როგორ ჩავიდეთ ამსტერდამში, ეინდჰოვენის აეროპორტიდან

ეინდჰოვენის აეროპორტსა და ამსტერდამს შორის მგზავრობის ვარიანტს ეძებთ? ქალაქი ეინდჰოვენი ამსტერდამიდან სამხრეთით 100 კილომეტრში მდებარეობს ჩრდილოეთ ბრაბანტის პროვინციაში. თავად ეინდჰოვენის აეროპორტი კი ეიდენჰოვენის ქალაქის ცენტრიდან 7 კილომეტრშია განთავსებული.

ამსტერდამის მრავალი სტუმარი ეინდჰოვენის აეროპორტში (EIN) ჩამოსვლას ამჯობინებს, რომლებიც ისეთი დაბალბიუჯეტური ავიაკომპანიების იაფი ბილეთების უპირატესობით სარგებლობენ, როგორიცაა Ryanair, Transavia და Wizzair.

ამ სტატიაში ჩვენ გთავაზობთ დეტალურ ინფორმაციას თუ როგორ უნდა იმგზავროთ ეინდჰოვენის აეროპორტიდან ამსტერდამში.

ეინჰედოვის აეროპორტიდან ამსტერდამში მგზავრობის მოკლე მიმოხილვა (2019 წლის ფასები)

  1. პირდაპირი ავტობუსი: AirExpressBus მგზავრების გადაყვანას პირდაპირი ავტობუსებით უზრუნველყოფს ეინდჰოვენის აეროპორტის შენობის გარეთ მდებარე გაჩერებიდან ამსტერდამის ცენტრალურ სადგურის მახლობლად მდებარე გაჩერებამდე (24 ევრო ერთი გზა ან 40 ევრო ორი გზა, დღეში 6-7 ჯერ). ეს არის ყველაზე მოსახერხებელი ვარიანტი. აქ შეგიძლიათ დაჯავშნოთ ავტობუსის ბილეთი ეინდჰოვენის აეროპორტიდან ამსტერდამის მიმართულებით (1,50 ევროს ფასდაკლებით) ან Flixbus-ით აქ.
  2. ადგილობრივი ავტობუსი + საქალაქთაშორისო მატარებელი: ადგილობრივი ავტობუსი #400/401 ეინდჰოვენის რკინიგზის სადგურამდე, შემდეგ კი საქალაქთაშორისო მატარებელი ამსტერდამის ცენტრალურ სადგურამდე (ერთი გზა: ავტობუსი 4,24 ევრო + მატარებელი 21,50 ევრო, მატარებელი რეგულარულად მოძრაობს მთელი დღის განმავლობაში).
  3. ტაქსი: ეინდჰოვენის აეროპორტის ტაქსის ფასი ეინდჰოვენის სადგურამდე 25 ევროა; ამსტერდამამდე დაახლოებით 140 ევროდან (ფიქსირებული ტარიფი) ან უფრო მეტი მგზავრობის მრიცხველით გადახდით შემთხვევაში.

მოდით უფრო დეტალურად განვიხილოთ ეინდჰოვენის აეროპორტიდან ამსტერდამში მგზავრობის ვარიანტები ვიზიტორებისთვის რჩევებისა და სასარგებლო ინფორმაციის მიწოდებით…

1. AirExpressBus ავტობუსის სერვისი – ეინდჰოვენის აეროპორტიდან ამსტერდამში

AirExpressBus (Kupers Touringcars-ის ფილიალი) პირდაპირ საავტობუსო მიმოსვლას უზრუნველყოფს, რომელიც ეინდჰოვენის აეროპორტიდან ამსტერდამამდე უტრეხტში გაჩერებით ჩაგიყვანთ. ბილეთის საფასურია 24 ევრო ერთი გზა ან 40 ევრო დაბრუნების ღია თარიღით. 3 წლამდე ასაკის ბავშვები უფასოდ მგზავრობენ, 4 და მეტი წლის ასაკის მგზავრები სტანდარტულ ტარიფს იხდიან.

ბილეთების შეძენა შეგიძლიათ AmsterdamExpressBus/Mobility Point-ის დახლთან ეინდჰოვენის აეროპორტის მგზავრთა ჩამოფრენის დარბაზში.

