მთავარი » Блог » იდეები მოგზაურობისთვის » შრი-ლანკას ყველაზე პოპულარული კურორტები

შრი-ლანკას ყველაზე პოპულარული კურორტები

რაც არ უნდა იყოს, შრი-ლანკა შესანიშნავია. ამ კუნძულზე წელიწადის რა დროსაც და რა მიზნისთვისაც არ უნდა ჩამოხვიდეთ — აქ ყველა შეძლებს იპოვოს მისთვის სასურველი დასვენება. ქვემოთ გიამბობთ თუ რითია მიმზიდველი თითოეული კურორტი.

ვისთვის არის ეს სტატია?

  • მათთვის, ვისაც შრი-ლანკის აღმოჩენა სურს, მაგრამ არ იცის რომელი კურორტი აირჩიოს თავისი უპირატესობებიდან გამომდინარე;
  • მათთვის, ვინც უკვე ნამყოფია შრი-ლანკაზე და მისი ახალი კურორტების აღმოჩენა სურს;

შრი-ლანკა მრავალმხრივ უნიკალურია. შედარებით მცირე ზომის მიუხედავად, ამ კუნძულს ყველა სახის დასვენება შეუძლია შესთავაზოს მოგზაურს: ჯუნგლები, ჩაის პლანტაციები, ეროვნული პარკები, პლაჟები, ბუდისტური ტაძრები, მთები, კლუბური ღამის ცხოვრება დედაქალაქში ან პლაჟის წვეულებებზე. ამავდროუად, თქვენ სასიამოვნოდ გაკვირვებული დარჩებით დაბალი ფასებითა და ხალხის კეთილგანწყობით, ასევე არატიპიური აზიის სისუფთავით (ინდოეთთან, ნეპალთან ან ბანგლადეშთან შედარებით).

კიდევ ერთი საოცარი თავისებურება იმაში მდგომარეობს, რომ კუნძულზე მთელი წლის განმავლობაში შეგიძლიათ დაისვენოთ, უბრალოდ ერთი ნაწილიდან მეორეში უნდა გადაადგილდეთ და ამინდის პირობებთან დაკავშირებით არ ინერვიულოთ.

ბენტოტა (Bentota)

მანძილი დედაქალაქამდე — 83 კმ.

ბენტოტასა და სხვა კურორტებს შორის განსხვავება იმაში მდგომარეობს, რომ იგი დედაქალაქთან და საერთაშორისო აეროპორტთან შედარებით ახლოს მდებარეობს (ავტობუსით მხოლოდ 2 საათი), ასევე აქ 4 და 5 ვარსკვლავიანი კატეგორიის სასტუმროების დიდი არჩევანია.

ბენტოტა შესანიშნავია თუ ბავშვებთან ერთად ისვენებთ, რადგან აქ ფართო პლაჟებია წვრილი ქვიშითა და ოკეანეში შესასვლელი ძალიან გრძელი და დამრეცი ნაპირით.

აქ ჩამოსვლას მშვიდი დასვენების მოყვარულები და შეყვარებული წყვილები ამჯობინებენ, აგრეთვე პლაჟზე ბევრი აქტიური დასვენების მოყვარულია — აქ მრავალი წყლის სპორტის სახეობა და აღჭურვილობის გასაქირავებელი პუნქტია.

დასვენების ტიპი: საოჯახო, რომანტიკული, აქტიური.

რა შეიძლება გააკეთოთ:

— სცადეთ მრავალი წყლის სპორტის სახეობა, მაგალითად, წყლის თხილამურებით სრიალი ან კანოეთი გასეირნება;

— ეწვიეთ ზღვის ბინადართა დაცვის ცენტრს და მიიღეთ შესაძლებლობა კუ ოკეანეში ჩაუშვათ;

— დაისვენეთ აიურვედულსა და სპა-ცენტრებში.

მოგზაურობის საუკეთესო დროა: დეკემბრიდან მარტის ჩათვლით, სექტემბრიდან ოქტომბრის ჩათვლით.

მირისა (Mirissa)

მანძილი დედაქალაქამდე — 155 კმ.

მირისა შრი-ლანკას იმ ერთ-ერთი კურორტთაგანია, რომელიც იდეალურია პლაჟზე დასასვენებლად.

სანაპიროს გასწვრივ რამდენიმე პლაჟია, ზოგი უფრო ველურია, ზოგზე კი პირიქით, ცივილიზებული ცხოვრება დუღს.

გარდა ამისა, ახლოს რამდენიმე საინტერესო სოფელი და ქალაქი მდებარეობს, სადაც განლაგებულია ბუდისტური ტაძრები და ბუდას უზარმაზარი ქანდაკებები.

დასვენების ტიპი: აქტიური, შემეცნებითი.

