ეგვიპტე

ალტერნატიული ეგვიპტე: 6 ადგილი, სადაც ჯერ არ ყოფილხართ

იყავით ჰურგადაში, შარმ ელ-შეიხში, იხილეთ პირამიდები – და შემდეგ? ეს სტატია სხვა ეგვიპტეს გაგაცნობთ, რომელშიც, სავარაუდოდ, ჯერ არ ყოფილხართ, ასე რომ, ნუ იჩქარებთ, რომ ეს მიმართულება როგორც დიდი ხნის შესწავლილი დახუროთ.

რამდენიმე ათეული წელია, მშვენიერი ქვეყანა, რომელიც გარშემორტყმულია არაბეთის უდაბნოთი, წითელი ზღვითა და მთელი წლის განმავლობაში ბანაობის შესაძლებლობით, მილიონობით ტურისტს იზიდავს მთელი მსოფლიოს მასშტაბით. ეგვიპტის პოპულარული კურორტები – ჰურგადა და შარმ-ელ-შეიხი ისეთი მიმზიდველია პოსტსაბჭოთა ქვეყნების ტურისტებისთვის, რომ სასტუმროების მფლობელები რუსულენოვან პერსონალს იწვევენ სამუშაოდ და დასვენებისთვის მაქსიმალურად კომფორტულ პირობებს ქმნიან უკრაინის, რუსეთისა და ბელორუსის მოქალაქეებისთვის. ასეთ სასტუმროებში, დამსვენებლების ნახევარზე მეტი ამ ყვეყნების მოქალაქეებია, რომელთაც შეუძლიათ არ ინერვიულონ ენის ბარიერის გამო. ამას თავისი პლუსი და, რა თქმა უნდა, მინუსიც აქვს – სწორედ ამიტომ ბევრმა ტურისტმა ბოლო დროს თავისი ტურისტული მარშრუტები სხვა მიმართულებებზე გადაიტანა. ასევე, მრავალი მოგზაური უკვე აღარ ირჩევს დასასვენებლად ეგვიპტის ყველაზე პოპულარულ კურორტებს ტურისტების უწყვეტი ნაკადის, რესტორნებთან, აკვაპარკში სასრიალოებთან რიგებისა და სხვა დისკომფორტის გამო.

თუ ამ ტიპის დასვენებისგან დაიღალეთ, ეგვიპტის იმ კურორტებს გთავაზობთ, რომლებსაც ტურისტები ჯერ ნაკლებად იცნობენ.

1. მარსაალამი

ამ კურორტს ირჩევენ ადამიანები, რომელთაც ხმაურიანი ქალაქისგან სურთ დაისვენონ. კურორტი ჰურგადადან 271 კილომეტრში მდებარეობს. იგი ტურისტებს იზიდავს თოვლივით თეთრი ქვიშით, სადაც მრავალ სასტუმროს თავისი განმარტოებული პლაჟის ზონა აქვს და მოზრდილი თუ ბავშვი კომფორტულად დასვენებას შეძლებს. ჯერ კიდევ 30 წლის წინ, ეს იყო ჩვეულებრივი სოფელი, საკმაოდ მოკრძალებული და შეუმჩნეველი, სადაც ადგილობრივი მაცხოვრებლები თევზაობდნენ. ასეთი ლამაზი სახელი დასახლებამ მიიღო ამავე სახელწოდების მარჯნის რიფის საპატივცემულოდ, თუმცა სხვა ვერსიით, თუ ამ სახელს გადავთარგმნით სწორედ „მეთევზეთა სოფელს“ მივიღებთ.

ტურიზმი რეგიონში 2001 წელს შემოვიდა, როდესაც აქ საერთაშორისო აეროპორტი გაიხსნა და ქალაქმა პირველი ტურისტების მიღება დაიწყო იტალიიდან, ჩეხეთიდან და პოლონეთიდან. 5 წლის წინ რამდენიმე უკრაინულმა ოპერატორმა კიევიდან პირდაპირი რეისები დანიშნა. კურორტის საუკეთესო სასტუმროებს შორის შეიძლება დავასახელოთ Steingerberger Coraya, Jaz Grand Resort, Albatros Sea World Marsa Alam, Brayka და Royal Brayka. გაითვალისწინეთ, რომ სასტუმროების ფარგლებს გარეთ ინფრასტრუქტურა პრაქტიკულად არ არსებობს, ამიტომ მთელი ცხოვრება სასტუმროების ტერიტორიაზე მიმდინარეობს. გამონაკლისს წარმოადგენს რაიონი Port Ghalib – სანაპირო მრავალი აღმოსავლური კაფით და ევროპული პატარა ქალაქი ელ ქუსეირი.

2. პორტ-ღალიბი

მისი ოფიციალური გახსნა 2008 წელს გაიმართა. ეს კურორტი ჰურგადას სამხრეთით მდებარეობს, მარსა-ალამის მახლობლად და მას deluxe კლასის დასასვენებელ კურორტად მიიჩნევენ ეგვიპტის, როგორც მასობრივი მიმართულების ქვეყნის შესახებ დამკვიდრებული აზრის ფონზე. აქ ყველა სასტუმროში მდიდრული ინფრასტრუქტურა შეიმჩნევა, სასტუმროს მენეჯმენტი კი ძირითადად ევროპიდანაა (იტალია და შვეიცარია). უახლოესი აეროპორტი მარსა-ალამში მდებარეობს (დაახლოებით 10 წუთის სავალ მანძილზე). მეორე ვარიანტი, უფრო ბიუჯეტური – ჰურგადაში ჩაფრინდით, შემდეგ კი ტრანსფერით იმგზავრეთ (მგზავრობის ხანგრძლივობა დაახლოებით 2,5-3 საათი).

სასტუმროები Marsa Alam-ში: Popularity

სასტჯუმრო ვარსკვლავი ფასდაკლება ფასი 1 ღამით აირჩიეთ თარიღები

Sunrise Marina Resort Port Ghalib

★★★★★

-53%

313148

სასტუმროს ნახვა

Jaz Lamaya Resort

★★★★★

-9%

353320

სასტუმროს ნახვა

The Three Corners Happy Life Beach Resort

★★★★

-23%

184141

სასტუმროს ნახვა

The Three Corners Sea Beach Resort

★★★★

-25%

188141

სასტუმროს ნახვა

3. საფაგა

საფაგა – ჰურგადადან 60 კილომეტრში მდებარე საკურორტო ქალაქია. რეგიონი სიჩუმისა და სიმშვიდის მოყვარულებს მოეწონებათ, რადგან აქ ღამის ღონისძიებები არ იმართება. პირველი ტურისტები, რომლებმაც ეს ტერიტორია შეიყვარეს, იყვნენ გერმანელები, რომლებმაც 90-იანი წლების ბოლოს აქ დასვენების შემდეგ ჯანმრთელობის მნიშვნელოვანი გაუმჯობესება შენიშნეს. მოგვიანებით, მეცნიერებმა დაამტკიცეს, რომ ამ რეგიონის ქვიშასა და კლიმატს სამკურნალო თვისებები აქვს რევმატიზმისა და საყრდენ-მამოძრავებელი სისტემის პრობლემების მქონე ადამიანებისთვის; ადგილობრივი ეგვიპტელები კი საშუალოდ 10 წელზე მეტხანს ცხოვრობენ, ვიდრე სხვა ქალაქებში მცხოვრები ეგვიპტელები.

ეგვიპტის მრავალი სხვა კურორტის მსგავსად, საფაგა დაივინგის მოყვარულებს იზიდავს. მაგრამ მხოლოდ აქ, ქალაქიდან 20 კილომეტრში, მდებარეობს უნიკალური მარჯნის რიფი, რომლის მსგავსი მთელ წითელ ზღვაზე არსადაა – პანორამა რიფი. ეს ბუნებრივი მარჯნის წარმონაქმნი რამდენიმე რიფისაგან შედგება, რომლებიც წყალქვეშა ამფითეატრს ქმნიან. ზოგიერთ ადგილებში სიღრმე 200 მეტრს აღწევს. წყალქვეშ ხშირად გვხვდება თევზი-ჯამბაზი, ბარაკუდა და თევზი-პეპელა.