იმისათვის, რომ თქვენი ადგილი გარანტირებული იყოს, უმჯობესია თქვენი ბილეთი წინასწარ დაჯავშნოთ. ასევე მცირე ფასდაკლებას მიიღებთ თუ ბილეთს უშუალოდ მგზავრობის წინ შეიძენთ. დაჯავშნეთ თქვენი AirExpressBus ბილეთები ონლაინ Terravision-ს მეშვეობით 22,50 ევროდ ერთი გზა ან 38,50 ევროდ ორი გზა.

ონლაინ გადახდისთვის მიიღება საკრედიტო ბარათით (Visa ან Mastercard) და Paypal. შეგიძლიათ ბილეთები ამობეჭდოთ და პირდაპირ ავტობუსისკენ გაემართოთ. გაითვალისწინეთ, რომ ონლაინ დაჯავშნა Terravision-ით შესაძლებელია მინიმუმ 24 საათით ადრე.

თუ თქვენ ავტობუსი გამგზავრებამდე 24 საათის განმავლობაში დაგჭირდათ, Flixbus-ითაც აქ შეგიძლიათ შეუკვეთოთ. Flixbus-ის ონლაინ ბილეთის ფასიც სტანდარტული 22,50 ევროა, მაგრამ იგი საკრედიტო ბარათების უფრო ფართო სპექტრს იღებს, ვიდრე Terravision. Flixbus ბილეთების დაბეჭდვა ან ჩამოტვირთვა შეგიძლიათ თქვენს სმარტფონში/მობილურ ტელეფონში.

ავტობუსები დღეში 6-7 ჯერ ასრულებენ რეისებს; ამსტერდამამდე მგზავრობის ხანგრძლივობა 1 საათი 45 წუთია, თუმცა ზოგჯერ ეს დრო შეიძლება გაიზარდოს საგზაო მოძრაობის გამო. ეინდჰოვენის აეროპორტიდან პირველი ავტობუსი ჩვეულებრივ 09:30 საათზე გადის; შემდეგ ავტობუსები დაახლოებით ყოველ 2 საათში 18 საათამდე მოძრაობენ.

ამსტერდამიდან ეინდჰოვენის აეროპორტში დაბრუნებისას, პირველი ავტობუსი 04:30 საათზე გადის. შეეცადეთ ეინდჰოვენის აეროპორტში დანიშნულ რეისამდე მინიმუმ 2 საათით ადრე ჩამოხვიდეთ.

თქვენი სრული კომფორტისთვის, AirExpressBus-ის პირდაპირი ავტობუსი ეინდჰოვენის აეროპორტიდან ამსტერდამში მგზავრობის ყველაზე მარტივი გზაა, ხოლო ონლაინ ფასი ოდნავ უფრო იაფია, ვიდრე ადგილობრივი ავტობუსისა და მატარებლის კომბინირებული ბილეთის საფასური.

ეინდჰოვენის აეროპორტში მგზავრები ჩამოფრენის ტერმინალიდან გამოდიან, ავტობუსის გაჩერება კი პირდაპირ ადგილობრივი ავტობუსების გაჩერების მოპირდაპირე მხარეს მდებარეობს.

რა მოხდება თუ ბილეთი ონლაინ შევიძინე და ჩემი რეისი იგვიანებს? არ არის პრობლემა, უბრალოდ მიბრძანდით AmsterdamExpressBus/Mobility Point-ის დახლთან, სადაც თქვენს ბილეთს შემდეგი ავტობუსის ბილეთზე უფასოდ გადაგიცვლიან.

ამსტერდამში ავტობუსის გაჩერება Lovers Canal Cruises-ის ოფისთან მდებარეობს Prins Hendrikkade 25-ში – ამსტერდამის ცენტრალური სადგურის სამხრეთ-დასავლეთ ნაწილის მახლობლად. ზოგჯერ ავტობუსი Victoria Hotel-ის გვერდით შეიძლება გაჩერდეს.

უტრეხტში ავტობუსი ჩერდება Westraven P + R-ზე Europalaan/Griffioenlaan-ზე. ტრამვაი და ავტობუსი კი უტრეხტის ცენტრში ჩაგიყვანთ.