რა შეიძლება გააკეთოთ:

— ცენტრალური პლაჟის დასავლეთი ნაწილი განკუთვნილია წყლის სპორტის სახეობებისთვის, განსაკუთრებით სერფინგისთვის;

— დეკემბერში შეგიძლიათ ექსკურსიაზე გაემგზავროთ ვეშაპებსა და დელფინებზე დასაკვირვებლად, ასევე იხილოთ კუების მიერ კვერცხების დადების პროცესი;

— შეგიძლიათ ნავი იქირაოთ და ადგილობრივ მოსახლეობასთან ერთად სათევზაოდ გაემგზავროთ მარჯნის რიფების რაიონში;

— ასევე არ დაიზაროთ და ქალაქ გალეს ეწვიეთ, რომელიც მირისასგან 35 კილომეტრში მდებარეობს, სადაც უაცილებლად უნდა იხილოთ ჰოლანდიური ფორტი და შუქურა.

მოგზაურობის საუკეთესო დროა: დეკემბრიდან მარტის ჩათვლით, აგვისტოდან ოქტომბრის ჩათვლით.

ჰიკადუვა (Hikkaduwa)

მანძილი დედაქალაქამდე — 120 კმ.

ჰიკადუვა — შესანიშნავი არჩევანია აქტიური დასვენებისა და წყლისა და პლაჟზე გართობის მოყვარულთათვის.

კლუბები, ბარები, სერფინგის ადგილები, რესტორნები — სეზონზე ეს არის შესანიშნავი პლაჟი ფირუზისფერი წყლითა და ულამაზესი წყალქვეშა სამყაროთი, ხოლო არასეზონზე, როდესაც საკმაოდ ძლიერი ქარი უბერავს, ნამდვილი სამოთხეა სერფერებისთვის.

ჰიკადუვა — ერთი დიდი წვეულებაა. აქ უამრავი უცხოელი ტურისტი ჩამოდის მსოფლიოს მრავალი კუთხიდან, რათა სერფინგით, დაივინგით დაკავდნენ ან პლაჟის უამრავ წვეულებაზე გაერთონ.

დასვენების ტიპი: კლუბური, ახალგაზრდული, აქტიური.

რა შეიძლება გააკეთოთ:

— ჰიკადუვაზე მდებარეობს ერთ-ერთი უდიდესი კუს დაცვის ცენტრი, სადაც შეგიძლიათ თვალყური ადევნოთ ზღვის ამ მშვენიერი მკვიდრის ცხოვრებას;

— ეწვიეთ ცუნამის მუზეუმს, რომელიც 2004 წლის მოვლენებს ეძღვნება;

— თებერვალში, არ გამოტოვოთ შესაძლებლობა ბობ მარლის დაბადების დღე აღნიშნოთ, რომელსაც ძალიან დიდი პატივს სცემს ჰიკადუვას საზოგადოება;

— ეწვიეთ კოლონიურ სტილში აგებულ ერთ-ერთ ადგილობრივ რესტორანს, ერთი შეხედვით ჩვეულებრივს, სადაც თავს ნამდვილ ბრიტანელად იგრძნობთ.

თუ თავგადასავალს ელოდებით, მაშინ 12 საათიან გასეირნებაზე გაემგზავრეთ: შრი-ლანკის ფაუნა და პეიზაჟები საფარის დროს უდავალავეს პარკში, თვალწარმტაცი გზები ცეილონის კოლონიურ ისტორიასთან დაკავშირებულ გალეს შუასაუკუნოვან ფორტამდე მიგიყვანთ. ხოლო მთვარის ქვის მაღაროებში ძვირფასეულობათა შექმნის პროცესს იხილავთ — საბოლოო ჯამში კი კუნძულის ყველაზე საინტერესო სანახაობებს მოიცავთ.

მოგზაურობის საუკეთესო დროა: ნოემბრიდან აპრილის ჩათვლით, იანვარიდან მარტის ჩათვლით.

ტანგალე (Tangalle)

მანძილი დედაქალაქამდე — 218 კმ.

ხშირი ტროპიკული მცენარეულობა, წყალზე გადმოკიდებული პალმის ხეები, შესანიშნავი ამინდი და თბილი ოკეანე მთელი წლის განმავლობაში — ყოველივე ეს აქ დასვენებას დაუვიწყარს ხდის. სანაპიროს გასწვრივ მდებარე სასტუმროები ტურისტებს სთავაზობს მომსახურების მთელ სპექტრს და ინფრასტრუქტურას მაღაზიებისა და რესტორნების სახით.

ტანგალე

ამასთან, ტანგალე — განმარტოების ადგილია, სადაც ადამიანები ჩამოდიან ხმაურისგან, კუნძულის სხვა კურორტების აქტიური ღამის ცხოვრებისგან და პალმების ქვეშ დასასვენებლად, ინდოეთის ოკეანის თბილ წყალში საბანაოდ.

დასვენების ტიპი: საოჯახო, რომანტიკული.

