ერთი კვირა სათხილამურო ფერდობებზე: საუკეთესო სამთო-სათხილამურო კურორტების გზამკვლევი ბაზელის მახლობლად

შვეიცარიის ჩრდილოეთით მდებარე ბაზელი შესანიშნავი ადგილია თქვენი შემდეგი საოჯახო სათხილამურო დასვენებისთვის. არჩევანის გაკეთება ცამეტ სათხილამურო ზონას შორის შეგიძლიათ, რომლებიც ქალაქიდან მხოლოდ ერთ საათის სავალ მანძილზე მდებარეობს და რომლებიც თქვენს ყველა საჭიროებას აკმაყოფილებს. სწორი ადგილმდებარეობის შერჩევა რთული ამოცანაა და ვარიანტების დიდი რაოდენობის გამო შესაძლოა შემდეგ შობამდეც კი ვერ გადაწყვიტოთ. ამიტომ გთავაზობთ ჩვენს მიმოხილვას ბაზელის მახლობლად მდებარე 5 საუკეთესო სამთო-სათხილამურო კურორტის შესახებ საოჯახო დასვენებისთვის.

1. გრინდელვალდი

როგორც იუნგფრაუს რეგიონის უდიდესი კურორტი, 20 საბაგიროთი და 200 კილომეტრიანი სათხილამურო ტრასით, გრინდელვალდის რელიეფი ყველა დონის მოთხილამურისთვის არის შესაფერისი. სოფლიდან საბაგირო გზით ან მთის მატარებლით მთის მწვერვალზე ადით და სუნთქვის შემკვრელად სუფთა ჰაერი ჩაისუნთქეთ. ეიგერის, იუნგფრაუსა და მონჩის მწვერვალების შესანიშნავი ხედებით გარშემორტყმული კურორტის ზომა იმის შესაძლებლობას იძლევა, რომ ფერდობები არ იყოს ხალხით გადავსებული და რიგების მინიმალური რაოდენობა იყოს. ეს კურორტი შესანიშნავია პატარა ბავშვებთან ერთად მოგზაური ოჯახებისთვის. გაემგზავრეთ ბოდმის საბავშვო ფერდობებზე და დარეგისტრირდით შვეიცარიის სათხილამურო და სნოუბორდის სკოლაში, რათა პატარა სტუმრები ფეხზე დააყენოთ სრულიად უსაფრთხო გარემოში. ჯადოსნური თოვლით დაფარული წარმტაცი სოფელი იდეალური ფონი გახდება თქვენი ბაზელში საოჯახო სათხილამურო დასვენებისთვის.

სად გავჩერდეთ? Belvedere Swiss Quality Hotel

2. ენგელბერგი

ენგელბერგი, სადაც რეგიონის ერთ-ერთი ყველაზე გრძელი სათხილამურო ფერდობი – ტიტლისი მდებარეობს, კიდევ ერთი შესანიშნავი ადგილია საოჯახო დასვენებისთვის. ენგელბერგი ცენტრალური შვეიცარიის უმსხვილესი სათხილამურო კურორტია. მას ფერდობების დიდი არჩევანი აქვს, რის გამოც იგი ნებისმიერი დონის მოთხილამურისთვის არის ხელმისაწვდომი. ამ კურორტზე თავმოყრილია მრავალი სახის აქტივობა, როგორც ფერდობებზე, ისე მის ფარგლებს გარეთ, რაც ოჯახზე ორიენტირებულ ატმოსფეროს ქმნის. დაასრულეთ თქვენი დატვირთული დღე ხეობაში ციგებით ან საციგურაო მოედანზე სრიალით. აქ ახალბედა მოთხილამურეებიც გაერთობიან, რადგან ენგელბერგი ნებისმიერ სტუმარზე ზრუნავს. გაემგზავრეთ გერშნიალპზე – ტიტლისის ძირში მდებარე საბავშვო ფერდობზე, სადაც სამი საბაგირო და დამრეცი ფერდობები დაგხვდებათ. ასევე აუცილებლად იპოვეთ Globis Winterland და Snowli Village – თხილამურებსა და ციგებზე სრიალისთვის შესაფერისი ღია ბრტყელი მოედანი.