რაც შეეხება ბარგს, ერთი სტანდარტული ჩემოდნის მოთავსება საბარგო განყოფილებაში შეიძლება, ხოლო ერთი ხელბარგის – ბორტზე ატანა. საბარგო განყოფილებაში ასევე შეგიძლიათ მოათავსოთ დასაკეცი ეტლი.

პირდაპირი ფრენები Kutaisi-დან Eindhoven-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

21.12.2019

24.12.2019

ფასი 259

08.02.2020

18.02.2020

ფასი 165

2. ადგილობრივი აეროპორტის ავტობუსი #400/401 ეინდჰოვენის სადგურამდე + NS საქალაქთაშორისო მატარებელი ამსტერდამამდე (ან ნებისმიერ სხვა პუნქტამდე)

ასევე შეგიძლიათ იმგზავროთ რეგულარული ადგილობრივი ავტობუსით ეინდჰოვენის აეროპორტიდან ეინდჰოვენის სადგურამდე, შემდეგ კი საქალაქთაშორისო მატარებლით ამსტერდამის ცენტრალურ სადგურამდე.

ადგილობრივი ავტობუსი: ეინდჰოვენის აეროპორტიდან #400 ან #401 ავტობუსით იმგზავრეთ (რომელსაც კომპანია Bravo Direct მართავს), რომელთაგან თითოეული Eindhoven NS რკინიგზის სადგურის ბოლო გაჩერებამდე მიგიყვანთ. აეროპორტის ავტობუსის გაჩერება ჩამოფრენის ტერმინალიდან რამდენიმე წუთის სავალ მანძილზე მდებარეობს. ავტობუსის გაჩერებაზე მდებარე ელექტრონული ტაბლო მომდევნო ავტობუსის გამგზავრების დროს შეგატყობინებთ.

ავტობუსის გაჩერება ეინდჰოვენის აეროპორტის ტერმინალიდან დაახლოებით 50 მეტრში მდებარეობს.

აეროპორტიდან ეინდჰოვენის სადგურამდე მგზავრობის ხანგრძლივობა დაახლოებით 25 წუთია. ავტობუსები ყოველდღე შუაღამემდე მოძრაობენ – სამუშაო დღეებში მომსახურება იწყება 06:00 საათზე, შაბათს – 07:00 და კვირას – 08:00 საათზე. მომსახურების სიხშირე მერყეობს დღის განმავლობაში საათში 6-ჯერ პიკის საათებში და გვიან საღამოობით საათში 4-ჯერ.

ბარგის განთავსების ადგილია სავარძლების ქვეშ და ზოგიერთი გასასვლელის გვერდით.

Bravo ეინდჰოვენის #400 აეროპორტის ავტობუსის ინტერიერი

ეინდჰოვენის აეროპორტსა და ეინდჰოვენის სადგურს შორის მოძრავი ავტობუსის სტანდარტული ბილეთის ღირებულება 4,24 ევროა. მისი შეძენა შეგიძლიათ მძღოლთან, Mobility Point-ის დახლთან ან ავტობუსის გაჩერების მახლობლად მდებარე ავტომატებში. გადახდა მხოლოდ ბარათითაა შესაძლებელი (ნაღდი ფული არ მიიღება).

თუ თქვენ ანონიმური OV-chipkaart (სმარტ-ბარათი საზოგადოებრივი ტრანსპორტისთვის) გაქვთ, მგზავრობა კრედიტის სახით დაახლოებით 2,80 ევროდ შეგიძლიათ, ოდნავ უფრო იაფად, ვიდრე სტანდარტული საფასური. თუმცა, რადგან ბარათის ფასი 7,50 ევროა, ჩვენ სტუმრებს ბილეთის სტანდარტული ფასით შეძენას ვურჩევთ.

გაითვალისწინეთ, რომ 2019 წლიდან NS Dutch Railways-ის ყვითელი და ლურჯი ბილეთების ავტომატი განთავსებულია ეინდჰოვენის აეროპორტის მთავარ დარბაზში მდებარე ჩამოფრენის დარბაზთან. აქ თქვენ შეგიძლიათ შეიძინოთ კომბინირებული ავტობუსის + მატარებლის ბილეთი ეინდჰოვენის აეროპორტიდან ამსტერდამის მიმართულებით (ან ნებისმიერი სხვა მიმართულებით ნიდერლანდებში). ავტომატი სადებეტო და საკრედიტო ბარათებს იღებს, ისევე როგორც ევროს მონეტებს. საჭიროების შემთხვევაში ინგლისური ენა აირჩიეთ.

