ხედი ილუმინატორიდან

რატომ არის აუცილებელი ილუმინატორის ფარდის აწევა თვითმფრინავის აფრენისა და დაშვების დროს

თვითმფრინავის ყოველი აფრენისა და დაშვების დროს ჩვენ მორჩილად ვხსნით ილუმინატორის ფარდას, როდესაც ამას თვითმფრინავის ეკიპაჟი გვთხოვს. მაგრამ გამოცდილმა მოგზაურებმაც კი ყოველთვის არ იციან, თუ რატომ სთხოვენ მგზავრებს ამის გაკეთებას. ზოგადად გიამბობთ.

საქმე იმაშია, რომ ილუმინატორის აწეული ფარდა – შესაძლო საგანგებო სიტუაციებისთვის მოსამზადებელი პროცესის მნიშვნელოვანი ნაწილია. ფარდა-როლეტს თვითმფრინავის აფრენისა და დაშვების დროს ხსნიან, რადგან სტატისტიკის თანახმად კატასტროფების უმეტესობა სწორედ ამ ეტაპებზე ხდება.

ამრიგად, რა დანიშნულებს აქვს ილუმინატორის აწეულ ფარდას?

  • ავარიული სიტუაციის შემთხვევაში წამსაც კი მნიშვნელობა აქვს. თუ ფარდა გახსნილია, ეკიპაჟი დაინახავს თუ ​​რა ხდება თვითმფრინავის გარეთ და შეძლებს სწრაფად მიიღოს მაქსიმალურად სწორი გადაწყვეტილება ევაკუაციასთან დაკავშირებით.
  • ფანჯრებიდან მგზავრებს პირველებს შეუძლიათ შეამჩნიონ თუ რაიმე არასასიამოვნო ხდება. თუ ისინი დაუყოვნებლივ აცნობებენ ეკიპაჟს თვითმფრინავის გარეთ არსებული უცნაური ვითარების შესახებ, ყველას გადარჩენის გაცილებით მეტი შანსი ექნება.
  • ილუმინატორის გახსნილი ფარდების შემთხვევაში დღისით თვალები ბუნებრივ განათებასთან ადაპტირებას ახდენენ. ამიტომ ევაკუაციის დროს სალონში არ მოხდება განათების პირობების სპონტანური ცვლილება, რაც თავის მხრივ მგზავრებს საშუალებას მისცემს თავიდან აიცილონ დროებითი შოკი. ღამითაც ფარდებს ხსნიან, ხოლო თვითმფრინავში განათებას აბნელებენ.
  • თუ ფარდები აწეულია, სამაშველო სამსახურები დაინახავენ თუ რა ხდება შიგნით და შეძლებენ ევაკუაციის პროცესის ოპერატიულად და სათანადოდ დაგეგმვას.
  • და კიდევ, ილუმინატორის გახსნილ ფარდას მინიმუმამდე დაჰყავს შესაძლო ტრავმის მიღება. პლასტიკური საფარი შეიძლება ფრაგმენტებად დაიშალოს და ზიანი მიაყენოს.
Posted in ბლოგი, ლაიფჰაკი.