სად გავჩერდეთ? Hotel Terrace

3. ანდერმატი

ანდერმატში, შვეიცარიის ერთ-ერთ ყველაზე ძველ და იდილიურ სოფელში, ადგილობრივები 100 წელზე მეტია თხიმალურებით სრიალებენ. SkiArena Andermatt-Sedrun იდეალურ ატმოსფეროს უზრუნველყოფს საოჯახო სათხილამურო დასვენებისთვის მშვიდი გარემოს, კარგად აღჭურვილი ფერდობებისა და გარანტირებული თოვლის საფარის წყალობით. ამ ადგილის რეალური კომერციული უპირატესობა სათხილამურო აბონემენტია, რადგან იგი მოიცავს ობერლაპის/სედრუნის მეზობელ რაიონს, სადაც ახალბედა მოთხილამურეებისთვის შესაფერისი ფერდობები ყველა კუთხეშია ხელმისაწვდომი. თხილამურებით უფრო მშვიდი სრიალისთვის განკუთვნილი სათხილამურო ტრასის გარდა, აბონემენტი გთავაზობთ უფასო მგზავრობას Matterhorn Gotthard Bahn-ით – მატარებლით, რომელიც ამ ადგილის გასაოცარ ხედებს სთავაზობს მაშინ, როდესაც თოვლისგან დასვენებას მოისურვებთ.

სად გავჩერდეთ? Hotel Badus

4. ვენგენი

ულამაზესი ლაუტერბრუნენის ხეობის ზემოთ მდებარე ვენგენი პატარა სოფელია, სადაც ავტომობილები არ დაიშვება და ჩასვლას მხოლოდ მატარებლით 15 წუთში შეძლებთ. ვენგენი იდეალურია საშუალო დონის მოთხილამურეებისთვის. მას ასევე მრავალი საინტერესო რამ შეუძლია შესთავაზოს დამწყებ მოთხილამურეებს საბავშვო ფერდობებისა და შესანიშნავი სათხილამურო სკოლების წყალობით. ამ კურორტის კიდევ ერთი უპირატესობა იმაში მდგომარეობს, რომ იგი ოდნავ უფრო იაფია და დაკავშირებულია გრინდელვალდთან, რომელიც შვეიცარიის საუკეთესო თვალწარმტაც სათხილამურო ფერდობებს უფრო დაბალ ფასად გთავაზობთ. ვენგენი ბრიტანელი ტურისტების საყვარელი ადგილია, სადაც ფერდობებზე სარისკო სიტუაციების წარმოქმნის მცირე ალბათობაა, ამიტომაც წელს ბაზელში თქვენი სათხილამურო შვებულების გატარების ნამდვილი პრეტენდენტი სწორედ ეს ადგილი უნდა გახდეს.

სად გავჩერდეთ? Wengener Hof Hotel

5. ადელბოდენი

ადელბოდენის სათხილამურო ზონა – ლენკი საკმარისად მაღალია იმისთვის, რომ უზრუნველყოს თოვლის კარგი საფარი თხილამურებით ძალიან სასიამოვნო, მშვიდი სრიალისთვის. 72 საბაგიროს, 170 კილომეტრიანი ფერდობების, შესანიშნავი ლურჯი ბილიკებისა და საბავშვო ფერდობების წყალობით ყოველდღე ახალ გამოცდილებას მიიღებთ. მცირეწლოვან ბავშვებთან მოგზაური ოჯახებისთვის იდეალური კურორტი ექვს წლამდე ასაკის ბავშვებს სთავაზობს უფასო Snowli სასაჩუქრე ბარათს, რაც იმას ნიშნავს, რომ ახალგაზრდა მოთხილამურეები მიიღებენ მთელს რეგიონში მოქმედ უფასო სათხილამურო აბონემენტს და ბილეთებს მინი-საბაგიროზე. ასევე შეგიძლიათ ისარგებლოთ საოჯახო აბონემენტების დიდი არჩევანით. როდესაც ფერდობზე სრიალს დაასრულებთ, თვალწარმტაც სოფელში გაისეირნეთ, თქვენი სათხილამურო ფეხსაცმელი ციგურებით შეცვალეთ ან ხეობაში მთის ციგით – „ტობოგანით“ ისრიალეთ.

სად გავჩერდეთ? The Cambrian

ასევე წაიკითხეთ:

როგორ ჩავფრინდეთ ბაზელში? ქუთაისიდან ავიაკომპანია ვიზეარის იაფი რეისებით

პირდაპირი ფრენები Kutaisi-დან Mulhouse-მდე

გაფრენის თარიღიდაბრუნების თარიღიავიაკომპანიაბილეთების მოძებნა

08.11.2019

11.11.2019

ფასი 194

ავიაბილეთები ამ თვეში Tbilisi-დან Mulhouse-მდე

გაფრენის თარიღიდაბრუნების თარიღიგაჩერებაავიაკომპანიაბილეთების მოძებნა

25.10.2019

10.11.2019

1 stop

ფასი 949

27.10.2019

15.11.2019

1 stop

ფასი 948

29.10.2019

05.11.2019

1 stop

ფასი 940

30.10.2019

19.11.2019

1 stop

ფასი 1 073

Posted in ბლოგი, იდეები მოგზაურობისთვის, კრებულები and tagged .