NS ბილეთების ავტომატი ეინდჰოვენის აეროპორტის ტერმინალში მდებარე ჩამოფრენის დარბაზთან

ავტობუსის + მატარებლის ბილეთის საერთო ღირებულება (25,74 ევრო) მოიცავს Bravo-ს ავტობუსის ბილეთის ღირებულებას 4,24 ევროს ოდენობით, დამატებული NS მატარებლის ბილეთი 20,50 ევროს ოდენობით და დამატებით 1 ევრო ერთჯერადი ბილეთისთვის. თუ ავტობუსითა და მატარებლით მგზავრობთ, გირჩევთ თქვენი კომბინირებული ბილეთი ავტომატით შეიძინოთ – ამით უფრო მეტ დროს დაზოგავთ ვიდრე ცალკე ავტობუსისა და მატარებლის ბილეთების შეძენისას. კომბინირებული მგზავრობის საფასურის ონლაინ გადახდა ჯერ არ არის შესაძლებელი.

რჩევა: თუ თქვენ 11 წლამდე ასაკის ბავშვებთან ერთად მოგზაურობთ და შეზღუდული ბიუჯეტი გაქვთ, ავტობუსი და მატარებელი უფრო იაფი დაგიჯდებათ, ვიდრე ავტობუსი.

0-3 წლის ასაკის ბავშვები ნიდერლანდებში ყოველთვის უფასოდ მგზავრობენ. Bravo-ს ადგილობრივ ავტობუსში მოქმედი ბილეთის თითოეულ მფლობელთან ერთად უფასოდ შეუძლია იმგზავროს 2 ბავშვს 4-11 წლამდე. გარდა ამისა, 4-11 წლის ბავშვებს შეუძლიათ შეიძინონ Railrunner ბილეთი 2,50 ევროდ, რომელიც ჰოლანდიის სარკინიგზო ქსელში 1 დღის განმავლობაში მოქმედებს.

ამრიგად, ეინდჰოვენის აეროპორტიდან ამსტერდამში მგზავრობისთვის 4–11 წლის ასაკის ბავშვი შეღავათიან ფასს იხდის 2,50 ევროს ოდენობით, სტანდარტული ავტობუსის საფასურისგან განსხვავებით (22,50 ევროდან).

ეინდჰოვენის ავტოსადგური – აეროპორტის ავტობუსები ჩვეულებრივ ჩამოდიან/მიემგზავრებიან A ან B პლატფორმებზე მარჯვენა მხარეს.

ავტობუსისა და მატარებლის სტანდარტული ბილეთები ერთჯერადი OV-ჩიპ ბარათებია, მგზავრობის დაწყებამდე და მგზავრობის შემდეგ თქვენი ბარათი ავტობუსის ბარათის მკითხველში უნდა გაატაროთ, ისევე როგორც ეინდჰოვენისა და ამსტერდამის სადგურებზე მდებარე ტურნიკეტების გავლისას.

საქალაქთაშორისო მატარებელი: ავტობუსის ბოლო გაჩერებაზე პირდაპირ იარეთ მომიჯნავე NS ეინდჰოვენის სადგურამდე. თუ კომბინირებული ბილეთი გაქვთ, გაიარეთ ტურნიკეტი და პლატფორმის გვირაბისკენ გაემართეთ.

თუ მატარებლის ბილეთი გჭირდებათ, სტანდარტული ბილეთის ფასი ეინდჰოვენიდან ამსტერდამის ცენტრალურ სადგურამდე ღირს 20,50 ევრო (მეორე კლასი) ან 33,83 ევრო (პირველი კლასი) და დამატებით 1 ევრო ერთჯერადი ბილეთის შეძენისას.

მატარებლის ბილეთები შეგიძლიათ შეიძინოთ OV მომსახურებისა და ბილეთების დახლთან ან ყვითელი და ლურჯი ბილეთების ავტომატებში ნებისმიერ ბოლო გაჩერებაზე.