რა შეიძლება გააკეთოთ:

— ეწვიეთ ადგილობრივ ბაზარს, სადაც სხვადასხვა ხილისა და ბოსტნეულის, იაფი ზღვის პროდუქტებისა (ზვიგენის სტეიკი 8 დოლარად 1 კგ) და გემრიელი ახალგამოწურული წვენების (შეგიძლიათ კაფეში დააგემოვნოთ, რომელიც ადგილობრივ პოლიციელს ეკუთვნის) დიდი არჩევანია;

— ასევე გირჩევთ ერთდღიანი ტურით ტანგალეს ლაგუნაში გაემგზავროთ — ველური ადგილები, სადაც იხილავთ მრავალ ფრინველს, დიდ ვარანს და ნამდვილ მანგრის ტყეებში გაისეირნებთ;

ტანგალეს პლაჟების გვერდით არის ადგილი სახელწოდებით ბლოუ ჰოლი — კლდის ბუნებრივი ხვრელი, სადაც მოქცევის დროს ტალღა დიდი ძალით მიემართება, კლდეს ენარცხება და რამდენიმე ათეულ მეტრზე შადრევანივით ეშვება.

მოგზაურობის საუკეთესო დროა: დეკემბრიდან მარტის ჩათვლით, აგვისტოდან ოქტომბრის ჩათვლით.

არუგამ ბეი (Arugam Bay)

მანძილი დედაქალაქამდე — 342 კმ.

არუგამ ბეი — მსოფლიოში ერთ-ერთი საუკეთესო სერფინგის ადგილის სინონიმია. აქ თქვენ შეგიძლიათ იქირაოთ ყველა ძირითადი მოწყობილობა, ან ერთ-ერთ ადგილობრივ სერფინგ-სკოლაში დარეგისტრირდეთ.

დასვენების ტიპი: აქტიური, ექსტრემალური.

რა შეიძლება გააკეთოთ:

სერფინგი, სერფინგი და კვლავ სერფინგი. გიგანტური ზომის ტალღები და ასობით სერფერი — როგორც ახალბედა, ისე გამოცდილი;

— სეზონთაშუა პერიოდში არუგამის ყურეში საოცარ სანახაობას იხილავთ — სანაპიროზე მილიონობით გადამფრენი ფრინველი მოფრინავს;

— დაგეგმეთ მოგზაურობა იალას ეროვნულ პარკში, რომელიც განთქმულია სპილოებისა და ლეოპარდების პოპულაციით — აფრიკული საფარის ნამდვილად ღირსეული ალტერნატივა;

— ეწვიეთ გორაკის მწვერვალზე მდებარე ჰულანუგის გამოქვაბულებს, სადაც მწოლიარე ბუდას ქანდაკება მდებარეობს.

მოგზაურობის საუკეთესო დროა: მარტიდან ოქტომბრის ჩათვლით.

ტრინკომალე (Trincomalee)

მანძილი დედაქალაქამდე — 270 კმ.

ივლისიდან ნოემბრის ჩათვლით ტრინკომალე — შრი-ლანკას საუკეთესო ადგილია ბავშვთან დასვენებისთვის, რადგან აქ წყალმარჩხობის ძალიან დიდი ზონაა. ყველაზე პოპულარული პლაჟებია- ნილაველი (Nilaweli) და უპუველი (Uppuveli). ერთი თვით ჩამოსული მრავალი ახალბედა, სახლში ნამდვილ გურუდ ბრუნდება.

დასვენების ტიპი: საოჯახო, შემეცნებითი, აქტიური.

რა შეიძლება გააკეთოთ:

— ეწვიეთ Kanniya-ს ცხელ წყაროებს, რომლებიც ანურადჰაპურა-როუდიდან 5 მილში მდებარეობს;

— ეწვიეთ რამდენიმე ინდუისტურ ტაძარს, რომელთა შორის ყველაზე დიდი და საინტერესო ტაძრების კომპლექსია Koneswaran;

— ტრინკომალეს პლაჟების ფირუზისფერი ყურეები გპირდებათ წყლის სპორტის მრავალ სახეობას, როგორიცაა დაივინგი და სერფინგი;

— კიდევ ერთი ჰოლანდიური ფორტი — Fredrick fort შესაძლებლობას მოგცემთ შეეხოთ კუნძულზე ნიდერლანდების სამეფოს სამხედრო ყოფნის ისტორიას.

მოგზაურობის საუკეთესო დროა: ივლისიდან ნოემბრის ჩათვლით.

ყველაზე იაფი ავიაბილეთები Tbilisi-დან Colombo-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

28.08.2019

04.09.2019

1 stop

ფასი 2 333

12.11.2019

06.12.2019

1 stop

ფასი 1 437

29.12.2019

08.01.2020

1 stop

ფასი 1 814

Posted in Блог, იდეები მოგზაურობისთვის and tagged , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა