცვალა სახელი და ოთხი იმპერიის დედაქალაქი იყო: რომაული და ბიზანტიური, ოსმალეთისა და ლათინური.

სტამბოლი (თურქ. İstanbul) — თურქეთის უდიდესი ქალაქი. მდებარეობს ბოსფორის სრუტეზე ბუნებრივ ნავსაყუდელთან „ოქროს რქა“ (თურქ. Haliç), ქვეყნის ჩრდილო-დასავლეთში. ოფიციალურად მდებარეობს ევროპასა და აზიაში, თუმცა, როგორც წესი, ევროპულ ქალაქად მოიხსენიება, შესაძლოა მისი წინამორბედი კონსტანტინოპოლის, აღმოსავლეთ რომის იმპერიის დედაქალაქის გავლენით. 2012 წლის აღრიცხვით ქალაქის აგლომერაციის მოსახლეობა შეადგენს 13,854,740 ადამიანს, რითიც ის ევროპის უდიდესი, ხოლო მსოფლიოში მოსახლეობის რაოდენობით მეორეა. ქალაქის გეოგრაფიული კორდინატებია 41° N 28° E. ის ასევე სტამბოლის პროვინციის დედაქალაქია.

დაწვრილებით→