ტანში ჟრუანტელი დაგივლით: მსოფლიოს ყველაზე საშიში აეროპორტები

ზოგიერთ ქალაქში და ზოგიერთ კუნძულზე ინტრიგებით სავსე ასაფრენი ბილიკებია. არასდროს იცით, წარმატებულად აფრინდება თუ პირიქით დაფრინდება თვითმფრინავი.

ჩვენ მხოლოდ იმის წარმოდგენა შეგვიძლია, თუ რას გრძნობენ მგზავრები, როდესაც ბორტი ხალხით სავსე პლაჟს ძალიან ახლოს გადაუფრენს ან დასაფრენი სივრცის დასრულებამდე რამდენიმე მეტრში ამუხრუჭებს. რა თქმა უნდა, ყველამ იცის, რომ თვითმფრინავს პროფესიონალები მართავენ, მაგრამ სავარაუდოდ ამით თავს უკეთესად არ გრძნობენ.

ყველაზე სახიფათო აეროპორტების შესახებ – ჩვენს მასალაში გაეცნობით.

აეროპორტი კუნძულ სენ-მარტენზე

კარიბის ზღვაში კუნძულ სენ-მარტენზე მდებარე პრინცესა იულიანას სახელობის საერთაშორისო აეროპორტი განთავსებულია მახოს პლაჟის გვერდით. თვითმფრინავები აქ პლაჟზე მყოფი ტურისტებიდან სულ რამდენიმე მეტრის დაშორებით დაფრინავენ, მაგრამ ტურისტები არ ღელავენ. ისინი თვითმფრინავების ფონზე წამდაუწუმ სელფის იღებენ და მფრინავების პროფეზიონალიზმის შესახებ ვიდეოს აქვეყნებენ.

აეროპორტი ნარსარსუაკში

გრენლანდიის ეს აეროპორტი მრავალი მფრინავის ჭაღარის გაჩენის მიზეზია. აქ დაფრენა მათ ორ მაღალ აისბერგს შორის უწევთ, რაც ცათამბრჯენებს შორის გაჭიმულ ბაგირზე დაზღვევის გარეშე გავლის ტოლფასია. უფრო მეტიც, ნარსარსუაკის ასაფრენი ბილიკის ზემოთ უამრავი ჰაერის ორმოა და მათში მოხვედრის თავიდან ასაცილებლად მფრინავებს ძალიან დიდი ძალისხმევა სჭირდებათ.

აეროპორტი კუნძულ საბაზე

კარიბის ზღვაში მდებარე კუნძულ საბაზე მსოფლიოში ყველაზე მოკლე ასაფრენი ბილიკია, საიდანაც კომერციული ფრენები ხორციელდება. მისი სიგრძე სულ რაღაც 396 მეტრია და ამ მონაკვეთზე მხოლოდ მცირე ზომის თვითმფრინავებია დაშვებული. სხვათა შორის, დაფრენის დროს მფრინავმა კარგად უნდა დაუმიზნოს, რადგან ბილიკი ორივე მხრიდან მკვეთრად წყდება.

პაროს აეროპორტი

პაროს აეროპორტი (ბუტანი) ზღვის დონიდან 2,4 კილომეტრზე მდებარეობს და გარშემორტყმულია ხუთი ათასწლიანი მთის წაწვეტებული მწვერვალებით. ასაფრენი ბილიკი აქ, რა თქმა უნდა, უფრო გრძელია (1,980 მეტრი) ვიდრე კუნძულ საბაზე, მაგრამ ასევე არ არის შესაფერისი სუსტი ნერვების მქონე ადამიანებისთვის. მსოფლიოში მხოლოდ 8 მფრინავი არის საკმარისად კვალიფიციური, რომ ამ აეროპორტში თვითმფრინავი დასვას. პაროში დაფრენა – ყოველთვის გამოცდაა.

მატეკანეს აეროპორტი

წარმოიდგინეთ ასაფრენი ბილიკი, რომელიც 700 მეტრიანი ფრიალო კლდით მთავრდება. ამგვარი „ატრაქციონის“ გაფიქრებაზეც კი შიში გვიპყრობს, მაგრამ იგი ნამდვილად არსებობს. ეს არის მატეკანეს აეროპორტი აფრიკის ლესოთოს სამეფოში.

ბილიკი აქ იმდენად მოკლეა, რომ აფრენის დროს მფრინავებს გარკვეული დროით ვარდნა უწევთ, რომ თვითმფრინავმა საჭირო სიჩქარე აკრიფოს და გასწორდეს.

გისბორნის აეროპორტი

ეს ახალი ზელანდიის აეროპორტი ასევე მსოფლიოს ყველაზე სახიფათო აეროპორტების სიაში შედის. პირდაპირ მთავარი ასაფრენი ბილიკის გარდიგარდმო რკინიგზა გადის. ცოტა ხნის წინ დისპეტჩერები მუდმივად კოორდინაციას ახდენდნენ თვითმფირნავების აფრენასა და დაფრენას მატარებლების მოძრაობის გრაფიკთან. ქარიშხლის შედეგად გზა დაზიანდა და დაიხურა, მაგრამ აეროპორტი დღემდე ფუნქციონირებს და მხოლოდ სატვირთო ფრენებს ახორციელებს.

გიბრალტარის აეროპორტი

ყველა მაშინვე როდი ამჩნევს, თუ რა აქვს განსხვავებული ამ აეროპორტს. მაგრამ ფოტოს ორიოდე წამის განმავლობაში დათვალიერების შემდეგ, ისინი ამბობენ: „ოჰ, რა საოცრებაა!“ დიახ, ასაფრენი ბილიკი აქ პირდაპირ ქალაქის მთავარ ქუჩაზე გადის. თვითმფრინავის დაფრენის დროს ყველა მანქანა უნდა გაჩერდეს და გაატაროს.

კურშაველის აეროპორტი

საფრანგეთის ალპების სამთო-სათხილამურო კურორტზე, კურშველზე, 600 მეტრიანი ასაფრენი ბილიკი ციცაბო კლდით მთავრდება, საიდანაც თვითმფრინავი ვარდება, რომ შემდეგ აფრინდეს. აფრენა და დაფრენა აქ ასევე ძალიან რთულია ძლიერი ქარისა და ნიადაგის მოყინვის გამო. მხოლოდ სპეციალურად სერტიფიცირებულ მფრინავებს შესწევთ ძალა ასეთი დავალება შეასრულონ.

აგატის აეროპორტი

ლაკშადვიპში (ინდოეთი) ამ აეროპორტში ასაფრენ ბილიკს ინდოეთის ოკეანე აკრავს გარს. მგზავრებს შესანიშნავი შესაძლებლობა აქვთ ილუმინატორიდან ბრწყინვალე ხედებით დატკბენ. მაგრამ ეს თითქმის ერთადერთი უპირატესობაა, რადგან დაფრენა აქ ნამდვილად სახიფათოა: მფრინავის უმცირესი შეცდომა – და კატასტროფის აცდენა შეუძლებელია.

ასევე წაიკითხეთ:

Posted in ბლოგი, კრებულები and tagged .