მომსახურების დახლთან გადახდა შესაძლებელია ნაღდი ანგარიშსწორებით (ევროს ბანკნოტები ან მონეტები) და სადებეტო/საკრედიტო ბარათებით (V-Pay, Maestro, Mastercard, Visa და American Express) პინ-კოდის გამოყენებით ან/და უკონტაქტო გადახდით. ბილეთების ავტომატები იღებენ, როგორც მითითებულია, სადებეტო/საკრედიტო ბარათებს, ისევე როგორც ევროს მონეტებს (ხურდის დაბრუნებით) მონეტების მიმღების მეშვეობით – ისინი არ იღებენ ევროს ბანკნოტებს.

ბილეთის შეძენა შესაძლებელია ეინდჰოვენის სადგურზე

ტურნიკეტის გავლის შემდეგ, შეგიძლიათ ჩასხდეთ საქალაქთაშორისო მატარებელში, რომელიც მიემართება ამსტერდამის ცენტრალურ სადგურამდე (მიმართულება Alkmaar, Enkhuizen ან Den Helder) და ჩვეულებრივ 4, 5 ან 6 პლატფორმიდან გადის.

მატარებლები საათში 4 ჯერ გადის, მგზავრობის ხანგრძლივობა კი 1 საათი და 18 წუთია. ამსტერდამის ცენტრალურ სადგურამდე მატარებელი ჩერდება დენ ბოსში, უტრეხტსა და ამსტერდამის ამსტელში.

პირველი მატარებელი 05:30 საათზე გადის (სამუშაო დღეებში), 07:00 საათზე (შაბათობით) და 07:30 საათზე (კვირაობით). ბოლო მატარებელი ეინდჰოვენიდან დაახლოებით 23:30 საათზე გადის, თუმცა პარასკევსა და შაბათს ყოველ საათში (უფრო ნელი) ღამის მატარებელი მოძრაობს. დაბეჭდილი ყვითელი განრიგის დაფის ნახვა შეგიძლიათ თავად სადგურზე ან ns.nl ვებ-გვერდზე.

გაითვალისწინეთ, რომ NS საქალაქთაშორისო ორსართულიანი მატარებლები მგზავრობის დროს არცთუ ისე მოსახერხებელია, თუ დიდი ჩემოდნები გაქვთ – ვაგონში ასასვლელად, კიბეზე უნდა ახვიდეთ, დაკიდებული თაროები კი ძალიან პატარაა! თუმცა ბარგის განსათავსებელი ადგილი იატაკზეც შეგიძლიათ იპოვოთ რამდენიმე საპირისპიროდ მდებარე ადგილებს შორის. ან დარჩით კუპეში კარებთან ახლოს, მაგრამ არ დატოვოთ თქვენი ბარგი უყურადღებოდ.

ეინდჰოვენიდან ამსტერდამის სხიპჰოლის აეროპორტში მგაზვრობისთვის მოძრაობს ცალკე პირდაპირი მატარებელი, რომელიც დღის განმავლობაში ყოველ ნახევარ საათში გადის. იგი ჩერდება Den Bosch, Utrecht, Amsterdam Bijlmer ArenA და Amsterdam Zuid-ში – მატარებელი არ შედის ამსტერდამის ცენტრალურ სადგურში.

უნდა აღინიშნოს, რომ შაბათკვირას მიმდინარე სარემონტო სამუშაოების გამო ზოგჯერ შესაძლოა დაიხუროს ეინდჰოვენი – დენ ბოსი – ურტრეხტი – ამსტერდამის სარკინიგზო ხაზის ნაწილი.

ეს ნიშნავს, რომ სარემონტო სადგურებს შორის შემცვლელი ავტობუსები იმოძრავებს – თუ ბარგით მგზავრობთ, ეს შეიძლება საკმაოდ პრობლემური იყოს, ასევე ამან შესაძლოა თქვენი მგზავრობა 30-60 წუთით შეაფერხოს. ამ შემთხვევაში გირჩევთ, რომ ზემოხსენებული პირდაპირი ავტობუსით იმგზავროთ ეინდჰოვენის აეროპორტიდან ამსტერდამში.

ამსტერდამის ცენტრალური სადგური (Amsterdam Central) – ამსტერდამის სატრანსპორტო კვანძია.

თუ ეინდჰოვენში გაჩერება გსურთ, სადგურში ბარგის შესანახი კამერებია განთავსებული (ღიაა 05:00 საათიდან ორშაბათიდან შაბათის ჩათვლით, 06:15 საათიდან კვირაობით, იკეტება ყოველდღე 01:30 საათზე).