4. ელ გუნა

ამ რეგიონში ჰურგადადან შეგიძლიათ მოხვდეთ. ეს სიმშვიდისა და სილამაზის ოაზისი არ ჰგავს ქვეყნის სხვა კურორტებს, მას უწოდებენ „ვენეციას წითელ ზღვაზე“. ნაირფერი სასტუმროები პატარა კუნძულებზე მდებარეობს, რომლებიც ხიდებითა და გადასასვლელებითაა დაკავშირებული. ამ საჩვენებელი შენობების დათვალიერება ძალიან მოსახერხებელია ნავებიდან, რომლებიც არხებში კურსირებენ. კურორტის შენობების დიდი პლიუსი იმაში მდგომარეობს, რომ აქ არ არის მაღალი შენობები, ყველა სასტუმრო მომცრო კოტეჯების პრინციპითაა აშენებული.

ამ კურორტს რესპექტაბელური ტურისტები ირჩევენ მშვიდი დასვენების მიზნით, ისევე როგორც სერფინგისა და კაიტსერფინგის მოყვარულები – მუდმივი ქარი და არაღრმა წყალი შესანიშნავია სპორტის ამ სახეობებისთვის. ელ გუნას განსაკუთრებული სიამაყე მსოფლიო დონის ფეშენებელური გოლფის კლუბია. პლაჟის დასვენების მოყვარულებიც იპოვიან გასართობს – პატარა ლაგუნაში იბანავეთ, სუფთა თეთრ ქვიშაზე გაისეირნეთ და ერთ-ერთ ბარბექიუ-წვეულებას ეწვიეთ ღია ცის ქვეშ ან ერთ-ერთ ჩაძირულ გემთან სნორკელინგით დაკავდით. გაითვალისწინეთ, რომ რეგიონის მრავალი სასტუმრო არ არის განთავსებული პირველ ხაზზე და არ აქვს პირდაპირი გასასვლელი ზღვაზე (ზოგიერთი სასტუმროს გარდა, მაგალითად, Club Med, Movenpick Resort, მაგრამ სხვა სასტუმროები პლაჟამდე წყლის ტრანსფერს სვთავაზობენ).

5. დაჰაბი

დაჰაბი სინის ნახევარკუნძულის სამხრეთ ნაწილში მდებარეობს. დაჰაბში შარმ-ელ-შეიხიდან შეგიძლიათ მოხვდეთ, შემდეგ კი ტაქსით იმგზავროთ ავტობუსის გაჩერებამდე და ავტობუსზე გადაჯდეთ. დაახლოებით ორ საათში დანიშნულების ადგილზე იქნებით. წარსულში იგი ბედუინთა დასახლება იყო, ამჟამად კი – შედარებით იაფი დასვენების ადგილია ახალგაზრდებისა და დაივერებისთვის მთელი მსოფლიოდან. მყვინთავთა შორის განსაკუთრებული პოპულარობით სარგებლობს „ლურჯი ხვრელი“ – ვერტიკალური მარჯნის კედელი, რომელიც ხელმისაწვდომია ნაპირიდან. ხეობა, სადაც დაჰაბი მდებარეობს, „ოქროს ქვიშითაა“ დაფარული. ადგილობრივი თქმულებების თანახმად, ქალაქს ეს სახელი სწორედ ამიტომ ეწოდა („დაჰაბი“ – არაბ. „ოქრო“).

ქალაქის მთავარ სანაპიროზე სეირნობისას შეგიძლიათ დატკბეთ პეიზაჟებით, მიირთვათ ვაშლის ჩაი ან შეიძინოთ სუვენირები, რომლებიც „ოქროს ქალაქს“ გაგახსენებთ. დაჰაბის სასტუმროები განლაგებულია ორ ზონაში ყურის ნაპირზე, რომელიც ზღვიდან გამოყოფილია ფართო ისარათი. ეს ზონებია: ლაგუნა და ძველი ქალაქი. ლაგუნაში, ძირითადად, უფრო მაღალი დონის ქსელური სასტუმროები მდებარეობს – Hilton Dahab, Iberotel Dahabeya, ხოლო ძველ ქალაქში – პატარა კემპინგები და კერძო სასტუმროები.

კემპინგის მომსახურებით უფრო ხშირად დაივერები სარგებლობენ, რომლებიც დაზოგილი თანხით დაჰაბის შემოგარენში მდებარე 20 დაივინგ ადგილიდან ერთ-ერთს სტუმრობენ, ხოლო ნომერში მხოლოდ ღამის გასათევად შედიან. ამ რეგიონის ღირსშესანიშნაობებს შორის ასევე შეიძლება აღინიშნოს მოგზაურობა რას ალუ გალუმისა და გაბრ ილ ბენტის ეროვნულ პარკებში ღამისთევით ბედუინთა სოფელში და ვახშმით ვარსკვლავებით მოჭედილი ცის ქვეშ აღმოსავლური ცეკვების თანხლებით.

სასტუმროები Marsa Alam-ში: Popularity

სასტჯუმრო ვარსკვლავი ფასდაკლება ფასი 1 ღამით აირჩიეთ თარიღები

Jaz Dahabeya

★★★★

-8%

324298

სასტუმროს ნახვა

Seaview Hotel Dahab

★★★

-7%

127118

სასტუმროს ნახვა

Acacia Dahab Hotel

★★★

-7%

150139

სასტუმროს ნახვა

6. ტაბა

კურორტი სინის ნახევარკუნძულზე, ისრაელის საზღვართან მდებარეობს. ტაბას ადგილმდებარეობა ტურისტებს იზიდავს ერთდროულად 3 ქვეყნის გასაოცარი ხედის გამო: ისრაელის, იორდანიისა და საუდის არაბეთის. ეს არის იდეალური ადგილი სამყაროს ფილოსოფიური ჭვრეტისა და სიმშვენიერეზე დაკვირვებისთვის. ამ რეგიონს ირჩევენ ქალაქის ჩვეული ფუსფუსისა და მუდმივი სტრესისგან დაღლილი ადამიანები, ისევე როგორც ოჯახური წყვილები, რომლებიც განმარტოებას ამჯობინებენ.

ძალიან ხშირად ამ მხარეში დამსვენებლებს შორის დამწყებ დაივერებს შეხვდებით – ხელუხლებელი ბუნებრივი რიფები წყალმარჩხ ადგილებშია განლაგებული და ნაპირიდან ადვილად მისადგომია. ამ რეგიონში „არა დაივერებიც” იპოვიან მათთვის სასურველ გასართობს – კაიროში, ალექსანდრიაში სტანდარტული მოგზაურობის, უდაბნოში საფარისა და ნავით გასეირნების გარდა, აქ სთავაზობენ მოგზაურობას მეზობელ ქვეყნებში. ერთდღიანი მოგზაურობა ისრაელში – 100 დოლარიდან, იორდანიაში – 160 დოლარიდან.

სასტუმროები Marsa Alam-ში: Popularity

სასტჯუმრო ვარსკვლავი ფასდაკლება ფასი 1 ღამით აირჩიეთ თარიღები

Taba Hotel & Nelson Village

★★★★★

-14%

237204

სასტუმროს ნახვა

Moevenpick Taba Resort & Spa

★★★★★

-14%

213184

სასტუმროს ნახვა

Strand Beach & Golf Resort Taba Heights

★★★★★

-7%

146136

სასტუმროს ნახვა

Mosaique Beach Resort Taba Heights

★★★★★

-6%

155146

სასტუმროს ნახვა

Tolip Taba Resort And Spa

★★★★★

-22%

186146

სასტუმროს ნახვა

შენიშვნა:

ეგვიპტეში ბანაობის სეზონი მთელი წლის განმავლობაში გრძელდება, მაგრამ იანვრის შუა რიცხვებიდან მარტის ბოლომდე ძლიერი ქარებია. ამიტომ, ქვეყნის მონახულების საუკეთესო დროა სექტემბერი-დეკემბერი, აპრილი-ივნისის ბოლო.

Posted in ბლოგი, კრებულები and tagged , , .