ეინდჰოვენის ქალაქის ცენტრი რკინიგზის სადგურიდან ფეხით სავალ მანძილზე მდებარეობს. სადგურში მრავალი კაფეა, მათ შორის De Restauratie, რომელიც სადგურის დარბაზის ზედა სართულზე მდებარეობს.

ეინდჰოვენის სადგური

თუ ტაქსი გჭირდებათ, ტაქსის სადგომი ეინდჰოვენის სადგურის გარეთ, ქალაქის მხარეს მდებარეობს (ავტოსადგურის მოპირდაპირე მხარეს).

ამსტერდამიდან ეინდჰოვენში უკან მგზავრობა მატარებლით + ავტობუსით: უბრალოდ ყველაფერი ზემოხსენებული პირიქით გააკეთეთ.

პირველი მატარებელი ამსტერდამიდან ეინდჰოვენში 06:00 საათზე გადის (სამუშაო დღეებში), 07:00 საათზე (შაბათობითს) და 08:00 საათზე (კვირაობით), თუმცა პარასკევსა და შაბათს ღამის მატარებელი ყოველ საათში გადის. შემდეგ #400/401 ავტობუსით აეროპორტისკენ გაემართეთ. კომბინირებული ბილეთი ამსტერდამის ცენტრალურ სადგურში შეგიძლიათ შეიძინოთ.

ეინდჰოვენიდან ნიდერლანდებში სხვა მიმართულებით მიემგზავრებით? პირდაპირი საქალაქთაშორისო მატარებლები ჩაგიყვანთ ბრედაში, დენ ჰააგაში, მაასტრიხტში, როტერდამში, ტილბურგსა და ვენლოში.

ეინდჰოვენის აეროპორტი

ეინდჰოვენის აეროპორტი ნიდერლანდების დატვირთვით მეორე აეროპორტია ამსტერდამის სხიპჰოლის შემდეგ. თანამედროვე ტერმინალს 2 დონე აქვს – ზედა სართულზე მდებარეობს La Place კაფე და პანორამული ტერასა, რომლიდანაც იშლება ხედი თვითმფრინავების სადგომსა და ასაფრენ ბილიკზე.

ქვედა დონეზე განთავსებულია ავიაკომპანიების დახლები, გამგზავრებისა და ჩამოფრენის დარბაზები, ასევე რამდენიმე მაღაზია, მათ შორის AH To Go მინი-სუპერმარკეტი, GWK-Travelex-ის სავალუტო ჯიხური, AKO-ს გაზეთების კიოსკი და კაფე Starbucks.

ეინდჰოვენის აეროპორტში სასტუმრო Tulip Inn მდებარეობს პირდაპირ აეროპორტის ტერმინალის ზემოთ. ეს სასტუმრო ეინდთჰოვენის მგზავრებისთვის ძალიან მოსახერხებელი ვარიანტია, სადაც უფასო Wi-Fi-ა, ფასები კი 70 ევროდან იწყება. Tulip Inn-ში ნომრის დასაჯავშნად გთხოვთ აქ დააჭიროთ.

ეინდჰოვენის აეროპორტის ტერიმნალი

ავიაკომპანიები, რომლებიც ეინდჰოვენის აეროპორტს ემსახურებიან: Ryanair რეისებს ახორციელებს ეინდჰოვენის აეროპორტიდან სხვადასხვა მიმართულებით მთელი ევროპის მასშტაბით. WizzAir ეინდჰოვენში ფრენებს ასრულებს პოლონეთისა და აღმოსავლეთ ევროპის სხვადასხვა აეროპორტიდან. ჰოლანდიური ავიაკომპანია Transavia ხმელთაშუა ზღვის რამდენიმე მიმართულებას ემსახურება. რამდენიმე სხვა ავიაკომპანია კი ფრენებს თურქეთის მიმართულებით ახორციელებს.

უახლოეს წლებში დაგეგმილია NS სარკინიგზო სადგურის დამატება ეინდჰოვენის აეროპორტში, რაც მგზავრობას უფრო კომფორტულს გახდის.

Posted in ბლოგი, ლაიფჰაკი and tagged , , , , , .